1 Pedro 1:4 - Nuevo Testamento Toba Sombrero Negro

⁴ Qama'le 'uo da'me jo'ne auacoñiyeguet qomle, da'me mach'e adoĝochi jo'ne Dios liyamaqatac nayi, ue'tague di'me piyem, qama'le ja qoyaqanatet ta'le qoyolaĝachigui, uotaĝa ta'le qoyen paĝachigui uotaĝa ta'le yemeta.

Nuevo Testamento Toba Sur

⁴ qataq i'ot da qami' ishit da qauacoñiiguet naq'en cam ÿachaxanapec ñi Dios mayi hueta'ague da piguem, cam sa ishit da qailaxachigui qataq sa ishit da qaishipaxanaqchit qataq sa ishit da daqaqtañi da 'eeta'am aca huoue lauoxo.

La'aqtaqa Ñim Lo'onatac 'Enauacna 2013

⁴ qataq qomi' ỹanema 'enauac nam qomi' ỹachaxanapecoto maye iqataxaatai' hueta'ague da piguem. Qaq cam qomi' ỹachaxanapecoto, camaye saishet da ishet nlaguiñi, qataq saishet da nshepaxan, qataq saishet da deqaqa da 'ena'am aca huoue.

1 Pedro 1:4 Referans Kwoze

Apocalipsis 21:27

Qalaĝaja ja yenoĝoneuo ga'me jo'ne paĝachigui, uotaĝa jogaa'me jo'ne 'yete'tape naa'me loeco jo'ne ja 'noe'n uotaĝa jogaa'me qovinaĝanaĝayaqa. Yejamache yaqanate't da'me yenoĝodeuo jogaa'me jo'ne joote qoyedidiñe naa'me lenaqa'te jo'ne uetedalegue jaga'me nede jo'ne loĝot joñe'me 'Naĝanaĝate Lec'oĝot 'me nedaĝalate jena'me qonec'alaĝatedegue.

Hebreos 9:15

Chane'eja ca'li yeleu joñe'me Jesucristo, male yiyamaĝatetac da'me 'namaqatenataĝanaĝac jo'ne dalaĝaic. Qa'a chiyaqayi da'me leleuaĝa joñe'me, male qoyapalaĝa't jogaa'me loeco joga'me jiyaĝadipi, jogaa'me lejamaĝataĝaco jo'ne e'n 'naĝa't da'me 'namaqatenataĝanaĝac jo'ne 'uaechiñe. Chane'eja nach'egaua ga'me jiyaĝadipi jo'ne joote qoyiyaĝanalo, male yaqanate't ta'le yacoteguet da'me 'noota jo'ne qaya'te loiquiaqa', da'me jo'ne joote qo'yaĝatema joca'li.

1 Pedro 5:4

qaedi qom novitequena joñe'me jo'ne p'ajaye 'me 'nouatoqo't ena'uaque joga'me p'etaqadaiquipi, qama'le da'me ami male auacoñiyeguet jaga'me lomataĝanaqate jo'ne nach'e eta't 'uo da'me 'lonaĝa, nach'e eta't ja pal.

2 Timoteo 4:8

Chane'eja nayi joote 'uo joga'me yomataĝanaĝac jo'ne jelo'ta, qa'a ñe'me Jaliaĝanec jo'ne qaya'te nepaten jayem yanem jo' qomle. Qalaĝaja ja jayem 'te onolec da'me jayem qoyanem; chayovida'alo qoyanema yemeda jogaa'me 'uo da'me loqopich'i da'me youatetedac ga'me yitaĝa 'niyelaĝac joñe'me Jaliaĝanec.

Colosenses 1:5

Dojo' yajouaĝat da'me anaquichi'ta ga'me jo'ne jalchi'ena qoyiyamaĝatetac qaedi ami qoyanema qomle da'me oviya'ague di'me piyem, da'me jo'ne auomachiiya ca'li ami qo'yaĝatema da'me yataqatelegue jo'ne 'laqataĝanaĝac ñe'me Dios.

Mateo 25:34

Yem qama'le jenapegalo gaa'me jo'ne neteda'ague jena'me jayaten: «Auanaeyiquena, ami jo'ne yataqachiñe yichoĝode'n ñe'me Taĝadena'. Auacoñiyeguet ga'me joote ami qoyaditaĝat'ae'ta, joda'me nejaliaĝa jo'ne qoyaqataĝata't qaedi ami qoyanema chiyoqo'teguet ca'li yemta jena'me aleua.

Efesios 1:18

Nataq'aen male ñachoĝodenot joñe'me Dios qaedi ami yaloĝo'talo chayovida'a da'me yataqata auayachiñe da'me eeta da'me qadeuataqataĝanaĝac jo'ne chiyaqayi da'me nec'alaĝa jo'ne jetaque qo'mi yanouelo, nataq'aen qaedi auayachiñe da'me eeta da'me lajo'viyaĝac ga'me onaĝaic jo'ne qaya'te ena'am da'me li'yoĝodic, nach'eda da'me jetaque yanema yemeda gaa'me mach'e lec'oqo'tepi.

Efesios 1:14

Nach'eñe ñe'me Dios Lepaqal en yataqatelegue da'me jaconaĝaguet qomle yema ga'me jo'ne Dios joote qo'mi 'yaĝatema, qom male yem da'me en uojotedañi q'ae'n yemeda gaa'me mach'e liquiyaqa. Chane'eja, ¡'noota qom nach'e eta't da'me qa'nonaĝachigui da'me lañoqotaĝanaĝac t'adaic joñe'me!

Efesios 1:11

Da'me 'uo ñe'me Cristo, Dios male en qo'mi liquiyaqa ca'li yemta da'me 'lonataĝanaĝac, qaedi yataqata en qo'mi lec'oqo'te, qaedi male jaconaĝaguet yema joga'me 'yaĝatetac ca'li. Nach'ena jena'me jenjo' Dios lelnataĝac jo'ne qo'mi yanema, nach'eñe jo'ne ja yoqovin joga'me 'laqatac uotaĝa 'lonataĝanaĝac.

Romanos 8:17

Qama'le queda'me joote qo'mi lec'oqo'tolqa, nach'e ena'am jaconaĝaguet qomle ga'me yaqataĝañi ca'li ñe'me Dios 'me 'yaĝatetac, nach'eda da'me ñetauanaqa'uo ñe'me Cristo qom eja jaconaĝaguet da'me qadachoĝodec qa'a jouaĝat joñe'me qaedi qom'te jouaqa'tajop joñe'me da'me 'lonaĝac.

Hechos 26:18

Am jamaĝalo jogaa'me qaedi a'uatedegue naa'me 'lae'te nataq'aen yaĝadegue ga'me 'lalaĝa, dite joga'me 'yoqochiñe; qaedi male ja quetegue ñe'me Satanás, dite joñe'me Dios; nataq'aen qaedi jayem p'iida'a qama'le qoyapalaĝa't jodaa'me loeco, nataq'aen qaedi qoyapetenegueta qomle ga'me Dios c'oqo'tepi.»

Hechos 20:32

“Nayi, ami yaqaya'olqa, ami jepotanouelo da'me letelaĝac ñe'me Dios qaedi auacoñiyeguet da'me 'laqataĝanaĝac jo'ne 'yaĝatetac da'me mach'e lichoĝodenataĝanaĝac. 'Uo da'me lañoqotaĝanaĝac ñe'me qaedi en nichiquetajeguem da'me adepi'i nataq'aen ami yanema yema ga'me jo'ne joote 'yaĝatema gaa'me ja 'nalo'te 'me c'oqo'tepi.

Santiago 1:11

Qa'a qom nenoĝojeguem jañe'me ajeua qama'le 'uo 'lañaĝac jena'me lauaq, qama'le en daqaqa jena'me lolelaĝa; chane'eja jena'me te'me la'uo male en 'naqañe ena'uac, qama'le da'me te'me 'lonaĝa male qaya. Qama'le nach'e naq'aeta qomle ga'me neuoyaq, da'me ena'am ta'le daqaqa ga'me mach'e nemenaĝaiqui.

Colosenses 1:12

Qama'le auañem da'me adamaiqui joñe'me Qadet'a, qa'a joñe'me ami yaqataĝata'ajalo qaedi auacoñiyeguet da'me lejaliaĝa jo'ne yoqochiñe qama'le anetauañiya'uo ga'me yanema yema joga'me c'oqo'tepi joñe'me.

Gálatas 3:18

Qa'a ñe'me Dios ta'le nach'edata yichoĝoden ga'me jo'ne que'teguelo daa'me namaĝajoĝonaĝaco, qama'le male ja ya'uo qaedi yepaquichigui ga'me yaqataĝañi jo'ne jetaque ye'et. Qalaĝaja eja queda'me ca'li Dios yayatenaĝanec ñe'me Abraham da'me yanem qomle ga'me joote yaqataĝañi 'me jetaque 'yetem, nataq'aen qaya'te gamachaqaega qoyiyaĝanaque qaedi ena'am ta'le lajo'vi.

1 Corintios 9:25

Nataq'aen yema ga'me qomitaĝaiquipi jalcote da'me qoyapaĝague'n qaedi naqachiñe ga'me lomataĝanaĝat jo'ne ch'e epaq layoqote 'me paja'a daqaqa; qo'mi qamqa'me ñapaĝaguenaĝala't qaedi ñaqatajoĝoñi ga'me qadomataĝanaĝat jo'ne ja yitaĝa pal.

1 Pedro 3:9

Ena'te a'viyelaĝachiyeguet ga'me ja no'en joga'me ja no'en jo'ne ami qo'yeteque, uotaĝa ga'me anejouenaguequi, dite da'me a'viyelaĝachiyeguet da'me adichoĝodenataĝanaĝaqui, qa'a joñe'me Dios ami yiyaĝanalo joca'li qaedi auacoñiyeguet da'me mach'e lichoĝodenataĝanaĝac.

Marcos 10:17

Mane'e ca'li Jesús yenoĝonegue da'me jetaque yitaĝa ec, qama'le 'uo ñe'me jiyaĝaua jo'ne naqalegoqo'ta, qama'le yejoidiñe naa'me leliquetel da'me dajoya'aguet joñe'me, qama'le enaac, da'me yenat: —Paĝaguenataĝanaĝaic jo'ne am 'noota, ¿jach'e ga'me 'noota ta'le ja'uo qaedi jaqanatet ta'le jaue da'me 'yoyaĝac jo'ne ja 'naidena'a?

Colosenses 3:24

Qa'a joote auayachiñe da'me 'uo qomle ga'me anejetenaguequi, qa'a ñe'me Jaliaĝanec ami yanema qomle ga'me adajo'vii. Da'me ami yataqachiñe a'uonataĝañi'uo joñe'me Cristo, jo'ne yataqatelegue Adejaliaĝanequi.

Hebreos 10:34

Qa'a da'me ami yataqata avichoĝodeñi' ca'li jogaa'me jo'ne netedaue jaga'me coñetaĝanaĝaiqui, nataq'aen da'me maliaĝa ami made'tape ca'li qodoĝotaĝaneque gaa'me adadiyamaqataqadi', qa'a auayachiñe da'me 'uo da'me adoĝochi laqaya jo'ne yaguegue da'me 'lonaĝac nataq'aen da'me nach'e eta't ja pal.