1 Corintios 7:14 - Nuevo Testamento Toba Sombrero Negro

¹⁴ Qa'a ga'me jiyaĝaua jo'ne ja p'etaqadaic yovida'ya da'me liyamaĝadenataĝanaĝac ñe'me Dios qa'a yajouaĝat da'me uaĝayet jaga'me yauo jo'ne p'etaqadai; nach'e naq'aeta jaga'me yauo jo'ne ja p'etaqadai yovida'ya da'me liyamaĝadenataĝanaĝac ñe'me Dios qa'a yajouaĝat da'me necoñeteguet joga'me p'etaqadaic. Qom ja naq'aeta, qama'le gaa'me ac'oqo'chedi' ena'am ta'le qaya'te niyamaĝadenatague'j, qalaĝaja yataqata Dios e'n ja 'nalo'te jogaa'me.

Nuevo Testamento Toba Sur

¹⁴ Cha'ayi ca ÿale mayi sa da'amqajnataxan ividauga da ÿaÿamaxadeeta ñi Dios, souaxat da huadonguet aca 'amqajnataxanaxai. Qaq aca 'alo mayi sa da'amqajnataxan ividauga da ÿaÿamaxadeeta ñi Dios, souaxat da huadonguet ca 'amqajnataxanaxaic. Cha'ayi da sa ishit da nachi 'eetec de'eda, nachi da qadco'oxoqui 'eeta'am na llalaqpi na sa da'amqajnataxanpi. Qalaxayi nagui sogote da mashi ÿaÿamaxadeeta ñi Dios.

La'aqtaqa Ñim Lo'onatac 'Enauacna 2013

¹⁴ Cha'aye Ñim Lo'onatac 'Enauacna ivira'a da ỹaconeguet qome ca ỹale souaxat da huaroneguet aca ỹa'amaqteetac So Cristo. Nataqa'en ivira'a da ỹaconeguet aca 'alo souaxat da huaroneguet ca ỹale maye ỹa'amaqten So Cristo. Nataqa'en ca llalaqpi caamaye Ñim Lo'onatac 'Enauacna ỹaconeguet da ỹalecnoigui na lalamaxatpi, qaq saishet da imaqa'aguet camayepi da 'ena'am naqa'en ca nshepaxan.

1 Corintios 7:14 Referans Kwoze

Tito 1:15

Qom yataqachiñe qanedo'ta't naa'me qadai'li, qama'le yema nedo'ta't ga'me jo'ne jauanaĝa; qalaĝaja gaa'me jo'ne ja yataqachiñe nedo'ta'ajalo nataq'aen ja yacoteguet da'me lepe'e' qamqa'me qaya'te uetauelo jo'ne nedo'ta'ajalo, qa'a paĝachiguilo naa'me lai'li choqodaa'me lelnataĝaco nataq'aen ja nometeguet ta'le 'uo da'me lepocoĝo'j.

1 Timoteo 4:5

qa'a jonaa'me 'laqataqa ñe'me Dios choqoga'me mach'e qanetamenaĝac nach'enaua yataqachiñe e'n chimadichidiñe gaa'me niqui'yaqa'te.

Romanos 11:16

Qa'a qom joote qoyanot ñe'me Dios jaga'me 'uaeñe pan 'me qochiyoĝotaue joga'me nonañejec, qama'le nach'e ena'am yema joga'me nonañejec qoyen ja 'nalegue qa'a male loĝot joñe'me. Nataq'aen qom ga'me pata' jaga'me epaq joote qoyanot ñe'me Dios, qama'le nach'e ena'am yemeda gaa'me lepeel male loqo'te joñe'me.

Hechos 10:23

Chane'eja Pedro yenoĝonaqatedeuo jogaa'me qama'le nach'e uede'edi ca'li jo'me pi'yaq. Ca'li 'yoĝoñi, Pedro equeguelo jogaa'me, nataq'aen uo'oe gaa'me quetegue lepi'iyaĝa'u jo'ne 'lachaqa't di'me Jope.

1 Corintios 7:13

Nataq'aen gamachaqaega adaqayai jo'ne p'etaqadai jaga'me, 'uo ga'me loua jo'ne ja p'etaqadaic, qalaĝaja ñe'me jiyaĝaua jetaque que'tot da'me ue'tajop jaga'me, qama'le jaga'me 'noota ta'le ja yamaĝaye uotaĝa ta'le yataqachiñe yeguem.