1 Juan 3:15 - Nuevo Testamento Toba Sombrero Negro

¹⁵ Ga'me jo'ne niquiya'a ga'me laqayolec ena'am ta'le lataĝanaĝaic joga'me, nataq'aen auayachiñe queda'me qaya'te lataĝanaĝaic ta'le yauana da'me 'loyaĝac jo'ne yataqatelegue.

Nuevo Testamento Toba Sur

¹⁵ Qaq 'enauac nam nquiÿatapega cam lqaÿa, namayipi laataxanaxaic. Qaq qami' qauaÿajñi da sa ishit da huo'o ca laataxanaxaic da inoxoneu'a da nca'alaxa mayi chochaq tateec.

La'aqtaqa Ñim Lo'onatac 'Enauacna 2013

¹⁵ Da qami' qanquiỹaita'a't, nache qami' laataxanaxaiqa. Qaq mashe qauaỹachiñi da qaica ca laataxanaxaic da inoxoneua'a da nca'alaxa maye chochaq tatec.

1 Juan 3:15 Referans Kwoze

Apocalipsis 21:8

Qalaĝaja jogaa'me jo'ne qolanaqaiquipi choqoga'me qoleguetaĝanaĝaiquipi, nataq'aen gaa'me jo'ne qodaqaequeda'a, choqoga'me lataĝanaĝaiquipi nach'e ena'am da'me quejeguetaĝaiquipi nataq'aen gaa'me jo'ne yeda'n gaa'me laqaya', choqogaa'me jo'ne netametot nale ga'me nequi'i, choqoga'me ena'uac joga'me pecaiquipi, yema jogaa'me yovidedeta qomle da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

Juan 8:44

Ñe'me adet'ai nach'eñe ñe'me payac, chane'eja da'me mach'e lelnataĝac a'vichetac, ga'me jo'ne mach'e 'yamaqaten. Da'me jo'ne 'uaechiñe joca'li nach'eñe ñe'me payac jo'ne dalataĝanac; Ñe'me nach'e eta't da'me ja ue'tajop ga'me eja, nataq'aen da'me ja yaqanatet ta'le 'yaĝatetac da'me eja. Mane'e qom nenaĝategue ga'me loqovinaĝanaĝac qama'le 'yaĝatetac ga'me mach'e loĝot, qa'a nach'eñe jo'ne qovinaĝanaĝaic, nataq'aen e'n qovinaĝanaĝayaqa gaa'me jiyaĝa'u jo'ne mach'e lec'oqo'te.

Hechos 23:14

Chane'eja, yec'atalo ca'li gaa'me lejaliaĝanaqa joga'me tamenaĝaiqui lo'olpi nataq'aen 'yaĝaicachidipi jo'ne judiopi, qama'le t'aqataĝanema jogaa'me, eetojo': —Qo'mi joote ja'anaĝañi da'me qat'aqatac jo'ne ja no'en queda'me cha'li qaya'te gamachaqaega jaliguinaq qom maliaĝa ja jalataq ñe'me Pablo.

Santiago 1:15

Naa'me naajo' ja 'noe'n jo'ne namaico, nach'enaua jo'ne chiyaqayilo naa'me loeco ga'me jiyaĝaua, qama'le qom yovita da'me male nalo'ta't yema da'me jo'ne chiyaqayilo naa'me loeco, qama'le male najeguem da'me 'uo da'me neleuaĝa.

Hechos 23:12

Mane'e ga'me nete' laqaya, uo'oe ga'me judiopi jo'ne nayatena't ca'li da'me jetaque yala't ñe'me Pablo, qama'le 'yaediñi da'me 'laqata'j jo'ne ja no'en queda'me cha'li ja deque'y nataq'aen ja niyo'm chayovida'a qom maqachaĝa yaqanate't ta'le yala't.

Juan 4:14

qalaĝaja joga'me jo'ne niyomigui ga'me noĝop jo'ne mach'e janegue, ja yitaĝa ta'le 'niyelaĝa ga'me noĝop lamaic. Qa'a joga'me noĝop jo'ne mach'e janegue ja yitaĝa em, qama'le ena'am ga'me ladic joga'me noĝop jo'ne nec'alaĝaiqui, chayovida'a ga'me jiyaĝaua taue da'me 'loyaĝac jo'ne ja 'naidena'a.

Marcos 6:19

Nach'eda da'me 'laqatac ñe'me Juan yajouaĝatem jañe'me Herodías queda'me niquiya'a joñe'me qama'le jetaque en qoyalat. Qalaĝaja ja yaqanatet,

Mateo 5:28

Qalaĝaja ami ja'aĝatema queda'me gamachaqaega jo'ne yec'aten jaga'me yauo qama'le yepita'a, joote taue da'me loec joga'me.

1 Pedro 1:23

Qa'a da'me ami ena'am ta'le yitaĝa 'niyelaq da'me aniyiñe, qama'le nayi ja naqaeda da'me net'ayaĝac 'me ch'e qanejiyaĝauayaĝac jo'ne pal qomle, dite da'me nach'ena na'me 'laqatac joñe'me Dios, jo'ne nach'e eta't nec'aletaye nataq'aen da'me ja pal.

1 Juan 2:9

Qom 'uo gamachaqaega jo'ne eetapela't netaye da'me yoqochiñe, qalaĝaja maliaĝa niquiya'a ga'me laqaya, qama'le maliaĝa uetaue da'me 'lalaĝa.

1 Juan 2:11

Qalaĝaja ga'me jo'ne ja noqopita ga'me laqaya, nach'ega uetaue da'me 'lalaĝa, nataq'aen quetalegue da'me 'lalaĝa, qama'le ja yayaten ga'me dajoyi, qa'a da'me 'lalaĝa yaqanamaqatet joga'me.