1 Pedro 2:15 - Nuevo Testamento Toba Sombrero Negro

¹⁵ Qa'a naq'aeta da'me loequenataĝanaĝac ñe'me Dios: qom auauoyi da'me chimaqachiñe, qama'le jogaa'me jo'ne qaya'te layatenaĝanaĝac nataq'aen jogaa'me chiyoĝo's qaya'te ladi'j ta'le ami dachinataĝalo'te.

Nuevo Testamento Toba Sur

¹⁵ Cha'ayi ñi Dios nshitaique da qami' qau'ochi ca ÿaÿamaqchiguiñi, yaqto' qaica ca llic naq'en ca l'aqtac nam qaica ca ÿaÿajnapec qataq 'oopaicpi.

La'aqtaqa Ñim Lo'onatac 'Enauacna 2013

¹⁵ Ñim Lo'onatac 'Enauacna huotaique da qauo'oche ca ỹaỹamaqchiguiñi, yaqto' na shiỹaxauapi maye qaica ca ỹaỹaanapec, qaica ca qami' ỹasaxaleguete qarasouaxashechi.

1 Pedro 2:15 Referans Kwoze

1 Pedro 3:17

Chane'eja qom 'uo da'me adachoĝodequi, 'noota ta'le yajouaĝat da'me auauoyi da'me 'noota, qa'a naq'aeta da'me jo'ne 'yamaqaten joñe'me Dios. Qama'le ja ena'am da'me auauoyi da'me ja no'en.

Tito 2:8

nataq'aen yataqatelegue, qaedi qaya'te gamachaqaega 'uo da'me 'lenaĝanataĝanaĝac, nataq'aen qaedi 'uo da'me lepocoĝo gamachaqaega te'me qo'mi nautetapegalo, qa'a ja tayet da'me qo'mi yachalo'te ga'me ja no'en.

1 Pedro 2:12

A'nañaĝachiyec da'me 'noota qom ovitauelo jogaa'me ja p'etaqadayaqa, qaedi jogaa'me, mate mane'e uo'oe gaa'me 'laqataqa nayi da'me e'n ami laute'u, qama'le ena'am ta'le naqa'ami jo'ne te'me ja 'noe'n da'me at'onataqadi', qalaĝaja qom yauata ga'me 'noota jo'ne auauoyi qama'le 'nonaĝachidegue joñe'me Dios qom yovita ga'me nolo' jo'ne p'ategue, qom qonaloqote'n naa'me mach'e 'lonataqa onolqa'tape jena'me jiyaĝadipi.

Mateo 7:26

Qalaĝaja qom ja a'vichi da'me jo'ne ja'aĝatetac, qama'le aueñiya'am ga'me chiyoĝojec jo'ne yanalegue ga'me pogaĝanaĝa ga'me 'lemec ca'li 'noĝojeguem.

1 Ts 5:18

Auañem adamaiqui joñe'me Dios, qa'a nach'ena jena'me jenjo' yataqata paquetapega da'me ami, jouaĝat da'me ami p'etaqadayaqa, yataqata auep'iiya'a joñe'me Cristo Jesús.

1 Ts 4:3

Ga'me yataqata 'yamaqaten joñe'me Dios, 'noota ta'le ga'me at'oyaĝaqui yataqata aueñi 'noota, chayovida'a da'me ja 'nalegue, nataq'aen ena'te 'uo joga'me leuaua jaga'me ja loua.

2 Pedro 2:12

Naajo' jiyaĝa'u jo'ne ena'ama ga'me yejidipi: qaya'te layatenaĝanaĝa'j, ch'e quetedapegue' da'me lec'atenaĝanaĝa'j, qama'le niyidiñe qaedi taida'a da'me qoyaconalo nataq'aen da'me qoyala't, nataq'aen da'me yojoue'n da'me jo'ne ja yayate'n. Qalaĝaja yele'u jo' qomle qama'le qo'eetema gaa'me yejidi da'me qoyala't,

Romanos 1:21

Qa'a mate mane'e yateto'n ñe'me Dios, qalaĝaja eetede'em da'me ja naqaeñe ñe'me Dios da'me ja 'nonaĝachidegue, uotaĝa ta'le yate'm da'me lamai'j. Ja naq'aeta, dite da'me chayovida'a yovideta da'me nichiyoĝojoĝo'j naa'me lelnataĝaco nataq'aen naa'me lai'li yataqachiñe uetayelo da'me 'lalaĝa.

Judas 1:10

Qalaĝaja jenjo' jiyaĝadipi yataqata ja 'noe'n gaa'me 'laqataqa jo'ne yedaĝatapegalo jogaa'me jo'ne ja yateto'n. Nataq'aen ga'me te'me latetonaĝanaĝa'j ena'am ga'me jiyac jo'ne qaya'te yatetonac, qama'le qom 'uo ga'me yauote, nach'ega jo'ne 'naĝa't jogaa'me.

1 Pedro 4:2

qaedi male ja que'teguelo naa'me ch'e lamaico da'me nejiyaĝauayaĝac. Nach'edata da'me male yauotac da'me jo'ne chiyaqayi da'me loequenataĝanaĝac joñe'me Dios, nayi yemeda naa'me noloqo'ote.

1 Timoteo 1:13

qa'ejole ca'li ja 'noe'n nale gaa'me ñenaĝatedegue jo'ne je'n yeloteda'a nale ñe'me Jesús, jecaa'tape jogaa'me lalemaĝaje'te nataq'aen da'me je'ue'tape, jeetapegalo ja 'noe'n. Qalaĝaja ñe'me Jesús yataqata jayem yichoĝoden, qa'a yajouaĝat da'me maliaĝa ja jep'iya'a joñe'me, nataq'aen yataqata ja jayaten joga'me jauotac, yataqata jejomac.

Tito 3:3

Qa'a joca'li nach'e ena'am qo'mi chiyoĝo's nataq'aen qoleguetaĝanaĝaiquipi; qadejometac ca'li nataq'aen qo'mi lecoñetae's yema gaa'me yodapecache 'me lamaico jena'me aleua. Jouaqatauelo ca'li gaa'me ja 'noe'n nataq'aen nep'aguenataĝanaĝaco, qo'mi qoniquiyatapegalo nataq'aen qo'mi quiyaĝanataqaiquipi.

Gálatas 3:1

Ami Galacia laje', ¡yataqachiñe ja ami 'te damite' qaedi maqachaĝa auetadenataĝañi! ¿Jach'e jogamaĝa ami yeda'n? Naqayem joote ami janema ga'me yoqotenaĝanaĝac jo'ne yataqachiñe di'yoqo'tegue, ga'me eeta da'me leleuaĝa ñe'me Jesucristo ca'li qoyep'elegue jaga'me sodoso.

Mateo 25:2

Cinco gaa'me 'uo da'me nichiyoĝojoĝo'j nataq'aen laqaya' cinco qamqa'me yatenaĝanaĝail.

1 Pedro 3:16

Qalaĝaja 'noota qom aueñe'tem ta'le qaya'te adi'yoĝodiqui nataq'aen da'me ami machidiñe. Nataq'aen da'me aueñi da'me adelnataĝaqui jo'ne 'uo da'me 'nemaĝac, qaedi gaa'me jo'ne ami ye'ue'tape yajouaĝat da'me auep'iiya'a joñe'me Cristo, mach'e nepocoĝolo'te jo' qomle naa'me mach'e 'laqataqa.