1 Juan 3:11 - Nuevo Testamento Toba Sombrero Negro

¹¹ Dojo' nach'eda Dios 'laqataĝanaĝac jo'ne joote auomachiiya 'me chiyoĝogueta gaa'me noloqo'ote ca'li auep'iiya'a, queda'me 'noota ta'le ñoqopitaqapega't.

Nuevo Testamento Toba Sur

¹¹ Cha'ayi dam n'aqtaxanaxac mayi qau'aqaichigui co'ollaq chita'ague da qau'amqajnataxañi, 'eeta': Ñi 'oonolec da shinaqta ÿataqta ÿauotec ca lÿa.

La'aqtaqa Ñim Lo'onatac 'Enauacna 2013

¹¹ Cha'aye dam chegoqta'ague da qami' qaỹapaxagueetegueque da ñi 'oonolec da shenaqta, iuen da ỹataqta ỹauotec ca lỹa.

1 Juan 3:11 Referans Kwoze

Juan 15:12

Jenjo' mach'e yamaĝajoĝonaĝac jo'ne ami janema nayi: queda'me jalcote da'me ami joqopitalo, 'noota qom nach'e naq'aeta da'me anoqopichiyapega't da'me ami.

2 Juan 1:5

Nayi, am yaqayole, am ñachoĝodenot queda'me 'noota ta'le onolqa'tape qo'mi ñoqopitaqapega't. Jenjo' 'yaqatac jo'ne am janem ja namaĝajoĝonaĝac jo'ne dalaĝaic, dite da'me nach'eda da'me Dios lamaĝajoĝonaĝac jo'ne jaconaĝaguet ga'me chiyoĝogueta gaa'me noloqo'ote ca'li jep'iyaqa.

1 Juan 4:7

Ami yaqaya'olqa, 'noota qom nach'e eta't ñoqopitaqapega't, qa'a da'me qadoqopich'i chiyoĝoguet joñe'me Dios. Qama'le ena'uaque gaa'me jo'ne 'uo da'me loqopich'i, nach'egaua lec'oqo'te joñe'me Dios qama'le yateto'n joñe'me.

1 Juan 4:21

Dios joote qo'mi yanema dojo' lamaĝajoĝonaĝac: queda'me ta'le qadoqopita joñe'me Dios, 'noota qom nach'e ena'am ñoqopitaqapega't.

1 Pedro 4:8

Nataq'aen yaguegue qomle da'me yataqata anoqopichiyapega't, qa'a da'me noqopich'i yaqanatet ta'le yapalaĝa't jalcote naa'me nepatenaĝanaĝaco.

1 Pedro 3:8

Chane'eja, 'noota qom aueñi onolec da'me adelnataĝaqui, choqoda'me joĝodayaqa naa'me adai'lidi', nataq'aen da'me ami qopitaĝanaqataqayaqa, choqoda'me ami choĝodenataĝanaĝayaqa, nataq'aen da'me ja ami 'te 'yoĝodenaĝayaqa.

Efesios 5:2

Yataqata adoqopichiyalo naa'me adaqayadi', ena'am ca'li joñe'me Cristo da'me yataqata qo'mi noqopitalo qama'le qo'mi nep'aĝanegueta ca'li, qaedi ena'am ta'le qoyen qadajaqajec, ena'am ga'me 'naĝanaĝate c'oĝot jo'ne qoyachalegue ga'me nec'atoĝonaĝala' nale, nach'eñe jo'ne ena'am joga'me neyoĝoque jo'ne jama nale ga'me laeta, yataqata yiyamaĝaden ñe'me Dios.

1 Juan 1:5

Dojo' 'naqataĝanaĝac jo'ne Jesucristo qo'mi yapaĝagueneque nataq'aen queda'me ami jechoĝotaqatapema: ñe'me Dios mach'e yoqochiñe qa'a yataqachiñe ja 'nalegue, nataq'aen qaya'te gamachaqaega 'lalaĝa ta'le ue'tot joñe'me.

1 Ts 4:9

Ja auoviñetaque ta'le jediñe ga'me 'yaqatac jo'ne 'yaĝatetac da'me noqopich'i adoqopichiyalo jogaa'me adaqayadi'olqa jo'ne p'iida'a ñe'me Qadet'a, qa'a joñe'me joote ami yapaĝagueneque queda'me 'noota qom anoqopichiyapega't.

1 Pedro 1:22

Nayi da'me ami male auoqochiya joda'me 'naqataĝanaĝac jo'ne yataqatelegue qama'le nataq'aen da'me ami yoqovite' qaedi yataqata adoqopichiyalo jogaa'me adaqayadi'. Chane'eja 'noota qom yataqata a'nañaĝachi da'me anoqopichiyapega't onolqa'tape da'me ami.

1 Timoteo 1:5

Nataq'aen joga'me paquetapega jenjo' 'yelopaĝac: 'noota ta'le noqopitetapega't onolqa'tape jogaa'me, qa'a yataqata eja 'uo da'me loqopich'i jo'ne chiyaqayi ga'me mach'e lai'li jo'ne yataqata onaĝaic, chayovida'a da'me 'uo joga'me lepe'e' jo'ne yataqata eja.

Gálatas 6:2

Qom 'uo ga'me auaqalañitac qama'le anecochiyapega't, qa'a nach'eda naq'aeta da'me 'loyaĝac da'me qodique'teguelo da'me lamaĝajoĝonaĝac ñe'me Cristo.

Juan 13:4

Qama'le ñijeguem, ca'e ga'me niqui'yaĝala', qama'le naqat jojo'me lapoto qama'le nejachegue ga'me ualoq jo'ne pilodaĝat yanaye jojo'me lach'oĝo.

1 Juan 4:11

Ami yaqaya'olqa, naq'aeta da'me Dios qo'mi noqopitalo. Chane'eja 'noota qom nach'e ena'am naq'aeta da'me ñoqopitaqapega't.