1 Juan 3:16 - Nuevo Testamento Toba Sombrero Negro

¹⁶ Jayatenaq da'me jo'ne yataqata noqopich'i qa'a ena'am ta'le noqopich'i ñe'me Jesucristo, ca'li yanegue da'me nejiyaĝauayaĝac da'me qoyalat qa'a jouaĝat qo'mi. Chane'eja, nach'e naq'aeta qo'mi, 'noota qom yecochaĝanaĝanegueta da'me qanejiyaĝauayaĝac jogaa'me qadaqaya'olqa.

Nuevo Testamento Toba Sur

¹⁶ Qaq saÿajnaqta da 'eetec da nauotaxanaqtaic, cha'ayi so Jesucristo qomi' ÿapaxaguenque co'ollaq ÿan da nachaalataxac da qomi' ileualguete. Qaq ÿoqo'oyi nataq'en qomi' sanaq da qanachaalataxac da ñañanaxalec na qadqaÿañicpi.

La'aqtaqa Ñim Lo'onatac 'Enauacna 2013

¹⁶ Qalaxaye qomi' mashe saỹatenaq da naigui da nsoxoyec, cha'aye So Jesucristo ỹaaleguete qomi' da nachaalataxac. Qaq ỹoqo'oye nataqa'en qomi' iuen da sanaq da qanachaalataxac da ñañanaxalec na qara'amqaanataxanaxauapi.

1 Juan 3:16 Referans Kwoze

Efesios 5:2

Yataqata adoqopichiyalo naa'me adaqayadi', ena'am ca'li joñe'me Cristo da'me yataqata qo'mi noqopitalo qama'le qo'mi nep'aĝanegueta ca'li, qaedi ena'am ta'le qoyen qadajaqajec, ena'am ga'me 'naĝanaĝate c'oĝot jo'ne qoyachalegue ga'me nec'atoĝonaĝala' nale, nach'eñe jo'ne ena'am joga'me neyoĝoque jo'ne jama nale ga'me laeta, yataqata yiyamaĝaden ñe'me Dios.

Juan 13:34

Chane'eja nayi male ami janema jenjo' dalaĝaic yamaĝajoĝonaĝac: yataqata anoqopichiya'a't onolqa'tape da'me ami. Aueñe'tem da'me jayem da'me yataqata ami joqopitalo, nach'ena jenjo' auauoyi da'me anoqopichiya'a't qomle.

Juan 3:16

Qa'a naq'aeta da'me Dios noqopitalo ena'uaque gaa'me aleua laje'pi, queda'me yanegue ñe'me mach'e Lec'oĝot jo'ne onolec, qaedi ena'uaque jogaa'me jo'ne p'iida'a joñe'me ja yitaĝa yele'u dite da'me yauata da'me 'loyaĝa'j jo'ne ja 'naidena'a.

Romanos 5:8

Qalaĝaja Dios di'yoq q'aen da'me qo'mi noqopitalo, chaqaeda da'me maliaĝa qolaqatauelo gaa'me qadoeco ca'li, yajouaĝa't qo'mi ca'li yeleu ñe'me Cristo.

Apocalipsis 1:5

qama'le nach'e ena'am chiyoqo'ot joñe'me Jesucristo, nach'eñe jo'ne choqotaĝanaĝaic 'me yataqatelegue, joñe'me jo'ne 'uaechiñe da'me 'niyelaĝajeguem da'me chiyaqauelo gaa'me napa'lpi, qama'le yataqata nejaliaĝatelo'te yema jogaa'me nejaliaĝanaqa jena'me aleua. Nach'eñe jo'ne jalcote da'me qo'mi noqopitalo, Qama'le qo'mi doĝotaĝaneque gaa'me qadoeco Ca'li naliñi jaga'me letauo' da'me qoyalat.

1 Pedro 3:18

Qa'a nach'e ena'am ñe'me Cristo 'uo da'me lachoĝodec ca'li yeleu, yajouaĝa't naa'me adoecodi', onolec da'me naloĝola't qama'le ja yitaĝa ta'le di'yoq. Ñe'me jo'ne qaya'te ta'le laviyaĝajet qalaĝaja nach'e ena'am 'uo da'me lachoĝodec q'aen yajouaĝat da'me ami loeco lo'ol, qaedi ami yauegalo joñe'me Dios. Qama'le ja qalaq da'me male pal da'me ch'e nejiyaĝauayaĝac ca'li yeleu, qalaĝaja yitaĝa 'niyelaĝajeguem queda'me 'uo da'me 'loyaĝac jo'ne ja di'yoq 'me qaya'te loiquiaqa'.

Mateo 20:28

Qa'a mate mane'e jayem jo'ne yataqachiñe jayem Jiyaĝaua Lec'oĝot, ja ñanaequena qaedi 'uo da'me ñecochaguec, dite da'me ñanaequena qaedi yecochiyalo joga'me jiyaĝadipi 'me jalcote nataq'aen qaedi janema da'me 'yoyaĝac, qaedi ñep'aĝanegueta jogaa'me.

Hechos 20:28

Chane'eja 'noota qom a'vicheta't adechiliyalo ena'uaque ga'me p'etaqadaiquipi, nach'eda jo'ne Dios Lepaqal ami e'n 'naĝanaĝate neuatoqo'tpi qaedi adechiliyalo ena'uaque ga'me Dios lec'oqo'tepi jo'ne nach'eñe en lajo'vi jaga'me letauo' ñe'me mach'e lec'oĝot da'me ecot.

Efesios 5:25

Gaa'me le'mi, 'noota ta'le yataqata noqopitalo gaa'me loua', qa'a nach'e ena'am ñe'me Cristo da'me qo'mi noqopitalo, qama'le qo'mi nep'aĝanegueta ca'li qoyalat,

Tito 2:13

'Noota qom naq'aeta da'me jauoqo qa'a 'uo da'me qadajoĝonataĝanaĝac ga'me 'uo qomle jo'ne qo'mi e'n made'tapolqa: qom male qoyaloĝon da'me 'lonaĝac joñe'me Jesucristo qom 'niyelaq, nach'eñe jo'ne mach'e Qanedios p'ajaye nataq'aen mach'e Qadec'alaĝaiqui.

Romanos 16:4

Jogaa'me jayem nec'alaĝatedegue ca'li qa'a jogaa'me 'nañaĝateguet ga'me 'uo da'me lichic da'me jayem yoĝochidiñe ca'li jetaque 'uo ga'me jayem qo'yetec. Qama'le ja jaldata janema ga'me yamaic, dite da'me ena'uaque jogaa'me qadaqaya'olqa p'etaqadaiquipi jo'ne ja judiopi.

1 Juan 2:6

Ga'me jo'ne eetapela't yataqata netaye joñe'me Dios, 'noota qom que'teguelo daa'me 'lonataqa joñe'me Jesucristo.

Juan 10:15

Qama'le nach'e ena'am da'me jayem yateton ñe'me Taĝadena' nataq'aen da'me jayem jateton ñe'me Taĝadena', qama'le janegue da'me 'yoyaĝac qaedi ñec'alaĝatedegue jogaa'me 'naĝanaĝatel.

Filipenses 2:17

Da'me jayem uotaĝa male jayem qoyalat qomle, qama'le da'me yeleuaĝa ena'am ta'le qoyen najaqajec jo'ne qoyecodelegue da'me mach'e adajaqajec 'me chiyaqayi da'me adepi'i. Qama'le qom naq'aeta jena'me jenjo', male yataqata jayem matac jo' qomle, qama'le ami ñetauanaĝa'u da'me yamaic, onolqa'tape da'me ami.

Apocalipsis 5:9

Qama'le 'yotedac jenjo' nalac jo'ne dalaĝaic: “Naqa'am jo'ne aueloteguet qoyen Da'me auacona ga'me nenañejec Qaedi anaqa't jogaa'me 'nanaĝanaqatel, Qa'a naqa'am jo'ne am qoyalat joca'li Qama'le naliñi jana'me adetauo' Da'me aue'n nejetenatac ñe'me Dios Joga'me jiyaĝadipi jo'ne yodapecache naa'me 'loyaĝaco naa'me 'laqataqa, Ena'uac da'me neqomyaĝac Nataq'aen ena'uaque gaa'me noyaqa.

1 Pedro 2:24

Qa'a nach'eñe ñe'me Cristo jo'ne qo'mi nep'aĝanegueta ca'li yachi'y naa'me qadoeco qama'le ga'me lapat qoyachalegue jaga'me sodoso, qaedi da'me qo'mi male qolaqa'e da'me qadoiquiyaĝac qama'le jouaqaue da'me nec'alaĝa jo'ne ja 'nalegue. Joñe'me Cristo uo'oe ca'li jogaa'me yedidiñe qaedi ami nec'alaĝatedegue.

1 Pedro 1:18

Qa'a joote auayachiñe da'me ami joote qoyachiyoĝotedaue da'me 'noyaĝac jo'ne qaya'te chiyaqayi, da'me 'noyaĝac jo'ne e'n adoĝochi jodia'me mach'e auachiyoĝogueta 'me adet'aldi', nataq'aen auayachiñe da'me jo'ne lajo'viyaĝac jenjo' jo'ne yaqanatet da'me ami nauela'ajalo ja qoyen 'te lajo'vi ga'me oro uotaĝa jaga'me plata jo'ne pa'l jo' qomle,

Filipenses 2:30

qa'a ñejo' yamta'le yeleu da'me t'onataĝatape'uo joñe'me Cristo, yataqata yanegue joda'me nejiyaĝauayaĝac qaedi jayem lecochaĝaneguet, da'me jo'ne ja auaqanachichi ta'le auauoyi da'me ami, yajouaĝat da'me ami qaya'alo.

Juan 10:11

Naqayem jo'ne jayem 'naĝanaĝate nouatoqo't 'me onaĝaic. Ga'me jo'ne onaĝaic 'naĝanaĝate nouatoqo't yanegue da'me 'loyaĝac qaedi nec'alaĝatedegue jogaa'me 'naĝanaĝatelpi;

1 Ts 2:8

Qo'mi yataqata jalcote da'me ami qadoqopitalo. Chane'eja ja nach'edata da'me 'laqataĝanaĝac ñe'me Dios jo'ne jetaque ami janemaĝama, dite da'me nach'e ena'am jetaque ami janemaĝama da'me mach'e qat'oyaĝac. Qa'a ¡nayi yataqata ami qanauotaĝa'u!

1 Juan 2:9

Qom 'uo gamachaqaega jo'ne eetapela't netaye da'me yoqochiñe, qalaĝaja maliaĝa niquiya'a ga'me laqaya, qama'le maliaĝa uetaue da'me 'lalaĝa.

2 Corintios 4:12

Chane'eja, mate mane'e yeleeta da'me qat'oyaĝac, qalaĝaja ami, male auacoñiyeguet da'me at'oyaĝaqui 'me dalaĝaic.