1 Juan 1:8 - Nuevo Testamento Toba Sombrero Negro

⁸ Qom 'uo ga'me enaac: “Qaya'te yoec”, qama'le noqovila't nataq'aen da'me eja ja netaye joga'me.

Nuevo Testamento Toba Sur

⁸ Qaq da shinaqpec da qaica ca qadasouaxashit, nachi qomi' maichi ñatenachitaqtapeguela't, qataq sa ishit da qomi' 'eesoda.

La'aqtaqa Ñim Lo'onatac 'Enauacna 2013

⁸ Qaq da shenaqtega da qaica ca qarasouaxashet, nache qomi' maiche ñatenachetaqtapeguela't, cha'aye saishet da 'eesa dam ñasaxasoxouec.

1 Juan 1:8 Referans Kwoze

Romanos 3:23

Qa'a ena'uaque qo'mi loeco lo'olpi qama'le qo'mi qaya'alo da'me 'lonaĝac ñe'me Dios.

Santiago 3:2

Yema da'me qo'mi qadejomac nale, qalaĝaja qom 'uo ga'me jo'ne qaya'te lepatenaĝanaĝac nale doje, nach'ega jiyaĝaua jo'ne yataqachiñe yataqatelegue, nataq'aen yaqanatet ta'le yelo'ogue yema joda'me jo'ne mach'e nejiyaĝauayaĝac.

1 Juan 2:4

Ga'me jo'ne enaac: “Jateton joñe'me Dios”, qalaĝaja qom maliaĝa ja yauo'oe daa'me lamaĝajoĝonaĝaco, nach'ega jo'ne qovinaĝanaĝaic nataq'aen da'me eja ja ue'tajop joga'me.

1 Juan 1:10

Qom 'uo ga'me enaac: “Ja jaue gamachaqaega yoec”, qama'le en pecaic joñe'me Dios, nataq'aen maliaĝa ja yaconegueta daa'me 'laqataqa joñe'me.

Gálatas 6:3

Qom 'uo ga'me nepetapela't p'ajaye, qom ja naq'aeta, qama'le ch'e noqovila't.

Santiago 1:26

Qom 'uo ga'me ami uetauelo jo'ne eetapela't p'etaqadaic, qama'te ja yayaten da'me naviiñe ga'me mach'e lachaĝat, nach'ega jo'ne mach'e noqovitapela't, qama'le da'me lepe'e qaya'te ta'le chiyaqayi.

1 Timoteo 6:5

nataq'aen 'uo ga'me neloiquiaĝac jo'ne qaya'te loiquiaqa', qa'a male uo'oe gaa'me jiyaĝa'u jo'ne yaledeuo, eetedapega 'uo ga'me layatenaĝanaĝa'j, jiyaĝa'u jo'ne yataqata ja yateto'n da'me eja, nataq'aen naajo' eetedapega 'uo ga'me lepe'e', qalaĝaja nach'egaua ch'e yachiyoĝotedayi da'me leuoyaĝac jena'me 'noota ladic.

1 Corintios 3:18

Ena'te anoqoviñela't. Qom 'uo ga'me adaqayai jo'ne eetapela't yatenaĝanaĝaic, qama'le 'noota qom yeguem da'me layatenaĝanaĝac 'me chiyaqalegue jena'me aleua, qaedi eja yovida'a da'me yataqachiñe yatenaĝanaĝaic.

2 Juan 1:2

Ami joqopitalo qa'a jouaĝat da'me jo'ne qo'mi uetauelo jo'ne eja 'me yataqatelegue, jo'ne uetauelo naa'me qadai'li qama'le nach'e eta't da'me qo'mi uetauelo.

1 Juan 1:6

Qom 'uo ga'me enaac: “Jema'aguet joñe'me Dios”, qama'te ua'edi maliaĝa quetaue da'me 'lalaĝa, qama'le daa'me 'laqataqa uotaĝa 'lonataqa ja chimadichidiñe.

Santiago 1:22

Qalaĝaja 'noota qom ja nach'edata da'me auomachiiya da'me dojo' napaĝaguenataĝanaĝac, dite da'me anapaĝagueñiya, qaedi yataqachiñe auoqochiiya, qa'a qom ja naq'aeta da'me auauoyi qama'le mach'e ami da'me male anoqoviñetapela't.

2 Timoteo 3:13

qalaĝaja jogaa'me qaleuaĝayaqa jo'ne pecayaqa, lama'aja da'me qoyachedaue; doqovinaĝa'tape nale, qalaĝaja ena'ama ch'e qoyoqovi'tape.

3 Juan 1:3

Yataqachiñe jalcote da'me jayem matac queda'me uo'oe gaa'me qadaqaya'olqa jo'ne nededa'aquena jo'ne am 'yaĝatetedac queda'me am yataqatelegue, qa'a nach'e aueta't ja anañaĝanañi da'me jo'ne eja.

2 Pedro 2:13

da'me 'uo ga'me lachoĝode'j qoyen. Queda'me eetapela'ajalo made'tape da'me najetedoue da'me namaic jo'ne yema ga'me nolo' da'me 'uo. Nataq'aen ena'am ta'le doqo'y nataq'aen paĝachiguilo jogaa'me, jo'ne ye't ga'me ja no'en nale ami uetauelo da'me a'vichetac ga'me adiqui'yaĝaqui, qama'le yataqata machidiñe da'me ch'e ami yoqovi'tape.

Juan 8:44

Ñe'me adet'ai nach'eñe ñe'me payac, chane'eja da'me mach'e lelnataĝac a'vichetac, ga'me jo'ne mach'e 'yamaqaten. Da'me jo'ne 'uaechiñe joca'li nach'eñe ñe'me payac jo'ne dalataĝanac; Ñe'me nach'e eta't da'me ja ue'tajop ga'me eja, nataq'aen da'me ja yaqanatet ta'le 'yaĝatetac da'me eja. Mane'e qom nenaĝategue ga'me loqovinaĝanaĝac qama'le 'yaĝatetac ga'me mach'e loĝot, qa'a nach'eñe jo'ne qovinaĝanaĝaic, nataq'aen e'n qovinaĝanaĝayaqa gaa'me jiyaĝa'u jo'ne mach'e lec'oqo'te.

Romanos 3:10

Qa'a naa'me nedii's eet'oi: “¡Qaya'te ch'e onolec yataqatelegue!

1 Juan 4:20

Qom 'uo ga'me jo'ne enaac: “Joqopita joñe'me Dios”, qalaĝaja qom maliaĝa niquiya'a ga'me laqayolec, qama'le yataqata qovinaĝanaĝaic joga'me. Qa'a qom ja noqopita ga'me laqaya jo'ne yauana, qama'le ¡teua'atoqo' eetapela't noqopita joñe'me Dios jo'ne ja yauana!