1 Corintios 8:9 - Nuevo Testamento Toba Sombrero Negro

⁹ Qalaĝaja 'noota qom at'oiya'aguet ta'le naqa'ami chiyaqayilo da'me a'naĝachi ga'me adaqayai jo'ne maliaĝa qaya'te 'lañaĝac da'me latetonaĝanaĝac, qa'a jouaĝat da'me auayotelegue da'me aualiqui ga'me lapat jo'ne joote najaqajec.

Nuevo Testamento Toba Sur

⁹ Qalaxayi qami' qautelaqtaxañiÿot de'eda qadataxaqui mayi huosochiguiñi da sa ishit qome da huo'o ca lasouaxashit naq'en ca saxanaxa da da'añi da lpi'iÿaxac.

La'aqtaqa Ñim Lo'onatac 'Enauacna 2013

⁹ Qaq qomi' na'aictaxa da qomi' huesochiguiñi da maicheye ca sacheguenaq. Qalaxaye iuen da ñetelaqa'a na qara'amqaanataxanaxauapi maye saxanaxa da da'añi da lpi'iỹaxac.

1 Corintios 8:9 Referans Kwoze

Gálatas 5:13

Ami yaqaya'olqa, Dios ami yiyaĝanalo qaedi ami uojotedañi. Qalaĝaja ena'te aueñetapela't adoĝochi da'me ami uojotedañi ta'le taue q'aen da'me a'vichi ga'me ja no'en. Dite da'me anecochiyapega't qa'a 'uo da'me adoqopich'ii.

1 Pedro 2:16

Aniyamaĝachela't qa'a ja ami 'te necoñetae's, qalaĝaja ena'te aueñetapega da'me auachiyoĝochiyaye da'me ami uojotedañi male auaqanachichi ta'le auauoyi da'me jo'ne ja no'en. Nach'edata da'me aniyamaĝachela't qa'a ami lalemaĝaje'te joñe'me Dios.

2 Pedro 2:19

Jogaa'me eedapega da'me 'yaĝatetedac da'me ladiquiyaĝac da'me 'noyaĝac 'me yelo'tegue da'me 'nemaĝac, qalaĝaja nach'egaua jo'ne uetedaue da'me lejomaĝac queda'me lelataqa da'me neleuaĝa. Qa'a gaa'me jiyaĝa'u onolqa'tape lelatac ga'me jo'ne equegue jo'ne 'uo da'me lañoqotaĝanaĝac.

1 Corintios 10:24

Yataqachiñe 'noota ta'le qaya'te gamachaqaega yelotaque ga'me mach'e layamaĝac, dite da'me ena'uaque ami aueloyitaque da'me chiyaqayi joda'me liyamaĝa'j jogaa'me adaqayadi'.

1 Corintios 10:32

Ena'te auauoyi gamachaqaega jo'ne chiyaqayi ta'le dalemata'tape jogaa'me adaqayadi', ga'me judiopi uotaĝa ga'me griegopi, uotaĝa gaa'me mach'e adaqayadi' jo'ne adepi'iyaĝa'udi',

1 Corintios 9:22

Nataq'aen nale jouetauelo gaa'me jo'ne ja 'uañaĝaic da'me lepe'e', da'me 'yoyaĝac je'etem ta'le ena'ama jogaa'me, qaedi jogaa'me nach'egaua yomataĝanaqa'te. Chane'eja da'me 'yoyaĝac je'etem da'me yema jena'am, qaedi yema jachiyoĝotayi q'aen da'me uo'oe gaa'me ñec'alaĝatedegue.

1 Corintios 8:12

Nach'eda naq'aeta da'me aua'uo adoec jo'ne anautena ñe'me Cristo, queda'me nauteta gaa'me adaqaya' da'me yauote loe'j nataq'aen 'naĝa't da'me letadenataĝanaĝa'j jo'ne maliaĝa ja t'añi.

1 Corintios 8:10

Qa'a am jo'ne 'uo da'me adayatenaĝanaĝac onetaue ga'me tamenaqa' 'me na'ña ga'me nequi'i da'me aueque'e, qama'te am yauana ga'me adaqaya 'me qaya'te 'uo da'me 'lañaĝac, ¿qo'li ja jetaque am naya'a ga'me qaedi nach'e ena'am yalic ga'me lapat jo'ne joote qoyen najaqajec?

Apocalipsis 2:14

Qalaĝaja uo'oe daa'me jo'ne ja ami 'te ja'amaqateneque: queda'me uo'oe jogaa'me ami uetauelo jo'ne ja jetaque yaĝadiñi da'me lapaĝaguenataĝanaĝac jodi'me Balaam, naqaedi jo'ne yapaĝaguen joca'li ñe'me Balac qaedi yejomaĝana'ape jogaa'me Israel lec'oqo'tepi, da'me jetaque en yali'j ga'me niqui'yaĝat jo'ne lajaqaje'j 'me qoyanoto jogaa'me qop'iyapegalo jo'ne ja ejoda, qama'le nach'e ena'am da'me en tadoue da'me nequejeguetaĝa.

2 Corintios 11:21

'Uo da'me yepocoĝo da'me ñenaĝategue, qa'a ja ch'e yichiyaqatelegue ta'le naq'aeta ga'me je'etaĝaque. Qalaĝaja queda'me uo'oe gaa'me naq'aeta da'me yauote 'me ni'yoĝodela'ajalo, jayem nach'e ena'am naq'aeta ga'me ja'uo, mate mane'e dojo' chiyojoĝoc.

1 Corintios 10:29

Mate mane'e dojo' ja en 'te diyachitapiyelo naa'me adai'lidi', ga'me qamqa'me ja mayiñe q'aen. Ami ja'aĝatema da'me dojo' qa'a uo'oe gaa'me enapega't nale, dachimaqataĝa'n: “¿Toqoch'e ja jaqanatet ta'le ja'uo ga'me jo'ne jepaquetapega qa'a nach'edata da'me yaqaya yepetapega da'me ja qoyajeta ga'me je'etetac?

Romanos 15:1

Qo'mi jo'ne joote 'uañaĝaic da'me qadepe'e, 'noota qom jaconaĝagueta daa'me lachoĝolaĝaco gaa'me jo'ne maliaĝa ja 'uañaĝaic da'me lepi'iyaĝa'j, nataq'aen ja jelaqaque ga'me mach'e qo'mi ja'amaqatenaq.

Mateo 18:10

Ena'te a'uotañi ga'me onolec naa'me naajo' 'najodolqa, qa'a ami ja'aĝatema queda'me uo'oe joga'me neuatoqo'tpi jo'ne piyem laje' 'me nach'e eta't dajoeda'aguet na'me latajoĝoc ñe'me Taĝadena'.

1 Corintios 10:28

Qalaĝaja, qom 'uo gamachaqaega adaqayai jo'ne ami yechoĝotema: “Jenjo' mach'e uaca lapat jo'ne joote nemenec qaedi qo'nonaĝachiguilo gaa'me ch'e nequi'il”, chane'eja ena'te aualiqui, jouaĝat ga'me adaqayai jo'ne diyachitapiye lauel qa'a yayaten ga'me 'netaguec ga'me lapat.

2 Corintios 6:3

'Noota qom qaya'te eetapela't 'yotan da'me qat'onatac. Qo'che' 'ñañaĝataq qaedi ja jaloĝonaq gamachaqaega ja no'en ga'me qo'mi qoyec'ateneque.

2 Corintios 11:29

Qom 'uo ga'me yeleuac, nach'e ena'am jayem jeleuac; 'uo da'me yepocoĝo nataq'aen yalemataic da'me jauana ga'me qadaqaya qoyen taue ga'me loec.

Colosenses 2:8

'Noota qom anechilela't: ena'te aniyamaĝadeñiyoto gaa'me jetaque ami yoqovineque gaa'me ch'e jiyaĝaua layatenaĝanaĝaco jo'ne ja ejoda choqogaa'me napaĝaguenataĝanaĝaco jo'ne ch'e lelnataĝaco ga'me aleua laje'pi, qa'a jogaa'me ja yotaua'n ñe'me Cristo.