1 Juan 5:8 - Nuevo Testamento Toba Sombrero Negro

⁸ joñe'me Dios Lepaqal, nataq'aen ga'me noĝop chaqaga'me letauo' joñe'me Jesús; naajo' tres ena'am da'me onolec qa'a nalotapega't.

Nuevo Testamento Toba Sur

⁸ Qataq tres naua huetalguete ana 'alhua mayi i'axa't de'eda: so Espíritu Santo, qataq so 'etaxat mayi qanachilgui, qataq soua ntago'q mayi qaicoldeec. Qaq ne'enaua tres 'eeta'a't da l'aqtaxanaxa'c.

La'aqtaqa Ñim Lo'onatac 'Enauacna 2013

⁸ Qataq tres naua huetaleguete ana 'alhua maye ỹa'axa't de'era:] Som Saqcha'a La'añaxac Ñim Lo'onatac 'Enauacna, qataq so 'etaxat maye qanachelgui, qataq soua ltago'q So Jesús maye huecolde'c co'ollaq qaiuaxaneguet so npe'enaxaqui. Qaq ne'enaua tres nache 'eeta'a't da la'aqtaxanaxa'c.

1 Juan 5:8 Referans Kwoze

Juan 15:26

“Qalaĝaja novitequena qomle ñe'me anecochoqo't, ñe'me Dios Lepaqal jo'ne chiyoqo'ot joñe'me Taĝadena', qama'le 'yaĝatetac joñe'me jo'ne yataqatelegue. Ñamaĝaquena qomle qaedi chiyaqaue joñe'me Taĝadena' qama'le jayem 'yaĝatetac.

1 Pedro 3:21

Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.

Romanos 8:16

Qama'le nach'eñe ñe'me Dios Lepaqal uaĝayet ñe'me qadepaqal qaedi yechoĝot da'me male qo'mi lec'oqo'tolqa ñe'me Dios.

Marcos 14:56

Qama'le uo'oe gaa'me qayoĝode' jo'ne nenaĝatedegue jo'ne ja ejoda da'me qoyepoleguelegue joñe'me, qalaĝaja ja qo'yamaqate'n jogaa'me 'laqataqa.

2 Corintios 1:22

Joote qo'mi 'yaneque jaga'me 'lanaĝanaqate, nataq'aen yanayelo naa'me qadai'li ñe'me Lepaqal 'me ja 'nalegue nach'eda 'nanaĝajet qoyen ga'me jo'ne qo'mi qoyanema qom'te.

Hechos 15:15

Dojo' nach'eda yedidiñe ca'li gaa'me Dios 'laqataĝanaĝanaqa, jo'ne naq'aeta ga'me qoyediñe, eet'oi:

Mateo 28:19

Chane'eja oquiyi nayi, auec'achiyalo ena'uaque ga'me jiyaĝadipi qama'le a'uaqataĝañema qaedi auauoyi' yapaĝaguenaqa. Anachilaĝañi' jogaa'me, da'me auachiyalo'te da'me lañoqotaĝanaĝac ñe'me Qadet'a choqoñe'me Lec'oĝot choqoñe'me Dios Lepaqal 'me ja 'nalegue,

Hebreos 13:12

Qama'le nach'e ena'am ñe'me Jesús qoyen p'aye ga'me noic da'me 'uo da'me lachoĝodec ca'li yeleu, qaedi qodoĝotaĝaneque gaa'me loeco ga'me jiyaĝadipi, yajouaĝat da'me naliñi qoyen jaga'me mach'e letauo'.

Hebreos 6:4

Qa'a ga'me jo'ne joote 'yamaqaten da'me eja jo'ne chiyaqayi joñe'me Dios choqoda'me joote yaconeguet da'me leyalaqataĝanaĝac joñe'me, nataq'aen joote uetaue ñe'me Dios Lepaqal 'me ja 'nalegue,

Juan 19:34

dite da'me 'uo ga'me jo'ne onolec jogaa'me coico laje' 'me yejoguec jaga'me miyoĝo, yejoyi'uo jo'me lae joñe'me Jesús, qama'le paja'a da'me naliñi jaga'me letauo' choqojo'me noĝop.

1 Juan 5:9

Nale jaconaĝagueta daa'me 'laqataĝanaĝaco jogaa'me jiyaĝadipi, qalaĝaja da'me 'laqataĝanaĝac joñe'me Dios yataqata napacalegue ena'uac; chane'eja yataqata jaconaĝaguet dojo' 'laqataĝanaĝac joñe'me Dios jo'ne dechoqotaĝanec joñe'me Lec'oĝot.