1 Pedro 1:10 - Nuevo Testamento Toba Sombrero Negro

¹⁰ Jodia'me Dios 'laqataĝanaĝanaqa napaĝagueta joca'li da'me dojo' jo'ne qadec'alaĝa nataq'aen da'me denataĝatedapelegue, qama'le 'yaĝatetedac joda'me lichoĝodenataĝanaĝac joñe'me Dios jo'ne jetaque ami yanema da'me dojo'.

Nuevo Testamento Toba Sur

¹⁰ Som hua'a'u vi'iyi so l'aqtaxanaxanecpi ñi Dios co'ollaxa ÿataqta nmittac qataq ichimaxattega ca llic de'eda nca'alaxa, qataq somayipi i'axattac da lqouagaxanaqtaic ñi Dios mayi nshitaique da qami' ÿanema.

La'aqtaqa Ñim Lo'onatac 'Enauacna 2013

¹⁰ Som la'aqtaxanaxanecpi Ñim Lo'onatac 'Enauacna co'ollaxa ỹataqta napaxagueetega qataq ichemaxattega ca llec de'era nca'alaxa. Qataq somayepi ỹa'axattac de'era qami' ỹanema Ñim Lo'onatac 'Enauacna maye chegoqchigui da lsoxoyec.

1 Pedro 1:10 Referans Kwoze

Mateo 13:17

Eja ami ja'aĝatema queda'me qayoĝode' gaa'me Dios 'laqataĝanaĝanaqa nataq'aen jiyaĝa'u jo'ne chimadichidiñe jetaque yauata da'me dojo' jo'ne nayi auañiya, qalaĝaja ja yauata; jetaque domachita dojo' jo'ne nayi auomachiiya, qalaĝaja ja domachita.

Lucas 10:24

qa'a ami ja'aĝatema queda'me qayoĝode' joca'li gaa'me Dios 'laqataĝanaĝanaqa nataq'aen jaliaĝanaqa jo'ne jetaque yauata da'me dojo' jo'ne ami auec'achiñetac, qalaĝaja ja yauata; jetaque domachita ga'me jo'ne nayi auomachiiya, qalaĝaja ja domachita.”

Hechos 7:52

¿Jach'e jogamaĝa Dios 'laqataĝanaĝanec jo'ne maqachaĝa ja ja no'en da'me 'yetedec dia'me adet'aldi'? Jodia'me yala't gaa'me jo'ne te'me 'yaĝatetapema da'me lovidaĝac ñe'me jo'ne chimaqachiñe, qama'le nayi queda'me jenjo' jo'ne chimaqachiñe joote novi', qama'te mach'e ami da'me ap'aelegue qama'le aualachi ca'li.

Juan 5:39

Da'me ami 'uo da'me adetelaĝaqui nale anapaĝagueñiyalo naa'me nedii's queda'me 'uo da'me adeuataqataĝanaĝaqui qaedi auejomiyalegue ga'me nec'alaĝa jo'ne qaya'te loiquiaqa'. Mate mane'e daa'me daajo' nedii's jo'ne jayem 'yaĝatetedac,

Hebreos 11:13

Nach'ediaua dia'me jiyaĝa'u yataqata p'iida'a joñe'me Dios chayovida'a da'me yele'u, qalaĝaja ja yacoteguet gaa'me uo'oe jo'ne Dios te'me 'yaĝatema, dite da'me ena'am ta'le yauanalo da'me te'me qaya'alo. Qama'le yataqata made'tapolqa ca'li jodia'me, mate mane'e da'me nechoĝotela'ajalo da'me ena'am ta'le ja 'lachaqa't jena'me aleua joca'li.

Hechos 10:43

Ena'uaque dia'me Dios 'laqataĝanaĝanaqa joote 'yaĝatetedac ca'li ñe'me Jesús, nataq'aen joote 'yaĝate'tape gaa'me jo'ne p'iida'a ñe'me Jesús queda'me joñe'me nach'eñe yapalaĝa't jodaa'me loeco.”

Juan 7:52

Qama'le jogaa'me male 'yadeteguet: —¿Qo'li nach'e ena'am da'me am Galilea le'ec? Anapaĝaguenalo jonaa'me nedii's qama'le auayaten da'me ja chiyaqa'ña di'me Galilea ga'me Dios 'laqataĝanaĝanec.

Lucas 24:44

Yem qama'le yanema da'me 'laqatac: —Ga'me jo'ne 'uo jaa'me jaajo' noloqo'ote nach'ega jo'ne joote ami jaqataĝatapeque da'me cha'li maliaĝa ami jouetauelo; jo'ne nach'egaua male yepaquichiguilo ena'uaque gaa'me qoyedidiñe 'me jayem 'yaĝatetedac gaa'me nedii's jo'ne lamaĝajoĝonaĝaco di'me Moisés, choqogaa'me ledii's dia'me Dios 'laqataĝanaĝanaqapi nataq'aen jaga'me nede jo'ne lenaĝat Nalacpi.

Mateo 26:24

Jayem jo'ne yataqachiñe Jiyaĝaua Lec'oĝot jequegue da'me jo'ne joote qoyediñe jo'ne jayem 'yaĝate'taguet. Qalaĝaja, ¡degueja qomle ga'me lachoĝodec ñe'me jo'ne jayem p'alegue! ¡Naitoqo' ja niyiñe joca'li joñe'me!

1 Pedro 1:11

Joñe'me Lepaqal ñe'me Cristo ye'uauaĝanouelo da'me yayatenaĝanaĝaneque jogaa'me Dios 'laqataĝanaĝanaqa da'me eeta da'me lachoĝodec ñe'me Cristo nataq'aen da'me 'lonaĝac jo'ne p'ategue. Qama'le jogaa'me jetaque da'me yejomedalegue jach'e jogamaĝa gaa'me noloqo'ote nataq'aen ga'me jo'ne ua'a ga'me en laloqo' joñe'me Dios Lepaqal jo'ne uetauelo jogaa'me.

Hechos 17:11

Naajo' judiopi jo'ne yataqachiñe onaĝaic ga'me letadenataĝanaĝa'j ja ena'ama gaa'me neda'ña di'me Tesalónica, yataqachiñe 'uo da'me lamaic ta'le yacoteguet da'me 'naqataĝanaĝac, qama'le noloqo'ote, noloqo'ote napaĝaguenalo daa'me nedii's qaedi yayaten qom yataqachiñe eja ga'me jo'ne Dios 'yaĝatetac.

Hebreos 11:40

Qa'a ñe'me Dios nach'e ena'am da'me qo'mi yayate'n, queda'me joote ya'uo ga'me onaĝaic qaedi qo'mi yanema, qama'le jogaa'me jiyaĝa'u jo'ne uo'oe ca'li, nach'edata da'me qo'mi yeme'tegueta qaedi yema yataqata qoye'n qo'mi yataqatelo'te.

Hechos 28:23

Chane'eja yauote laloqo't, ua'a ca'li jalcote ga'me jiyaĝadipi yec'adeta ga'me ue'ta ñe'me Pablo. Chiyoqo'teguet ga'me ne'teta chayovida'a nale javit, Pablo 'yaĝatetapema joda'me lejaliaĝa ñe'me Dios yayaĝa'talo jogaa'me ñe'me Jesús, chiyoĝotetelo'te jogaa'me namaĝajoĝonaĝaco 'me chiyoqodo'ot ñe'me Moisés nataq'aen gaa'me ledii's dia'me Dios 'laqataĝanaĝanaqa.

1 Pedro 1:13

Chane'eja 'noota qom aneloyitaye nataq'aen aniyamaĝacheta't qaedi auauoyi gaa'me at'onataqadi' jo'ne onaĝayaqa, qama'le auachiyaue yema da'me mach'e adeuataqataĝanaĝaqui da'me lichoĝodenataĝanaĝac joñe'me Dios jo'ne ami qoyanema qom yovita ga'me nolo' p'ategue qom yataqata di'yo'quena joñe'me Jesucristo.