1 Corintios 6:9 - Nuevo Testamento Toba Sombrero Negro

⁹ ¿Qo'li ja auayachiñe joona gaa'me ja 'noe'n ja yaqanate't ta'le tadoue da'me lejaliaĝa joñe'me Dios? ¡'Noota qom yataqachiñe auayachiñe da'me dojo'! Uotaĝa gaa'me jo'ne 'yetedac da'me nequejeguetaĝa, uotaĝa gaa'me jo'ne p'iya'alo ga'me ch'e nequi'il, uotaĝa gaa'me jo'ne ja neteleta da'me yataqatelegue 'lonáĝa'j, uotaĝa gaa'me le'mi jo'ne yadenaĝa't da'me yauo 'loyaĝac qama'le nemedoue da'me nequejeguetaĝa,

Nuevo Testamento Toba Sur

^9-10 ¿Qami' sa qauaÿajñiÿo' da ca i'otec ca sa ÿaÿamaxañi ca lÿa, qaq sa ishit da inoxoneu'a ca ñaq natauo l'onataxanaxac ñi Dios? Sa ishit qome da qaupe'enaxañi. Cha'ayi sa ishit qome da inoxoneu'a que'eca l'onataxanaxac ñi Dios nam quetaigui da lquishiguetaxac, qataq na natameetacot na nqolacpi, qataq na lauatapiguiñi' aca sa lhua, qataq na huetapeeguet ca 'eeta'am lÿa shiÿaxaua, qataq na cachaxaicpi, qataq na mataxalaicpi, qataq na taxaicpi, qataq na n'aqtaqa l'o'pi, qataq na ÿayin ca lÿa da nqat aca alom.

La'aqtaqa Ñim Lo'onatac 'Enauacna 2013

^9-10 ¿Qami' sa qauaỹaañiỹo' da ca ỹo'ot ca sa ỹaỹamaxañi, nache camaye saishet da inoxoneua'a da lo'onataxanaxac Ñim Lo'onatac 'Enauacna? Saishet qome da qami' qaỹatenache't. Cha'aye saishet qome da inoxoneua'a da lo'onataxanaxac Ñim Lo'onatac 'Enauacna nam quetaigui da lquisheguetaxac, qataq na natameetacot na ỹaqa'api maye saq 'en qataq choche ne'enaqtacpi, qataq na lauatapiguiñi' aca sa lhua, qataq na huetapeeguet ca 'eeta'am lỹa ỹale, qataq na cachaxaicpi, qataq na mataxalaicpi, qataq na taxaicpi, qataq ca na'aqtaqa lo'o', qataq na nquigaxatapeguec aca lasheue ca lmenec.

1 Corintios 6:9 Referans Kwoze

1 Corintios 6:10

uotaĝa gaa'me dalataĝa'n nale decachi'y, uotaĝa gaa'me pitaĝanaqataqayaqa, uotaĝa gaa'me taĝayaqa nale, uotaĝa gaa'me 'uenaĝanaĝayaqa, uotaĝa gaa'me cachaĝayaqa. Qaya'te onolec naa'me naajo' yaqanate't ta'le taue joda'me lejaliaĝa ñe'me Dios.

Apocalipsis 22:15

Qalaĝaja joga'me p'aye nach'ega jo'ne ueteda'a jogaa'me jo'ne jomayaqa, nach'egaua jo'ne yeda'n gaa'me laqaya', choqogaa'me jo'ne 'yetetedac da'me nequejeguetaĝa, qama'le nach'e ena'ama jogaa'me lataĝanaĝayaqa nataq'aen jogaa'me p'iya'alo jogaa'me ch'e nequi'il nataq'aen jogaa'me noqopideta da'me napaĝagueteguet da'me noqovinaĝanaĝac.

Apocalipsis 21:8

Qalaĝaja jogaa'me jo'ne qolanaqaiquipi choqoga'me qoleguetaĝanaĝaiquipi, nataq'aen gaa'me jo'ne qodaqaequeda'a, choqoga'me lataĝanaĝaiquipi nach'e ena'am da'me quejeguetaĝaiquipi nataq'aen gaa'me jo'ne yeda'n gaa'me laqaya', choqogaa'me jo'ne netametot nale ga'me nequi'i, choqoga'me ena'uac joga'me pecaiquipi, yema jogaa'me yovidedeta qomle da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

1 Corintios 6:19

¿Jeele ja auayachiñe queda'me adapachidiaĝaqui ena'am ta'le naqaega 'lachaqa' jo'ne netaue ñe'me Nepaqal 'me ja 'nalegue, nach'eda jo'ne ami yanema ñe'me Dios? Qama'le da'me ami ja naq'aeta ta'le adoqochidi' naa'me adapa'chidi',

1 Corintios 5:10

Qalaĝaja ja jetaque ja'aĝatema ena'uaque joga'me aleua laje'pi jo'ne 'yetedac da'me nequejeguetaĝa, uotaĝa ga'me pitaĝanaqataqaiquipi, uotaĝa ga'me cachaĝaiquipi, uotaĝa gaa'me p'iya'alo nale gaa'me nequi'ipi, qa'a jaldata qom oquiya'ae jena'me aleua qama'le eja auaqanachichi da'me ja adivichiyegueta ena'uaque naa'me naajo' jiyaĝadipi.

Hebreos 13:4

Nach'e ena'am da'me ademiya'a da'me aviyamaĝachetac da'me adouayaĝaqui, nataq'aen jogaa'me nooua' youen da'me nach'e eta't da'me niyamaĝatela'ajalo da'me mach'e 'lonáĝa'j, qa'a ñe'me Dios ya'uo qomle ga'me ne'uaĝanague'j jogaa'me quejeguetaĝayaqa choqogaa'me jo'ne leua'u gaa'me ja loua'.

Romanos 1:18

Qa'a ñe'me Dios yaloĝon da'me lalemataic 'me chiyoĝogue di'me piyem ya'uo ne'uaĝanaguec yema ga'me jiyaĝadipi 'me ja 'noe'n gaa'me 'lonataqa nataq'aen gaa'me ja chimadichidiñe, qa'a queda'me ja chimadichiñe qama'le ena'am ta'le yecoñedetedac da'me yataqatelegue.

Hebreos 12:14

Anepogoĝoiñetapegue' da'me nach'e eta't ami uetauelo da'me 'nemaĝac, ena'uaque da'me ami, nataq'aen da'me nach'e eta't da'me ami ja 'nalo'te, qa'a qom qaya da'me qat'oyaĝac jo'ne ja 'nalegue qama'le ja jaqanatetaq ta'le jauanaĝa joñe'me Jaliaĝanec.

1 Corintios 15:50

Ami yaqaya'olqa, jetaque 'uo ga'me ami ja'aĝatema: da'me qat'oyaĝac jo'ne yeleu qomle ja yaqanatet ta'le taue da'me lejaliaĝa ñe'me Dios, nataq'aen ga'me jo'ne yovita da'me nouayi ja yaqanatet ta'le neleguemaĝata da'me ja 'naidena'a.

1 Corintios 15:33

Ena'te anoqoviñela't: ñe'me jo'ne ya'uo da'me ja no'en 'naĝat ga'me laqaya jo'ne jetaque ya'uo da'me 'noota.

1 Corintios 3:16

¿Qo'li ja auayachiñe queda'me aueñiya'am ga'me 'lemec ñe'me Dios nataq'aen da'me ami uetauelo ñe'me Lepaqal?

Hebreos 12:16

Ena'te ami quejeguetaĝayaqa, chayovida'a da'me ena'te a'uotañi ga'me jo'ne chiyoqo'ot joñe'me Dios, qa'a naq'aeta da'me ya'uo ca'li ñe'me Esaú, da'me yemen jo'me te'me qoyen mach'e loĝot queda'me nach'eñe ñe'me nec'oĝot jo'ne nipiloĝot, ca'li en tayí da'me ya'uo onolec niqui'yaĝac.

Mateo 25:34

Yem qama'le jenapegalo gaa'me jo'ne neteda'ague jena'me jayaten: «Auanaeyiquena, ami jo'ne yataqachiñe yichoĝode'n ñe'me Taĝadena'. Auacoñiyeguet ga'me joote ami qoyaditaĝat'ae'ta, joda'me nejaliaĝa jo'ne qoyaqataĝata't qaedi ami qoyanema chiyoqo'teguet ca'li yemta jena'me aleua.

1 Corintios 5:1

Ami yaqaya'olqa, ena'uac qo'yaĝatetac da'me ami uetauelo joda'me 'nonáĝac 'me ja no'en, queda'me 'uo ga'me ami uetauelo jo'ne 'uoneguet jaga'me mach'e lajoĝoua. Jenjo' 'nonáĝac ja no'en yataqachiñe lama'aja, chayovida'alo gaa'me Roma laje'pi ja yajete'n ta'le qoya'uo da'me dojo'.

Santiago 1:16

Ami yaqaya'olqa jo'ne ñauotaĝa'upi, 'noota qom ena'te anoqoviñela't:

1 Corintios 9:24

Ami yataqachiñe auayachiñe nale 'uo ga'me noqomida'at, uo'oe gaa'me naqalego' nale, qalaĝaja onolec ga'me mataĝanaĝaic. Chane'eja, ami nataq'aen 'noota qom anaqalegoqoi qaedi naq'aeta da'me auomataĝañi.

Mateo 19:29

Nataq'aen ena'uaque gaa'me jo'ne queda'e ga'me 'lachaqa't, uotaĝa gaa'me laqaya'olqa, uotaĝa gaa'me let'al, uotaĝa gaa'me c'oqo'te uotaĝa 'naleua, qa'a jouaĝat da'me jayem quetegue, qama'le yitaĝa uoja'ega cien 'viyelaĝalegue da'me yitaĝa qoyanema qomle, nataq'aen nach'e ena'am qoyanema da'me 'loyaĝa'j 'me ja 'naidena'a.

Hechos 24:25

Qalaĝaja ca'li Pablo male 'yaĝatetac da'me 'noyaĝac jo'ne chimaqachiñe, da'me nomat da'me 'loyaĝac ga'me jiyaĝaua, nataq'aen ga'me nec'atenaĝanaĝac qom'te, Félix t'oiyapega qama'le enaac: —Paja'a oc nayi. Mach'e yitaĝa am jiyaĝana qom 'uo ga'me yedaqa'.

Lucas 21:8

Jesús 'yategueta: —Achiya'aguet qomle da'me dojo' qaedi ja ami 'te qoyoqovi'n. Qa'a qayoĝode' gaa'me novi't qomle jo'ne ch'e jayem 'naĝachidiye. Eet'oi qomle: «Mach'e jayem Dios Liquiyac», nataq'aen «Mach'e laloqo'ena.» Qalaĝaja ami, ena'te oquiyegue.

Hechos 20:32

“Nayi, ami yaqaya'olqa, ami jepotanouelo da'me letelaĝac ñe'me Dios qaedi auacoñiyeguet da'me 'laqataĝanaĝac jo'ne 'yaĝatetac da'me mach'e lichoĝodenataĝanaĝac. 'Uo da'me lañoqotaĝanaĝac ñe'me qaedi en nichiquetajeguem da'me adepi'i nataq'aen ami yanema yema ga'me jo'ne joote 'yaĝatema gaa'me ja 'nalo'te 'me c'oqo'tepi.

1 Corintios 5:11

Ja naq'aeta. Da'me jetaque ami ja'aĝatema ta'le ja ademii'teguet gamachaqaega qom mach'ega eetapela't adepi'iyaĝauai, qalaĝaja naqaega ga'me jo'ne 'yetetac da'me nequejeguetaĝa, uotaĝa pitaĝanaqataqaic, uotaĝa p'iya'alo ga'me ch'e 'nonataqa, uotaĝa aĝanataĝanaĝaic, uotaĝa lotaĝaic, uotaĝa cachaĝaic. Ena'te ademiya'egueta jogaa'me nataq'aen ena'te auajeñe'tema ta'le naqaegaua aneuanaĝa'udi' da'me aueque'eyi.

1 Corintios 6:18

Qo'che' ami ja'aĝatema queda'me ¡'noota qom auajoye'guem da'me nequejeguetaĝa! Gamachaqaega qadoec laqaya jo'ne jauoqo nale ja 'naĝat da'me qadapachidiyaĝac. Qalaĝaja ga'me jo'ne taue da'me nequejeguetaĝa 'uo da'me loec jo'ne 'naĝat da'me mach'e lapachidiaĝac.

2 Corintios 12:21

Nach'e ena'am jo'oyapega nale jenate'ta, qom ami jejapichiyalo, ñe'me Ñedios janomeguet q'aen da'me yepocoĝo jouaĝat ami jo'ne chayovida'a ñoyen, qa'a jouaĝat gaa'me qayoĝode' ami jo'ne ja yaĝadiñi gaa'me loeco jo'ne 'ye'tape nataq'aen da'me yauote ga'me ja no'en choqoda'me quetedalegue da'me nequejeguetaĝa nataq'aen gaa'me namanaĝanaĝaco 'me napaĝaguenalo.

Gálatas 6:7

Ena'te anoqoviñela't: qaya'te yaqanatet ta'le yoqovin ñe'me Dios, onolqa'tape gaa'me daqataĝa'n yaconalo gaa'me jala ga'me jo'ne joote yaadiñi.

Colosenses 3:5

Chane'eja 'noota qom aueñe'tem ta'le yeleu da'me anejiyaĝauayaĝaqui 'me toijec; 'noota qom qaya'te taue da'me lequejeguetaĝa, uotaĝa ta'le ye't ga'me paĝachiguilo, uotaĝa ta'le quetapegue'to gaa'me jo'ne yachoĝode'n nale nataq'aen ga'me ja 'noe'n lamaico, uotaĝa ta'le jetaque yauec da'me lamaic joda'me neuoyaĝac, qa'a dojo' ena'am da'me qonetameno't ga'me nequi'i.

1 Juan 3:7

Ami yalaqapi, 'noota qom qaya'te ami yoqovi'n. Ga'me jo'ne quetalegue da'me en joĝodaic da'me nejiyaĝauayaĝac, nach'ega jo'ne chimaqachiñe, ena'am joñe'me Jesucristo queda'me yataqata chimaqachiñe.