1 Corintios 9:21 - Nuevo Testamento Toba Sombrero Negro

²¹ Nataq'aen nale jouetauelo gaa'me jo'ne ja que'teguelo daa'me lamaĝajoĝonaĝaco ñe'me Dios, da'me 'yoyaĝac naqaeda ta'le jena'ama jogaa'me, mate mane'e ja jeca'ae gaa'me lamaĝajoĝonaĝaco ñe'me Dios, dite da'me jauo'oe daa'me lamaĝajoĝonaĝaco ñe'me Cristo, qaedi gaa'me jo'ne ja equeguelo daa'me lamaĝajoĝonaĝaco ñe'me Dios nach'egaua yomataĝanaqa'te.

Nuevo Testamento Toba Sur

²¹ Qaq naxa da sootaigui na sa ishit da quetague' na nqataxacpi mayi chigoqo'ot so Moisés, nachi se'enaxat da lliquiaxac namayipi, yaqto' ishit da ñauec, nai'ctaxa da aÿim 'eesa da shictague' da lliquiaxac na lqataxacpi ñi Dios, cha'ayi mashi sooto'ot na lqataxacpi so Cristo.

La'aqtaqa Ñim Lo'onatac 'Enauacna 2013

²¹ Qaq naxa da sootaigui na saishet da quetague' na namaxasoxonaxacpi maye chegoqo'ot so Moisés, nache se'enaxat da lataxac namayepi, yaqto' ishet da setauan da ỹa'amaqten So Cristo. Qaq damaye, saishet da naigui da sa salaxaguet na lamaxasoxonaxacpi Ñim Lo'onatac 'Enauacna. Nachaqrata da salaxaguet namayepi, cha'aye aỹem shectague' da lataxac So Cristo.

1 Corintios 9:21 Referans Kwoze

Romanos 2:12

Ena'uaque gaa'me jo'ne ja yateto'n daa'me Dios lamaĝajoĝonaĝaco jo'ne chiyoqodo'ot ñe'me Moisés, qama'le tadoue da'me liyamaĝa'j temaqaedi da'me ja yateto'n daa'me namaĝajoĝonaĝaco; qama'le jogaa'me yauote loeco mate mane'e uetedaue da'me laqataĝaco di'me Moisés qama'le qoyen chiyaqayi ga'me naqataĝacpi da'me qonemitaque naa'me laviyaĝaco.

Gálatas 3:2

Jaldata onolec ga'me jetaque jayem a'uaĝachiyem: ca'li Dios ami yanema ñe'me Lepaqal, ¿qo'li chiyaqayi da'me oqui'teguelo daa'me namaĝajoĝonaĝaco, uotaĝa chiyaqayi da'me auacoñiyeguet da'me onaĝaic 'naqataĝanaĝac? ¡Qa'ejo' nach'eda chiyaqayi queda'me auacoñiyeguet da'me onaĝaic 'naqataĝanaĝac!

Romanos 2:14

Qa'a qom gaa'me ja judiopi nataq'aen ja uetedaue da'me namaĝajoĝonaĝaco, qom ch'e naeda'ac da'me ye't ga'me damaĝajoĝolegue daa'me naqataĝaco, qama'le mach'e chiyaqayilo naa'me lai'li da'me que'teguelo daa'me namaĝajoĝonaĝaco.

Romanos 8:4

Ye'et da'me dojo' qaedi qo'mi jaqanatetaq da'me qolaqa'teguelo daa'me chimadichidiñe qo'mi yepagaqatetapeque daa'me namaĝajoĝonaĝaco, qa'a male ja qolaqatalegue ga'me yepaquetapega da'me ch'e qanejiyaĝauayaĝac jo'ne etaĝaloĝoic dite ga'me jo'ne yepaquetapega ñe'me Dios Lepaqal.

Romanos 7:25

Nach'eñeta ñe'me Dios, jo'ne nach'eñe janem da'me yamaic jo'ne chiyaqayi q'aen ñe'me Qadejaliaĝanec Jesucristo, jayaten da'me jouetaque ta'le joue'tot da'me lamaĝajoĝonaĝac ñe'me Dios, qalaĝaja da'me yachoĝolaĝac joue'tot da'me lamaĝajoĝonaĝac ga'me etaĝaloĝoc.

Romanos 7:22

Jena'me yauelyaĝac 'yamaqate'n gaa'me lamaĝajoĝonaĝaco ñe'me Dios.

Hechos 21:25

Qama'le ga'me ja judiopi jo'ne p'iida'a, joote jedenaqatenaĝalo gaa'me qadedii's jo'ne qadelnataĝac: 'noota ta'le ja yali'j ga'me lapat jo'ne joote qoyanoto gaa'me qop'iyapegalo, uotaĝa tauo', uotaĝa lapat ga'me jiyac jo'ne ch'e qoyechiyoq, nataq'aen 'noota qom t'oiya'ata gaa'me nonáĝaco jo'ne ja qoyajete'.

Hechos 16:4

Qama'le yema gaa'me noyaqolqa jo'ne yec'atapegalo, 'yaĝatetapema jogaa'me qadaqaya'olqa jodaa'me loqotenaĝanaĝaco jogaa'me namaĝa's nataq'aen jogaa'me 'yaĝaicachidi 'me neteda'ña di'me Jerusalén.

Hebreos 8:10

Qom male yenoĝodegue jogaa'me noloqo'ote Qama'le naq'aeta da'me 'yamaqatenataĝanaĝac Qaedi ñiyamaĝadenegueta jogaa'me lec'oqo'tepi ñe'me Israel: Janauelo qomle naa'me laqai'go daa'me yamaĝajoĝonaĝaco, Qama'le jedelo'te jogaa'me lai'li; Qa'a naqayem jo'ne mach'e jayem Nedios, Chane'eja joga'me jiyaĝadipi nach'egaua jo'ne mach'e ñejoĝonaqapi.

Hechos 15:28

Qa'a 'noota q'aen ñe'me Dios Lepaqal 'me ja 'nalegue nataq'aen qo'mi, da'me ja ami 'te jachaqalo'te gamachaqaega adi'yaqui niyaqa'alo naa'me naajo' uo'oe jo'ne auoviñetaque ta'le aĝañidiñi:

Gálatas 6:2

Qom 'uo ga'me auaqalañitac qama'le anecochiyapega't, qa'a nach'eda naq'aeta da'me 'loyaĝac da'me qodique'teguelo da'me lamaĝajoĝonaĝac ñe'me Cristo.