1 Pedro 1:7 - Nuevo Testamento Toba Sombrero Negro

⁷ Qa'a da'me adepi'iyaĝaqui ena'am jaga'me oro, da'me youen da'me qoyapiyenec ga'me lauaq ga'me dole', qaedi qoyayaten da'me yataqata yoqovita, qaya'te lale'gue. Qa'a ga'me nepe'e jo'ne ja yaqanatet da'me napiyenaguec, napacalegue da'me lajo'viyaĝac jaga'me oro jo'ne 'uo ga'me loiquiaqa'. Qama'le naq'aeta da'me adepi'i da'me ami, qom ja yaqanatet da'me napiyenaguec, qama'le 'uo qomle da'me aniyamaĝadenataguequi choqoda'me adi'yoĝodiqui nataq'aen da'me at'onaĝaqui, qom yovita ga'me nolo' p'ategue qom yataqata di'yo'quena joñe'me Jesucristo.

Nuevo Testamento Toba Sur

⁷ Cha'ayi dam qadpi'iÿaxaqui qami' 'eeta'am ca oro da iuen da qaÿi'iguenec ca nodec, da yaqto' qaÿaÿaten da ÿoqta no'on. Qaq ca npi'iÿaxac mayi nala'aguet da ñi'iguenataguec, nachi ÿataqta napacalec da lyac ca oro mayi taÿa'a da imeuo. Qaq ÿoqo'oyi qami' de'eda qadpi'iÿaxaqui da huo'otaq nachi 'eetec de'eda da qaÿi'iguen, nachi ÿataqta qaÿaÿamaxadeeta, qataq huo'o da lli'oxoyic qataq ñi'oxonnataguec qom ivita da nachaxan ca Jesucristo.

La'aqtaqa Ñim Lo'onatac 'Enauacna 2013

⁷ Cha'aye dam qarpi'iỹaxaqui Ñim Lo'onatac 'Enauacna maye qami' neto'oto, 'eeta'am na lcat oro: qaq 'eeta'am da 'eetec da lyac na lcat oro da qaiỹo da qaỹasaxangui ca norec, qaq nache 'ena'am da qarpi'iỹaxaqui Ñim Lo'onatac 'Enauacna da qaỹe'eguen, chegoqchigui na lqalaiguesat. Qaq ỹoqo'oye qami' de'era qarpi'iỹaxaqui da huo'otaq nache 'eetec de'era da qaỹe'eguen, nache ỹataqta napacalec da lyac ca lcat oro, cha'aye que'eca lcat oro ishet da dolagui. Qaq nache 'eetec So Jesucristo qom nachaxan, nache ỹataqta qaỹaỹamaxareeta qataq huo'o da ño'oxonnataguec dam qami' hueto'oto qarpi'iỹaxaqui Ñim Lo'onatac 'Enauacna.

1 Pedro 1:7 Referans Kwoze

Santiago 1:12

Matac ga'me jiyaĝaua qom napogaĝadeneguet da'me napiyenaguec qama'le yaqanatet da'me 'nañaĝateguet, qa'a qom yovida'a da'me male ye'm daa'me napiyenagueco, qama'le yaconeguet ga'me lomataĝanaĝac jo'ne nec'alaĝa 'me qaya'te loiquiaqa'. Nach'eda da'me nec'alaĝa jo'ne Dios 'yaĝatema jogaa'me jo'ne noqopideta.

1 Pedro 4:12

Ami yaqaya'olqa, ena'te adoualiya'a ga'me anapiyenaguequi jo'ne ami novitalo, 'me ena'am ga'me dole' jo'ne ami yaviyaĝa't, da'me uotaĝa ami uañelo ga'me jo'ne ja qoyauana ca'li.

Romanos 2:7

Yanem da'me 'loyaĝac 'me ja 'naidena'a jogaa'me jo'ne 'nañaĝadetec da'me yelodaque, da'me 'lonaĝac ñe'me Dios da'me ja yitaĝa pal.

1 Corintios 3:13

Qom yovita ga'me p'ategue nolo', qama'le onolqa'tape qoyauana ga'me 'lonataqa, qa'a ga'me dole' yaloĝon, nataq'aen ga'me dole' yapiyen ga'me 'lonata'j jogaa'me, qom nalo'taguet ga'me dole' uotaĝa ja naq'aeta.

Judas 1:24

Ñe'me Qadet'a Dios 'uo da'me lañoqotaĝanaĝac qaedi ami netela'aque da'me ta'le auachiyaqaijeguem, qama'le ami nechalataĝadoue queda'me qaya'te adejamaĝataĝaqui nataq'aen ami jaqachiguilo joda'me adamaiqui qom auajoiya'aguet da'me 'lonaĝac joñe'me.

2 Pedro 1:4

Naa'me naajo' jo'ne uo'oe, nach'enaua jo'ne chiyaqauelo da'me jo'ne qo'mi 'yaĝatema jo'ne yataqachiñe let'adayaqa nataq'aen da'me jalcote da'me lajo'viyaĝac, qaedi naa'me naajo' jo'ne uo'oe e'n auañoĝochi da'me aneuañiya'uo da'me lajoĝoc ñe'me Dios qama'le nach'e ena'am da'me ami yaĝa'n da'me neleuaĝa jo'ne chiyaqayilo naa'me ja 'noe'n jo'ne lelnataĝaco ga'me loeco lo'olpi 'me uetedalegue jena'me aleua.

1 Pedro 2:4

Chane'eja anichiquii'uo nayi joñe'me Qadejaliaĝanec Jesús jo'ne ena'am ga'me qa' 'me yataqata nec'aletaye. Ga'me jiyaĝadipi 'yota'n ca'li joñe'me, qalaĝaja nach'eñe jo'ne Dios liquiyac nataq'aen da'me 'uo da'me lajo'viyaĝac let'adaic.

Mateo 25:21

Ñe'me lejaliaĝanec enaac: «¡Yataqachiñe 'noota da'me at'onatac nataq'aen am yataqatelegue! Qama'le queda'me a'nañaĝatela't da'me aue'et ga'me jaleca, nayi jalcote ga'me am jepotaneguet. ¡Ayala, anec'ata ñe'me adejaliaĝanec qaedi am ñetonaĝaua!»

Apocalipsis 3:10

Da'me ami yataqata auoqochiya'a da'me 'yaqatac queda'me yataqata anapogaĝadeñi. Chane'eja yataqata ami ñetelalo qomle, qom yovita ga'me laloqo' qom 'uo ga'me lachoĝodaiqui' joga'me jiyaĝadipi, da'me qoyapiye'n yema joga'me aleua laje'pi.

Apocalipsis 2:10

Ena'te at'oiya ga'me jo'ne qoyen adachoĝodequi qomle, queda'me nac qomle joñe'me payac da'me yanauelo jaga'me coñetaĝanaĝaiqui jogaa'me qayoĝode' da'me ami, qaedi ena'uac da'me ami qoyapiye'n, qama'le nach'e ena'am da'me qoye'n adachoĝodequi chayovida'a da'me yenoĝodegue gaa'me diez noloqo'ote. Chane'eja 'noota qom nach'e aueñeta't da'me oquitalegue da'me adepi'i jo'ne yataqatelegue chayovida'a qom adeleviyalegue, qama'le da'me jayem male ami janema da'me adec'alaĝaqui jo'ne adomataĝanaĝachi.

Apocalipsis 1:7

¡A'vicheta't! ¡Cristo na'taquena qomle da'me nalegue ga'me piyem lo'oc! Qama'le yema ga'me jiyaĝadipi male yauata, Chayovida'alo jogaa'me nalatoqo't nach'e ena'am da'me yauata joñe'me; Qama'le yema joga'me jiyaĝadipi jo'ne uedalegue jena'me aleua male 'uo da'me lachoĝode'j yajouaĝat joñe'me. Chane'eja naq'aeta da'me dojo'. Jaja'a, nach'e naq'aeta da'me dojo'.

1 Corintios 4:5

Chane'eja da'me ami, ena'te aueñi gamachaqaega adec'atenaĝanaĝaqui qom maliaĝa ja novitequena ga'me nolo' qom 'niyelaq ñe'me Jaliaĝanec; cha'li auajoyiya'a ñe'me Jaliaĝanec qom novi' qama'le nach'eñe yachiyoĝotaue ga'me 'lalaĝa ga'me jo'ne qoyoĝotetapiñe qaedi 'yoqotelegue q'aen. Qama'le qoyaloĝon ga'me jo'ne jalchi'ena yepaquetapegalo joga'me. Qom yem da'me dojo' qama'le nach'eñe ñe'me Dios yanema da'me qaedi qo'nonaĝachiguilo jogaa'me.

Hechos 8:20

Chane'eja Pedro 'yateguet: —¡'Noota qom jaga'me anaicaua am qoyemeguet, yajouaĝat da'me jetaque auen tayí jaga'me anaicaua ga'me jo'ne yeyala'ac ñe'me Dios!

Juan 12:26

Qom 'uo ga'me jo'ne jetaque jayem t'onataĝaneuo'o, 'noota qom jayem equegue. Qama'le ga'me joue'ta da'me jayem, nach'e ena'am ue'ta ga'me jo'ne jayem lecochiya. Qom 'uo ga'me jayem lecochiya, ñe'me Taĝadena' nataq'aen 'nonaĝachichigui joga'me.

Juan 5:44

¿Teua'atoqo' jayem auep'iiya'a da'me ami, qom auacoñiyeguet ga'me li'yoĝodenataĝanaĝa'j jogaa'me adaqayadi', qama'te ja aueloyaque ga'me ni'yoĝodenataĝanaĝac jo'ne chiyoĝogue ñe'me Dios jo'ne onolec?

Lucas 12:33

Auemeñi ga'me jo'ne auañiya, nataq'aen auañema gaa'me 'uo da'me louenaĝanaĝa'j; 'noota qom auauoyi da'me dojo' qa'a ena'am ta'le a'vichiyeque gaa'me adoĝoiqui'idi' ta'le ja yedalo'te da'me toye's, qama'le naq'aeta da'me 'uo da'me adeuoyaĝaqui 'me ua'ague di'me piyem, 'me qaya'te loiquiaqa'. Nach'edi di'me qaya'te yaqanatet ta'le decachi, nataq'aen qaya'te 'uo ga'me potoĝolo ta'le 'naĝat da'me en dec'oyi.

Mateo 25:23

Ñe'me lejaliaĝanec enaac: «¡Yataqachiñe 'noota da'me at'onatac nataq'aen am yataqatelegue! Qama'le queda'me a'nañaĝatela't da'me aue'et ga'me jaleca, nayi jalcote ga'me am jepotaneguet. ¡Ayala, anec'ata ñe'me adejaliaĝanec qaedi am ñetonaĝaua!»

Mateo 19:28

Jesús 'yategueta jogaa'me: —Eja ami ja'aĝatema queda'me qom yovita ga'me nolo' laloqo' da'me ena'uac qoyadalaĝat, qom jayem jo'ne Jiyaĝaua Lec'oĝot jonaue ga'me p'ajaye yañoqotaĝanaĝac, ami jo'ne jayem oquitapegue' nach'e ena'am oñiyañelo qomle ga'me doce je'onaĝaiqui' 'me nejaliaĝaiqui qaedi ami lo'ol da'me auajoyiya'agueta da'me animichii' gaa'me chiyoĝogueta gaa'me doce Israel c'oqo'tepi.

Apocalipsis 3:18

Qo'che' 'uo da'me ami jaqatalo nayi: jayem anec'achiya qaedi aneuodeñiya jaga'me oro jo'ne yoqovita q'aen ga'me dole' lauaq, qaedi male ami yataqatelo'te neuoyaĝadi, nataq'aen jayem anec'achiya qaedi aneuodeñiyalo gaa'me nouo jo'ne pagaĝayaqa, qama'le auaiñidiñe qaedi auapadiñelegue da'me adepocoqoilegue da'me adajaleuaĝa, qama'le nach'e ena'am aneuodeñiya ga'me natadenataĝanaĝat qaedi auachiyañilo naa'me at'aechidi' qama'le yitaĝa aneloitegue.

2 Pedro 1:1

Jayem Simón Pedro, da'me jayem necochoqo't joñe'me Jesucristo nataq'aen da'me jayem lamaĝajec joñe'me, ami jamaĝalo da'me yep'iyenataĝanaĝac, da'me ami jo'ne joote auacoñiyeguet da'me nepe'e jo'ne yataqachiñe onaĝaic, yajouaĝat da'me ami yichoĝode'n joñe'me Qanedios jo'ne Qadec'alaĝaiqui mach'e Jesucristo, nach'eñe jo'ne yataqachiñe yataqatelegue. Chane'eja da'me adepi'i male ena'am da'me jo'ne mach'e qadepe'e.

1 Pedro 2:7

Ami jo'ne auep'iiya'a joñe'me yataqata a'uamaqachiñe da'me 'uo da'me lajo'viyaĝac let'adaic. Qalaĝaja uo'oe gaa'me jo'ne ja p'iida'a, qama'le yepaquichigui da'me 'yaĝatetedac jonaa'me nedii's jo'ne qoyedidiñe joca'li, eet'oi: “Ga'me qa' jo'ne 'yota'n jogaa'me onataĝanaĝayaqa, Male taue da'me neleguemaĝata ga'me qa' 'me t'añiyapeguet ga'me emec.”

1 Pedro 1:5

Yajouaĝat da'me adepi'i jo'ne ami uetauelo, joñe'me Dios jo'ne 'uañaĝaic yataqata ami de'uolo'te, qaedi ami yovidaĝateda'a da'me nec'alaĝa jo'ne mach'e liyamaqatac, jenjo' jo'ne qoyaloĝon jo' qom'te jogaa'me noloqo'ote jo'ne p'atedegue.

Romanos 2:29

Ga'me yataqachiñe yataqatelegue judío le'ec nach'ega p'auo, nataq'aen da'me am netaye da'me nichaĝajoĝonaĝac mach'e loĝot na'me adauel ja naqaeda ta'le chiyaqalegue ga'me qoyediñe, dite ñe'me Dios Lepaqal. Ñe'me jo'ne naq'aeta, nach'eñe da'me niyamaĝadenataguec, qalaĝaja ja chiyaqayi ga'me ch'e jiyaĝaua dite ñe'me Dios.

Lucas 17:30

Nach'e naq'aeta qom'te ga'me nolo' jo'ne jayem di'yo'quena, mach'e jayem Jiyaĝaua Lec'oĝot.

Romanos 2:10

Qalaĝaja, ena'uaque jogaa'me jo'ne 'yetedac da'me 'noota qamqa'me Dios yanema da'me 'lonaĝa'j nataq'aen da'me li'yoĝodi'j nataq'aen da'me 'lemaĝa'j, nach'e ena'am 'uaediñe joga'me judiopi, yem qama'le nach'e ena'am joga'me ja judiopi.

Romanos 8:19

Yema gaa'me 'lonatacpi ñe'me Dios 'uo da'me lidiaĝa ga'me nolo' qomle jena'me lec'oqo'tepi ñe'me Dios da'me male qoyaloĝo'n.

1 Pedro 1:13

Chane'eja 'noota qom aneloyitaye nataq'aen aniyamaĝacheta't qaedi auauoyi gaa'me at'onataqadi' jo'ne onaĝayaqa, qama'le auachiyaue yema da'me mach'e adeuataqataĝanaĝaqui da'me lichoĝodenataĝanaĝac joñe'me Dios jo'ne ami qoyanema qom yovita ga'me nolo' p'ategue qom yataqata di'yo'quena joñe'me Jesucristo.

1 Pedro 4:13

Nach'edata da'me ami made'tape, yajouaĝat da'me nach'e ena'am ami ua'ajopa daa'me lachoĝodeco joñe'me Cristo, qaedi nach'e ena'am najaĝaye da'me adamaiqui qom yataqachiñe di'yoq da'me 'lonaĝa joñe'me da'me yitaĝa novitequena jo' qomle.

1 Pedro 5:1

Nayi ami jaqatalo, ami 'yaĝaicachidi jo'ne ami lajoĝola'te gaa'me p'etaqadayaqa, queda'me nach'e ena'am jayem 'yaĝaicachigui jo'ne ja'aĝatetac da'me jo'ne lachoĝodec joñe'me Cristo, qama'le nataq'aen jouetaue qomle da'me 'lonaĝa joñe'me jo'ne qo'mi di'yoĝoma jo' qomle.

2 Pedro 3:14

Chane'eja, ami yaqaya'olqa, da'me cha'li auachetaque da'me dojo', 'noota qom ena'te aueñi qalaq da'me dojo', qaedi ñe'me Dios ami yauanalo da'me 'uo da'me at'emaĝaqui, nataq'aen yema da'me ami yoqovite' choqoda'me qaya'te adaviyaĝaje'che.