1 Pedro 2:16 - Nuevo Testamento Toba Sombrero Negro

¹⁶ Aniyamaĝachela't qa'a ja ami 'te necoñetae's, qalaĝaja ena'te aueñetapega da'me auachiyoĝochiyaye da'me ami uojotedañi male auaqanachichi ta'le auauoyi da'me jo'ne ja no'en. Nach'edata da'me aniyamaĝachela't qa'a ami lalemaĝaje'te joñe'me Dios.

Nuevo Testamento Toba Sur

¹⁶ Qami' qoñiita'amo' qome ca shiÿaxaua ÿataqta huesochiguiñi, qalaxayi sa ishit da qau'ogoxoñiÿa da qami' huesochiyiñi da qau'ochi ca sa ÿaÿamaxañi. Chaqdato' da qoñiita'am da ÿataqta qami' l-lataqa ñi Dios.

La'aqtaqa Ñim Lo'onatac 'Enauacna 2013

¹⁶ Qami' huesochiyiñi cha'aye qauo'onataxañiitacot Ñim Lo'onatac 'Enauacna. Qalaxaye saishet da souaxat da qami' huesochiyiñi, nache ishet da qauo'oche ca qauem.

1 Pedro 2:16 Referans Kwoze

Gálatas 5:13

Ami yaqaya'olqa, Dios ami yiyaĝanalo qaedi ami uojotedañi. Qalaĝaja ena'te aueñetapela't adoĝochi da'me ami uojotedañi ta'le taue q'aen da'me a'vichi ga'me ja no'en. Dite da'me anecochiyapega't qa'a 'uo da'me adoqopich'ii.

Romanos 6:22

Qalaĝaja nayi, auachiyoqoitelo'te naa'me adoecodi' da'me ami uojotedañi, male a'uoĝoñiuo'o da'me a'uonataĝañiuo'o ñe'me Dios. Dojo' qamqa'me eja 'uo ga'me anaviquila't, qa'a da'me chiyaqayi nach'eda 'noyaĝac 'me ja 'naidena'a.

1 Corintios 7:22

Qa'a ga'me jo'ne nelatac qom qoyiyaĝana qaedi napeteneguet ñe'me Cristo joga'me male joote lalemaĝajet ñe'me Jaliaĝanec. Nach'e naq'aeta da'me qom qoyiyaĝana ga'me jiyaĝaua jo'ne uojotañi, joga'me male joote Cristo lelatac.

Romanos 6:18

Da'me male ami uojotedañi da'me aĝañidegue gaa'me adoecodi', qanach'e ami male ayoue da'me a'vichi da'me yataqatelegue.

Gálatas 5:1

¡Yataqachiñe eja da'me male qo'mi uojotedañi, qa'a nach'eñe ñe'me Jesucristo qo'mi yejodegue! Chane'eja ena'te oquiya'e da'me dojo' ami qoyejodegue, uotaĝa ta'le a'viyelaqaiya da'me yitaĝa ami lelataqa daa'me namaĝajoĝonaĝaco.

Santiago 1:25

Qalaĝaja ga'me jo'ne ja yapalaĝate'ta da'me jo'ne domachiya, nach'ega jo'ne yec'aten nataq'aen da'me yelo'tegue da'me namaĝajoĝonaĝac jo'ne yataqatelegue eja, 'uo da'me 'nemaĝac nataq'aen da'me nach'e eta't da'me chimaqategue, nataq'aen da'me yoqo'cha da'me en yepaquichigui da'me jo'ne mach'e eeta da'me dojo' namaĝajoĝonaĝac, qama'le nach'eda jo'ne nach'e eta't en matac ga'me jo'ne 'yetetac.

Santiago 2:12

Chane'eja da'me ami, 'noota qom aniyamaĝachila't da'me a'uaqataĝañetac, qaedi di'yoq da'me male auachitaque da'me anec'atenaguequi jo'ne chiyaqayi da'me namaĝajoĝonaĝac jo'ne e'n ami uojotedañi.

Efesios 6:6

Qama'le nach'ena jena'me jenjo' nach'e eta't auauoyi, ja nach'edata da'me auauoyi nale ami yec'ate'tape jogaa'me adejaliaĝanaqadi'. Da'me ami nach'e ena'am ami lalemaĝaje'te joñe'me Cristo, qama'le 'noota qom yataqata a'nañaĝachi da'me auauoyi ga'me loequenataĝanaĝac joñe'me Dios.

2 Pedro 2:19

Jogaa'me eedapega da'me 'yaĝatetedac da'me ladiquiyaĝac da'me 'noyaĝac 'me yelo'tegue da'me 'nemaĝac, qalaĝaja nach'egaua jo'ne uetedaue da'me lejomaĝac queda'me lelataqa da'me neleuaĝa. Qa'a gaa'me jiyaĝa'u onolqa'tape lelatac ga'me jo'ne equegue jo'ne 'uo da'me lañoqotaĝanaĝac.

Colosenses 3:24

Qa'a joote auayachiñe da'me 'uo qomle ga'me anejetenaguequi, qa'a ñe'me Jaliaĝanec ami yanema qomle ga'me adajo'vii. Da'me ami yataqachiñe a'uonataĝañi'uo joñe'me Cristo, jo'ne yataqatelegue Adejaliaĝanequi.

Mateo 23:13

“¡Degueja da'me adachoĝodequi qomle ami judiopi napaĝaguenoqo'tpi nataq'aen fariseopi 'me ja ejoda! Ami jo'ne auapadiñigueta gaa'me jiyaĝa'u laqaya' queda'me jetaque tadoue da'me lejaliaĝa joñe'me Dios, naqa'ami jo'ne ja auaqanachichi ta'le ayoue joda'me, choqoda'me ja auajeñe'tema gaa'me jo'ne jetaque tadoue.

Judas 1:4

Qa'a uo'oe gaa'me jo'ne ch'e ami yeuomaĝanouelo joda'me loqovinaĝanaĝaco qaedi ami tauelo. Nach'egaua jo'ne joote uaqatetelo'te daa'me nedii's jo'ne Dios 'laqataqa joca'li, queda'me joote qoyeloĝonaĝateda'a da'me Dios le'uaĝanaĝanaĝac, nach'egaua ga'me jiyaĝadipi jo'ne yataqachiñe etaĝaloĝoiquipi. Nataq'aen ch'e yacoteguet da'me lichoĝodenataĝanaĝac joñe'me Dios qama'le ena'am ta'le ch'e yayaquiaĝa'n qaedi 'yete'tape naa'me mach'e loeco jo'ne lequejeguetaĝa. Nataq'aen nematedapec joñe'me Qadadipa mach'e Qadejaliaĝanec Jesucristo.

1 Ts 2:5

Qa'a ami joote auayachiñe da'me ja auañiya ta'le ch'e ji'yoĝodenaqatac ga'me qadojaĝac, uotaĝa ta'le 'uo ga'me qadapaĝaguenataĝanaĝac jo'ne jenaĝa chiyaqayi ga'me qo'mi qoyejete'n. Jena'me jenjo' yataqata Dios joote yayaten nach'eñe qo'mi nelota'ñalo.

Juan 15:22

“Jogaa'me te'me qaya'te ta'le laviyaĝajet, da'me ta'le ja ñanaequena da'me jojapegue'to. Qalaĝaja nayi qaya'te nichoĝodenataguec queda'me yajouaĝat jonaa'me mach'e loeco;