Biblia Todo Logo
Bib sou entènèt

- Piblisite -




1 Juan 3:12 - Nuevo Testamento Toba Sombrero Negro

12 Ena'te jenaqa'am di'me Caín, jo'ne quetapegue' ñe'me payac joca'li qama'le niquiya'a di'me lanoqolec Abel, chayovida'a yalat jodi'me. Qama'le ¿toqoch'e yalat? Yalat jaĝa'te qa'a Caín ja 'noe'n daa'me 'lonataqa qalaĝaja di'me lanoqolec qamqa'me 'noote' daa'me 'lonataqa.

Gade chapit la Kopi

Nuevo Testamento Toba Sur

12 Qaq sa ishit qome da shinaqta'am so Caín mayi quetague' som shiÿaxaua mayi lma'na, nachi ÿalauat co'ollaxa so lalamaxat lqaÿa. Qaq ¿chaq tá'ainco' yi ÿalauat? Qomyi da i'ottac so Caín sa ÿaÿamaxañi, qaq som lqaÿa qalaq ÿataqta ÿaÿamaqchiguiñi da i'ottac.

Gade chapit la Kopi

La'aqtaqa Ñim Lo'onatac 'Enauacna 2013

12 Saishet da shenaqta'am so Caín maye 'eeta'am ca llalec so pa'aguenataxanaxaic, nache ỹalauat so lqaỹa. Qaq ¿ta'ainco' ye ỹalauat? Qomye da ỹo'ottac so Caín co'ollaxa ỹataqta qauem, qaq dam ỹo'ottac som lqaỹa co'ollaxa qalaq ỹataqta 'onaxaic.

Gade chapit la Kopi




1 Juan 3:12
31 Referans Kwoze  

Ñe'me Abel yataqata p'iya'a ñe'me Dios, qama'le ya'uo joca'li ga'me lajaqajec jo'ne onaĝaic 'me yanem joñe'me Dios, ga'me jo'ne napacalegue ga'me lajaqajec ñe'me Caín. Chane'eja nach'eñe ñe'me Abel jo'ne qoyiyamaĝaden ca'li, da'me qo'yaĝatetac da'me yataqatelegue, qama'le qoyaconeguet ga'me mach'e lajaqajec. Qama'le nayi, mate mane'e Abel joote yeleu joca'li, qalaĝaja da'me lepi'iyaĝac maliaĝa queta da'me qo'mi t'aqataĝatapema.


¡Degueja qom'te da'me lachoĝode'j jogaa'me! Qa'a quetede'egue di'me Caín, nataq'aen da'me eda'am di'me Balaam queda'me jetaque nauedela't jaga'me laicaua, qama'le dajediñe. Nataq'aen qoleguetaĝanaĝayaqa jogaa'me, eda'am di'me Coré joca'li, qama'le nimichidiñe jo' qom'te.


chiyoqotelegue jaga'me tauo' di'me Abel chayovida'a Zacarías, jo'ne nach'edi qoyalat ca'li ua'a ga'me c'atoĝonaĝala' nataq'aen ga'me tamenaqa' jo'ne ja 'nalegue. Qama'le nayi ami ja'aĝatema queda'me Dios yepoleguelo'te jena'me jenjo' jiyaĝadipi da'me leleuaqa' jodia'me.


Chane'eja nach'e ami ualo'te da'me ane'uaĝanaguequi qomle jouaĝat yema jaga'me tauo' dia'me yataqatelo'te 'me qoyen naliñi chiyoqotelegue di'me Abel jo'ne yataqatelegue chayovida'a Zacarías, 'me Berequías c'oĝot, nach'edi jo'ne aualachiyalegue ga'me tamenaqa' 'me ja 'nalegue nataq'aen ga'me c'atoĝonaĝala'.


Qalaĝaja nayi da'me male ja aualequechiñe da'me napacalo'te ja 'noe'n q'ae'n da'me nejiyaĝauayaĝa'j jogaa'me ja p'etaqadayaqa; qo'che' jogaa'me male loualeteguet qama'le ami ye'ue'tape.


Nataq'aen auec'achiya joñe'me Jesús, nach'eñe jo'ne joote yomat da'me dalaĝaic 'namaqatenataĝanaĝac, qama'le nach'e ena'am jaga'me letauo' jo'ne naliñi joca'li qaedi en qo'mi yoqovite' q'ae'n, jaga'me jo'ne nach'e ena'am da'me qo'mi 'yaĝatema da'me onaĝaic, jo'ne ja ena'am jaga'me letauo' ñe'me Abel.


Qalaĝaja ga'me jo'ne quetalo'te jogaa'me loeco, nach'ega jo'ne chiyaqayi ñe'me payac, qa'a jalchi'ena ya'uo loec joñe'me payac joca'li gaa'me noloqo'ote jo'ne 'uaechidiñe. Qalaĝaja joote naequena joñe'me Dios Lec'oĝot qaedi yapalaĝa't ena'uaque jogaa'me 'lonataĝanaĝaco ñe'me payac.


¿Jach'e jogamaĝa Dios 'laqataĝanaĝanec jo'ne maqachaĝa ja ja no'en da'me 'yetedec dia'me adet'aldi'? Jodia'me yala't gaa'me jo'ne te'me 'yaĝatetapema da'me lovidaĝac ñe'me jo'ne chimaqachiñe, qama'le nayi queda'me jenjo' jo'ne chimaqachiñe joote novi', qama'te mach'e ami da'me ap'aelegue qama'le aualachi ca'li.


Qama'le ñe'me Jesús enaac: —Uo'oe qayoĝode' jogaa'me 'yonataqa 'me onaĝayaqa jo'ne chiyoqodayi da'me lañoqotaĝanaĝac ñe'me Taĝadena', naa'me jo'ne joote auañiyalo nale jayem auajoyi'taguet. ¿Jach'e jogamaĝa jayem auajouaĝachem naa'me naajo' jo'ne uo'oe da'me jetaque jayem auajaqaye?


Pilato yachimaĝatalo: —¿Toqoch'e? ¿Jach'e ga'me ja no'en jo'ne ya'uo? Qalaĝaja jogaa'me yitaĝa niyaĝadijeguem: —¡¡Auep'enajeguem!!


qama'le ga'me nanaĝanaqa' nach'ena jena'me qa'naleua, jaga'me onaĝai peta nach'egaua uetedaue da'me Dios lejaliaĝa, jaga'me najeguem jo'ne cizaña nach'egaua c'oqo'te ñe'me payac,


jogaa'me jo'ne domachita da'me qo'yaĝatetac joda'me nejaliaĝa qama'te ja yayate'n, eda'am jaga'me nepeta jo'ne tachi'ñgui ga'me naq'aec; novi' ñe'me payac qama'le doĝotaĝanec da'me 'naqataĝanaĝac jo'ne qoyanoue ga'me lauel.


Chane'eja da'me jayem male jauana jañe'me yauo da'me joote en taĝai q'aen jana'me letauo't ga'me jiyaĝadipi jo'ne ja 'nalo'te, nach'egaua jo'ne joote qoyala't yajouaĝat da'me 'yaĝatetedac joñe'me Jesús. Qama'le da'me jayem yataqata da'me joqoch'em.


Ami yaqaya', ca'li 'uo ga'me adachoĝodequi male ami qoyecaa'tape chiyaqauelo ga'me at'achaqadiaĝauaipi, qama'le nach'e ena'ama uauelo ga'me netamenaĝaiqui ñe'me Dios, jo'ne mach'e loqo'te ñe'me Cristo Jesús, jo'ne neda'ña di'me Judea, jo'ne nach'e ena'ama yataqata qoyecaa'tape ca'li, qalaĝaja ja yaqa'alo joga'me yecaa'tape mach'e layi joga'me judiopi.


Qalaĝaja 'noota qom nach'edata da'me a'uachiyi: “Jaja'a” uotaĝa “Aja'y.” Qa'a gamachaqaega ga'me at'aqataqui jo'ne anoqochichiñegue da'me dojo' chiyaqayi ñe'me payac jo'ne ja no'en.


Qama'le da'me jayem, mate mane'e ami ja'aĝatema da'me eja jo'ne Dios jayem yapaĝaguenec, qama'te jetaque jayem aualachi. ¡Di'me Abraham yataqachiñe qaya'te 'lonatac ta'le naq'aeta!


Qama'le da'me ami ¡auadenaĝachi da'me ya'uo joca'li di'me adet'ai! Jogaa'me enapega'ajalo: —Da'me qo'mi, ja qo'mi 'te lec'oqo'te ga'me jo'ne chiyaqaue da'me nequejeguetaĝa. ¡Onolec ñe'me Qadet'a, Dios!


Swiv nou:

Piblisite


Piblisite