1 Juan 2:3 - Nuevo Testamento Toba Sombrero Negro

³ Qom jauoqo'oe jodaa'me lamaĝajoĝonaĝaco joñe'me Dios, qama'le jaqanatetaq ta'le jenaqatapela't male jovitaĝa da'me jatetonaq joñe'me.

Nuevo Testamento Toba Sur

³ Qaq da ÿataqta salaxasoxogueta naua lamaxasoxonaxaco ñi Dios, nachi huaña, qaq saÿajnaqta da sauattonaqta ñimayi.

La'aqtaqa Ñim Lo'onatac 'Enauacna 2013

³ Qomi' saỹatenaq qataq sauattonaqta Ñim Lo'onatac 'Enauacna, cha'aye salaxasoxogueta naua lamaxasoxonaxaco.

1 Juan 2:3 Referans Kwoze

Juan 14:15

Yitaĝa enaac ñe'me Jesús: —Qom yataqata jayem adoqopichiya, qama'le auoqochiya'alo naa'me yamaĝajoĝonaĝaco.

Juan 15:10

Qom auoqochiyalo naa'me yamaĝajoĝonaĝaco, da'me yoqopich'i nach'e eta't ami uetauelo, qama'le ena'am da'me jayem jo'ne joqocha'alo naa'me lamaĝajoĝonaĝaco ñe'me Taĝadena', qama'le nach'e eta't jouetaue da'me mach'e loqopich'i.

1 Juan 5:3

Nach'eda queda'me ta'le qadoqopita ñe'me Dios, qama'le jiyamaĝata' jodaa'me lamaĝajoĝonaĝaco. Nataq'aen jodaa'me lamaĝajoĝonaĝaco yataqata ja dajali',

Lucas 6:46

“¿Toqoch'e jayem aviyaĝañetapec, «¡Am Qadejaliaĝanec!», qama'te ja auauoyi ga'me jo'ne jenaac?

Juan 15:14

Qama'le naqa'ami jo'ne ami yaqaya', qom a'vichi ga'me jo'ne ami jamaĝalo'te.

1 Juan 4:13

Qama'le jayatenaq queda'me jonaqa'tajop joñe'me Dios nataq'aen nach'e ena'am ñe'me qo'mi netauelo, qa'a joote qo'mi yanema joñe'me Lepaqal.

Hebreos 5:9

Qama'le ja yaĝañi da'me yataqata yoqo'cha joñe'me Dios, chayovida'a da'me yovita da'me laloqo' da'me qoyalat. Chane'eja nach'eñe joñe'me jo'ne yovida'a q'aen da'me male qoyen ladic da'me qonec'alaĝatedegue yema jogaa'me jo'ne yoqochideta joñe'me, da'me nec'alaĝa jo'ne qaya'te loiquiaqa'.

1 Juan 3:19

Qom jauoqo da'me dojo', qama'le jayatenaq queda'me jachiyajaqaue da'me eja, qama'le 'uo da'me qat'emaĝac queda'me jouaqat'ot joñe'me Dios.

Juan 17:3

Qama'le nach'eda da'me 'noyaĝac jo'ne ja 'naidena'a chiyaqayi da'me am qoyateton, da'me am onolec Dios jo'ne yataqatelegue, nataq'aen da'me jayem qoyateton, da'me jayem Jesucristo jo'ne jayem anamaĝaquena.

1 Juan 5:19

Nataq'aen jayatenaq queda'me yataqachiñe qo'mi Dios lec'oqo'tolqa, nataq'aen queda'me yema jogaa'me jiyaĝadipi jo'ne ja 'noe'n uetedalegue da'me lañoqotaĝanaĝac ñe'me payac.

1 Juan 3:14

Jayatenaq queda'me jachiyajaqaue da'me neleuaĝa qama'le nayi jaĝaue da'me qadec'alaĝa; dojo' jayatenaq qa'a qadoqopitalo gaa'me qadaqaya'olqa. Ga'me jo'ne ja noqopita ga'me laqaya maliaĝa uetaue da'me neleuaĝa.

2 Corintios 4:6

Ca'li Dios ye'et jena'me aleua, enaac: “'Noota qom 'uo da'me laqaselegaĝac ga'me yoqochiñe jo'ne nayi 'uo ga'me 'lalaĝa.” Qama'le ca'li qo'mi yaje'tema da'me jayatenaq da'me onaĝaic 'naqataĝanaĝac, nach'e ena'am yecoyadelegue da'me qadetadenataĝanaĝac, qaedi male jatetonaq da'me 'lonaĝac ñe'me Dios 'me chiyoqotelegue na'me latajoĝoc ñe'me Cristo.

Apocalipsis 22:14

Made'tape jogaa'me jo'ne yiyo'y joga'me louo, qa'a nach'egaua jo'ne yauata da'me 'uo da'me ladiquiyaĝa'j q'aen jaga'me epaq jo'ne 'uo da'me nec'alaĝa choqoda'me e'n yaqanate't da'me tado'uet q'aen joga'me najom ga'me noic.

1 Juan 2:13

Ami 'yaĝaiquipi, ami janema jenjo' 'yaqatac qa'a joote auatetoñi joñe'me jo'ne jalchi'ena 'uo joca'li yemta. Ami joĝodipi, ami janema jenjo' 'yaqatac qa'a adaloya'aguet ta'le anomachi joñe'me payac.

1 Juan 3:6

Qo'che' ena'uac joga'me jo'ne yataqata yemete'eguet joñe'me, nach'ega ja yitaĝa quetalo'te gaa'me loeco; qalaĝaja ga'me jo'ne maliaĝa quetalo'te gaa'me loeco qamqa'me ja yauana joñe'me, nataq'aen ja yateton joñe'me.

1 Juan 4:7

Ami yaqaya'olqa, 'noota qom nach'e eta't ñoqopitaqapega't, qa'a da'me qadoqopich'i chiyoĝoguet joñe'me Dios. Qama'le ena'uaque gaa'me jo'ne 'uo da'me loqopich'i, nach'egaua lec'oqo'te joñe'me Dios qama'le yateto'n joñe'me.

1 Juan 5:2

Chane'eja, qom qadoqopita joñe'me Dios, nataq'aen qom jauoqo'oe daa'me jo'ne qo'mi yamaĝalo'te, qama'le jayatenaq queda'me nach'e ena'am qadoqopitalo ena'uaque jogaa'me jo'ne lec'oqo'tepi joñe'me Dios.

Apocalipsis 12:17

Qama'le naqaeda 'me chiyaqayi da'me ma'ejama'le 'uo da'me lalemataic ñe'me ñaĝadiaq polio', yataqata nautena jañe'me yauo, qama'le ec qaedi deloiquitapegue'to jogaa'me yauo lec'oqo'te laqaya', naqaegaua jo'ne yoqochideta daa'me lamaĝajoĝonaĝaco joñe'me Dios, nataq'aen da'me yataqata quetede'egue na'me lapaĝaguenataĝanaĝac joñe'me Jesús.

Apocalipsis 14:12

¡Male qoyauana da'me eeta da'me napogaĝadenaĝa'j ga'me Dios lec'oqo'tepi, nach'egaua jo'ne yoqocha'alo naa'me lamaĝajoĝonaĝaco ñe'me Dios nataq'aen da'me ja yaĝadiñi da'me yataqata p'iida'a ñe'me Jesús!