1 Corintios 8:1 - Nuevo Testamento Toba Sombrero Negro

¹ Nayi ja'ateguet da'me jayem auenachiyec ga'me lapat jo'ne joote qoyanema gaa'me qop'iyapegalo jo'ne ch'e 'nonataqa. Yataqachiñe eja da'me dojo' 'naqatac: “Ena'uaque qo'mi jayatenaq da'me jo'ne yataqata eja.” Qalaĝaja da'me nayatenaĝanaĝac 'yetem ga'me jiyaĝaua da'me ma'te 'yoĝodenaĝaic; joda'me noqopich'i qamqa'me 'yañaqatet joga'me.

Nuevo Testamento Toba Sur

¹ Qaq nagui qami' sa'axatema da lliquiaxac ca nallic mayi qanatameelec da qoÿanot ca nqolac. 'Eesa da 'enauac da qadauattonatac de'eda. Qalaxayi de'eda nauattonaxanaxac ÿashittagui naq'en da ñi'oxonnaxac ca shiÿaxaua. Chaqdata da nsoxoyic mayi nañaxat naq'en camayi.

La'aqtaqa Ñim Lo'onatac 'Enauacna 2013

¹ Qaq nagui qami' sa'axatema da lataxac ca nallec maye hua'auñi da qoỹanot na choche ne'enaqtacpi maye qanatameetacotpi qataq saq 'en. 'Enauac da shenaqta saỹatenaq de'era. Qalaxaye saỹatenaq de'era nauattonaxanaxac da ỹo'ot da napagaqaanaxac qataq da ño'oxonnaxac ca shiỹaxaua. Qalaxaye da nsoxoyec ỹa'añaqchet da qara'amqaanataxanaxac.

1 Corintios 8:1 Referans Kwoze

1 Corintios 8:7

Qalaĝaja uo'oe gaa'me jo'ne maliaĝa ja yayate'n da'me dojo'. Uo'oe gaa'me maliaĝa uetauelo da'me loe'j 'me toijec da'me netamenoto gaa'me ch'e nequi'il, chayovida'a nayi maliaĝa uenateteda'a gaa'me nequi'il nale yali'j ga'me lapat jo'ne joote qoyen najaqajec. Chane'eja queda'me qaya'te 'lañaĝac da'me letadenataĝanaĝa'j, jogaa'me eetapela'ajalo 'naĝa't ga'me lapat jo'ne yali'j.

Romanos 14:3

Qalaĝaja joga'me yaqanatet da'me yema yalic, ja 'noota ta'le ye'ue'tape jogaa'me laqaya' jo'ne qaya'te 'lañaĝa'j, qama'le nach'e ena'am joga'me yalic na'me nanal jala, ja 'noota ta'le ye'ue'tape joga'me yema yalic, qa'a joñe'me Dios nataq'aen yaconegueta, qaya'te yiyota'a.

Apocalipsis 2:14

Qalaĝaja uo'oe daa'me jo'ne ja ami 'te ja'amaqateneque: queda'me uo'oe jogaa'me ami uetauelo jo'ne ja jetaque yaĝadiñi da'me lapaĝaguenataĝanaĝac jodi'me Balaam, naqaedi jo'ne yapaĝaguen joca'li ñe'me Balac qaedi yejomaĝana'ape jogaa'me Israel lec'oqo'tepi, da'me jetaque en yali'j ga'me niqui'yaĝat jo'ne lajaqaje'j 'me qoyanoto jogaa'me qop'iyapegalo jo'ne ja ejoda, qama'le nach'e ena'am da'me en tadoue da'me nequejeguetaĝa.

1 Corintios 8:4

Chane'eja da'me qoyalic ga'me lapat jo'ne joote qoyanema nale ga'me qonetametapecoto nequi'il: jayatenaq queda'me qaya'te gamachaqaega lajo'viyaĝac ga'me nequi'i jo'ne uetalegue jena'me aleua, nataq'aen jaldata da'me onolec ñe'me Dios, qaya'te laqaya.

1 Corintios 8:2

Qom 'uo ga'me nepetapela't da'me 'uo ga'me layatenaĝanaĝac, maliaĝa ja yayaten ga'me jo'ne yataqachiñe ye'et.

Romanos 15:14

Ami yaqaya'olqa, mach'e jayem da'me ena'am ta'le ami jela'alo da'me yataqachiñe nejaqachiguilo da'me adichoĝodenataĝanaĝaqui nataq'aen da'me adayatenaĝanaĝaqui, choqoda'me auayachiñe da'me mach'e ami anapaĝagueñiyapega't.

Efesios 4:16

Nach'eñe ñe'me Cristo jo'ne qo'mi yapotena't, qama'le qo'mi yodapecache male ena'am ta'le joqotaĝaguet joñe'me, nataq'aen yema ñecochaĝapega't. Chane'eja, qom naq'aeta qama'le ena'am ta'le yataqata ñaqaloĝodaqatajeguem, qama'le 'uo da'me qat'añaĝac jo'ne chiyaqayi da'me qadoqopich'i.

1 Corintios 15:34

Ami, jalcote 'noota ta'le a'viyelaqaiya da'me onaĝaic adadiqui nataq'aen ja yitaĝa auauoyi adoequi, queda'me uo'oe gaa'me ami uetauelo 'me maliaĝa ja yateto'n ñe'me Dios. Jenaac da'me dojo' qaedi 'uo da'me adepocoĝoqui.

Hechos 15:29

ena'te yitaĝa aualiqui ga'me lapat ga'me jiyac jo'ne qoyanegue nataq'aen qoyigoue da'me qoyanot ga'me qop'iyapegalo, 'noota qom ena'te aualiqui ga'me jiyac jo'ne ch'e qoyechiyoqot, ena'te aualiqui jaga'me tauo' nataq'aen achiya'agueta gaa'me 'nonáĝaco jo'ne ja qoyajete'. Qom nataq'aeta aviyamaĝachi' naa'me naajo', nach'eda chimaqachiñe ga'me at'onataqui. Qadet'a ami ue'tajopa.”

1 Corintios 10:28

Qalaĝaja, qom 'uo gamachaqaega adaqayai jo'ne ami yechoĝotema: “Jenjo' mach'e uaca lapat jo'ne joote nemenec qaedi qo'nonaĝachiguilo gaa'me ch'e nequi'il”, chane'eja ena'te aualiqui, jouaĝat ga'me adaqayai jo'ne diyachitapiye lauel qa'a yayaten ga'me 'netaguec ga'me lapat.

Hechos 21:25

Qama'le ga'me ja judiopi jo'ne p'iida'a, joote jedenaqatenaĝalo gaa'me qadedii's jo'ne qadelnataĝac: 'noota ta'le ja yali'j ga'me lapat jo'ne joote qoyanoto gaa'me qop'iyapegalo, uotaĝa tauo', uotaĝa lapat ga'me jiyac jo'ne ch'e qoyechiyoq, nataq'aen 'noota qom t'oiya'ata gaa'me nonáĝaco jo'ne ja qoyajete'.

Hechos 15:10

Chane'eja, ¿toqoch'e auapiyeñi ñe'me Dios? Qa'a auemichitalo'te naa'me naajo' p'etaqadaiqui ga'me li'yacochi'j jo'ne ja jañoĝotaq ta'le jachoĝojoq da'me qo'mi, nach'e naq'aeta joca'li dia'me qadet'al ja yaqanate't ta'le yachi'y.

Apocalipsis 2:20

Qalaĝaja 'uo da'me jo'ne ja ami 'te ja'amaqateneque: queda'me a'namaqatenaguet jañe'me yauo jo'ne Jezabel, jañe'me jo'ne eetapela't jada'me Dios 'laqataĝanaĝana, qalaĝaja ch'e qovinaĝanaĝai. Nach'añe jo'ne yoqovi'n jogaa'me mach'e yalemaĝaje'te, da'me yapaĝagueneque qaedi e'n tadoue da'me nequejeguetaĝa nataq'aen da'me jetaque e'n yali'j ga'me niqui'yaĝat jo'ne lajaqaje'j 'me qoyanoto jogaa'me qop'iyapegalo jo'ne ja ejoda.

Colosenses 2:18

Achiya'agueta jogaa'me jo'ne eetojo' nale ga'me 'laqata'j: “Ami adejomiitac queda'me ja anetameñiyoto jogaa'me piyem laje'.” Nach'enaua jo'ne eetapela'ajalo uo'oe da'me lichoĝonaĝaco jo'ne nach'e ena'am ami auaqanachichi ta'le ami ua'ajopa, nataq'aen queda'me ni'yoĝodetedapega nale ga'me yauata, jouaĝat gaa'me ch'e jiyaĝaua lelnataĝaco.

1 Corintios 14:20

Ami yaqaya'olqa, ena'te auadenaĝachi' daa'me lelnataĝaco jogaa'me ñoqolqa. Yataqachiñe 'noota ta'le aueñiya'ama jogaa'me 'najodolqa jo'ne ja yauote ga'me ja no'en, qalaĝaja 'noota ta'le gaa'me adelnataĝacodi' joote 'yaĝayaqa.

1 Corintios 5:6

Ja 'noota qom ami 'yoĝodenaĝayaqa. ¿Qo'li ja auayachiñe nale qoye'et jaga'me pan qama'le qoyen cat'olec ga'me nalequetenaĝanaĝat qalaĝaja yema yajediye q'aen ga'me nonañejec?

1 Corintios 5:2

¡Ami qama'te ami 'yoĝodenaĝayaqa! Taqamachaĝa ami najaqachiguilo da'me adepocoĝoqui, chayovida'a auamaqayegue ga'me jo'ne ya'uo da'me dojo' 'me ami uetauelo nale ademiya'a't.

1 Corintios 4:18

Uo'oe gaa'me joote 'yoĝodenaĝayaqa da'me ami, qa'a joga'me lelnataĝa'j da'me ja yitaĝa ami jovitalo.

1 Corintios 4:10

Qo'mi, queda'me qolaĝague ñe'me Jesús, ena'am ta'le qo'mi chiyoĝo's, ami qamqa'me ami yatenaĝanaĝayaqa queda'me oquiyegue ñe'me Jesús; qaya'te qat'añaĝac qalaĝaja ami qamqa'me ami 'uañaĝayaqa; ami qo'nonaĝachiguilo nale, qalaĝaja qo'mi qamqa'me qo'mi qo'yota'tape nale.

1 Corintios 1:5

Qa'a ami joote ademii'teguet joñe'me Cristo, chane'eja Dios jalcote ga'me ami yanema 'me lapaĝaguenataĝanaĝaco nataq'aen adatetonaĝanaĝaqui.

Romanos 14:22

Da'me adepe'e jo'ne am ue'tajop 'noota da'me nedo'ta't da'me yalemaqa'tot ñe'me Dios. Matacolec ga'me jiyaĝaua jo'ne ja yepoleguelegue da'me mach'e lauelyaĝac da'me 'lamaqatenataĝanaĝac.

Romanos 14:14

Da'me jayem, joñe'me Qadejaliaĝanec Jesús yataqata jayem yapaĝaguenec da'me qaya'te niqui'yaĝat jo'ne ja no'en. Qalaĝaja qom 'uo joga'me eetapega joga'me niqui'yaĝat ja 'noota ta'le qoyalic, qama'le eja cha'li ja yalic.

Romanos 14:10

Chane'eja da'me ami ja 'noota qom aueñiyapegalo jogaa'me adaqayadi' jo'ne nataq'aen p'etaqadayaqa. Ena'te a'ue'tape qa'a yema qomle da'me qo'mi male jajoqo'tot joñe'me Dios, qom 'uo ga'me naloqotenaĝanaĝac.

Romanos 12:16

'Noota qom onolqa'tape ami adaloi'ta't qaya'te neyota'ya. Ena'te ami 'yoĝodenaĝayaqa, dite da'me aueñe'tem da'me adaloyetapegueta joga'me jo'ne jaleca da'me letadenataĝanaĝac. Ena'te aueñetapela't ami yatenaĝanaĝayaqa.

Romanos 11:25

Ami yaqaya'olqa, jepaquetapega ta'le ami auayachiñe da'me yoequenataĝanaĝac 'me ja yaloĝonapiye't ñe'me Dios; qaedi ja a'naĝachitapela't ami yatenaĝanaĝayaqa; joga'me Israel c'oqo'tepi ja yemeda jogaa'me ta'le ja damite', ch'e lae jogaa'me, qalaĝaja jaldata qom ena'uaque yenoĝodeuo jogaa'me jo'ne ja Israel c'oqo'tepi.

Romanos 14:19

Chane'eja 'noota qom jelaqaque ga'me jo'ne chiyaqayi da'me 'nemaĝac nataq'aen da'me 'nañaqataĝanaĝac 'me ja qonañaĝanañi'.

1 Corintios 4:6

Ami yaqaya'olqa, ami ja'aĝatema da'me dojo' jo'ne jayem 'yaĝatetac choqoñe'me Apolo, qaedi ami yecochiyalo queda'me qo'mi adaloqotenaĝanaĝaqui, da'me ami japaĝaguenaĝaque da'me ena'te anapaquiyalegue ga'me jo'ne joote qoyediñe joca'li, qaedi ja avi'yoĝodiñetac nataq'aen qaedi qaya'te a'uotañetac.

1 Corintios 10:15

Ami 'me yatenaĝanaĝayaqolqa, chane'eja mach'e ami analoqochiñe' naa'me 'yaqataqa, qom yataqachiñe ejoda.