Biblia Todo Logo
Bib sou entènèt

- Piblisite -




1 Juan 3:19 - Nuevo Testamento Toba Sombrero Negro

19 Qom jauoqo da'me dojo', qama'le jayatenaq queda'me jachiyajaqaue da'me eja, qama'le 'uo da'me qat'emaĝac queda'me jouaqat'ot joñe'me Dios.

Gade chapit la Kopi

Nuevo Testamento Toba Sur

19 Qaq 'eda da 'eetec da qomi' saÿajnaq da ÿoqta qomi' 'eesoda qataq da sa ñi'aloxonaqtac da souaqto'ot ñi Dios.

Gade chapit la Kopi

La'aqtaqa Ñim Lo'onatac 'Enauacna 2013

19-20 Qomi' saỹatenaq da qomi' lalamaqa'ate Ñim Lo'onatac 'Enauacna, cha'aye sauotaxac na qaraỹepi. Qaq ỹoqo'oye da ñanomaqta da huo'o ca qarasouaxashet, qalaxaye nache 'ena'am saỹaanaqta da Ñim Lo'onatac 'Enauacna saishet da qomi' nmaxaleguete camaye, cha'aye Ñimaye nataỹaña 'enauac nam nvilỹaxacpi qataq 'enauac ỹaỹaten.

Gade chapit la Kopi




1 Juan 3:19
15 Referans Kwoze  

Chane'eja 'noota qom ñichiyaĝa'uo joñe'me Dios, da'me yoqovichiguilo naa'me qadai'li nataq'aen qaya'te 'uo ga'me qadoqoleguetaĝanaĝac da'me yataqata jep'iyaqa joñe'me, da'me joote qoye'n yoqovite' naa'me mach'e qadelnataĝaco, nach'e ena'am da'me joote qoyiyodingui naa'me mach'e qadoje' ga'me noĝop jo'ne qaya'te lale'gue.


Ami yaqaya'olqa, qom qaya'te 'uo ga'me uetayelo naa'me qadai'li, qama'le machiñe da'me qadepe'e da'me jouaqat'ot joñe'me Dios.


Qama'le Pilato yenatec da'me dojo': —Chane'eja, ¿qo'li ja naq'aeta da'me naqa'am jo'ne am nejaliaĝanec? Jesús 'yateguet joñe'me Pilato: —Naq'aeta da'me anenaĝategue: jayem nejaliaĝanec. Da'me jayem ñiyiñe queda'me ñec'ata jenjo' aleua qaedi ja'aĝatetac da'me jo'ne eja, qama'le ena'uaque jogaa'me 'yamaqate'n da'me eja, nach'egaua jayem naquiaĝata.


Qom 'uo ga'me enaac: “Qaya'te yoec”, qama'le noqovila't nataq'aen da'me eja ja netaye joga'me.


Qama'le nayi, nach'eda da'me 'uo ga'me yachoĝodec, yajouaĝat da'me dojo' 'yonataĝanaĝac, qalaĝaja jenjo' yataqata ja jepocoĝolegue, qa'a jayaten ñe'me jep'iya'a, yataqata jayaten da'me 'uo da'me lañoqotaĝanaĝac qaedi jayem netela, chayovida'a qom yitaĝa 'niyelaq joñe'me Jaliaĝanec.


yataqachiñe najaqachigui na'me lauel da'me yayaten ñe'me Dios da'me yaqanatet ta'le yepaquichigui yema ga'me 'laqatac, qa'a 'uo da'me lañoqotaĝanaĝac da'me ye'et ga'me joote yaqataĝañi.


Qom yataqata anoqopichiya'a't onolqa'tape da'me ami, qama'le yema ga'me jiyaĝadipi yayate'n qomle da'me yataqata ami yapaĝaguenataqa.


Jayatenaq queda'me jachiyajaqaue da'me neleuaĝa qama'le nayi jaĝaue da'me qadec'alaĝa; dojo' jayatenaq qa'a qadoqopitalo gaa'me qadaqaya'olqa. Ga'me jo'ne ja noqopita ga'me laqaya maliaĝa uetaue da'me neleuaĝa.


Nach'ediaua dia'me jiyaĝa'u yataqata p'iida'a joñe'me Dios chayovida'a da'me yele'u, qalaĝaja ja yacoteguet gaa'me uo'oe jo'ne Dios te'me 'yaĝatema, dite da'me ena'am ta'le yauanalo da'me te'me qaya'alo. Qama'le yataqata made'tapolqa ca'li jodia'me, mate mane'e da'me nechoĝotela'ajalo da'me ena'am ta'le ja 'lachaqa't jena'me aleua joca'li.


Jayem jayatetelegue da'me qaya'te jenaĝa chiyaqayi ta'le qo'mi yaqanate't qaedi qolaqa'e da'me loqopich'i ñe'me Dios: uotaĝa da'me neleuaĝa, uotaĝa da'me 'noyaĝac, uotaĝa jogaa'me piyem laje', uotaĝa jogaa'me nañoqotaĝanaĝaco 'nañaĝaco 'me uedo'ot di'me piyem, uotaĝa ga'me 'uo nayi, uotaĝa ga'me na'taquena,


Qama'le nayi ami janema jenjo' 'yaqatac; qalaĝaja, yaqa'a ta'che ja auayachiñe da'me jo'ne eja, dite da'me joote auayachiñe; nataq'aen auayachiñe queda'me gamachaqaega noqovinaĝanaĝac ja yaqanatet ta'le qoyachiyoĝotaye q'aen da'me jo'ne eja.


Qa'a qom 'uo ga'me uetayelo naa'me qadai'li jo'ne ja qo'mi e'n machidiñe q'ae'n, qama'le joñe'me Dios napacalegue da'me qadetadenataĝanaĝac, nataq'aen yayate'n ena'uaque gaa'me jo'ne uo'oe.


Swiv nou:

Piblisite


Piblisite