1 Juan 5:7 - Nuevo Testamento Toba Sombrero Negro

⁷ Qa'a naajo' tres jo'ne mach'e choqotaĝanaĝayaqa:

Nuevo Testamento Toba Sur

⁷ Qaq tres naua hueto'oto na piguem mayi i'axa't de'eda: ñi qadta'a, qataq so l'enaxat n'aqtac, qataq so Espíritu Santo. Qaq ne'enaua tres 'eeta'am da 'oonolec.

La'aqtaqa Ñim Lo'onatac 'Enauacna 2013

⁷ Tres naua hueto'oto na piguem maye ỹa'axa't de'era: [Ñi Qarta'a qataq som le'enaxat Na'aqtac qataq so Saqcha'a Na'añaxac Qui'itta, qaq ne'enaua tres 'eeta'am da 'oonolec.

1 Juan 5:7 Referans Kwoze

Mateo 28:19

Chane'eja oquiyi nayi, auec'achiyalo ena'uaque ga'me jiyaĝadipi qama'le a'uaqataĝañema qaedi auauoyi' yapaĝaguenaqa. Anachilaĝañi' jogaa'me, da'me auachiyalo'te da'me lañoqotaĝanaĝac ñe'me Qadet'a choqoñe'me Lec'oĝot choqoñe'me Dios Lepaqal 'me ja 'nalegue,

Hechos 5:32

Nach'eda dojo' qo'mi aqataĝanaĝayaqa, qama'le nach'e ena'am ñe'me Lepaqal ja 'nalegue, jo'ne Dios yanema ga'me jo'ne yoqochideta joñe'me.

Juan 1:1

Da'me 'uaechiñe joca'li, joote 'uo ñe'me jo'ne 'naqatac; nataq'aen ñe'me jo'ne 'naqatac joote ne'tajop joñe'me Dios, nataq'aen da'me nach'eñe joñe'me Dios.

Hechos 2:33

Qama'le Dios yana'ña di'me yayaten, nataq'aen yi'yoĝoden, nataq'aen yanem ñe'me Lepaqal 'me ja 'nalegue jo'ne joote 'yaĝatetapem ca'li. Qama'le ñe'me nach'eñe chiyoqo'tot da'me qo'mi yeyala'aque: dojo' nach'eda auañiya nataq'aen auomachiya nayi.

1 Juan 5:6

Joda'me lovidaĝaquena joñe'me Jesucristo 'nanec qoyen joga'me noĝop ca'li qonachilaĝan, nataq'aen jaga'me letauo' naliñi qoyen ca'li qoyalat; ja nach'egata ga'me noĝop, dite da'me nach'e ena'am noĝop nataq'aen letauo'. Joñe'me Dios Lepaqal nach'eñe jo'ne dechoqotaĝanec da'me dojo', nach'eñe jo'ne yataqata eja.

Juan 8:54

Jesús 'yategueta: —Ta'le mach'e jayem da'me ñi'yoĝodela't, qama'le da'me ñi'yoĝodenaĝac qaya'te lajo'viyaĝac. Qalaĝaja da'me 'uo ñe'me Taĝadena' jo'ne jayem yi'yoĝoden, ñe'me jo'ne aueñetapega Adet'ai.

Mateo 17:5

Mane'e ca'li cha'li dojetac qama'le 'uo ga'me piyem lo'oc jo'ne edañgui yapadelo'te jogaa'me, nach'ega piyem lo'oc chimaqapegoue ga'me nejamaĝa jo'ne enaac: “Jenjo' mach'e Yalec jo'ne jauotec, nach'ena Yiquiyac: anaquiaĝañiya.”

Juan 10:30

Ñe'me Taĝadena' nataq'aen jayem, onolec da'me mach'e qat'oyaĝac.

Juan 5:26

Qa'a naq'aeta joñe'me Taĝadena' 'uo da'me mach'e lec'alaĝa da'me jo'ne mach'e 'loyaĝac, qama'le nach'e ena'am jayem yanem yema da'me 'yoyaĝac jo'ne 'uo da'me yec'alaĝa.

Apocalipsis 19:13

Naa'me louo jo'ne yatedañe joote necouayelo jana'me netauo', qama'le da'me lenaĝat joñe'me eet'oi: “Jona'me 'Laqatac joñe'me Dios.”

Juan 12:28

Qama'le jenaac: «Taĝadena', ¡aualoĝon da'me mach'e at'onaĝac!»” Qanach'e paja'a qodomachiya ga'me najamaĝa jo'ne chiyaqapije'ma di'me piyem, jo'ne eetac: “Joote jaloĝon ca'li, qalaĝaja yitaĝa ji'iyelaĝalegue da'me jaloĝon qomle.”

Juan 8:18

Qo'che' da'me jayem nach'e ena'am da'me mach'e 'ñaĝatetapela't, qama'le ñe'me Taĝadena' jo'ne jayem namaĝaquena, naqaeñe jo'ne aqataĝanaĝaic laqaya 'me jayem 'yaĝatetac.

Mateo 18:16

Qom ja am 'te naquiaĝana, qama'le aviyaĝanalo uoja'aegaua onolec uotaĝa dos jiyaĝa'u qaedi am lecochita da'me dojedapegue' ga'me, nataq'aen am detaĝadelegue.

1 Juan 1:1

Ami yaqaya'olqa, ami ja'aqataĝanaqatapema nayi queda'me jo'ne jalchi'ena 'uo joca'li, nach'eñe jo'ne joote jomachaĝa nataq'aen yataqachiñe jauanaĝa; nach'eñe jo'ne joote jec'atenaqatac choqoda'me joote jepotaqatac; nach'eñe 'naqataĝanaĝac jo'ne dechoqotaĝanec da'me 'noyaĝac jo'ne dalaĝaic.

Juan 14:17

Nach'eñe ñe'me Dios Lepaqal jo'ne yataqatelegue; joga'me aleua laje'pi ja yaqanate't ta'le yacoteguet, qa'a ja yauata nataq'aen da'me ja yateto'n; qalaĝaja da'me ami yataqata auatetoñi, qa'a nach'e eta't ami ue'tajopa nataq'aen da'me male ami uetauelo qomle.

Juan 15:26

“Qalaĝaja novitequena qomle ñe'me anecochoqo't, ñe'me Dios Lepaqal jo'ne chiyoqo'ot joñe'me Taĝadena', qama'le 'yaĝatetac joñe'me jo'ne yataqatelegue. Ñamaĝaquena qomle qaedi chiyaqaue joñe'me Taĝadena' qama'le jayem 'yaĝatetac.

1 Juan 5:8

joñe'me Dios Lepaqal, nataq'aen ga'me noĝop chaqaga'me letauo' joñe'me Jesús; naajo' tres ena'am da'me onolec qa'a nalotapega't.