1 Pedro 2:11 - Nuevo Testamento Toba Sombrero Negro

¹¹ Ami yaqaya'olqa, ami jo'ne aueñiya'ama jogaa'me ja 'lachaqa'tena 'me ch'e oquitalegue jenjo' aleua, ami ñachoĝodenoto da'me ena'te auauoyi ledaqa't naa'me lamaico ga'me anejiyaĝauayaĝaqui jo'ne deloiquitedapegue' da'me at'oyaĝaqui.

Nuevo Testamento Toba Sur

¹¹ Qami' ÿaqaÿadolqa, qami' mayi qoñiita'am ñaqshin ca sa ishit da nqajlec ca lañoqo', qami' ñachoxodeetoiguilo da sa ishit qome da qauauo'oi ca ldaqa' ca 'eetapeguec da qadapachiyaxaqui mayi iloquiaxaatac da qanachaalataxaqui.

La'aqtaqa Ñim Lo'onatac 'Enauacna 2013

¹¹ Qami' ñauochaxau' ỹaqaỹarolqa maye sa'amaqtenaqtac So Cristo, qami' qoñiita'am ca chegaqauec maye cara'acolec da hueta'a ana 'alhua. Saisheto' da qoquiitalec da maiche qaralamaxache qarqopitaxanaqtaiqui, cha'aye da qauo'oche damaye, nache qami' iqataqche't.

1 Pedro 2:11 Referans Kwoze

Gálatas 5:24

Qama'le qo'mi da'me joote jouaqa'tot ñe'me Jesucristo joote jenaĝa yeleualegue jaga'me sodoso da'me qanejiyaĝauayaĝac loecoyaĝac nataq'aen gaa'me ja 'noe'n lamaico.

1 Pedro 4:2

qaedi male ja que'teguelo naa'me ch'e lamaico da'me nejiyaĝauayaĝac. Nach'edata da'me male yauotac da'me jo'ne chiyaqayi da'me loequenataĝanaĝac joñe'me Dios, nayi yemeda naa'me noloqo'ote.

Hebreos 11:13

Nach'ediaua dia'me jiyaĝa'u yataqata p'iida'a joñe'me Dios chayovida'a da'me yele'u, qalaĝaja ja yacoteguet gaa'me uo'oe jo'ne Dios te'me 'yaĝatema, dite da'me ena'am ta'le yauanalo da'me te'me qaya'alo. Qama'le yataqata made'tapolqa ca'li jodia'me, mate mane'e da'me nechoĝotela'ajalo da'me ena'am ta'le ja 'lachaqa't jena'me aleua joca'li.

Romanos 8:13

Qa'a qom oquitalo'te ga'me ch'e adamaicodi', qama'le adelevi: qalaĝaja qom jouaĝat da'me chiyaqayi ñe'me Dios Lepaqal da'me aualachi' daa'me adamaicodi', qama'le adec'aliyegue.

Santiago 4:1

¿Jach'e joga'me chiyoĝogue joga'me nalada't nataq'aen da'me aueloiquiitapega't da'me ami? Jona'me jo'ne ja no'en 'me namaico jo'ne nach'e eta't deloquitapega'ajalo 'me uetauelo jona'me adai'lidi'.

2 Timoteo 2:22

Chane'eja oca'e da'me lamai'j jenaa'me joĝodipi, nataq'aen auelaque da'me chimaqachiñe, ena'te aĝañi da'me adepe'e, adoqopitalo gaa'me adaqaya', chayovida'a da'me auaconeguet jena'me 'nemaĝac; oquetapegue'to jogaa'me uetedaue da'me yoqovichiguilo naa'me lai'li jo'ne yiyaĝatot nale joñe'me Jaliaĝanec.

2 Corintios 7:1

Ami yaqaya'olqa, Dios joote qo'mi yaqataĝana'aque da'me 'laqatac. Qo'che' 'noota qom ja jauoqo ga'me ja no'en, dite da'me nach'e eta't jenaĝa qaya'a ga'me qadoec qaedi Dios qo'mi yaconegueta. 'Noota qom 'ñonaĝataĝaye ñe'me Dios, nataq'aen 'noota qom ja'aedenaqatac da'me ja 'nalegue ena'am joñe'me.

Romanos 12:1

Chane'eja, ami yaqaya'olqa, yajouaĝat da'me lichoĝodenataĝanaĝac ñe'me Dios, ami ñachoĝodenouelo da'me 'noota qom mach'e ami auec'achiya joñe'me Dios ena'am ta'le najaqajec jo'ne nec'aletaye, ja 'nalegue jo'ne jama ga'me laetayaĝac 'me qoyanem ñe'me Dios. Naqaena jena'me 'nemaĝac 'me yataqatelegue auañem joñe'me.

Efesios 4:1

Chane'eja jayem jo'ne jayem necoñetaejec nayi qa'a jouaĝat joñe'me Qadejaliaĝanec, male yataqata ami ñachoĝodenouelo, 'noota ta'le yataqata anechoĝodeñela't, qa'a naq'aeta da'me ami qoyiyaĝanalo ca'li, qaedi oviyaue jena'me jenjo' Dios lec'oqo'tepi.

Romanos 7:23

Qalaĝaja jauana ga'me jayem netaye jo'ne nautena ga'me 'lañaĝac ga'me yelnataĝac: nach'ega lamaĝajoĝonaĝac ga'me etaĝaloĝoc 'me jayem netaye, nataq'aen jayem yecoñedeta't.

Hechos 15:29

ena'te yitaĝa aualiqui ga'me lapat ga'me jiyac jo'ne qoyanegue nataq'aen qoyigoue da'me qoyanot ga'me qop'iyapegalo, 'noota qom ena'te aualiqui ga'me jiyac jo'ne ch'e qoyechiyoqot, ena'te aualiqui jaga'me tauo' nataq'aen achiya'agueta gaa'me 'nonáĝaco jo'ne ja qoyajete'. Qom nataq'aeta aviyamaĝachi' naa'me naajo', nach'eda chimaqachiñe ga'me at'onataqui. Qadet'a ami ue'tajopa.”

Lucas 21:34

“Achiya'aguet: ena'te ademiya'alo gaa'me namanaĝanaĝaco uotaĝa ta'le ami taĝayaqa uotaĝa ta'le diyachitapiyelo naa'me adai'lidi' queda'me cha'li 'uo da'me at'oyaĝaqui nayi, qaedi ga'me nolo' qomle ja ami 'te yepelaĝa't da'me ami ualo'te

1 Pedro 1:17

Nale anetameñiyot joñe'me Dios qama'le aueñiyaac: “Am Qadet'a.” Qalaĝaja joñe'me qayaua'te liquiyaqa da'me yec'ate'n onolqa'tape joga'me jiyaĝadipi, da'me naloqote'n qom maliaĝa uo'oe gaa'me loeco. Chane'eja 'noota qom nach'e eta't da'me ademiya'a da'me a'nonaĝachiyegui joñe'me, yemeda naa'me noloqo'ote da'me cha'li oñeta'ña jena'me aleua.

2 Corintios 6:1

Da'me qo'mi male je'etaq ga'me 'lonatac ñe'me Dios; qo'che' ami ñachoĝodenaqatapecoto qaedi ena'te aualajaĝañiya yema da'me loqopich'i ñe'me Dios jo'ne ami yaloĝonalo.

2 Corintios 5:20

Chane'eja nach'e qo'mi lamaĝa's ñe'me Cristo qaedi ja'aĝataqatac joñe'me, nataq'aen ena'am ta'le nach'eñe ñe'me Dios ami nachoĝodetapecoto qaedi anaquiaĝañiya da'me qat'aqataĝanaĝac. Qama'le ñe'me Cristo qo'mi 'yelopeque da'me ami ñachoĝodenaqatapecoto qaedi auacoñiyeguet da'me 'lemaĝac ñe'me Dios jo'ne ami yanema.

Hechos 15:20

Jaldata da'me jedenaqatenaĝalo jaga'me qadediije qaedi queda'e yema ga'me jo'ne t'aĝanataĝa'n nale jouaĝat ga'me qop'iyapegalo, 'noota ta'le t'oida'aguet ga'me nonáĝaco jo'ne ja qoyajeta nataq'aen 'noota ta'le ja yali'j ga'me lapat ga'me jiyac jo'ne ouaĝaic uotaĝa jaga'me tauo'.

1 Pedro 1:1

Jayem Pedro, da'me jayem lamaĝajec joñe'me Jesucristo, male ami jamaĝalo da'me yep'iyenataĝanaĝac, da'me ami jo'ne lagaĝaiquipi 'me oñita'ña ga'me jo'ne p'aye joga'me te'me at'achaqadi', gaa'me ale'u lael jo'ne lenaqa'te da'me Ponto, Galacia, Capadocia, Asia nataq'aen di'me Bitinia.

Efesios 2:19

Chane'eja ami jo'ne ja ami 'te judiopi male ja ami 'te yaqa'alo, yataqata qaya'te yecolaĝate'ga, male nayi yataqata oviyaue jena'me Dios lec'oqo'tepi, male auaqanachichi da'me aviyaĝañiyeguet joñe'me qa'a male yataqata ami Dios lec'oqo'tepi.

Hebreos 6:9

Ami yaqaya'olqa, temaqaedi naq'aeta da'me dojo' jo'ne ami ja'aĝatema, qalaĝaja da'me joote jayaten da'me eja da'me ovitaue da'me 'noota ladic jo'ne yelo'tegue da'me nec'alaĝa.

1 Pedro 4:12

Ami yaqaya'olqa, ena'te adoualiya'a ga'me anapiyenaguequi jo'ne ami novitalo, 'me ena'am ga'me dole' jo'ne ami yaviyaĝa't, da'me uotaĝa ami uañelo ga'me jo'ne ja qoyauana ca'li.

2 Pedro 3:1

Ami yaqaya'olqa, naajo' yedii's male dos gaa'me nedel 'me ami jamaĝalo. Da'me mach'e 'yamaqatenataĝanaĝac naa'me dos nedel uedaye da'me ami japaĝagueneque, da'me ami jayatenaĝanaĝaneque da'me jo'ne chimaqategue.