1 Pedro 2:12 - Nuevo Testamento Toba Sombrero Negro

¹² A'nañaĝachiyec da'me 'noota qom ovitauelo jogaa'me ja p'etaqadayaqa, qaedi jogaa'me, mate mane'e uo'oe gaa'me 'laqataqa nayi da'me e'n ami laute'u, qama'le ena'am ta'le naqa'ami jo'ne te'me ja 'noe'n da'me at'onataqadi', qalaĝaja qom yauata ga'me 'noota jo'ne auauoyi qama'le 'nonaĝachidegue joñe'me Dios qom yovita ga'me nolo' jo'ne p'ategue, qom qonaloqote'n naa'me mach'e 'lonataqa onolqa'tape jena'me jiyaĝadipi.

Nuevo Testamento Toba Sur

¹² Qaq ÿataqta no'on qome qanqashiñi da qadataxaqui da qoñiitangui nam sa ÿauatton ñi Dios. Qaq yaqto' namayipi ishit da ila'a cam ÿaÿamaqchiguiñi qau'ochiitac, nachi ishit da ÿi'oxoden ñi Dios qom ivita ca na'a'q da ñimayi nmitna, qaq nai'ctaxa nagui da qauema naua ltaxaÿaxaco da qami' detaqtegalo, qalaq 'eeta'am naq'en ca qalota na ÿasouaxat.

La'aqtaqa Ñim Lo'onatac 'Enauacna 2013

¹² Qataq ỹataqta qano'onaxache da qarataxaqui da qoviitaigui cam shiỹaxauapi maye saishet da ỹa'amaqten Ñim Lo'onatac 'Enauacna. Yaqto' na'aictaxa da saishet da qami' iyacna'ape nagui da qami' detaqtegalo, 'eeta'am naqa'en da qami' 'etaxaloxoicpi, qalaxaye namayepi ila'a qome ca ỹaỹamaqchiguiñi qaro'onataxanaxaqui, nache ỹo'oxoreetac Ñim Lo'onatac 'Enauacna qom ivita ca na'a'q da ñi 'oonolec da qoñiita ỹaneuo da lo'onataxanaxac.

1 Pedro 2:12 Referans Kwoze

1 Pedro 3:16

Qalaĝaja 'noota qom aueñe'tem ta'le qaya'te adi'yoĝodiqui nataq'aen da'me ami machidiñe. Nataq'aen da'me aueñi da'me adelnataĝaqui jo'ne 'uo da'me 'nemaĝac, qaedi gaa'me jo'ne ami ye'ue'tape yajouaĝat da'me auep'iiya'a joñe'me Cristo, mach'e nepocoĝolo'te jo' qomle naa'me mach'e 'laqataqa.

Mateo 5:16

Nach'e naq'aeta ga'me 'yoqochiñe jo'ne ami netayelo, 'noota qom yecoyadelo'te ga'me jiyaĝadipi, qaedi yauata daa'me onaĝayaqa 'me at'onataqadi' qama'le 'nonaĝachidegue joñe'me Dios.

2 Corintios 8:21

Qo'che' ja'aedenaqatac da'me 'noota ga'me je'etaq, ja jaldata da'me qa'a yauana ñe'me Jaliaĝanec dite nach'e ena'am gaa'me jiyaĝa'u.

1 Ts 4:12

Qama'le auauoyi jena'me jenjo' qaedi male yataqata ami qo'yamaqate'n chayovida'a da'me ami 'yamaqate'n joga'me ja p'iida'a jena'me jenjo' 'noota, nataq'aen qaedi qaya'te adouenaĝanaĝaqui.

1 Timoteo 4:12

At'oiya'aguet qom uo'oe gaa'me ja am 'te 'yamaqate'n queda'me am yaloĝo'n da'me am nejoqolec, mac da'me auaconeguet da'me onaĝaic anejiyaĝauayaĝac, qaedi yataqata am yelodelegue gaa'me Dios lec'oqo'te, qa'a jouaĝat da'me onaĝaic adojaĝac choqoda'me at'oyaĝac, chayovida'a da'me adoqopich'i, da'me t'adaic adepe'e, nataq'aen da'me yataqata am yauata da'me am jiyaĝaua jo'ne yataqata qaya'te auepita'a jena'me aleua.

Santiago 3:13

Qom 'uo ga'me ami uetauelo jo'ne yatenaĝanaĝaic nataq'aen da'me yayatenegueta ena'uac, 'noota qom da'me 'loyaĝac en di'yo't jodaa'me 'lonataqa jo'ne onaĝayaqa, queda'me qaya'te da'me li'yoĝodenaĝac 'me chiyaqayi da'me layatenaĝanaĝac.

Filipenses 1:27

Nach'edata da'me yataqata aviyamaĝachetac da'me anejiyaĝauayaĝaqui, oquitapegue' da'me 'laqatac joñe'me Cristo, uotaĝa da'me yitaĝa ami jec'atalo uotaĝa ja naq'aeta, qa'a jetaque jomachiya queda'me nach'e eta't a'nañaĝachela't, yataqata onolec joda'me auauoyi nataq'aen onolec joda'me adeloiquiaĝaqui, nach'eda da'me ademiyalegue da'me adepi'i jo'ne chiyaqayi da'me 'naqataĝanaĝac jo'ne onaĝaic.

2 Corintios 1:12

'Uo da'me chiyaqayi da'me qani'yoĝodenaĝac, nach'eda da'me qadetadenataĝanaĝac qo'mi 'yaĝatema queda'me yataqachiñe ja 'nalegue da'me qadajoĝoc nataq'aen ja jauoqo 'te lale'gue jo'ne ua'ña jena'me aleua, nataq'aen p'ajaye dojo' jo'ne ami joqote'tagueta. Qo'mi ja ñajenaqa'teguet ta'le qo'mi yaue'j da'me ch'e jiyaĝaua layatenaĝanaĝac, dite da'me jep'iyaqa ñe'me Dios da'me 'uo da'me leyalaqataĝanaĝac.

2 Pedro 3:11

Yema gaa'me uo'oe male qoyolaĝachigui qomle. Chane'eja da'me ami, ¡'noota qom let'adaic da'me anetelaĝaqui nataq'aen da'me nach'e eta't aueñi yoqovita da'me at'oyaĝaqui da'me oquitapegue' ñe'me Dios!

Romanos 13:13

'Noota qom onaĝaic nataq'aen yoqovita ga'me jauoqo queda'me jouaqaue ga'me yoqochiñe, ena'te auec'achiya ga'me neualaĝayaĝac jo'ne ja yataĝalegue, chayovida'a da'me ena'te ami taĝayaqa nataq'aen da'me ja no'en qom 'uo joga'me jetaque yejam, laqaya da'me 'noota ta'le qaya'te qadamanaĝa jo'ne ja no'en.

Romanos 12:17

Ena'te gamachaqaega a'viyelaĝachiyeguet da'me ja no'en. Anepogoĝoiñiyapega da'me nach'e eta't a'vichi da'me 'noota nale auajoyiya'agueta gaa'me adaqayadi'.

Hebreos 13:18

Ena'te aĝañiñi da'me qo'mi auajelaĝañilo'te, qa'a jayatenaq da'me qo'mi uetauelo da'me qadelnataĝac jo'ne onaĝaic, qama'le jetaque ñiyamaĝataqatapeguet yema.

1 Timoteo 2:2

Nataq'aen anetameñilo'te nale gaa'me p'ajodaye nataq'aen jogaa'me jaliaĝanaqa, qaedi 'uo da'me qat'achaqa'yaĝac 'me 'noota, uotaĝa qo'mi yataqata machidiñe, choqoda'me 'uo da'me qadepe'e chayovida'a onaĝaic da'me qadoec.

Filipenses 4:8

Ami yaqaya'olqa, jeetapega naq'aeta jenjo' 'yaqatac nayi. 'Noota qom analoqochiñe nale jena'me jenjo' 'noota ladic, chayovida'a da'me jo'ne yataqata qo'nonaĝachigui. Qama'le nach'e eta't auenache'ta da'me eja nataq'aen da'me chimaqachiñe, da'me yataqatelegue nataq'aen da'me ja 'nalegue, da'me onaĝaic nataq'aen da'me qoyiyamaĝaden.

Efesios 4:22

Chane'eja ena'te yitaĝa auacoñiyeguet ga'me at'oyaĝaqui toijec jo'ne te'me ami 'naĝa't ca'li, jouaĝat gaa'me namaico jo'ne ja ejoda.

Hebreos 13:5

Ena'te auepichiya'a jaga'me laicaua, dite da'me anetoñetapec da'me uo'oe jo'ne mach'e adoqochidi', qa'a 'uo da'me 'laqatac ñe'me Dios, eet'oi: “Da'me jayem yataqata ja am 'te jeca'e, uotaĝa ta'le am jeguem.”

Romanos 15:9

Nataq'aen naequena joca'li qaedi ga'me ja judiopi nach'e ena'am 'nonaĝachidegue joñe'me Dios, qa'a 'uo da'me lichoĝodenataĝanaĝac, naq'aeta da'me 'yaĝatetac naa'me nedii's jo'ne eet'oi: “Qo'che' am 'ñonaĝachigui da'me jouetauelo gaa'me yodapecache jiyaĝadipi, Nataq'aen jo'o'tape gaa'me nalaco 'me 'yaĝatetedac da'me adenaĝat.”

Lucas 19:44

Nataq'aen yataqachiñe yapalaĝat; nimichidiñe qoye'n ga'me jo'ne netedaue di'me noic, nataq'aen ja yachetedai'ñdi ga'me qa' jo'ne uetalegue ga'me laqaya, qa'a ja auatetoñiyeguet ga'me laloqo' da'me Dios ami dejapichiyalo.”

Mateo 10:25

Chane'eja qaya'te yepaguejaque laqaya ga'me napaĝaguenatac qom joote ena'am ga'me napaĝaguenoqo't, nataq'aen ga'me nelatac qom joote ena'am ga'me ladipa. Qom qoyenapega Beelzebú ñe'me net'a, ¿jach'e jogamaĝa 'naqataqa jo'ne qoyachalo'te qomle gaa'me 'lachaqadiaĝa'u jo'ne mach'e c'oqo'tolqa?

Mateo 5:11

“Nataq'aen ami made'tapolqa qom 'uo ga'me jiyaĝadipi jo'ne ami yejoue'tape nataq'aen ja no'en da'me ami 'yeteque, nataq'aen qom yajouaĝat da'me jayem, qama'le ami qoyedolo'te ga'me yodapecache noqovinaĝanaĝaco 'me t'aĝanataĝana'ape.

1 Pedro 4:11

Qom 'uo ga'me yayaten da'me t'aqataĝan, qama'le 'noota qom 'yaĝatema gaa'me 'laqataqa joñe'me Dios. Nach'e ena'am qom 'uo ga'me laqaya jo'ne lecochiyalo gaa'me laqaya', qama'le 'noota qom yapoteneguet da'me 'lañaĝac jo'ne yanem joñe'me Dios. Yema ga'me 'noota jo'ne a'vichetac, 'noota qom a'vichi qaedi male nach'e ena'am qo'nonaĝachigui joñe'me Dios, yajouaĝat da'me nach'eñe joñe'me Jesucristo jo'ne loĝot da'me 'noyaĝac choqoda'me nañoqotaĝanaĝac jo'ne ja pal. Jaja'a, nach'e naq'aeta da'me dojo'.

Efesios 2:3

Nach'e ena'am da'me qo'mi: ca'li yataqata naq'aeta da'me mach'e qanejiyaĝauayaĝac, jauoqo joga'me ch'e qadelnataĝac uotaĝa qadamanaĝanaĝac jo'ne yataqata ja no'en, qama'le yataqata jouaqatoue joga'me lalemataic ñe'me Dios, jenaqa'ama gaa'me jiyaĝa'u laqaya' jo'ne ja 'noe'n.

2 Corintios 13:7

Nayi ñachoĝodenaqatapecot ñe'me Dios qaedi qaya'te gamachaqaega ja no'en auauoyi. Ja naqaeda ta'le jaloĝonaĝa ga'me jiyaĝadipi da'me jaĝaue ga'me qanapiyenaguec, nach'edata da'me qaedi ami a'vichi ga'me 'noota, mate mane'e qo'mi ena'am ta'le qaya'te qadomataĝanaĝac.

1 Corintios 14:25

qama'le joga'me yechoĝot ga'me uetaue joga'me lauel, qama'le nachoĝodenot joñe'me Dios nataq'aen 'nonaĝachigui joñe'me nataq'aen enaac queda'me yataqachiñe eja ami uetauelo joñe'me Dios.

Hechos 24:13

Chane'eja ena'uaque naa'me naajo' qoyen yaviyaĝaco ja yaqanate't ta'le eetapega ejoda joga'me ñaviyaqatoqo'tpi.

Hechos 15:14

Simón qo'mi 'yaĝatetapema da'me eeta queda'me yemta nayi Dios yotaua'n joga'me ja judiopi, nataq'aen 'yatetelo'te joga'me noic jo'ne mach'e c'oqo'tepi.

Lucas 6:22

“Ami made'tapolqa qom ga'me jiyaĝadipi ami niquiyatapegalo, uotaĝa qom ami qo'yodetapegue'to, nataq'aen qom ami qoyejoue'tape chayovida'alo naa'me adenaĝachi qo'yota'tape ena'am ta'le ja no'en, qa'a yajouaĝat da'me jayem oquiyegue, mach'e jayem jo'ne yataqachiñe Jiyaĝaua Lec'oĝot.

Lucas 1:68

“¡'Noota qom qo'nonaĝachigui joñe'me Jaliaĝanec, jo'ne Qanedios, mach'e qo'mi jo'ne qo'mi Israel laje'pi, Qa'a naequena qaedi qo'mi nec'alaĝatedegue, mach'e qo'mi lec'oqo'tepi!

Mateo 9:8

Ca'li yauata da'me dojo', yataqachiñe t'oi'y ga'me jiyaĝadipi, qama'le 'nonaĝachidegue joñe'me Dios queda'me yaloĝonouelo da'me lañoqotaĝanaĝac joga'me jiyaĝadipi.

Hechos 25:7

Ca'li Pablo yenoĝoneuo, joga'me judiopi jo'ne chiyoqoda'a di'me Jerusalén yec'atede'uo ca'li qama'le lama'aja da'me uo'oe qayoĝode' qoyen laviyaĝaco, mate mane'e jogaa'me ja yaqanate't ta'le yataqachiñe eja yachimaĝachichidiñe.

Juan 13:31

Joca'li male joote ec ñe'me Judas, qama'le yitaĝa joñe'me Jesús dojapegue'to jogaa'me lapaĝaguenataqa, qama'le enaac: —Male qoyaloĝon joda'me 'lonaĝac joñe'me Dios, yajouaĝat da'me male jayem qo'nonaĝachigui, jo'ne naqayem Jiyaĝaua Lec'oĝot.

Hechos 28:22

Qama'le nayi jetaque jomachaĝa ga'me adelnataĝac, qa'a ena'uaque gaa'me ale'u lael jayatenaq ga'me qonautetapega dojo' dalaĝaic napaĝaguenataĝanaĝac.

Romanos 14:18

Qama'le jogaa'me jo'ne naq'aeta da'me t'onataĝadeuo'o joñe'me Jesucristo, nach'egaua eja da'me male yataqata yiyamaĝade'n joñe'me Dios, nataq'aen jena'me jiyaĝadipi nach'e ena'am da'me qouatec'alo.

1 Timoteo 5:10

Nataq'aen yataqata qoyayaten da'me onaĝaic 'lonataĝanaĝac ca'li: qom yataqata netelalo jogaa'me c'oqo'te, nataq'aen da'me 'uo da'me loqopich'i nale qodejapichiya, nataq'aen da'me joote yataqata yichoĝode'n gaa'me Dios lec'oqo'tepi, chayovida'a da'me lecochiyalo nale jogaa'me 'uo da'me lachoĝode'j, nataq'aen nach'e eta't yauo'oe gamachaqaegaua 'lonataqa jo'ne 'noote'.

1 Pedro 2:15

Qa'a naq'aeta da'me loequenataĝanaĝac ñe'me Dios: qom auauoyi da'me chimaqachiñe, qama'le jogaa'me jo'ne qaya'te layatenaĝanaĝac nataq'aen jogaa'me chiyoĝo's qaya'te ladi'j ta'le ami dachinataĝalo'te.