1 Pedro 1:3 - Nuevo Testamento Toba Sombrero Negro

³ 'Ñonaĝataĝaye joñe'me Qadet'a Dios jo'ne Let'a joñe'me mach'e Qadejaliaĝanec Jesucristo, qa'a naqaeñe jo'ne yataqachiñe choĝodenataĝanaĝaic, qama'le qo'mi yanema da'me qat'oyaĝac jo'ne dalaĝaic. Chane'eja male 'uo da'me qadeuataqataĝanaĝac jo'ne ja yitaĝa ta'le pal, yajouaĝat da'me joote 'niyelaĝajeguem joñe'me Jesucristo ca'li chiyaqauelo ga'me napa'lpi.

Nuevo Testamento Toba Sur

³ Ÿataqta shi'oxodenaq qome ñi qadta'a Dios ñim lta'a so qadataxala' Jesucristo. Cha'ayi ñimayi ÿachigoxotchigui dam lta'adaic lchoxonnataxanaxa da qaltaq qomi' nañaxa't naq'en, ÿachigoxotchigui so Jesucristo co'ollaq nca'aleeguesop naq'en da nleuaxa. Qaq 'eda da chochaq tateec naq'en da qanaquitaxac,

La'aqtaqa Ñim Lo'onatac 'Enauacna 2013

³ Ỹataqta sho'oxorenaq Ñim Lo'onatac 'Enauacna maye Lta'a So Qarataxala' Jesucristo, cha'aye chegoqchigui co'ollaq nca'aleeguesop da nleuaxa Somaye da Ñimaye naralaxat imauec da qanachaalataxac. Na'aictaxa da saishet da saxaguet da Ñim Lo'onatac 'Enauacna qomi' ỹauoteque, qalaxaye chegoqchigui da lta'araic lsoxoyec Ñimaye, nache naralaxat da qarataxac qataq qomi' ỹanema da 'itchiguiñi qarca'alaxa,

1 Pedro 1:3 Referans Kwoze

1 Pedro 1:23

Qa'a da'me ami ena'am ta'le yitaĝa 'niyelaq da'me aniyiñe, qama'le nayi ja naqaeda da'me net'ayaĝac 'me ch'e qanejiyaĝauayaĝac jo'ne pal qomle, dite da'me nach'ena na'me 'laqatac joñe'me Dios, jo'ne nach'e eta't nec'aletaye nataq'aen da'me ja pal.

1 Juan 5:4

qa'a ena'uaque jogaa'me jo'ne Dios lec'oqo'tolqa joote noma't da'me ja no'en: qama'le da'me qadepe'e qo'mi yanema da'me ñomataq da'me ja no'en.

Romanos 15:13

'Noota qom ñe'me Dios 'me chiyaqayi da'me neuataqataĝanaĝac, ami nejaqachiguilo q'ae'n da'me ami made'tape, da'me 'nemaĝac ami uetauelo, ami jo'ne auep'iiya'a joñe'me. Nataq'aen ami yanema ga'me alidaq 'me najoĝonataĝanaĝac 'me chiyaqayi da'me 'lañaĝac ñe'me Lepaqal jo'ne ja 'nalegue.

Efesios 1:7

Da'me leleuaĝa joñe'me Jesucristo ca'li uetalegue jaga'me sodoso, male Dios en qo'mi uojotedañi, da'me yapalaĝa't yemeda jogaa'me qadoeco. Nach'ena jena'me jenjo' ya'uo ca'li qa'a jouaĝat da'me yataqata eja qo'mi noqopitalo.

2 Corintios 1:3

'Noota qom 'ñonaĝataĝaye ñe'me Nedios nataq'aen Let'a ñe'me Qadejaliaĝanec Jesucristo, nach'eñe ñe'me Qadet'a jo'ne choĝodenataĝanaĝaic nataq'aen Dios jo'ne 'uo da'me loyaĝanataĝanaĝac.

1 Juan 3:3

Nataq'aen ena'uac joga'me ue'tajop da'me dojo' najoĝonataĝanaĝac joñe'me Cristo, 'noota qom ja en 'te 'nalegue da'me 'loyaĝac joga'me, nach'e naq'aeta queda'me ja 'nalegue joñe'me Cristo.

Romanos 12:12

Ami made'tape nale qa'a 'uo da'me adajoĝonataĝanaĝaqui 'me ami uetauelo; 'noota qom auacoñiyeguet da'me at'añaĝaqui nale uo'oe gaa'me adachoĝodequi; ena'te anaĝañiyañi da'me anetamenaĝaqui.

1 Juan 2:29

Qom joote auayachiñe queda'me Jesucristo yataqata chimaqachiñe, qama'le nach'e ena'am auayachiñe queda'me ena'uaque jogaa'me yauote jodaa'me jo'ne chimadichidiñe, nach'egaua yataqata Dios lec'oqo'tolqa.

Efesios 1:3

Yataqata 'noota ta'le qo'nonaĝachigui joñe'me Dios, jo'ne Let'a joñe'me Qadejaliaĝanec Jesucristo, qa'a qo'mi yichoĝode'n jouaĝat da'me joqo'taqataguet ñe'me Cristo. Chane'eja qo'mi yanema naa'me yodapecache lichoĝodenataĝanaĝaco 'me ja di'yo't, jo'ne chiyoqodaje'ma di'me piyem.

Efesios 3:20

Dios yataqata yaqanatet ta'le yauo'oe gaa'me jo'ne napacalo'te jogaa'me jajelaĝanaqaque uotaĝa ta'le ch'e jenataqatapegalo, qa'a jouaĝat joda'me 'lañaĝac jo'ne qo'mi t'onataĝanouelo.

Efesios 1:17

Nataq'aen ñachoĝodenot joñe'me Nedios ñe'me Qadejaliaĝanec Jesucristo, ñe'me mach'e Qadet'a jo'ne onaĝaicaloec, qaedi ami yanema joñe'me Lepaqal jo'ne ja 'nalegue, qaedi ami yatenaĝanaĝayaqa nataq'aen male yataqata at'amaqayec joñe'me Dios.

1 Pedro 3:21

Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.

1 Timoteo 1:14

Qalaĝaja joñe'me Qadejaliaĝanec yataqachiñe t'adaic ga'me lichoĝodenataĝanaĝac jo'ne jayem yanem, qama'le yataqata 'uo da'me yepe'e jo'ne janem ñe'me, choqoga'me yoqopich'iyaĝac jo'ne onaĝaic, nach'eda jo'ne qo'mi uauelo qom jep'iyaqa joñe'me Qadec'alaĝaiqui Cristo Jesús.

Efesios 2:4

Qalaĝaja joñe'me Dios yataqata let'adaic da'me lichoĝodenataĝanaĝac, yataqata onaĝaicaloec, jouaĝat da'me jalcote da'me qo'mi noqopitalo.

Santiago 1:18

Qa'a naq'aeta da'me jo'ne mach'e lelnataĝac joñe'me, da'me qo'mi yanema da'me nec'alaĝa jo'ne chiyaqayilo naa'me 'laqataqa jo'ne ejoda, qaedi ena'am ta'le qo'mi jala jo'ne 'uaechidiñe da'me mach'e 'lonataĝanaĝac.

Tito 2:13

'Noota qom naq'aeta da'me jauoqo qa'a 'uo da'me qadajoĝonataĝanaĝac ga'me 'uo qomle jo'ne qo'mi e'n made'tapolqa: qom male qoyaloĝon da'me 'lonaĝac joñe'me Jesucristo qom 'niyelaq, nach'eñe jo'ne mach'e Qanedios p'ajaye nataq'aen mach'e Qadec'alaĝaiqui.

1 Corintios 15:20

Qalaĝaja yataqata eja queda'me Cristo 'niyelaĝajeguem, chiyaqauelo dia'me napa'lpi. Qama'le dojo' nach'eda naloĝonatac queda'me nach'e ena'am qo'niyelaĝachidijeguem qomle gaa'me joote yele'u.

1 Corintios 13:13

Chane'eja uo'oe naajo' tres jo'ne qaya'te loiquiaqa't: da'me nepe'e, da'me najoĝonataĝanaĝac nataq'aen joda'me noqopich'i. Qalaĝaja da'me yataqachiñe p'ajaye naa'me naajo' tres mach'e noqopich'i.

1 Juan 3:9

Gaa'me Dios lec'oqo'tepi ja quetedalegue da'me loe'j, qa'a ue'tajopa da'me 'noyaĝac jo'ne Dios yanema. Qama'le qaya'te loeco jogaa'me, qa'a mach'e lec'oqo'tepi joñe'me Dios.

1 Pedro 2:2

Ena'am ga'me notolec jo'ne yemta niyiñe netaque da'me lamaic jaga'me lochi', qama'le nach'e ena'am da'me ami, 'noota qom anechiyaque da'me lamaic da'me 'laqatac ñe'me Dios, qaedi ga'me jo'ne chiyaqayi en anichiquitajeguem nataq'aen da'me 'uo da'me adec'alaĝaqui,

Hebreos 3:6

Qalaĝaja ñe'me Cristo qamqa'me mach'e Dios Lec'oĝot jo'ne yataqachiñe yelolegue jena'me noic jo'ne Dios lec'oqo'tepi, qama'le nayi mach'e qo'mi jo'ne jouaqatoue jena'me noic, qom eja da'me 'ñañaĝataĝac da'me qadepe'e choqoda'me qadeuataqataĝanaĝac, nach'eda jo'ne chiyaqayi da'me yataqachiñe qo'mi made'tape.

1 Ts 1:3

Nataq'aen queda'me jouaqa'tot joñe'me Qadet'a Dios, nach'e eta't jenataqa'ta joda'me yataqata ja aĝañiñi jena'me jenjo' jo'ne adepi'i, da'me onaĝaic adoqopich'i nataq'aen da'me yataqata ami 'uañaĝayaqa nale te'me 'uo ga'me ami qoyachalo'te jo'ne ja no'en, qa'a jouaĝat da'me yataqata auache'ta joñe'me Jaliaĝanec Jesucristo.

Colosenses 1:27

Nach'egaua jogaa'me jo'ne Dios jetaque yatetonaĝanaĝaneque joda'me p'ajaye lelnataĝac jo'ne jetaque ya'uo yemata'a't yema ga'me noyaqapi 'me uetedalegue jena'me aleua. Dojo' lelnataĝac jo'ne jetaque ya'uo nach'eda da'me lec'alaqataĝanaĝac ñe'me Cristo, joñe'me jo'ne ami uetauelo, nach'eñe jo'ne adeuataqataĝanaĝaqui 'me chiyaqayi da'me auacoñiyeguet qomle da'me mach'e at'onaĝaqui.

Romanos 8:24

Joote qo'mi qonec'alaĝatedegue, qalaĝaja nach'edata 'uo da'me qadeuataqataĝanaĝac. Qama'le nayi, qom gamachaqaega joote yec'atetac ga'me yeuatetaque, chane'eja male ja leuataqataĝanaĝac, qa'a joga'me qom joote yauana male ja yeuatetaque.

Romanos 8:11

Nataq'aen qom ñe'me Dios Lepaqal 'me 'niyelaĝachijeguem ca'li ñe'me Jesús qom eja ami uetauelo, nach'eñe joñe'me 'me 'niyelaĝachijeguem ca'li ñe'me Cristo ami yanema naa'me adoje'edi' da'me ladalaĝa'j 'me netayelo da'me leleuaqa't qa'a chiyaqayi ñe'me Dios Lepaqal 'me ami netayelo.

Juan 1:13

Chane'eja nach'egaua jo'ne yataqachiñe lec'oqo'tepi joñe'me Dios, qama'le ja naqaeda da'me ch'e nejiyaĝauayaĝa'j jo'ne chiyaqayi da'me niyidiñe q'ae'n, choqonaa'me mach'e lamaico gaa'me jiyaĝa'u, dite ñe'me Dios, nach'eñe jo'ne chiyoqodayi.

1 Juan 5:18

Yataqachiñe jayatenaq queda'me ena'uaque gaa'me Dios lec'oqo'tolqa ja maliaĝa quetalo'te gaa'me loeco, dite ñe'me Dios Lec'oĝot netelalo jogaa'me qama'le ñe'me payac ja yaqanatet ta'le 'uo ga'me 'yeteque.

1 Juan 5:1

Ena'uaque jogaa'me jo'ne p'iida'a queda'me Jesús mach'e Dios Liquiyac, nach'egaua mach'e Dios lec'oqo'tolqa. Nataq'aen gamachaqaega jo'ne noqopita ga'me net'a, nach'e ena'am noqopitalo jogaa'me lec'oqo'te ga'me.

Colosenses 1:23

Qom yataqachiñe ami ejoda da'me a'nañaĝachela't da'me ami t'añidañe q'ae'n joda'me adepi'i, 'noota qom ja auaĝañiyegue da'me adeuataqataĝanaĝaqui jo'ne chiyaqayi da'me onaĝaic 'naqataĝanaĝac ca'li yemta auomachiiya. Nach'eda da'me 'naqataĝanaĝac jo'ne joote qoyapaĝagueneque ena'uaque jogaa'me noyaqa jo'ne neda'ña jena'me aleua, nataq'aen jo'ne ja'aĝatetac da'me jayem nale japaĝaguenataĝan.

Romanos 5:10

Qa'a joñe'me Dios, ca'li maliaĝa qo'mi laute'upi joñe'me mach'eñe qo'mi yadalaĝateque da'me yitaĝa qo'mi yaconegueta.

Romanos 4:25

jo'ne qoyemenoue da'me leleuaĝa yajouaĝa't daa'me qadoeco nataq'aen 'niyelaĝajeguem qaedi qo'mi e'n yataqatelo'te.

1 Juan 4:7

Ami yaqaya'olqa, 'noota qom nach'e eta't ñoqopitaqapega't, qa'a da'me qadoqopich'i chiyoĝoguet joñe'me Dios. Qama'le ena'uaque gaa'me jo'ne 'uo da'me loqopich'i, nach'egaua lec'oqo'te joñe'me Dios qama'le yateto'n joñe'me.

1 Ts 4:13

Ami yaqaya'olqa, ja qadelnataĝac ta'le ja auayachiñe ga'me ladiquiyaĝa'j jogaa'me joote yele'u, qaedi ja ami 'te totelo'te, da'me ja aueñiya'ama jogaa'me jo'ne qaya'te lajoĝonataĝanaĝa'j.

Gálatas 6:16

'Noota qom Dios yanema ga'me 'lemaĝac jogaa'me jo'ne naq'aeta da'me uetedaue, nataq'aen yaloĝonalo da'me lichoĝodenataĝanaĝac gaa'me Dios lec'oqo'tolqa.

2 Ts 2:16

Ñe'me Dios jo'ne Qadet'a yataqata qo'mi noqopitalo chayovida'a da'me qo'mi yanema joda'me qat'añaĝac nataq'aen da'me qadeuataqataĝanaĝac jo'ne chiyoqo'ot da'me lichoĝodenataĝanaĝac joñe'me, nataq'aen joñe'me Qadec'alaĝaiqui Jesucristo,

1 Pedro 1:13

Chane'eja 'noota qom aneloyitaye nataq'aen aniyamaĝacheta't qaedi auauoyi gaa'me at'onataqadi' jo'ne onaĝayaqa, qama'le auachiyaue yema da'me mach'e adeuataqataĝanaĝaqui da'me lichoĝodenataĝanaĝac joñe'me Dios jo'ne ami qoyanema qom yovita ga'me nolo' p'ategue qom yataqata di'yo'quena joñe'me Jesucristo.

1 Pedro 1:21

Chiyaqayi joñe'me Cristo, da'me ami male auep'iiya'a ñe'me Dios, 'me 'niyelaĝachijeguem joñe'me, yachiyaqaue di'me napa'lpi 'lachaqa', qama'le yanem da'me 'lonaĝac qaedi male auep'iiya'a joñe'me Dios jo'ne anaquichitapega.

1 Pedro 3:5

Qa'a naq'aeta da'me 'netaĝa'j joca'li gaa'me yauodipi jo'ne yataqatelo'te, ca'li cha'li uo'oe dia'me jiyaĝa'u jo'ne toye's, queda'me yajouaĝat da'me p'iida'a joñe'me Dios nataq'aen da'me yoqocha'alo jogaa'me louadipi.

1 Pedro 3:15

Nach'edata da'me a'nonaĝachiyegui joñe'me Cristo mach'e Adejaliaĝanequi. Nataq'aen nach'e eta't aniyamaĝacheta't da'me a'uachiyegueta ena'uaque gaa'me jo'ne denataĝatapelegue da'me jo'ne adeuataqataĝanaĝaqui 'me joote ami uetauelo.