1 Juan 3:23 - Nuevo Testamento Toba Sombrero Negro

²³ Nach'eda da'me lamaĝajoĝonaĝac, qaedi jep'iyaqa joñe'me Lec'oĝot Jesucristo nataq'aen 'noota qom ñoqopitaqapega't. Naq'aeta da'me qo'mi yamaĝalo'te ca'li.

Nuevo Testamento Toba Sur

²³ Qaq dam lamaxasoxonaxac ñimayi 'eetega da qomi' sa'amaqtenaq so llalec Jesucristo, qataq 'eetega da ñi 'oonolec da shinaqta ÿataqta ÿauotec ca lÿa. Nachida da qomi' ÿamaxalguete.

La'aqtaqa Ñim Lo'onatac 'Enauacna 2013

²³ Qaq dam lamaxasoxonaxac Ñimaye qomi' 'enapegalo da sa'amaqtenaq So Llalec Jesucristo, qataq ñi 'oonolec da shenaqta ỹataqta ỹauotec ca lỹa, ipagaqchiichigui dam qomi' ỹamaxaleguete So Jesús.

1 Juan 3:23 Referans Kwoze

Juan 13:34

Chane'eja nayi male ami janema jenjo' dalaĝaic yamaĝajoĝonaĝac: yataqata anoqopichiya'a't onolqa'tape da'me ami. Aueñe'tem da'me jayem da'me yataqata ami joqopitalo, nach'ena jenjo' auauoyi da'me anoqopichiya'a't qomle.

1 Pedro 1:22

Nayi da'me ami male auoqochiya joda'me 'naqataĝanaĝac jo'ne yataqatelegue qama'le nataq'aen da'me ami yoqovite' qaedi yataqata adoqopichiyalo jogaa'me adaqayadi'. Chane'eja 'noota qom yataqata a'nañaĝachi da'me anoqopichiyapega't onolqa'tape da'me ami.

Juan 15:12

Jenjo' mach'e yamaĝajoĝonaĝac jo'ne ami janema nayi: queda'me jalcote da'me ami joqopitalo, 'noota qom nach'e naq'aeta da'me anoqopichiyapega't da'me ami.

Juan 6:29

'Yategueta ñe'me Jesús qama'le enaac: —Da'me jo'ne Dios 'yamaqaten, jetaque jayem auep'iiya'a, qa'a naqayem jo'ne jayem namaĝaquena.

1 Pedro 4:8

Nataq'aen yaguegue qomle da'me yataqata anoqopichiyapega't, qa'a da'me noqopich'i yaqanatet ta'le yapalaĝa't jalcote naa'me nepatenaĝanaĝaco.

1 Juan 3:11

Dojo' nach'eda Dios 'laqataĝanaĝac jo'ne joote auomachiiya 'me chiyoĝogueta gaa'me noloqo'ote ca'li auep'iiya'a, queda'me 'noota ta'le ñoqopitaqapega't.

1 Juan 4:21

Dios joote qo'mi yanema dojo' lamaĝajoĝonaĝac: queda'me ta'le qadoqopita joñe'me Dios, 'noota qom nach'e ena'am ñoqopitaqapega't.

1 Ts 4:9

Ja auoviñetaque ta'le jediñe ga'me 'yaqatac jo'ne 'yaĝatetac da'me noqopich'i adoqopichiyalo jogaa'me adaqayadi'olqa jo'ne p'iida'a ñe'me Qadet'a, qa'a joñe'me joote ami yapaĝagueneque queda'me 'noota qom anoqopichiyapega't.

Efesios 5:2

Yataqata adoqopichiyalo naa'me adaqayadi', ena'am ca'li joñe'me Cristo da'me yataqata qo'mi noqopitalo qama'le qo'mi nep'aĝanegueta ca'li, qaedi ena'am ta'le qoyen qadajaqajec, ena'am ga'me 'naĝanaĝate c'oĝot jo'ne qoyachalegue ga'me nec'atoĝonaĝala' nale, nach'eñe jo'ne ena'am joga'me neyoĝoque jo'ne jama nale ga'me laeta, yataqata yiyamaĝaden ñe'me Dios.

Marcos 9:7

Qama'le ua'a ca'li needañe ga'me piyem lo'oc jo'ne yapadelo'te jogaa'me. Nataq'aen queda'me chimaqapegoue joga'me lo'oc ga'me nejamaĝa jo'ne enaac: “Jenjo' mach'e yalec jo'ne jauotec: ¡anaquiaĝañiya!”

Mateo 22:39

Nataq'aen uoja'e jenjo' p'ayet ena'am ga'me 'uaeñe; enaac: «Adoqopita ga'me adaqaya nach'e naq'aeta nale anoqopitela't.»

Hechos 16:31

Jogaa'me 'yadeteguet: —Auep'iya'a ñe'me Jaliaĝanec Jesús qama'le anec'alegue, da'me am choqogaa'me jo'ne neteda'ña ga'me at'achaqa'.

Juan 17:3

Qama'le nach'eda da'me 'noyaĝac jo'ne ja 'naidena'a chiyaqayi da'me am qoyateton, da'me am onolec Dios jo'ne yataqatelegue, nataq'aen da'me jayem qoyateton, da'me jayem Jesucristo jo'ne jayem anamaĝaquena.

Juan 14:1

“Ena'te ami totelo'te, dite da'me jayem auep'iiya'a nataq'aen da'me auep'iiya'a ñe'me Dios.

1 Timoteo 1:15

Jenjo' yataqata eja, qama'le 'noota ta'le yema jep'iyaqa, queda'me Cristo Jesús nec'ata ca'li jena'me aleua qaedi nec'alaĝatedegue jogaa'me loeco lo'olpi, qama'le jayem tachigui da'me naqayem loeco lo'o t'adaic.

Juan 1:12

Qalaĝaja uo'oe gaa'me jo'ne yacoteguet joñe'me, nataq'aen da'me p'iida'a, qama'le yanema da'me yaqanate't q'ae'n da'me e'n Dios lec'oqo'tepi.

Juan 2:23

Da'me cha'li ue'ta di'me Jerusalén ñe'me Jesús, jaa'me noloqo'ote jo'ne neualaĝayaĝaiqui 'me Pascua, jalcote joga'me jiyaĝadipi p'iida'a joñe'me queda'me yauanalo gaa'me di'yo't 'me 'nanaqa jo'ne yauo'oe.

Juan 3:18

Jogaa'me jo'ne p'iida'a ñe'me Dios Lec'oĝot qaya'te ne'uaĝanague'j; qalaĝaja jogaa'me jo'ne ja p'iida'a joote 'uo da'me ne'uaĝanague'j queda'me ja p'iida'a ñe'me Dios Lec'oĝot 'me onolec.

1 Juan 2:7

Ami yaqaya'olqa, dojo' namaĝajoĝonaĝac jo'ne ami janema ja dalaĝaic, qa'a nach'eda da'me jo'ne joote auacoñiyeguet, chiyoĝogueta gaa'me noloqo'ote ca'li auep'iiya'a. Dojo' namaĝajoĝonaĝac jo'ne toijec nach'eda jo'ne joote auomachiiya.

1 Juan 4:15

Gamachaqaega jo'ne 'yaĝatetac queda'me Jesús mach'e Dios Lec'oĝot, qama'le Dios netaue joga'me, nataq'aen joga'me ne'tajop joñe'me Dios.

1 Juan 5:13

Ami jo'ne auep'iiya'a joñe'me Dios Lec'oĝot, ami jamaĝalo jenjo' yediijec qaedi auanomitelegue queda'me ami ua'ajopa da'me at'oyaĝaqui jo'ne yataqatelegue.