1 Corintios 9:12 - Nuevo Testamento Toba Sombrero Negro

¹² Qom uo'oe gaa'me laqaya' jo'ne chimaqachiñe da'me yacoteguet da'me adecochaĝaqui, da'me qo'mi ¿qo'li ja p'ajaye chimaqachiñe? Qalaĝaja, ja ami 'te joñiyaqa'toto, dite da'me yema ñapogaĝadenaĝaguet qaedi ja jaqalanaqapiye't da'me ja'aĝataqatac joda'me 'naqataĝanaĝac jo'ne 'yaĝatetac ñe'me Cristo.

Nuevo Testamento Toba Sur

¹² Yi na laÿipi mayi nataq'en hueto'ot da 'enec da qami' qaushiichiñi da l'onataxanaxac, qaq ¿táloxochiyo' da saq ÿacteec da qomi' qaushiichiñi'? Qalaxayi qomi' sa ishit da souaxalec de'eda shinaxac mayi qomi' hueto'oto. Chaqdata da qomi' ñi'añaxataxaguet 'enauac na chochina, yaqto' qaica ca nqanaxat da no'on qad'axaÿaxac mayi n'aqtaguec so Cristo.

La'aqtaqa Ñim Lo'onatac 'Enauacna 2013

¹² Ye na laỹepi maye nataqa'en hueto'ot da talec da qaushiichiñi da lo'onataxanaxac, qaq ¿taloxocheyo' da saq ishet da qomi' qaushiichiñi'? Qalaxaye qomi' saishet da nache shenaqtec de'era. Nachaqrata da qomi' ña'añaxataxaguet 'enauac na chochena, yaqto' qaica ca nqanaxat da no'on na'axaỹaxac maye na'aqtaguec So Cristo.

1 Corintios 9:12 Referans Kwoze

2 Corintios 11:12

Qalaĝaja jequetelegue je'etetac ga'me jo'ne joote ja'uo, qaedi ja ja'uo 'te ledaqa't gaa'me yelotedaque da'me 'uo ga'me chiyaqayi da'me ni'yoĝodenaĝa'j ena'am ga'me joote ñaqataĝañi ga'me joote qo'mi uetauelo.

1 Corintios 9:18

Chane'eja, qom naq'aeta qama'le da'me jayem machiñe q'aen chiyaqayi da'me ja jepaquetapega ta'le jayem qoyejeten da'me japaĝaguenataĝan, qaedi da'me onaĝaic 'naqataĝanaĝac qaya'te lajo'vi da'me qoyaconeguet. Qo'che' ja jepitaqatenac mate mane'e chimaqachiñe ta'le jayem qoyanem ga'me jouetaque.

1 Corintios 9:15

Qalaĝaja, jayem qamqa'me ja naqaeda ta'le jepitaqatenac qaedi yachiyoĝotayi yema da'me dojo' yajo'viyaĝac, qama'le nayi da'me yelnataĝac ja ami 'te jedaĝanalo qaedi 'uo ga'me jayem auañem. Qama'le nach'eda naq'aeta da'me male qodoĝotaĝanec ga'me chiyaqayi da'me ji'yoĝodetac, ja jajeta da'me dojo'. ¡Jepaquetaĝa ta'le jeleu!

1 Corintios 9:2

Uotaĝa uo'oe jogaa'me ja jayem 'te 'yamaqate'n da'me jayem lamaĝajec ñe'me Jesús; ami qamqa'me jayem auacoñiyeguet, qa'a da'me at'oyaĝaqui dalaĝaic nach'eda yaloĝon queda'me jayem lamaĝajec ñe'me Jesús.

2 Corintios 11:20

¡Chayovida'a adaloyeguet ta'le anapogaĝadeñiyegueta gaa'me ami ee'tema ta'le lelataqa, nach'egaua jo'ne ami yoqovi'tape nataq'aen ami ye'ue'tape nataq'aen jogaa'me jo'ne ye'uaĝatapegouelo naa'me adatajoĝocodi'!

2 Corintios 6:3

'Noota qom qaya'te eetapela't 'yotan da'me qat'onatac. Qo'che' 'ñañaĝataq qaedi ja jaloĝonaq gamachaqaega ja no'en ga'me qo'mi qoyec'ateneque.

1 Corintios 6:7

Qalaĝaja joote jalcote da'me anepachiñe queda'me 'uo da'me dojo' ja aniyamaĝadeñiya't. ¿Qo'li ja 'noota ta'le anapogaĝadeñiyeguet ga'me ja chimaqachiñe? ¿Qo'li ja 'noota ta'le anajeñe'teguet da'me ami qodecachiyoto?

Romanos 15:22

Chane'eja dojo' 'yonatac nach'eda jayem nauequetañe nale jetaque ami jejapichiyalo.

Hechos 18:3

queda'me nach'e ena'am ga'me jo'ne yayate'n 'me 'lonata'j jo'ne nach'ena ye't ga'me ualoq 'me machaĝaqui qama'le uetauelo jogaa'me qaedi t'onataĝa'n.

Lucas 11:52

“¡Degueja qom'te da'me adachoĝodequi, ami jo'ne paĝaguenataĝanaĝayaqa daa'me Dios lamaĝajoĝonaĝaco! Qa'a aueuodaĝañiyec jaga'me lo'o da'me qo'youategue da'me Dios layatenaĝanaĝac; qalaĝaja ami ja jetaque ayoue, nataq'aen ja auajeñe'tema gaa'me jo'ne jetaque tadoue, auelaĝachitapeguem nale.”

1 Corintios 9:14

Nach'e naq'aeta da'me damaĝajoĝolegue ñe'me Jaliaĝanec, qaedi gaa'me jo'ne 'yaĝatetedac da'me onaĝaic 'naqataĝanaĝac qoyanema nale ga'me jo'ne youetedaque.

1 Corintios 9:16

Da'me chiyaqayi da'me ji'yoĝodetac ja jaldata da'me ja'aĝatetac da'me onaĝaic 'naqataĝanaĝac, qa'a jayem qoyamaĝalegue qaedi je'et; chane'eja ¡degueja da'me yachoĝodec ta'le ja je'et!

1 Corintios 13:7

Ga'me jo'ne 'uo da'me loqopich'i yema napogaĝadeneguet, nataq'aen ja neli'ñejop da'me 'yamaqaten da'me eja, nach'e eta't 'uo da'me leuataqataĝanaĝac, nataq'aen nalo'oguet yema.

2 Corintios 2:12

Ca'li jec'ata di'me noic jo'ne Tróade qaedi ja'aĝatetac da'me onaĝaic 'laqataĝanaĝac ñe'me Cristo, yataqachiñe qo'youategue ga'me yadic qaedi jepitaqatenac da'me je'et da'me 'lonatac ñe'me Jaliaĝanec.