1 Juan 2:20 - Nuevo Testamento Toba Sombrero Negro

²⁰ Qalaĝaja, Cristo joote ami yanema joñe'me Dios Lepaqal, qama'le yema ami 'uo da'me ami yayatenaĝaneque yema naa'me naajo'.

Nuevo Testamento Toba Sur

²⁰ Qalaxayi so Cristo mashi qami' ÿanema so Espíritu Santo, nachi 'enauac da qoñiita huo'o da qadauattonaxanaxaqui.

La'aqtaqa Ñim Lo'onatac 'Enauacna 2013

²⁰ Qalaxaye So Cristo maye Llalec Ñim Lo'onatac 'Enauacna qami' nqateeguesopa ana 'alhua, nache qami' ỹanema So Saqcha'a Na'añaxac Qui'itta, nache 'enauac da qoñiita, qauauattoñiita da 'eesa lataxac.

1 Juan 2:20 Referans Kwoze

Juan 14:26

qalaĝaja ñe'me Necochaĝaua, ñe'me Dios Lepaqal jo'ne namaĝaquena qomle joñe'me Taĝadena', nach'eñe joote qoyanem da'me yañoqotaĝanaĝac qaedi ami yapaĝagueneque ena'uac naa'me naajo' uo'oe nataq'aen ami netouenaĝanaĝaneque yema da'me jo'ne joote ami ja'aĝatetapema.

1 Juan 2:27

Qalaĝaja joote ami ua'ajopa joñe'me Dios Lepaqal jo'ne Jesucristo ami yanema. Qama'le ja auachitataitaque ta'le 'uo ga'me ami yapaĝague'n, qa'a joñe'me Dios Lepaqal nach'eñe ami yapaĝagueneque ena'uaque jogaa'me jo'ne uo'oe, nataq'aen da'me lapaĝaguenataĝanaĝac yataqata eja, nataq'aen qaya'te loqovinaĝanaĝac. Chane'eja, nach'e aueñeta't auoqochi'taguet joñe'me Cristo, nach'e naq'aeta da'me Dios Lepaqal joote ami yapaĝagueneque.

Hechos 10:38

Auayachiñe queda'me Dios en nejaqachigui da'me lañoqotaĝanaĝac nataq'aen ñe'me Lepaqal 'me yanem ñe'me Jesús jo'ne Nazaret le'ec, nataq'aen queda'me Jesús ya'uo da'me 'noota ca'li, nataq'aen en yemedegue ga'me jiyaĝadipi ena'uaque ga'me jo'ne 'uo da'me lachoĝode'j 'me yepataqatedañe da'me lañoqotaĝanaĝac ñe'me payac. Dojo' yaqanatet da'me ya'uo qa'a ue'tajop joñe'me Dios.

Juan 16:13

Qalaĝaja qom novi' ñe'me Dios Lepaqal jo'ne yataqatelegue, nach'eñe jo'ne ami yauegouelo yema naa'me naajo' jo'ne ejoda, qa'a ja 'yaĝatetac da'me mach'e 'naĝatetapela't, dite da'me 'yaĝatetac yema ga'me jo'ne domachiya, nataq'aen ami yayatenaĝanaĝaneque gaa'me uo'oe jo'ne di'yo't qomle.

Hebreos 1:9

Yataqata a'uamaqaten da'me 'noota nataq'aen adiquiya'a da'me ja no'en. Qo'che' jen am yiquiyac, mach'e jayem Anedios, Qama'le jen am jaqachigui da'me namaic let'adaic, Da'me anapacalo'te jogaa'me jo'ne am ueteda'ajop.”

1 Juan 4:13

Qama'le jayatenaq queda'me jonaqa'tajop joñe'me Dios nataq'aen nach'e ena'am ñe'me qo'mi netauelo, qa'a joote qo'mi yanema joñe'me Lepaqal.

Hechos 3:14

Naqaeda toqo' da'me aviyaĝañe'uo da'me qoyejoye ñe'me jo'ne ja 'nalegue nataq'aen chimaqachiñe, qama'te aviyaĝañe'uo da'me qoyejoye ñe'me jo'ne lataĝanaĝaic.

Lucas 4:18

“Joñe'me Lepaqal ñe'me Jaliaĝanec jayem ue'tajop, qa'a jayem yiyota'a qaedi ja'aĝatema da'me onaĝaic 'naqataĝanaĝac jogaa'me choĝodayaqolqa. Jayem namaĝaquena qaedi ja'aĝatetac da'me male qoyejodegue jogaa'me necoñetae's nataq'aen qaedi male jen yauana'ape jogaa'me qana'mi; nataq'aen qaedi male jen uojotedañi gaa'me jo'ne qoya'uo ga'me lachoĝode'j da'me qonejaliaĝatelo'te;

Marcos 1:24

—Jega: ¿toqoch'e qo'mi aueloiquiaĝa'n, am Jesús jo'ne at'achaqa' di'me Nazaret? ¿Qo'li auanaequena qaedi qo'mi auapalaĝa't? ¡Am jateton: yataqachiñe jayaten da'me am Dios Lec'oĝot jo'ne ja 'nalegue!

Apocalipsis 4:8

Onolqa'tape jogaa'me yejidipi uo'oe gaa'me laua' jo'ne seis, 'me yapadichiñe jana'me 'lae'tepi jo'me p'aye jaa'me laua' choqojo'me p'auo. Nataq'aen da'me yema ga'me nolo' choqoga'me pi'yaq da'me ja yaĝadiñi da'me 'yotedac: “¡Yataqata ja 'nalegue joñe'me, Naqaeñe joñe'me Jaliaĝanec Dios jo'ne qaya'te yacalaatac, Joñe'me jo'ne jalchi'ena 'uo nataq'aen nach'e eta't da'me qo'mi ue'tajopa!”

Apocalipsis 3:7

“Nach'e ena'ama auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Filadelfia: «Da'me ami jo'ne oñiya'ña di'me Filadelfia, ami janema nayi jenjo' 'yaqatac, mach'e jayem jo'ne jayem ja 'nalegue, jayem yataqatelegue nataq'aen jayem ue'tajop da'me lañoqotaĝanaĝac ñe'me jaliaĝanec David, qama'le qom jen 'nouategue, qaya'te yaqanatet ta'le yapadiñgui, nach'e ena'am da'me qom japadiñgui, qaya'te yaqanatet ta'le 'youategue:

Hebreos 8:11

Nataq'aen da'me male ja yitaĝa ta'le youen da'me 'uo ga'me yapaĝaguen Ga'me lequiaĝaua uotaĝa joga'me mach'e laqaya, Da'me qaedi jayem yateton, Qa'a male ena'uac ga'me jiyaĝadipi joote jayem yateton, Chayovida'a gaa'me jo'ne ja 'yaĝayaqa, qama'le nach'e ena'ama jogaa'me 'yaĝayaqa.

1 Corintios 2:15

Ga'me jo'ne joote yaconeguet ñe'me Dios Lepaqal qamqa'me naloqote'n ena'uaque gaa'me uo'oe, qama'le qaya'te jiyaĝaua laqaya ta'le yaqanatet da'me naloqoten joga'me.

Lucas 4:34

—¡Jaa! ¿Toqoch'e qo'mi aualequete'n, am Jesús jo'ne at'achaqa' di'me Nazaret? ¿Qo'li auanaequena qaedi qo'mi auapalaĝa't? Am jateton: yataqachiñe jayaten da'me mach'e am Dios lec'oĝot jo'ne ja 'nalegue.

Mateo 13:11

Jesús 'yategueta jogaa'me: “Da'me ami qamqa'me Dios ami yatetonaĝaneque ga'me ja di'yoq jo'ne lajoĝoc da'me lejaliaĝa jodi'me piyem; qalaĝaja jogaa'me ja naq'aeta.

Judas 1:5

Mate mane'e joote auayachiñe da'me dojo', qalaĝaja jetaque ami ñetouenaĝanaĝaneque da'me jo'ne ya'uo joca'li ñe'me Jaliaĝanec, queda'me jetaque nec'alaĝatedegue gaa'me Israel lec'oqo'tepi. Qama'le ya'uo da'me naqatedegue jogaa'me, yachiyoĝotauelo jogaa'me Egipto laje', qalaĝaja ca'li yem da'me dojo' qama'le yapalaĝa't jogaa'me jo'ne ja p'iida'a joñe'me.