1 Juan 2:29 - Nuevo Testamento Toba Sombrero Negro

²⁹ Qom joote auayachiñe queda'me Jesucristo yataqata chimaqachiñe, qama'le nach'e ena'am auayachiñe queda'me ena'uaque jogaa'me yauote jodaa'me jo'ne chimadichidiñe, nach'egaua yataqata Dios lec'oqo'tolqa.

Nuevo Testamento Toba Sur

²⁹ Qaq cha'ayi qami' mashi sogote da qauaÿajñi da so Jesucristo ishit da i'ot ca ÿaÿamaqchiguiñi, qataq mashi qauaÿajñiita nataq'en da 'enauac nam ishit da i'ot ca ÿaÿamaqchiguiñi, namayipi llalaqpi ñi Dios.

La'aqtaqa Ñim Lo'onatac 'Enauacna 2013

²⁹ Qaq cha'aye qami' mashe sogote da qauaỹaañita da So Jesucristo ỹo'ot 'enauac nam ỹataqta ỹaỹamaxareeta Ñim Lo'onatac 'Enauacna. Qaq ỹoqo'oye nataqa'en iuen da qauaỹaañi da 'enauac nam ỹo'ot ca ỹaỹamaxareeta Ñim Lo'onatac 'Enauacna, nache namayepi ỹataqta llalaqpi Ñimaye.

1 Juan 2:29 Referans Kwoze

1 Juan 3:7

Ami yalaqapi, 'noota qom qaya'te ami yoqovi'n. Ga'me jo'ne quetalegue da'me en joĝodaic da'me nejiyaĝauayaĝac, nach'ega jo'ne chimaqachiñe, ena'am joñe'me Jesucristo queda'me yataqata chimaqachiñe.

1 Juan 5:1

Ena'uaque jogaa'me jo'ne p'iida'a queda'me Jesús mach'e Dios Liquiyac, nach'egaua mach'e Dios lec'oqo'tolqa. Nataq'aen gamachaqaega jo'ne noqopita ga'me net'a, nach'e ena'am noqopitalo jogaa'me lec'oqo'te ga'me.

Juan 1:13

Chane'eja nach'egaua jo'ne yataqachiñe lec'oqo'tepi joñe'me Dios, qama'le ja naqaeda da'me ch'e nejiyaĝauayaĝa'j jo'ne chiyaqayi da'me niyidiñe q'ae'n, choqonaa'me mach'e lamaico gaa'me jiyaĝa'u, dite ñe'me Dios, nach'eñe jo'ne chiyoqodayi.

1 Juan 4:7

Ami yaqaya'olqa, 'noota qom nach'e eta't ñoqopitaqapega't, qa'a da'me qadoqopich'i chiyoĝoguet joñe'me Dios. Qama'le ena'uaque gaa'me jo'ne 'uo da'me loqopich'i, nach'egaua lec'oqo'te joñe'me Dios qama'le yateto'n joñe'me.

1 Pedro 3:18

Qa'a nach'e ena'am ñe'me Cristo 'uo da'me lachoĝodec ca'li yeleu, yajouaĝa't naa'me adoecodi', onolec da'me naloĝola't qama'le ja yitaĝa ta'le di'yoq. Ñe'me jo'ne qaya'te ta'le laviyaĝajet qalaĝaja nach'e ena'am 'uo da'me lachoĝodec q'aen yajouaĝat da'me ami loeco lo'ol, qaedi ami yauegalo joñe'me Dios. Qama'le ja qalaq da'me male pal da'me ch'e nejiyaĝauayaĝac ca'li yeleu, qalaĝaja yitaĝa 'niyelaĝajeguem queda'me 'uo da'me 'loyaĝac jo'ne ja di'yoq 'me qaya'te loiquiaqa'.

Santiago 1:18

Qa'a naq'aeta da'me jo'ne mach'e lelnataĝac joñe'me, da'me qo'mi yanema da'me nec'alaĝa jo'ne chiyaqayilo naa'me 'laqataqa jo'ne ejoda, qaedi ena'am ta'le qo'mi jala jo'ne 'uaechidiñe da'me mach'e 'lonataĝanaĝac.

1 Juan 5:4

qa'a ena'uaque jogaa'me jo'ne Dios lec'oqo'tolqa joote noma't da'me ja no'en: qama'le da'me qadepe'e qo'mi yanema da'me ñomataq da'me ja no'en.

Hechos 10:35

dite da'me gamachaqaega jena'me aleua yaconeguet ga'me jo'ne p'iya'a nataq'aen yauote da'me 'noota.

2 Pedro 1:4

Naa'me naajo' jo'ne uo'oe, nach'enaua jo'ne chiyaqauelo da'me jo'ne qo'mi 'yaĝatema jo'ne yataqachiñe let'adayaqa nataq'aen da'me jalcote da'me lajo'viyaĝac, qaedi naa'me naajo' jo'ne uo'oe e'n auañoĝochi da'me aneuañiya'uo da'me lajoĝoc ñe'me Dios qama'le nach'e ena'am da'me ami yaĝa'n da'me neleuaĝa jo'ne chiyaqayilo naa'me ja 'noe'n jo'ne lelnataĝaco ga'me loeco lo'olpi 'me uetedalegue jena'me aleua.

1 Pedro 1:3

'Ñonaĝataĝaye joñe'me Qadet'a Dios jo'ne Let'a joñe'me mach'e Qadejaliaĝanec Jesucristo, qa'a naqaeñe jo'ne yataqachiñe choĝodenataĝanaĝaic, qama'le qo'mi yanema da'me qat'oyaĝac jo'ne dalaĝaic. Chane'eja male 'uo da'me qadeuataqataĝanaĝac jo'ne ja yitaĝa ta'le pal, yajouaĝat da'me joote 'niyelaĝajeguem joñe'me Jesucristo ca'li chiyaqauelo ga'me napa'lpi.

Hebreos 7:26

Chane'eja nach'eñe ñe'me Jesús jo'ne jouenaqa'ta, qa'a naqaeñe mach'e Qadetaĝayaĝanaĝanec jo'ne p'ajaye, joñe'me jo'ne ja 'nalegue, qaya'te ta'le loec nataq'aen ja paĝachigui, joote qoyachiyoĝotauelo jogaa'me loeco lo'olpi qama'le qoyana'ña di'me p'ajeguem jo'ne ne'tague di'me piyem.

2 Corintios 5:21

Ñe'me Cristo yataqata qaya'te loec ca'li, qalaĝaja Dios 'yetem da'me ena'am ta'le loeco lo'o, qaedi Cristo qo'mi yovidaĝateda'a da'me ena'am ta'le qaya'te qadejamaĝataĝac.

Hechos 22:14

Yem qama'le yitaĝa enaac: «Joñe'me Nedios dia'me qadet'al am 'yatetelegue qaedi auateton da'me loequenataĝanaĝac, nataq'aen qaedi auana ñe'me jo'ne yataqachiñe chimaqachiñe nataq'aen auomachiya da'me lejamaĝa jo'ne chiyoqotoue ga'me mach'e nedegaĝat.

3 Juan 1:11

Am yaqaya jo'ne am joqopita, ena'te auanaya'alo jogaa'me ja 'noe'n jo'ne qoyadenaĝa't nale, dite gaa'me jo'ne 'noote'. Qa'a joñe'me jo'ne ya'uo da'me 'noota, nach'eñe chiyaqayi joñe'me Dios, qalaĝaja ga'me jo'ne ya'uo ga'me ja no'en qamqa'me ja yateton joñe'me Dios.

1 Juan 5:18

Yataqachiñe jayatenaq queda'me ena'uaque gaa'me Dios lec'oqo'tolqa ja maliaĝa quetalo'te gaa'me loeco, dite ñe'me Dios Lec'oĝot netelalo jogaa'me qama'le ñe'me payac ja yaqanatet ta'le 'uo ga'me 'yeteque.

1 Juan 3:5

Ami joote auayachiñe queda'me Jesucristo nec'ata joca'li jena'me aleua, qaedi nemenegueta ena'uaque jodaa'me qadoeco, nach'eñe jo'ne qaya'te gamachaqaega ta'le loec.

1 Juan 2:1

Ami yalaqapi, ami jamaĝalo jenjo' yediijec qaedi qaya'te ya'uo loec. Qalaĝaja, qom 'uo gamachaqaega ya'uo ga'me loec, qama'le joote 'uo joñe'me jo'ne qo'mi de'uolo'te jo'ne ne'tot joñe'me Qadet'a, mach'e Jesucristo jo'ne yataqatelegue.

1 Pedro 1:23

Qa'a da'me ami ena'am ta'le yitaĝa 'niyelaq da'me aniyiñe, qama'le nayi ja naqaeda da'me net'ayaĝac 'me ch'e qanejiyaĝauayaĝac jo'ne pal qomle, dite da'me nach'ena na'me 'laqatac joñe'me Dios, jo'ne nach'e eta't nec'aletaye nataq'aen da'me ja pal.

Hebreos 7:2

Ñe'me Abraham e'n diez gaa'me lael da'me lomataĝanaĝac 'me yachiyoĝotaue jo'me nalada't, qama'le onolec ga'me lae male yanem ñe'me Melquisedec. Da'me dojo' nenaĝat jo'ne Melquisedec yelo'teguet da'me “Jaliaĝanec jo'ne Ja 'Nalegue”, qalaĝaja nach'e ena'am da'me 'uo da'me lenaĝat laqaya jo'ne “Nejaliaĝanec da'me 'Nemaĝac”, qa'a naqaeda jo'ne yelo'teguet da'me nejaliaĝanec di'me Salem.

Hechos 3:14

Naqaeda toqo' da'me aviyaĝañe'uo da'me qoyejoye ñe'me jo'ne ja 'nalegue nataq'aen chimaqachiñe, qama'te aviyaĝañe'uo da'me qoyejoye ñe'me jo'ne lataĝanaĝaic.

Juan 7:18

Ga'me jo'ne mach'e 'naĝatetapela't, nach'ega jo'ne yelotaque da'me jo'ne mach'e 'lonaĝac. Qalaĝaja da'me jayem jo'ne jelotaque da'me 'lonaĝac ñe'me jo'ne jayem namaĝaquena, qama'le ñenaĝategue da'me eja, qa'a da'me jayem qaya'te 'yaqatac ta'le ja no'en.