1 Juan 3:2 - Nuevo Testamento Toba Sombrero Negro

² Ami yaqaya'olqa, joote qo'mi Dios lec'oqo'tolqa, temaqaedi maliaĝa ja jayatenaq da'me qo'mi di'yoĝoma q'ae'n ga'me qo'mi 'yeteque qom'che. Qalaĝaja, jayatenaq qom di'yo'quena joñe'me Cristo qama'le jenaqa'am joñe'me, qa'a jauanaĝa da'me 'loyaĝac qama'le jatetonaq.

Nuevo Testamento Toba Sur

² Qami' ñauochaxa'u ÿaqaÿa't, nagui mashi qomi' llalqa ñi Dios. Qaq saxanaxa da qomi' qaichoxotema chaq hua'ague ca 'eetec qome ca qadataxac ca pa'ateec na'a'q. Qalaxayi qomi' saÿajnaq da qom nachaxan so Jesucristo, nachi ÿataqta shinaqta'am somayi, cha'ayi ÿataqta ñimaqa'ai' da seloqto'ot.

La'aqtaqa Ñim Lo'onatac 'Enauacna 2013

² Qami' ñauochaxau' ỹaqaỹa't, ¡qomi' mashe qomi' llalqa Ñim Lo'onatac 'Enauacna! Qaq na'aictaxa da saxanaxa da saỹatenaqta cam 'eeteque qomi' cam ñaq natauo na'a'q, nachaqrata da saỹatenaq da So Jesucristo qom ỹoltaq nachaxan, nache shenaqta'am Somaye, cha'aye ỹataqta ñimaqa'ai' da seloqto'ot qome.

1 Juan 3:2 Referans Kwoze

Filipenses 3:21

Jena'me jenjo' qadapachiyaĝac jo'ne choĝolaĝaic male qoyapalaĝat qomle, qalaĝaja joñe'me male en nec'alijeguem jena'me jenjo' qadapat, qama'le qoyen yataqata onaĝaic, chayovida'a neleguemaĝata da'me 'loyaĝac joñe'me. Yataqata 'uo da'me lañoqotaĝanaĝac qaedi ya'uo da'me dojo', qa'a nejaliaĝatelo'te yema jogaa'me uo'oe.

Colosenses 3:4

Nach'eñeta ñe'me Cristo jo'ne chiyaqayi da'me at'oyaĝaqui, qama'le qom yitaĝa di'yo'quena ñe'me, qama'le nach'e ena'am ami di'yoĝoma da'me male najaqachiguilo joda'me at'onaĝaqui.

2 Corintios 3:18

Qama'le qo'mi ja qo'mi 'te netayelo ga'me ualoq jo'ne yapadelegue na'me qadatajoĝoc. Jenaqa'am ga'me c'atenaĝanaĝaqui jo'ne yaloĝon da'me 'lonaĝac ñe'me Jaliaĝanec, nach'eñe neleguemaĝat da'me qat'oyaĝac qama'le ñichigaqa'ta da'me jenaqa'am joñe'me, yajouaĝat da'me qo'mi t'onataĝanouelo ñe'me Lepaqal 'me ja 'nalegue.

1 Corintios 13:12

Nach'e naq'aeta qom jetaque jec'atenaq ga'me jo'ne chiyoqo'ot ñe'me Dios, ga'me jo'ne jauanaĝa ena'am ta'le ch'e laqaselegaĝac jo'ne ja yataqachiñe di'yoqotelegue; qalaĝaja yovita qomle ga'me nolo' da'me male yataqachiñe di'yoqochigui jauanaĝa. Nayi ja di'yoĝoyi da'me jateton ñe'me Dios; qalaĝaja qom novitequena ga'me nolo', male yataqachiñe nalochiñe da'me yatetonaĝanaĝac, ena'am da'me eeta joñe'me Dios da'me jayem yateton.

Romanos 8:29

Jogaa'me jo'ne joote latetoñii's ñe'me Dios joca'li, jogaa'me yanema da'me chiyoqochiñe eda'am ñe'me Lec'oĝot, qaedi ñe'me Lec'oĝot nach'eñe nepiloĝot da'me yataqata jalcote joga'me lanoqolqapi.

1 Corintios 15:49

Nayi jenaqa'am di'me 'uaeñe jiyaĝaua jo'ne qoyachiyoĝotaue jena'me aleua ca'li qoye'et; nach'e naq'aeta da'me jenaqa'am qomle ñe'me jiyaĝaua jo'ne chiyaqaje'ma di'me p'ajeguem.

Apocalipsis 22:4

Qama'le yaqanate't da'me yauata na'me latajoĝoc joñe'me, qama'le yanetayelo naa'me nepeldi da'me lenaĝat joñe'me.

2 Pedro 1:4

Naa'me naajo' jo'ne uo'oe, nach'enaua jo'ne chiyaqauelo da'me jo'ne qo'mi 'yaĝatema jo'ne yataqachiñe let'adayaqa nataq'aen da'me jalcote da'me lajo'viyaĝac, qaedi naa'me naajo' jo'ne uo'oe e'n auañoĝochi da'me aneuañiya'uo da'me lajoĝoc ñe'me Dios qama'le nach'e ena'am da'me ami yaĝa'n da'me neleuaĝa jo'ne chiyaqayilo naa'me ja 'noe'n jo'ne lelnataĝaco ga'me loeco lo'olpi 'me uetedalegue jena'me aleua.

1 Corintios 2:9

Qalaĝaja, naq'aeta da'me enapega't naa'me nedii's jo'ne qoyedidiñe ca'li, eet'oi: «Ga'me jo'ne qaya'te yauanapega uotaĝa domachiya, Da'me jo'ne qaya'te uenate'ta ta'le naq'aeta da'me di'yoq, Nach'eda dojo' jo'ne joote Dios yiyamaĝateta't Qaedi yanema gaa'me noqopideta joñe'me.»

1 Juan 3:1

Piiya, ¡yataqachiñe qo'mi noqopitalo joñe'me Dios jo'ne Qadet'a, qama'le jetaque qo'mi e'n lec'oqo'tolqa! Qama'le eja da'me dojo'; qo'che' gaa'me aleua laje'pi ja qo'mi 'te yateto'n, qa'a ja yateto'n joñe'me Dios.

Gálatas 4:6

Qama'le nayi queda'me ena'am ta'le yataqachiñe qo'mi lec'oqo'tolqa, Dios namaĝaquena ñe'me Lepaqal 'me ja 'nalegue jo'ne chiyaqayi ñe'me mach'e Lec'oĝot qaedi qo'mi uetauelo. Qo'che' nale ñetamenoqot ñe'me Dios, ñe'me Lepaqal qo'mi yaje'tema da'me jiyaĝanoqot: “Am Qadet'a 'me am qadoqopita.”

Romanos 8:18

Qa'a gaa'me qadachoĝodeco nayi da'me qat'oyaĝac qom ñaloqotenaĝaneguet da'me 'lonaĝac jo'ne jauanaĝa qomle yataqachiñe ja ena'am ga'me ñetauanaqa'uo qom'che.

Gálatas 3:26

Ami joote auep'iiya'a ñe'me Jesucristo, qo'che' ena'uaque ami joote ami Dios lec'oqo'tepi,

Juan 17:24

“Am Taĝadena', naa'me naajo' jo'ne jayem auanema, da'me jayem jetaque nach'e ena'ama jayem ueteda'ajop, ga'me jo'ne jona'ña qomle, qaedi yauata da'me 'yonaĝac, nach'eda jo'ne am chiyaqayi, jouaĝat da'me jalchi'ena jayem adoqopita ca'li cha'li jona'li 'uo jena'me aleua.

Mateo 5:8

“Nataq'aen made'tapolqa qomle jogaa'me jo'ne yoqovichiguilo naa'me lai'li, qa'a nach'egaua gaa'me jo'ne yauata qomle ñe'me Dios.

1 Juan 2:28

Nayi, ami yalaqapi, 'noota qom nach'e aueñeta't auoqochi'taguet joñe'me Cristo, qaedi yataqachiñe 'uo da'me qadepe'e qom'che di'yo'quena joñe'me, nataq'aen qaedi qo'mi ja qadepocoq qom jajoyaqa'aguet joñe'me da'me lovidaĝac.

Hebreos 9:28

Chane'eja nach'e ena'am ñe'me Cristo onolec da'me qo'yaĝateuo, qama'le qoyen najaqajec jo'ne onolec, qaedi doĝotaĝaneque gaa'me loeco jogaa'me jiyaĝa'u jo'ne qayoĝode'. Qama'le qom'che male yitaĝa di'yoq, male ja naqaenaua naa'me qadoeco ta'le nec'atalo, dite da'me male nec'alaĝatedegue jogaa'me jo'ne yeuatetedaque.

2 Corintios 4:17

'Uo ga'me qalaqa't jo'ne qo'mi 'uaĝayeta nale qalaĝaja nach'enaua uo'oe jo'ne ja let'adayaqa, nataq'aen ja nale'en uo'oe jogaa'me. Ena'am ta'le qadamaic janemaĝam joga'me qa'a Dios qo'mi e'n najaqachiguilo da'me 'lonaĝac jo'ne ja yitaĝa yem nale'en 'uo: 'lonaĝac jo'ne yataqachiñe let'adaic nataq'aen onaĝaic.

1 Juan 5:1

Ena'uaque jogaa'me jo'ne p'iida'a queda'me Jesús mach'e Dios Liquiyac, nach'egaua mach'e Dios lec'oqo'tolqa. Nataq'aen gamachaqaega jo'ne noqopita ga'me net'a, nach'e ena'am noqopitalo jogaa'me lec'oqo'te ga'me.

Lucas 17:30

Nach'e naq'aeta qom'te ga'me nolo' jo'ne jayem di'yo'quena, mach'e jayem Jiyaĝaua Lec'oĝot.

Lucas 20:36

qa'a male ja yitaĝa yele'u. Da'me ena'ama qomle gaa'me piyem laje', nataq'aen yataqachiñe Dios lec'oqo'tolqa queda'me 'niyelaĝadijeguem.

Juan 1:12

Qalaĝaja uo'oe gaa'me jo'ne yacoteguet joñe'me, nataq'aen da'me p'iida'a, qama'le yanema da'me yaqanate't q'ae'n da'me e'n Dios lec'oqo'tepi.

Juan 11:52

Qalaĝaja ja nach'edata da'me yiyamaĝam ga'me judiopi, dite da'me qaedi yapotena't ena'uac jogaa'me nelagaĝa ga'me neteda'ña jo'ne Dios lec'oqo'tepi.

Romanos 8:16

Qama'le nach'eñe ñe'me Dios Lepaqal uaĝayet ñe'me qadepaqal qaedi yechoĝot da'me male qo'mi lec'oqo'tolqa ñe'me Dios.

Romanos 8:19

Yema gaa'me 'lonatacpi ñe'me Dios 'uo da'me lidiaĝa ga'me nolo' qomle jena'me lec'oqo'tepi ñe'me Dios da'me male qoyaloĝo'n.

1 Juan 2:7

Ami yaqaya'olqa, dojo' namaĝajoĝonaĝac jo'ne ami janema ja dalaĝaic, qa'a nach'eda da'me jo'ne joote auacoñiyeguet, chiyoĝogueta gaa'me noloqo'ote ca'li auep'iiya'a. Dojo' namaĝajoĝonaĝac jo'ne toijec nach'eda jo'ne joote auomachiiya.

1 Juan 3:10

Qoyayate'n jogaa'me Dios lec'oqo'tolqa nataq'aen qoyayate'n jogaa'me payac lec'oqo'te, qa'a gamachaqaega jo'ne ja ya'uo da'me 'noota, uotaĝa ja noqopita ga'me laqaya, nach'ega ja chiyoĝoguet joñe'me Dios, dite da'me chiyoĝoguet joñe'me payac.

1 Juan 3:21

Ami yaqaya'olqa, qom qaya'te 'uo ga'me uetayelo naa'me qadai'li, qama'le machiñe da'me qadepe'e da'me jouaqat'ot joñe'me Dios.

Apocalipsis 2:28

Qama'le queda'me yataqata chiyoqodaue da'me nomataĝanaĝac, nach'e ena'am janema qomle jaga'me uaqachiñi jo'ne nichiiji.