1 Pedro 1:5 - Nuevo Testamento Toba Sombrero Negro

⁵ Yajouaĝat da'me adepi'i jo'ne ami uetauelo, joñe'me Dios jo'ne 'uañaĝaic yataqata ami de'uolo'te, qaedi ami yovidaĝateda'a da'me nec'alaĝa jo'ne mach'e liyamaqatac, jenjo' jo'ne qoyaloĝon jo' qom'te jogaa'me noloqo'ote jo'ne p'atedegue.

Nuevo Testamento Toba Sur

⁵ Qataq souaxat da qami' huo'o da qadpi'iÿaxaqui ñi Dios, nachi ñimayi qami' npaxattalguete naq'en da l'añaxac, da yaqto' qaviyiÿa'aguet ca nca'alaxa mayi ÿaqataxaatapigui' ñimayi da qami' ÿauattonaxanaxanque caua pa'atreec na'axa'te.

La'aqtaqa Ñim Lo'onatac 'Enauacna 2013

⁵ Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

1 Pedro 1:5 Referans Kwoze

Filipenses 1:6

Yataqata 'noota da'me 'lonataĝanaĝac joñe'me Dios jo'ne ami uauelo ca'li yemta, qama'le naajo' noloqo'ote male en nichiquetedaye da'me auep'iiya'a joñe'me, chayovida'a ga'me nolo' qom yitaĝa 'niyelaq joñe'me Jesucristo.

Efesios 2:8

Chane'eja ami joote qonec'alaĝatedegue, jouaĝat da'me auacoñiyeguet da'me loqopich'i ñe'me Dios. Qaya'te da'me ami 'uo ga'me eetapega dajelaĝanec da'me nec'alaĝa; ja naq'aeta, yejamaq da'me ch'e qo'mi qoyanema, ñe'me Dios yataqata qo'mi paquetapegalo.

1 Pedro 1:13

Chane'eja 'noota qom aneloyitaye nataq'aen aniyamaĝacheta't qaedi auauoyi gaa'me at'onataqadi' jo'ne onaĝayaqa, qama'le auachiyaue yema da'me mach'e adeuataqataĝanaĝaqui da'me lichoĝodenataĝanaĝac joñe'me Dios jo'ne ami qoyanema qom yovita ga'me nolo' p'ategue qom yataqata di'yo'quena joñe'me Jesucristo.

Judas 1:1

Jayem Judas 'me jayem lalemaĝajet joñe'me Jesucristo, nataq'aen jayem lanoqolec joñe'me Santiago, ami janema naa'me naajo' yedii's, da'me ami jo'ne ami noqopitalo joñe'me Qadet'a Dios nataq'aen ami netelalo joñe'me Jesucristo, qa'a joote ami yiyaĝanalo joñe'me Qadet'a, ami yiyota'alo qaedi yataqachiñe ami e'n lec'oqo'tepi.

Hebreos 9:28

Chane'eja nach'e ena'am ñe'me Cristo onolec da'me qo'yaĝateuo, qama'le qoyen najaqajec jo'ne onolec, qaedi doĝotaĝaneque gaa'me loeco jogaa'me jiyaĝa'u jo'ne qayoĝode'. Qama'le qom'che male yitaĝa di'yoq, male ja naqaenaua naa'me qadoeco ta'le nec'atalo, dite da'me male nec'alaĝatedegue jogaa'me jo'ne yeuatetedaque.

2 Timoteo 3:15

anetouetac ca'li am jaqayi, joote auayaten jaga'me Dios 'laqataqa lae't, jo'ne nach'aga am yaloĝo'tague ga'me jetaque aua'uo, nataq'aen male am yauedoue da'me nec'alaĝa jo'ne qaya'te loiquiaqa', jouaĝat da'me yataqata auep'iya'a ñe'me Cristo Jesús.

Gálatas 2:20

qama'le male ja naqayem ta'le mach'e jec'aletaye, dite ñe'me Jesucristo 'me nec'aletaye nach'eñe jayem nec'aletaye q'aen. Qama'le nayi jec'aletaye yajouaĝat da'me jep'iya'a ñe'me Lec'oĝot ñe'me Dios, qa'a ñe'me jayem noqopita nataq'aen najetoue da'me leleuaĝa qaedi jayem nec'alaĝategue.

Juan 17:15

Qalaĝaja ja jiyaĝanaque da'me aue'n queda'e jena'me aleua, dite da'me aueuolo'te, ena'te auaje'tema da'me ja no'en.

Tito 2:13

'Noota qom naq'aeta da'me jauoqo qa'a 'uo da'me qadajoĝonataĝanaĝac ga'me 'uo qomle jo'ne qo'mi e'n made'tapolqa: qom male qoyaloĝon da'me 'lonaĝac joñe'me Jesucristo qom 'niyelaq, nach'eñe jo'ne mach'e Qanedios p'ajaye nataq'aen mach'e Qadec'alaĝaiqui.

Efesios 3:17

Qama'le ñachoĝodetapecot joñe'me Dios qaedi joñe'me Jesucristo uauelo naa'me adai'lidi', qa'a jouaĝat da'me yataqata auep'iiya'a joñe'me nataq'aen qaedi da'me adoqopich'i nach'eda da'me chiyaqayi yema ga'me auauoyi,

Romanos 11:20

'Noota da'me auenaac, qalaĝaja qoyichaĝadegue qa'a qaya'te lepi'iyaĝa'j, qama'le am onetaye jaga'me qa'a jaldata da'me 'uo da'me adepe'e. Chane'eja ena'te ani'yoĝodela't, dite da'me 'noota qom at'oiyapega.

Juan 12:48

Ga'me jo'ne ja jayem 'te 'yamaqaten nataq'aen da'me ja yoqocha'alo naa'me 'yaqataqa, joote 'uo na'me naviyaqatoqo't: naa'me 'yaqataqa jo'ne joote ñenaĝatedegue nach'enaua jo'ne mach'e naviyaqatoqo't jogaa'me, qom novita ga'me nolo' jo'ne p'ategue.

Juan 5:24

“Eja da'me ami ja'aĝatema: ga'me jo'ne naquiaĝanalo naa'me 'yaqataqa nataq'aen p'iya'a ñe'me jo'ne jayem namaĝaquena, qama'le yauana da'me lec'alaĝa jo'ne qaya'te loiquiaqa', nataq'aen da'me ja yitaĝa 'uo da'me ne'uaĝanaguec, qa'a joote chiyaqaue da'me neleuaĝa qama'le yataqachiñe nec'aletaye.

Judas 1:24

Ñe'me Qadet'a Dios 'uo da'me lañoqotaĝanaĝac qaedi ami netela'aque da'me ta'le auachiyaqaijeguem, qama'le ami nechalataĝadoue queda'me qaya'te adejamaĝataĝaqui nataq'aen ami jaqachiguilo joda'me adamaiqui qom auajoiya'aguet da'me 'lonaĝac joñe'me.

1 Juan 3:2

Ami yaqaya'olqa, joote qo'mi Dios lec'oqo'tolqa, temaqaedi maliaĝa ja jayatenaq da'me qo'mi di'yoĝoma q'ae'n ga'me qo'mi 'yeteque qom'che. Qalaĝaja, jayatenaq qom di'yo'quena joñe'me Cristo qama'le jenaqa'am joñe'me, qa'a jauanaĝa da'me 'loyaĝac qama'le jatetonaq.

Hebreos 6:12

Chane'eja da'me ami, 'noota qom ja adouali, dite da'me auadenaĝachi' gaa'me jo'ne nach'e eta't p'iida'a joñe'me Cristo nataq'aen da'me 'nañaĝadeteguet ena'uac, qama'le yacoteguet da'me qoyen loĝo't jo'ne joote Dios yaloĝon.

2 Corintios 1:24

Ja naqaeda ta'le ena'am da'me qadoĝot ga'me adepi'i; da'me jo'ne jepagaqatapega nach'eda ami yecochaĝalo qaedi 'uo da'me ami uetauelo da'me adamaiqui, qa'a ami joote adaloyeguet da'me adepi'i.

Juan 4:14

qalaĝaja joga'me jo'ne niyomigui ga'me noĝop jo'ne mach'e janegue, ja yitaĝa ta'le 'niyelaĝa ga'me noĝop lamaic. Qa'a joga'me noĝop jo'ne mach'e janegue ja yitaĝa em, qama'le ena'am ga'me ladic joga'me noĝop jo'ne nec'alaĝaiqui, chayovida'a ga'me jiyaĝaua taue da'me 'loyaĝac jo'ne ja 'naidena'a.

Romanos 8:18

Qa'a gaa'me qadachoĝodeco nayi da'me qat'oyaĝac qom ñaloqotenaĝaneguet da'me 'lonaĝac jo'ne jauanaĝa qomle yataqachiñe ja ena'am ga'me ñetauanaqa'uo qom'che.

1 Corintios 1:21

Dios yauanalo ga'me aleua laje'pi queda'me ja yacota da'me mach'e layatenaĝanaĝa'j qaedi yateto'n joñe'me, chane'eja ñe'me jetaque t'onataĝana da'me qat'aqataĝanaĝac jo'ne ena'am ta'le chiyoĝojoĝoc qaedi nec'aledegue gaa'me jo'ne p'iida'a.

Filipenses 4:7

Qama'le joñe'me Dios ami yanema joga'me 'nemaĝac jo'ne yataqata napacalegue ga'me yañoĝot da'me yayaten ga'me jiyaĝaua. Qama'le dojo' 'nemaĝac male 'namachidiñe q'ae'n naa'me adai'lidi' nataq'aen gaa'me adelnataĝacodi', jouaĝat da'me yataqachiñe ademii'teguet joñe'me Cristo.

1 Pedro 4:13

Nach'edata da'me ami made'tape, yajouaĝat da'me nach'e ena'am ami ua'ajopa daa'me lachoĝodeco joñe'me Cristo, qaedi nach'e ena'am najaĝaye da'me adamaiqui qom yataqachiñe di'yoq da'me 'lonaĝa joñe'me da'me yitaĝa novitequena jo' qomle.

1 Pedro 5:1

Nayi ami jaqatalo, ami 'yaĝaicachidi jo'ne ami lajoĝola'te gaa'me p'etaqadayaqa, queda'me nach'e ena'am jayem 'yaĝaicachigui jo'ne ja'aĝatetac da'me jo'ne lachoĝodec joñe'me Cristo, qama'le nataq'aen jouetaue qomle da'me 'lonaĝa joñe'me jo'ne qo'mi di'yoĝoma jo' qomle.

2 Pedro 1:3

Joñe'me Jesús joote en chiyaqayi da'me mach'e lañoqotaĝanaĝac da'me qo'mi yanema yema ga'me jo'ne youetaque da'me qat'oyaĝac qaedi yataqata qolaqatapegue' joñe'me. Qama'le qo'mi yatetonaĝanaĝaneque joñe'me Qadet'a, nach'eñe jo'ne qo'mi yiyaĝanalo qaedi jaĝaue da'me 'lonaĝac choqoda'me lejaliaĝa jo'ne ja 'nalegue.