1 Pedro 1:1 - Nuevo Testamento Toba Sombrero Negro

¹ Jayem Pedro, da'me jayem lamaĝajec joñe'me Jesucristo, male ami jamaĝalo da'me yep'iyenataĝanaĝac, da'me ami jo'ne lagaĝaiquipi 'me oñita'ña ga'me jo'ne p'aye joga'me te'me at'achaqadi', gaa'me ale'u lael jo'ne lenaqa'te da'me Ponto, Galacia, Capadocia, Asia nataq'aen di'me Bitinia.

Nuevo Testamento Toba Sur

¹ Aÿim Pedro, aÿim lamaxashic so Jesucristo, shiyiñi ana ÿide da samaxa 'enauac nam nlagaxattacpi mayi sa ishit da nqajleguete naua lañoqo'te, nam neta'alo yiua 'ale'u Ponto, Galacia, Capadocia, Asia, qataq yi Bitinia.

La'aqtaqa Ñim Lo'onatac 'Enauacna 2013

^1-2 Aỹem Pedro, maye aỹem lamaxashec So Jesucristo da sa'axat da na'aqtac, sequiitac 'enauac na ỹa'amaqten Somaye maye 'eeta'am ca ỹaqa'a ca chegaqa'ague maye lma' ye Ponto, Galacia, Capadocia, Asia qataq ye Bitinia. Qaq Ñim Lo'onatac 'Enauacna ipacchigui da maiche lapaqtañi, nache qami' lca'ateua'alo co'ollaxa da yaqto' ỹauo'oi qami' lalamaqa'ate. Qataq ỹachegoxotchigui So Saqcha'a Na'añaxac Qui'itta qataq da l-leuaxa So Jesucristo, da Ñimaye ỹapalaxat 'enauac na qarasouaxashechi da yaqto' qaualaqaiguet. Huo'o da iyaxa da Ñimaye ỹataqta qami' ỹauoteque qataq qami' ỹanema da qarlagaxayiqui.

1 Pedro 1:1 Referans Kwoze

Santiago 1:1

Jayem Santiago jo'ne jayem lalemaĝajet ñe'me Dios choqoñe'me Qadejaliaĝanec Jesucristo, yamaic ami jamaĝalo, yema da'me ami jo'ne ami Dios lec'oqo'tepi 'me auachiyoĝoyegueta jogaa'me doce Israel lec'oqo'tepi 'me laedelegue yema jena'me aleua.

Hebreos 11:13

Nach'ediaua dia'me jiyaĝa'u yataqata p'iida'a joñe'me Dios chayovida'a da'me yele'u, qalaĝaja ja yacoteguet gaa'me uo'oe jo'ne Dios te'me 'yaĝatema, dite da'me ena'am ta'le yauanalo da'me te'me qaya'alo. Qama'le yataqata made'tapolqa ca'li jodia'me, mate mane'e da'me nechoĝotela'ajalo da'me ena'am ta'le ja 'lachaqa't jena'me aleua joca'li.

Efesios 2:19

Chane'eja ami jo'ne ja ami 'te judiopi male ja ami 'te yaqa'alo, yataqata qaya'te yecolaĝate'ga, male nayi yataqata oviyaue jena'me Dios lec'oqo'tepi, male auaqanachichi da'me aviyaĝañiyeguet joñe'me qa'a male yataqata ami Dios lec'oqo'tepi.

Hechos 8:4

Qalaĝaja gaa'me jo'ne chiyoqodaue di'me Jerusalén da'me eque', ena'uaque naa'me tayapegue'galo 'yaĝatetedac da'me onaĝaic 'naqataĝanaĝac.

Juan 11:52

Qalaĝaja ja nach'edata da'me yiyamaĝam ga'me judiopi, dite da'me qaedi yapotena't ena'uac jogaa'me nelagaĝa ga'me neteda'ña jo'ne Dios lec'oqo'tepi.

Mateo 24:22

Qalaĝaja qom ñe'me Jaliaĝanec ja yip'iaĝataye da'me dojo' qama'le qaya'te yaqanatet ta'le nec'alegue. Qalaĝaja, yip'iaĝataye qom'te, jouaĝat da'me yataqata yichoĝode'n jogaa'me lec'oqo'tolqa jo'ne mach'e liquiyaqa.

1 Pedro 2:11

Ami yaqaya'olqa, ami jo'ne aueñiya'ama jogaa'me ja 'lachaqa'tena 'me ch'e oquitalegue jenjo' aleua, ami ñachoĝodenoto da'me ena'te auauoyi ledaqa't naa'me lamaico ga'me anejiyaĝauayaĝaqui jo'ne deloiquitedapegue' da'me at'oyaĝaqui.

2 Pedro 1:1

Jayem Simón Pedro, da'me jayem necochoqo't joñe'me Jesucristo nataq'aen da'me jayem lamaĝajec joñe'me, ami jamaĝalo da'me yep'iyenataĝanaĝac, da'me ami jo'ne joote auacoñiyeguet da'me nepe'e jo'ne yataqachiñe onaĝaic, yajouaĝat da'me ami yichoĝode'n joñe'me Qanedios jo'ne Qadec'alaĝaiqui mach'e Jesucristo, nach'eñe jo'ne yataqachiñe yataqatelegue. Chane'eja da'me adepi'i male ena'am da'me jo'ne mach'e qadepe'e.

Efesios 2:12

da'me ja ami 'te judiopi jo'ne ja auatetoñi ca'li joñe'me Cristo, ja ovitaue jogaa'me lec'oqo'tepi joñe'me, qama'le ja ovitauelo naa'me lamaĝajoĝonaĝaco uotaĝa ga'me leyalaqataĝanaĝac joñe'me Dios, ca'li yanema jogaa'me lec'oqo'tepi. Chane'eja temaq'aen ami uo'oe ca'li, qalaĝaja ja auatetoñi joñe'me Dios nataq'aen yataqata qaya'te adajoĝonataĝanaĝaqui.

2 Corintios 1:8

Ami yaqaya'olqa, jepagaqatapega ta'le auayachiñe da'me dojo' queda'me yataqachiñe jalcote qayoĝode' gaa'me qadaqalaico 'me qo'mi ualo'te ca'li jouaqa'a di'me aleua jo'ne Asia. Qanapiyenaguec jo'ne yataqachiñe t'añi jo'ne yamta'le ja qadalo'oguet, nataq'aen chayovida'a ja jenaqatapega qadec'aletaye da'me qolaqa'e di'me aleua.

Hechos 18:2

Nach'edi ua'a da'me uada'aguet ñe'me judío 'me lenaĝat Aquila jo'ne 'lachaqa' di'me aleua jo'ne Ponto. Ja cop'a ca'li Aquila nataq'aen jañe'me loua Priscila novi't chiyoĝotegue di'me Italia, nach'edi 'viyelaĝategue ca'li qa'a ñe'me jaliaĝanec Claudio damaĝajoĝolegue ca'li da'me qaedi ena'uaque ga'me judiopi queda'ae di'me Roma. Pablo yec'atalo ca'li, dejapichiyalo qama'le

Apocalipsis 1:11

Qama'le jayem enapega: “Auediñe da'me dojo' jo'ne auana jo' qomle, auachalegue jaga'me nede qaedi auamaĝalo jogaa'me siete tamenaĝaiqui', jogaa'me jo'ne napi'ñalo jogaa'me noyaqa jo'ne netedaue di'me aleua Asia: gaa'me noyaqa jo'ne Éfeso, Esmirna, Pérgamo, Tiatira, Sardes, Filadelfia nataq'aen di'me Laodicea.”

2 Timoteo 1:15

Joote auayaten da'me qadaqaya' jo'ne neteda'ña na'me Asia jayem queda'e, nataq'aen jaa'me Figelo chayovida'a Hermógenes.

Gálatas 1:2

Ami yaqaya'olqa 'me p'etaqadaiquipi jo'ne at'achaqadi' di'me aleua jo'ne Galacia: jayem nataq'aen jogaa'me jayem ueteda'ajop jo'ne qadepi'iyaĝa'u ami janemaĝama da'me qadep'iyenataĝanaĝac.

1 Corintios 16:19

Joga'me p'etaqadaiquipi jo'ne ueteda'a di'me aleua jo'ne Asia ami namaĝalo da'me lamai'j. Aquila nataq'aen Prisca, choqoga'me p'etaqadaiquipi jo'ne yema'a't nale ueda'a ga'me 'lachaqa't jalcote lamai'j ami yanema queda'me qademe'teguet ñe'me Jaliaĝanec.

Hechos 19:10

chane'eja naq'aeta da'me ya'uo, nalo'tagueta dos gaa'me 'uoidi, nach'eda eeta da'me ena'uaque gaa'me jo'ne neda'ña di'me aleua jo'ne Asia, ga'me judiopi nataq'aen ga'me ja judiopi domachita da'me 'laqataĝanaĝac ñe'me Jaliaĝanec.

Hechos 18:23

Mane'e ca'li uo'oe gaa'me noloqo'ote 'me yenoĝodegue, yitaĝa ec ñe'me Pablo qaedi onolqa'tape quetayelo gaa'me noyaqa di'me Galacia nataq'aen Frigia, 'yañaqate'tape ena'uaque joga'me p'etaqadaiquipi.

Hechos 6:9

Uo'oe gaa'me jo'ne chiyoqodaue ga'me judiopi nemaĝaiqui lenaĝat «Jogaa'me qoyejodegue», nach'e ena'ama gaa'me chiyoqoda'a di'me Cirene, di'me Alejandría, di'me Cilicia nataq'aen di'me Asia, paja'a necotedapegue' ca'li ñe'me Esteban;

Juan 7:35

Jogaa'me judiopi lajoĝola'te male mach'e nenatetapega't onolqa'tape, yenate'tape jogaa'me laqaya': —¿Jach'e jogamaĝa yec'ata da'me jetaque ec, da'me qaedi ja jaqanatetaq ta'le yitaĝa jauanaĝa? ¿Qo'li ec qaedi yec'atalo jogaa'me judiopi jo'ne nelagaĝa, qama'le uetauelo jogaa'me jo'ne ja judiopi qaedi yapaĝague'n jogaa'me?

Mateo 10:2

Naajo' mach'e lenaqa'te joga'me doce 'me lamaĝa's: 'uaechiñe ñe'me Simón (da'me lenaĝat laqaya Pedro), Andrés jo'ne laqaya ñe'me Simón, Santiago nataq'aen laqaya Juan mach'e c'oqo'te ñe'me Zebedeo,

Mateo 4:18

'Uo ga'me nolo' ca'li Jesús que'tague ga'me lae jaga'me qa'em lat'edai jo'ne na'ña di'me Galilea, qama'le yauanalo gaa'me dojolqa mach'e naqaya': 'uo ñe'me lenaĝat Simón, (jo'ne qoyen da'me lenaĝat laqaya da'me Pedro), nataq'aen ñe'me lanoqolec jo'ne Andrés. Mach'e 'yacoĝoyaqa, da'me cha'li yachetedañgui ga'me noĝop jaga'me najelaĝai'.

Lucas 18:7

Chane'eja naq'aeta joñe'me Dios: nach'e ena'am de'uolo'te gaa'me liquiyaqa queda'me noloqo'ote nataq'aen pi'yaĝadi da'me yiyaĝadetapecot joñe'me. Qama'le ¿jeele yedaĝachelo da'me leuataqataĝanaĝa'j gaa'me?