1 Juan 2:15 - Nuevo Testamento Toba Sombrero Negro

¹⁵ Ena'te auepichiya'alo gaa'me yauo'oe jogaa'me jiyaĝadipi jo'ne ja 'noe'n, uotaĝa gaa'me jo'ne lamaico uedalegue jena'me aleua. Qom gamachaqaega yepita'alo gaa'me yauo'oe jogaa'me jiyaĝadipi jo'ne ja 'noe'n, qama'le ja yaqanatet ta'le noqopita ñe'me Qadet'a.

Nuevo Testamento Toba Sur

¹⁵ Qaq sa ishit qome da qauauochiic ana 'alhua qataq nam 'onataxacpi mayi huetalec anamayi. Cha'ayi da huo'o ca ÿauotec ana 'alhua, nachi camayi sa ishit da ÿauotec ñi qadta'a Dios.

La'aqtaqa Ñim Lo'onatac 'Enauacna 2013

¹⁵ Saishet qome da qoñiita'am nam 'etaxaloxoicpi ana 'alhua, qataq saishet da qauo'oche nam ỹo'ottacpi namayepi. Cha'aye nam ỹo'ottac de'era nache saishet da ỹauotec Ñim Lo'onatac 'Enauacna maye Nta'a.

1 Juan 2:15 Referans Kwoze

Santiago 4:4

¡Ja ami 'te yataqatelo'te! ¿Qo'li ja auayachiñe joda'me qom anoqopicheguet jena'me ua'ña jena'me aleua qama'le nach'e ami jo'ne laute'u joñe'me Dios? Gamachaqaega jo'ne en lelnataĝac da'me noqopita nataq'aen da'me 'yamaqate'n jena'me jo'ne ua'ña jena'me aleua, nach'ega 'viyelaĝaguet da'me en lauteua joñe'me Dios.

Romanos 12:2

Male ena'te oqui'taguelo gaa'me mach'e yepaquetapegalo naa'me noloqo'ote jo'ne ovitauelo; dite da'me auadalaĝachi' gaa'me adelnataĝacodi' qaedi naqaedi da'me dalaĝaic da'me adajoĝoqui qama'le auovidiya'a da'me male auatetoñi da'me loequenataĝanaĝac ñe'me Dios, dojo' yelo'teguet ga'me jo'ne 'noota, gaa'me jo'ne adiyamaĝaqui, ga'me jo'ne yataqatelegue.

Mateo 6:24

“Qaya'te yaqanatet ta'le en dos gaa'me ladi'p qaedi t'onataĝanoto, qa'a yañoĝot da'me niquiya'a ga'me onolec mate mane'e noqopita ga'me laqaya, nataq'aen yoqo'cha ga'me onolec qama'te 'yotan ga'me laqaya. Qama'le nach'e ena'am da'me ami: ja qoyaqanatet ta'le qot'onataĝaneuo'o ñe'me Dios choqodaa'me neuoyaĝaco.

Lucas 16:13

“Qaya'te nelatac ta'le en dos gaa'me ladi'p; qa'a yañoĝot da'me niquiya'a ga'me onolec mate mane'e noqopita ga'me laqaya, nataq'aen yoqo'cha ga'me onolec qama'te 'yotan ga'me laqaya. Qama'le nach'e ena'am da'me ami: ja qoyaqanatet ta'le qot'onataĝaneuo'o ñe'me Dios choqodaa'me neuoyaĝaco.”

Juan 15:19

Ta'le ami ch'e aleua laje', jena'me jiyaĝadipi jo'ne aleua laje'pi ami noqopitalo, qama'le e'n ami ena'ama q'ae'n jogaa'me mach'e laqaya'. Qalaĝaja joote ami yiquiyaqa queda'me joote ami jachiyoĝotauelo joga'me ch'e aleua laje'pi. Chane'eja nach'eda jo'ne chiyaqayi da'me ami niquiya'alo, qa'a male ja ami 'te ch'e aleua laje'.

1 Juan 3:17

Qalaĝaja qom 'uo ga'me yauana leuoyaĝac jenjo' aleua, nataq'aen yauana ga'me laqayolec jo'ne 'uo da'me louenaĝanaĝac, qalaĝaja ja yichoĝoden joga'me, qama'le ¿teua'atoqo' netaye ga'me lauel joda'me Dios loqopich'i?

1 Timoteo 6:10

Qa'a da'me qoyen p'ajaye jana'me laicaua nach'eda chiyaqayi yema joga'me ja no'en. Qama'le joote uo'oe jogaa'me jo'ne e'n p'ajodaye jaga'me laicaua, qama'le yajouaĝa't da'me queda'e da'me lepe'e', nataq'aen joote yauata t'adaic lachoĝode'j.

Gálatas 1:10

Ja jelotaque ta'le jiyaĝadipi 'yamaqate'n ga'me ñenaĝategue, uotaĝa ta'le jelotaque da'me qaedi gamachaqaega jayem yiyamaĝaden. Ta'le naq'aeta da'me ja'uo qama'le ena'am ta'le ja jayem 'te Cristo lalemaĝajet. Qalaĝaja da'me mach'e jayem, ¡ga'me jo'ne jen p'ajaye ta'le nach'eñe ñe'me Dios jayem yiyamaĝaden!

1 Juan 4:5

Yataqata laute'upi joñe'me Dios jogaa'me; qo'che' 'yaĝatetedac nale gamachaqaegaua jo'ne uo'oe jo'ne uedapelegue jena'me aleua, qama'le jogaa'me ja 'noe'n naquiaĝanalo jogaa'me.

Efesios 2:2

Da'me anejiyaĝauayaĝaqui yataqata ja no'en ca'li, oqui'teguelo gaa'me jiyaĝa'u jo'ne ja 'noe'n, nataq'aen oquitapegue' joñe'me payac lepaqal jo'ne nejaliaĝatelo'te yemeda gaa'me payagodipi, nach'eñe jo'ne 'yañaqate't jogaa'me ja p'iida'a joñe'me Dios.

1 Juan 5:10

Joga'me jo'ne p'iya'a joñe'me Dios Lec'oĝot yachitaue ga'me lauel da'me dojo' Dios 'laqataĝanaĝac; ga'me jo'ne ja p'iya'a joñe'me Dios qamqa'me en pecaic joñe'me, qa'a ja p'iya'a da'me 'laqataĝanaĝac joñe'me queda'me dechoqotaĝanec joñe'me Lec'oĝot.

Mateo 4:8

Yem qama'le payac yauegue ga'me qajoĝonaĝa jo'ne yataqachiñe qayaje'mec, qama'le yaloĝonalo ena'uaque naa'me ale'u lael choqoda'me 'lonaĝa'j jogaa'me.

Santiago 1:27

Da'me nepe'e jo'ne qaya'te lale'gue nataq'aen da'me ja paĝachigui jo'ne yec'atetac joñe'me Dios mach'e Qadet'a, nach'eda jo'ne chiyaqayi da'me lecochaĝac, lecochiyalo jogaa'me japelqo't choqogaa'me p'ail jo'ne uetedaue da'me lachoĝode'j, nataq'aen da'me ja yaje'tema ta'le en paĝachiguilo da'me ja no'en jo'ne ueta'ña jenjo' aleua.