1 Pedro 1:12 - Nuevo Testamento Toba Sombrero Negro

¹² Qalaĝaja ñe'me Dios yayatenaĝanaĝaneque jogaa'me da'me ja naqaegaua ta'le loĝo't joda'me jo'ne 'yaĝatetedac, dite da'me naqa'ami jo'ne ami yapaĝague'n. Chane'eja gaa'me Dios 'laqataĝanaĝanaqa jo'ne joote ami yapaĝagueneque da'me 'laqataĝanaĝac joñe'me Dios, da'me chiyaqayi da'me lañoqotaĝanaĝac joñe'me Dios Lepaqal jo'ne uetayelo, naqaegaua jo'ne ami 'yaĝatema nayi da'me dojo' 'naqataĝanaĝac jo'ne chiyaqayi da'me nec'alaĝa. ¡Nach'eda da'me dojo' jo'ne jetaque yayate'n jogaa'me Dios lamaĝa's jo'ne piyem laje'!

Nuevo Testamento Toba Sur

¹² Qalaxayi ñi Dios ÿaÿajnaxanaxanec somayipi da de'eda huetapegue' sa ishit da lalamaxat, cha'ayi damayi qaÿauotaique da qomi' talguete. Qaq ÿoqo'oyi nachida da qami' qai'axattapeguema dam qami' i'axatema nam i'añaqchit so Espíritu Santo mayi chigoqo'ot na piguem mayi i'axattac da n'aqtaxanaxac mayi chigaqaigui da nca'alaxa. Qaq damayi nataq'en nachida da nshitaique da ÿaÿateeta co'ollaxa nam chigaqshiguem lamaxashicpi ñi Dios.

La'aqtaqa Ñim Lo'onatac 'Enauacna 2013

¹² Qalaxaye Ñim Lo'onatac 'Enauacna ỹaỹaanaxanaxanec somayepi da de'era ỹa'axattac saishet da lalamaxat somayepi, cha'aye damaye qaỹauotaique da qaralamaxache. Qaq 'era dam na'aqtaxanaxac maye qami' ỹanema som qami' da'aqtaxanema da no'on na'axaỹaxac. Qaq somayepi ỹachegoxotchigui da la'añaxac So Saqcha'a Na'añaxac Qui'itta maye chegoqo'ot na piguem. ¡Qaq de'era nachera da huotaique nataqa'en da ỹauaachigui co'ollaxa nam chegaqasheguem lamaxashecpi Ñim Lo'onatac 'Enauacna!

1 Pedro 1:12 Referans Kwoze

Juan 15:26

“Qalaĝaja novitequena qomle ñe'me anecochoqo't, ñe'me Dios Lepaqal jo'ne chiyoqo'ot joñe'me Taĝadena', qama'le 'yaĝatetac joñe'me jo'ne yataqatelegue. Ñamaĝaquena qomle qaedi chiyaqaue joñe'me Taĝadena' qama'le jayem 'yaĝatetac.

Efesios 3:10

Qama'le nayi male 'uo jena'me jenjo' Dios lec'oqo'tepi jo'ne qoyemata'a't, qama'le chiyaqayi da'me dojo' male qoyayatenaĝanaĝaneque yema gaa'me jaliaĝanaqa jo'ne piyem laje' da'me eeta da'me layatenaĝanaĝac let'adaic joñe'me Dios jo'ne qaya'te nalo'taguet.

1 Corintios 2:10

Chane'eja ñe'me Dios Lepaqal 'me ja 'nalegue joote qo'mi e'n di'yoĝoma ga'me jo'ne qoyoĝochiñe joca'li, qa'a ñe'me Lepaqal yataqachiñe nemitaque yema da'me lelnataĝaco joñe'me Dios.

Hebreos 4:2

Qa'a da'me qo'mi joote jomachaĝa da'me dojo' 'naqatac jo'ne onaĝaic, ena'am ga'me Israel laje'pi joca'li. Qalaĝaja da'me 'naqatac jo'ne qo'yaĝatema ca'li joga'me Israel laje'pi qaya'te chiyaqayi, jouaĝat da'me ja 'yamaqate'n qama'le ja napotenegueta gaa'me laqaya' jo'ne yataqata 'uo da'me lepe'e' joca'li.

Marcos 16:15

Chane'eja dojapegue'to: “Jamoyi, a'uaĝachetac da'me 'naqataĝanaĝac jo'ne onaĝaic ena'uaque joga'me jiyaĝadipi 'me nedalegue jena'me aleua.

1 Pedro 1:25

Qalaĝaja na'me 'laqatac joñe'me Jaliaĝanec ja pal, qaya'te loiquiaqa'.” Qama'le jenjo' 'naqatac naqaeda da'me 'naqataĝanaĝac jo'ne onaĝaic 'me joote ami qo'yaĝatema.

Apocalipsis 5:11

Mane'e da'me yitaĝa jec'aten, qama'le jomachiya da'me lajamaĝa ga'me piyem laje'pi jo'ne yataqata jalcote, naqaegaua jo'ne equejop jaga'me je'onaĝaiqui choqogaa'me yejidi nataq'aen jogaa'me 'yaĝaicachidi,

2 Corintios 6:6

Temaqaedi da'me uo'oe ena'uaque naa'me naajo', qalaĝaja jaloĝonaq da'me qaya'te lale'gue da'me qat'oyaĝac, jatetonaq da'me eja, 'uo da'me qadapogaĝadec nataq'aen qo'mi qopitaĝanaqataqayaqa. Ñe'me Dios Lepaqal 'me ja 'nalegue uetaue da'me qat'oyaĝac nataq'aen qadoqopita da'me eja.

2 Corintios 1:22

Joote qo'mi 'yaneque jaga'me 'lanaĝanaqate, nataq'aen yanayelo naa'me qadai'li ñe'me Lepaqal 'me ja 'nalegue nach'eda 'nanaĝajet qoyen ga'me jo'ne qo'mi qoyanema qom'te.

Romanos 15:19

Qoyen uaĝayet da'me 'lañaĝac ga'me 'nanaqapi, nataq'aen gaa'me di'yo't nañoqotaĝanaĝaco, nataq'aen da'me 'lañaĝac ñe'me Dios Lepaqal. Chane'eja jachiyoqochi'ña di'me Jerusalén nataq'aen ga'me qoyode'talo noyaqapi chayovida'a Iliria. Yataqachiñe yemet'a't da'me japaĝaguenataĝanec da'me onaĝaic 'laqataĝanaĝac ñe'me Cristo.

Hechos 2:33

Qama'le Dios yana'ña di'me yayaten, nataq'aen yi'yoĝoden, nataq'aen yanem ñe'me Lepaqal 'me ja 'nalegue jo'ne joote 'yaĝatetapem ca'li. Qama'le ñe'me nach'eñe chiyoqo'tot da'me qo'mi yeyala'aque: dojo' nach'eda auañiya nataq'aen auomachiya nayi.

Hebreos 2:4

Joñe'me Dios nach'e ena'am yauo'oe gaa'me 'lanaqa jo'ne qo'mi naloĝolo'te, gaa'me 'lanaqa onaĝayaqa choqoda'me ye't daa'me ja di'yo't nach'e ena'am da'me jalcote ja qoyauanalo, qama'le ñe'me Dios Lepaqal male qo'mi yanema gaa'me nañoqotaĝanaĝaco jo'ne yodapecache, qa'a nach'e naq'aeta da'me dojo' jo'ne mach'e 'lamaqatenataĝanaĝac joñe'me.

Gálatas 1:12

Ja naqaeda ta'le ch'e jayem yep'iquin gamachaqaega jiyaĝaua 'me aleua le'ec uotaĝa ta'le jayem yapaĝaguenec, dite da'me naqaeñe ca'li ñe'me Jesucristo nach'eñe jayem naloĝoneguet.

Romanos 10:15

Nataq'aen ¿teua'atoqo' 'yaĝatetedac da'me 'naqataĝanaĝac, qom ja namaĝa's? Nataq'aeta 'yaĝatetac naa'me nedii's jo'ne qoyedidiñe ca'li: “¡Da'me lovidaĝac ga'me yachitac da'me onaĝaic nep'iquinataĝanaĝac, yataqachiñe 'uo da'me li'yoĝodic!”

Romanos 1:17

Qa'a da'me onaĝaic 'naqatac qo'mi yatetonaĝanaĝaneque da'me lajoĝoc q'aen da'me qo'mi e'n chimadichidiñe: nach'eda da'me qadepe'e, chiyoqotelegue ga'me 'uaechiñe chayovida'a qom yovita ga'me p'ategue. Naq'aeta da'me 'yaĝatetedac jogaa'me nedii's, eet'oi: “Ga'me jo'ne chiyaqayi da'me lepe'e da'me male chimaqachiñe, nach'ega nec'alegue.”

Lucas 15:10

Ami ja'aĝatema queda'me nach'e ena'am jalcote da'me lamai'j joñaa'me piyem laje' jouaĝat ga'me onolec loeco lo'o jo'ne 'niyeloqot joñe'me Dios.”

Mateo 11:25

Jo'me jojo' nolo', Jesús enaac: —Nayi am 'ñonaĝachigui, am Taĝadena', Lejaliaĝanec di'me piyem nataq'aen jena'me aleua, qa'a auoĝochi'ñejopa jogaa'me yatenaĝanaĝayaqa nataq'aen tadenataĝanaĝayaqa naa'me naajo' uo'oe, qama'le aualoĝonalo joga'tae'me 'najodolqa.

1 Ts 2:9

Ami yaqaya'olqa, anetoviñetac ga'me qat'onataĝanaĝac ca'li, choqoga'me yataqata qadepagaĝac qaedi maqachaĝa 'uo ga'me qadomataĝanaĝac ga'me 'noyaĝac, yataqata 'uo ga'me qat'onataĝanaĝac gaa'me noloqo'ote chayovida'a gaa'me pi'yaĝadi, qaedi ja ami 'te qaueladetalo'te ca'li da'me ami, da'me cha'li ami ja'aĝataqatapema joga'me 'naqatac jo'ne yataqata chiyoqo'ot joñe'me Dios.

Lucas 9:6

Chane'eja eque' joca'li jogaa'me, qama'le yec'atalo ena'uaque jogaa'me noyaqa, 'yaĝatetedac da'me 'naqataĝanaĝac jo'ne onaĝaic nataq'aen e'n yemedegue joga'me leuaĝaiquipi.

Lucas 2:26

qama'le yayatenaĝanaĝanec queda'me cha'li ja yeleu da'me maliaĝa ja yauana ñe'me Liquiyac ñe'me Jaliaĝanec.

Mateo 16:17

Chane'eja Jesús enaac: —Am matacolec Simón, Jonás lec'oĝot, qa'a ja ch'e auachiyoĝotayelo gaa'me jiyaĝa'u da'me auateton, dite da'me am yatetonaĝanec ñe'me Taĝadena' 'me na'ague di'me piyem.

Mateo 11:27

“Joñe'me Taĝadena' jayem yanema ena'uaque jogaa'me jo'ne uo'oe. Qaya'te eja yataqachiñe eja yateton joñe'me Nec'oĝot, dite ñe'me Let'a; nataq'aen qaya'te yataqachiñe eja yateton joñe'me Net'a, dite ñe'me C'oĝot choqogaa'me jo'ne jetaque yatetonaĝa'n.

Hebreos 11:13

Nach'ediaua dia'me jiyaĝa'u yataqata p'iida'a joñe'me Dios chayovida'a da'me yele'u, qalaĝaja ja yacoteguet gaa'me uo'oe jo'ne Dios te'me 'yaĝatema, dite da'me ena'am ta'le yauanalo da'me te'me qaya'alo. Qama'le yataqata made'tapolqa ca'li jodia'me, mate mane'e da'me nechoĝotela'ajalo da'me ena'am ta'le ja 'lachaqa't jena'me aleua joca'li.

Romanos 1:15

Qo'che' jayem jalcote da'me jediaĝalegue da'me ami ja'aĝatema da'me onaĝaic 'naqataĝanaĝac, da'me ami jo'ne at'achaqadi' di'me Roma.

Hechos 16:10

Ca'li Pablo 'uo da'me dojo' lauanaĝanaĝac qama'le paja'a da'me 'netaqatac qaedi jec'ataĝa di'me Macedonia, qa'a yataqata jayatenaq queda'me eja Dios qo'mi yiyaĝatapegalo qaedi nach'edi ua'a da'me ja'aĝataqatac da'me onaĝaic 'naqataĝanaĝac.

Hechos 10:44

Maliaĝa dojetac ñe'me Pedro ca'li ñe'me Dios Lepaqal nenochi'ñalo ena'uaque gaa'me jo'ne naquiaĝatedapega da'me 'naqataĝanaĝac.

Hechos 8:25

Ca'li yem da'me 'naĝatetapela'ajalo nataq'aen yechoĝote'tape daa'me 'laqataqa ñe'me Jaliaĝanec, jogaa'me namaĝa's 'yaĝatetedac da'me onaĝaic 'naqataĝanaĝac jogaa'me qayoĝode' noyaqolqa di'me Samaria, qama'le 'viyelaĝadeta di'me Jerusalén.

Hechos 4:31

Ca'li yem da'me netamenaĝa'j, qama'le yema deda ga'me ueteda'a da'me yema'a't; qama'le ena'uaque jogaa'me male najaqachiguilo ñe'me Dios Lepaqal 'me ja 'nalegue, qama'le 'uo da'me 'lañaĝa'j da'me 'yaĝa'tape jodaa'me Dios 'laqataqa.

Hechos 4:8

Chane'eja Pedro 'yategueta jogaa'me, najaqachigui ñe'me Dios Lepaqal, enaac: —Ami lejaliaĝanaqa ga'me noic nataq'aen 'yaĝaicachidipi:

1 Timoteo 3:16

Qaya'te noqoleguetaĝanaĝac da'me jenjo' 'lonataĝanaĝac jena'me jenjo' qadepe'e ladic jo'ne yataqata t'adaic nataq'aen onaĝaic: Cristo naequena ca'li qaedi yadenaĝat da'me qanejiyaĝauayaĝac, qalaĝaja onolec joñe'me da'me qoyen yataqata eja joñe'me Lepaqal, nataq'aen yema joga'me piyem laje' yauata ca'li. Qama'le qo'yaĝatema yema gaa'me jiyaĝadipi, nataq'aen jena'me aleua laje'pi 'yamaqaten da'me dojo', nataq'aen da'me joote qoyavije'ma di'me 'lachaqa' joñe'me Dios.

1 Pedro 4:6

Qa'a nach'e ena'am qo'yaĝatema ca'li da'me 'naqataĝanaĝac jo'ne onaĝaic dia'me jiyaĝadipi jo'ne joote yele'u joca'li, qaedi da'me 'loyaĝa'j jo'ne ja di'yoq nach'e ena'am yaqanatet da'me nec'aletaye, da'me ena'am da'me mach'e 'loyaĝac joñe'me Dios, mate mane'e joca'li uetedalegue jena'me aleua joote 'uo da'me nec'atenague'j, jo'ne ena'am da'me taida'a yema joga'me jiyaĝadipi.