1 Corintios 8:3 - Nuevo Testamento Toba Sombrero Negro

³ Qalaĝaja gamachaqaega jo'ne noqopita ñe'me Dios, ñe'me Dios yataqachiñe yateton joga'me.

Nuevo Testamento Toba Sur

³ Qalaxayi da huo'o ca ÿauotec ñi Dios, qaq ñimayi ÿataqta ÿauattoota camayi.

La'aqtaqa Ñim Lo'onatac 'Enauacna 2013

³ Qalaxaye Ñim Lo'onatac 'Enauacna, ỹauattoota 'enauac nam ỹauotec Ñimaye.

1 Corintios 8:3 Referans Kwoze

2 Timoteo 2:19

Qalaĝaja Dios joote ya'uo joga'me 'uaechiñe nataq'aen eja jo'ne qoyediñe ca'li: “Joñe'me Jaliaĝanec yateto'n jogaa'me mach'e lec'oqo'te”, nataq'aen enaac: “Yema jogaa'me 'nonaĝachidegue joñe'me Jaliaĝanec, 'noota qom queda'e da'me ja no'en.”

1 Corintios 2:9

Qalaĝaja, naq'aeta da'me enapega't naa'me nedii's jo'ne qoyedidiñe ca'li, eet'oi: «Ga'me jo'ne qaya'te yauanapega uotaĝa domachiya, Da'me jo'ne qaya'te uenate'ta ta'le naq'aeta da'me di'yoq, Nach'eda dojo' jo'ne joote Dios yiyamaĝateta't Qaedi yanema gaa'me noqopideta joñe'me.»

Gálatas 4:9

Qalaĝaja nayi male auatetoñi ñe'me Dios, uotaĝa chimaqachiñe da'me jenaac: Dios male ami yateto'n. Qo'che' ja jayem 'te taue da'me toqoch'e anajeñe'teguet da'me yitaĝa ami yaue'j jogaa'me qop'iyapegalo jo'ne mach'egaua qaya'te lañoqotaĝanaĝa'j uotaĝa lajo'viyaĝa'j.

Apocalipsis 2:19

Joote jayaten yema da'me auauoyi, nach'e ena'am da'me jayaten da'me 'uo da'me adoqopich'ii choqoda'me adepi'i, choqoda'me ami chimadichidiñe, qama'le nach'e ena'am da'me nach'e eta't da'me oquitalegue da'me at'onataĝanaĝaqui, nataq'aen jayaten da'me jo'ne auauoyi nayi yataqata napacalegue da'me at'onataĝanaĝac jo'ne 'uaechiñe.

Santiago 1:12

Matac ga'me jiyaĝaua qom napogaĝadeneguet da'me napiyenaguec qama'le yaqanatet da'me 'nañaĝateguet, qa'a qom yovida'a da'me male ye'm daa'me napiyenagueco, qama'le yaconeguet ga'me lomataĝanaĝac jo'ne nec'alaĝa 'me qaya'te loiquiaqa'. Nach'eda da'me nec'alaĝa jo'ne Dios 'yaĝatema jogaa'me jo'ne noqopideta.

Juan 10:14

“Naqayem jo'ne jayem 'naĝanaĝate nouatoqo't 'me onaĝaic, qama'le jateto'n naa'me yelopi 'naĝanaĝatelpi, nataq'aen naa'me nach'e ena'am jayem yateto'n.

Mateo 7:23

Qalaĝaja ami ja'ategueta qomle: «Qaya'te ua'a ta'le ami jateto'n. ¡Jayem oquiya'e, da'me ami jo'ne yataqata a'vichetac nale da'me ja no'en!»

1 Juan 4:19

Qama'le qadoqopita joñe'me Dios qalaqach'ele 'uaeñe joñe'me qo'mi noqopitalo.

Apocalipsis 2:9

Joote jayaten da'me adachoĝodequi nach'e ena'am jayaten da'me qaya'te adeuoyaĝaqui, mate mane'e ena'am ta'le yataqata ami neuoyaĝadi, qama'le nach'e ena'am jayaten da'me eeta da'me ami dachinataĝalo'te jogaa'me jo'ne eetapela'ajalo lec'oqo'tepi joñe'me Dios. Qalaĝaja nach'egaua jo'ne ja p'etaqadayaqa, dite da'me chiyoqodayi da'me lemaĝac joñe'me Satanás.

1 Pedro 1:8

Da'me ami joote adoqopichiya joñe'me Jesucristo, mate mane'e ja auañiya, qama'le nayi auep'iiya'a joñe'me mate mane'e ja aueloi'yot. Chane'eja yataqata ami made'tape nayi, yataqachiñe let'adaic da'me adamaiqui jo'ne ja qoyaqanatet ta'le qouenate'ta qaedi qo'yaĝatetac,

Apocalipsis 2:13

Joote jayaten da'me oñiita'ña di'me na'ña joga'me lejaliaqa' ñe'me Satanás, qalaĝaja da'me ami nach'edata da'me jayem oquitalegue, ja anemachiyapec da'me jayem auep'iiya'a, temaqaedi da'me qoyalat joca'li di'me Antipas, 'yaqataĝanaĝanec jo'ne yataqatelegue, nach'edi jo'ne ua'ña di'me noic jo'ne neta'ña ñe'me Satanás.

Juan 21:17

Male tres da'me yenat: —Simón jo'ne am lec'oĝot ñe'me Juan, ¿qo'li jayem auauotec? Ñe'me Pedro male ja matac qa'a tres da'me qoyenatetapec da'me eeta da'me yataqachiñe noqopita joñe'me Jesús, qama'le yitaĝa 'yateguet: —Jaliaĝanec, joote auayaten ena'uac: auayaten da'me am jauotec. Ñe'me Jesús male enaac: —Adetelalo naa'me yoqotel jo'ne ena'am ta'le yelopi 'naĝanaĝatel.

Santiago 2:5

Ami yaqaya'olqa jo'ne ñauotaĝa'u, anaquiaĝañiya da'me dojo': Dios en liquiyac ga'me jiyaĝaua jo'ne qaya'te leuoyaĝac, qama'le en neuoyac da'me nepe'e, qama'le nach'e ena'am da'me en yaconeguet da'me jo'ne mach'e en loĝot jo'ne nejaliaĝa, da'me jo'ne joote 'yaĝatema gaa'me jo'ne eja da'me yataqachiñe noqopideta joñe'me.

Romanos 11:2

Chiyoqochiñe joca'li 'uaechiñe, Dios yaconegueta ga'me Israel c'oqo'tepi da'me lec'oqo'tolqa; qama'le nayi ja de'uotapegueta. ¿Qo'li ja auayachiñe ga'me lediijec di'me Dios 'laqataĝanaĝanec Elías? Queda'me 'uo da'me netamenaĝac ca'li netamenot ñe'me Dios, daloĝonaĝataĝalo'te ga'me Israel c'oqo'tepi, enaac:

1 Corintios 13:12

Nach'e naq'aeta qom jetaque jec'atenaq ga'me jo'ne chiyoqo'ot ñe'me Dios, ga'me jo'ne jauanaĝa ena'am ta'le ch'e laqaselegaĝac jo'ne ja yataqachiñe di'yoqotelegue; qalaĝaja yovita qomle ga'me nolo' da'me male yataqachiñe di'yoqochigui jauanaĝa. Nayi ja di'yoĝoyi da'me jateton ñe'me Dios; qalaĝaja qom novitequena ga'me nolo', male yataqachiñe nalochiñe da'me yatetonaĝanaĝac, ena'am da'me eeta joñe'me Dios da'me jayem yateton.

1 Juan 4:7

Ami yaqaya'olqa, 'noota qom nach'e eta't ñoqopitaqapega't, qa'a da'me qadoqopich'i chiyoĝoguet joñe'me Dios. Qama'le ena'uaque gaa'me jo'ne 'uo da'me loqopich'i, nach'egaua lec'oqo'te joñe'me Dios qama'le yateto'n joñe'me.