1 Pedro 2:1 - Nuevo Testamento Toba Sombrero Negro

¹ Chane'eja 'noota qom aĝañidiñi ena'uaque naa'me yodapecache jo'ne ja 'noe'n. Ena'te auoqovinaĝañetac, uotaĝa ta'le ja ami 'te yataĝalo'te, uotaĝa ta'le 'uo ga'me adep'aguenataĝanaĝaqui uotaĝa ga'me ade'uenaĝanaĝaqui.

Nuevo Testamento Toba Sur

¹ Qaq ÿoqo'oyi no'on qome da qai'axañiiuec 'enauac na ÿotta'a't sa ÿaÿamaxañisat. Sa ishito' da qauatenataxañiitac, qataq sa ishit da dos naua qoquiitagueto, qataq sa ishit da qaupa'aguiñiitac ca qadÿai, qataq sa ishit da qami' n'aqtaqa l'o'.

La'aqtaqa Ñim Lo'onatac 'Enauacna 2013

¹ Qaq ỹoqo'oye iuen da qaỹa'axañiiñi da qauo'ocheetac na qauem. Saisheto' da qauatenataxañiitac, qataq saishet da dos naua qoquiitegueto, qataq saishet da qami' quiỹaxanaqtaqaiqa, qataq saishet da qami' na'aqtaqa lo'o'.

1 Pedro 2:1 Referans Kwoze

Efesios 4:31

Aĝañiñi da'me anaucheñiya ga'me adaqayai; ena'te aualemataitac; ena'te aueloiquiitapega't; ena'te auachinataĝañilegue ga'me adaqayai uotaĝa ta'le a'uotañi nale.

Santiago 1:21

Chane'eja da'me ami, 'noota qom aniyochela't, aĝañidiñi yema gaa'me jo'ne paĝachiguilo, nach'e ena'ama gaa'me etaĝaloĝoco jo'ne ja najataĝayaqa, qama'le da'me ami ooyaĝayaqa, 'noota qom auacoñiyeguet da'me dojo' napaĝaguenataĝanaĝac jo'ne joote qoyaañi, qa'a da'me dojo' napaĝaguenataĝanaĝac nach'eda jo'ne 'uo da'me lañoqotaĝanaĝac qaedi ami e'n nec'alaĝategue.

Santiago 4:11

Ami yaqaya'olqa, 'noota qom nach'e eta't da'me a'uamaqachiñe' gaa'me adaqayadi', qa'a joga'me jo'ne en ja no'en na'me 'laqatac 'me yachalegue joga'me jo'ne mach'e laqaya, choqoda'me naloqote'n, nach'ega jo'ne nach'e ena'am da'me en ja no'en ga'me 'laqatac q'aen da'me yejouetac da'me Dios lamaĝajoĝonaĝac, queda'me ya'uo da'me mach'e laloqotenaĝanaĝac da'me dojo' namaĝajoĝonaĝac. Qama'le nach'ega jo'ne ja yoqo'cha da'me dojo' Dios 'laqatac.

1 Pedro 3:10

Qa'a naa'me nedii's jo'ne qoyedidiñe joca'li eet'oi: “Joga'me jo'ne jetaque noqopita da'me 'noyaĝac Nataq'aen da'me tauelo jogaa'me noloqo'ote jo'ne machidiñe, 'Noota qom netela na'me lachaĝat qaedi ja 'yaĝatetac ga'me ja no'en Nataq'aen na'me nedegaĝat qaedi ja nenaĝategue ga'me noqovinaĝanaĝac.

1 Pedro 4:4

Qalaĝaja nayi da'me male ja aualequechiñe da'me napacalo'te ja 'noe'n q'ae'n da'me nejiyaĝauayaĝa'j jogaa'me ja p'etaqadayaqa; qo'che' jogaa'me male loualeteguet qama'le ami ye'ue'tape.

1 Pedro 4:2

qaedi male ja que'teguelo naa'me ch'e lamaico da'me nejiyaĝauayaĝac. Nach'edata da'me male yauotac da'me jo'ne chiyaqayi da'me loequenataĝanaĝac joñe'me Dios, nayi yemeda naa'me noloqo'ote.

Santiago 5:9

Ami yaqaya'olqa, 'noota qom ena'te adouelitapegalo jogaa'me adaqayadi' nataq'aen jogaa'me laqaya', qaedi ja ami 'te qoye'uaĝa'n qomle, qa'a ñe'me Dios nach'eñe jo'ne loqotenaĝanaĝaic 'me joote uetauet nayi ñe'me jom.

Hebreos 12:1

Chane'eja da'me qo'mi, queda'me uo'oe naajo' jiyaĝa'u jo'ne qayoĝode' 'me qo'mi dajota'ualo, naqaegaua jo'ne joote daloĝonataĝata da'me lepe'e', qama'le 'noota qom cha'li jaĝanaĝadiñi yema naa'me jo'ne qo'mi nauatapegueta choqonaa'me mach'e qadoeco jo'ne e'n qo'mi lecoñetae's. Qa'a da'me qadadiquiaĝac ena'am ta'le ga'me ñaqalegoĝojoĝoc, qama'le 'noota qom yataqata qo'mi vidiaqayaqa, yataqata 'ñañaĝataĝaguet da'me qomitaĝac jo'ne qo'mi ue'tajopa, da'me jo'ne mach'e jajoqo'tague.

1 Timoteo 3:11

Nataq'aen jogaa'me yauo' jo'ne jetaque uedaue jena'me jenjo', 'noota ta'le yauo' jo'ne onaĝayaqa loec, ja 'noota ta'le quejaĝail, 'noota ta'le yataqata joĝodail, uotaĝa yataqata ejoda nale 'uo ga'me yauote.

1 Pedro 2:22

Joñe'me Cristo qaya'te 'uo ga'me loec nataq'aen qaya'te ta'le 'uo ga'me yoqovi'n.

Tito 2:3

Nach'e naq'aete' gaa'me 'yaĝainadi' 'noota qom yataqatelegue da'me 'loyaĝa'j, nataq'aen ja quejaĝail, uotaĝa ta'le lataĝa lete'. 'Noota qom yauote da'me onaĝaic qaedi qoyadenaĝa't

1 Corintios 14:20

Ami yaqaya'olqa, ena'te auadenaĝachi' daa'me lelnataĝaco jogaa'me ñoqolqa. Yataqachiñe 'noota ta'le aueñiya'ama jogaa'me 'najodolqa jo'ne ja yauote ga'me ja no'en, qalaĝaja 'noota ta'le gaa'me adelnataĝacodi' joote 'yaĝayaqa.

Romanos 1:29

Yataqachiñe nejaqachiguilo da'me 'letaĝaloĝo'j jogaa'me, da'me nequejeguetaĝa, nemite'tae jana'me laicaua, nataq'aen da'me ja no'enpi. P'aguenataĝanaĝayaqa, lataĝanaĝayaqa, loequiaĝaiquipi, qovinaĝanaĝaiquipi, denataĝanaĝaiquipi.

Lucas 6:42

Qom ja auetadenac na'me adetauoĝojet jo'ne t'adaic 'me netaye jana'me at'aete, ¿teua'atoqo' auojapegue' ga'me adaqaya: «Am yaqaya, cha'li jayem auaje'tem ta'le ñaqat na'me adetauoĝojet 'me netaye jana'me at'aete»? ¡Ja am 'te eja! Cha'li 'uaeñe anaqat na'me epaq 'me netaye jana'me mach'e at'aete, qama'le naq'aeta da'me male auauatalegue da'me anaqat ga'me letauoĝojet ga'me adaqaya jo'ne netaye jaga'me mach'e 'laete.

Mateo 23:28

Naq'aeta da'me ami: ga'me p'aye da'me anejiyaĝauayaĝaqui aualoĝoñi da'me ena'am ta'le yataqatelegue nale ami yec'ate'n jogaa'me jiyaĝa'u; qalaĝaja naa'me adai'lidi' najaqachiguilo daa'me ja ejoda nataq'aen daa'me ja 'noe'n.

Mateo 7:5

¡Ja am 'te eja! Cha'li 'uaeñe anaqat jaga'me epaq jo'ne netaye jana'me mach'e at'aete, qama'le naq'aeta da'me male auauatalegue da'me anaqat ga'me letauoĝojet ga'me adaqaya jo'ne netaye jaga'me mach'e 'laete.

2 Corintios 12:20

Jo'oyapega nale jenate'ta qom ami jec'atalo da'me ami jejapichiyalo, qama'te jauana ga'me at'oyaĝaqui jo'ne ja ja'amaqaten, nataq'aen jayem auañiya ga'me 'yoyaĝac jo'ne ja naqaega ta'le jetaque auañiya. Jo'oyapega ta'le ami jejomalo'te da'me aueloquitapega't, uotaĝa aualemataitapega't, 'uo da'me 'yotaĝac, nachinataĝanaĝac, novidaqataĝanaĝac, 'yoĝodenaĝac nataq'aen qaya'te niyamaĝa ami uetauelo.

Apocalipsis 14:5

Ja qodomachiya gamachaqaega noqovinaĝanaĝac ta'le nenaĝatedegue, qa'a nach'enaua qaya'te laviyaĝaje't.

1 Pedro 2:16

Aniyamaĝachela't qa'a ja ami 'te necoñetae's, qalaĝaja ena'te aueñetapega da'me auachiyoĝochiyaye da'me ami uojotedañi male auaqanachichi ta'le auauoyi da'me jo'ne ja no'en. Nach'edata da'me aniyamaĝachela't qa'a ami lalemaĝaje'te joñe'me Dios.

Santiago 4:5

'Uo da'me jo'ne 'yaĝatetac jonaa'me nedii's, eet'oi: “Yataqachiñe 'uo da'me lep'aguenataĝanaĝac ñe'me qadepaqal jo'ne qoyanaue jona'me qadauel.”

Santiago 3:14

Qalaĝaja da'me ami qom auauoyi joda'me ladiiuo da'me nep'aguenataĝanaĝac jo'ne yalemataĝanaĝa'n jonaa'me adai'lidi' nataq'aen auauoyi da'me jo'ne ja 'namaqatenataĝanaĝac qama'le 'noota qom ena'te ch'e ani'yoĝodeñiyeguet joda'me adayatenaĝanaĝaqui, qa'a ch'e anoqoviñetapela't nataq'aen ena'am ta'le ja ami 'te uetauelo joda'me yataqatelegue eja.

1 Ts 2:3

Qa'a ja qadejometac ca'li ami japaĝaguenaq, nataq'aen ja chiyaqayi ga'me qadelnataĝac jo'ne paĝachigui, uotaĝa ga'me qadoqovinaĝanaĝac.

1 Corintios 5:8

Chane'eja, da'me qat'oyaĝac ena'am nale qonetotapec ga'me nolo', qalaĝaja 'noota qom ja qolaqatelegue da'me ja no'en jo'ne ja yiyamaĝaden ñe'me Dios, da'me jo'ne ena'am jaga'me pan jo'ne uetaye ga'me nalequetenaĝanaĝat 'me toijec. Nach'edata da'me qolaqatelegue da'me yataqatelegue choqoda'me eja, da'me jo'ne ena'am jaga'me pan jo'ne nedochiñe qaya'te lale'gue.

Juan 1:47

Mane'e da'me yauana ñe'me Jesús da'me nec'ata ñe'me Natanael qama'le eetac: —Jenjo' jo'ne naequena yataqachiñe yataqatelegue Israel le'ec, nach'ena jo'ne qaya'te loqovinaĝanaĝac.

Lucas 11:44

“¡Degueja qom'te da'me adachoĝodequi! Qa'a aueñiya'ama gaa'me napa'lpi lete' jo'ne ja 'nae'te yauata, qama'le ga'me jiyaĝadipi tadelo'te, da'me ja yayate'n.”

Lucas 12:1

Qamaliaĝa ue'tedi, qama'le yema'a't ga'me jiyaĝadipi yataqachiñe jalcote ga'me, qama'le 'uo ga'me pelo'te gaa'me laqaya'. Jesús male dojapegue'to gaa'me lapaĝaguenataqa: “Achiya'aguet ga'me lalequetenaĝanaĝat gaa'me fariseopi, jo'ne nach'eda ch'e nenaĝatedegue da'me yataqatelo'te.

Marcos 12:15

Qalaĝaja Jesús yateton da'me ch'e yatenate't joñe'me qama'le enaac: —¿Toqoch'e jayem anapogoqochi? Yaĝa, cha'li jayem aualoĝoñiya jaga'me anaicauai jo'ne denario, qaedi jec'aten.

Mateo 24:51

Qama'le ya'uo da'me ne'uaĝanaguec, yamaĝaue da'me yepagaqate'tegue da'me lachoĝode'j jogaa'me ja ejoda, ua'a da'me noyenaĝac nataq'aen yoqolavina't jonaa'me lodaitel.

Mateo 15:7

¡Ja ami 'te ejoda! Yataqachiñe ejoda naa'me 'laqataqa ca'li ñe'me Dios 'laqataĝanaĝanec Isaías ca'li joote ami 'yaĝa'tape da'me enaac: