1 Corintios 6:11 - Nuevo Testamento Toba Sombrero Negro

¹¹ Uo'oe gaa'me naq'aeta ca'li da'me 'loyaĝa'j. Qalaĝaja male ami qonachilaĝa'n; male joote ami qoyiyota'alo qaedi oviyo'ot ñe'me Dios; male ami qoye'n yataqatelo'te q'ae'n; nach'eda lañoqotaĝanaĝac ñe'me Jaliaĝanec Jesucristo nataq'aen Lepaqal 'me ja 'nalegue ñe'me Qanedios jo'ne ami 'yetema da'me dojo'.

Nuevo Testamento Toba Sur

¹¹ Qaq huo'o co'ollaxa da qoñiita na 'eeta'am ne'enapi. Qalaxayi mashi qami' qaiqui'itaxatte', qataq mashi qanañañiÿot ñi Dios, qataq ñimayi mashi qami' ÿaÿamaxadeete'. Qaq 'enauac de'eda chigoqchigui so qadataxala' Jesús qataq so Espíritu mayi chigoqo'ot ñi qadta'a Dios.

La'aqtaqa Ñim Lo'onatac 'Enauacna 2013

¹¹ Qaq huo'o co'ollaxa da qoñiita na 'eeta'am ne'enapi. Qalaxaye Ñim Lo'onatac 'Enauacna mashe qami' ichoxore'n qataq qami' iqui'itaxatte', qataq mashe qami' lalamaqa'ate. Qaq 'enauac de'era chegoqchigui So Qarataxala' Jesucristo qataq So Saqcha'a La'añaxac Ñimaye.

1 Corintios 6:11 Referans Kwoze

1 Corintios 1:30

Qalaĝaja nach'eñe ñe'me Dios ami yapetenegueta joñe'me Cristo Jesús, qama'le nach'eñe Cristo qo'mi yanema da'me layatenaĝanaĝac ñe'me Dios. Qama'le da'me Cristo ya'uo ca'li chiyaqayi da'me ena'am ta'le qo'mi e'n yataqatelo'te ñe'me Dios; Cristo qo'mi 'yatetelo'te qaedi maqachaĝa ja qo'mi 'te 'nalo'te nataq'aen qo'mi yaĝayaĝa'n qaedi ja jaĝaue da'me ja no'en.

1 Corintios 1:2

ami janema da'me qadamaic, ami jo'ne yataqachiñe Dios lec'oqo'tolqa 'me oñiya'ña di'me Corinto, ami jo'ne joote yoqovite' qa'a auacoñiyeguet ñe'me Cristo Jesús, nataq'aen ami qoyiyaĝanalo qaedi ami qoyapetenegueta joga'me Dios lec'oqo'tepi 'me ja 'nalo'te nach'e ena'ama ena'uaque jogaa'me jo'ne napi'ñalo naa'me ale'u lael 'me 'yaĝatetedac da'me lenaĝat ñe'me Jesucristo mach'e Qadejaliaĝanec nataq'aen joga'me Dios lec'oqo'tepi 'me ja 'nalo'te.

Hechos 22:16

Nayi, ena'te anayaloĝoden. Oñijeguem qama'le auaconeguet da'me nachilaĝanataĝanaĝac nataq'aen aneyoediñe ga'me adoeco, da'me a'uamaqaten joñe'me Jesús mach'e Adejaliaĝanec.»

Romanos 8:30

Qama'le jogaa'me jo'ne chiyoqochiñe liquiyaqapi ñe'me Dios, qama'le nataq'aen yiyaĝanalo jogaa'me; nach'egaua yataqatelo'te q'ae'n; nataq'aen jogaa'me yanema da'me chimadichidiñe, nach'e ena'am netauada'uo da'me 'lonaĝac joñe'me.

1 Pedro 1:2

Da'me ami jalchi'ena da'me ami liquiyaqa joñe'me Qadet'a Dios qa'a naq'aeta da'me lelnataĝac joca'li, qama'le ñe'me Lepaqal en ami ja 'nalo'te qaedi auoqochiiya joñe'me nataq'aen da'me joote qoyapalaĝa't gaa'me adoecodi' yajouaĝat da'me naliñi q'aen jaga'me letauo' joñe'me Jesucristo ca'li yeleu. Auacoñiyeguet da'me anichoĝodenataguequi 'me chiyoqo'ot joñe'me Dios nataq'aen da'me at'emaĝaqui.

Hebreos 10:22

Chane'eja 'noota qom ñichiyaĝa'uo joñe'me Dios, da'me yoqovichiguilo naa'me qadai'li nataq'aen qaya'te 'uo ga'me qadoqoleguetaĝanaĝac da'me yataqata jep'iyaqa joñe'me, da'me joote qoye'n yoqovite' naa'me mach'e qadelnataĝaco, nach'e ena'am da'me joote qoyiyodingui naa'me mach'e qadoje' ga'me noĝop jo'ne qaya'te lale'gue.

Efesios 5:26

qama'le qo'mi 'yaĝatema da'me 'laqataĝanaĝac qaedi male yataqata e'n qo'mi loqo'te nataq'aen da'me qo'mi e'n yoqovite' da'me qo'mi qonachilaĝa'n,

Efesios 5:8

Ga'me ja yateton joñe'me Dios, ena'am ta'le uetaue joga'me 'naltapiye, ja yayaten joga'me ya'uo. Ca'li da'me ami naq'aeta da'me at'oyaĝaqui, qa'a ja auatetoñi ca'li joñe'me Dios. Qalaĝaja nayi male yataqata auatetoñi joñe'me, qama'le ena'am ta'le male ovitaue da'me yoqochiñe. Chane'eja 'noota qom male auadenaĝachi' gaa'me uetedaue da'me yoqochiñe.

Hechos 26:18

Am jamaĝalo jogaa'me qaedi a'uatedegue naa'me 'lae'te nataq'aen yaĝadegue ga'me 'lalaĝa, dite joga'me 'yoqochiñe; qaedi male ja quetegue ñe'me Satanás, dite joñe'me Dios; nataq'aen qaedi jayem p'iida'a qama'le qoyapalaĝa't jodaa'me loeco, nataq'aen qaedi qoyapetenegueta qomle ga'me Dios c'oqo'tepi.»

Romanos 8:33

¿Jach'e ga'me yaqanatet da'me yepoleguelo'te jogaa'me Dios liquiyaqapi queda'me Dios nach'eñe e'n yataqatelo'te jogaa'me?

Romanos 5:1

Qama'le queda'me Dios joote qo'mi e'n yataqatelo'te, yajouaĝat da'me qadepi'iyaĝac, male 'uo da'me qat'emaĝac 'me chiyoqo'ot ñe'me Dios, qa'a na'ya q'aen ñe'me Qadejaliaĝanec Jesucristo.

2 Ts 2:13

Qalaĝaja da'me qo'mi nach'e eta't janemaĝam da'me qadamaic joñe'me Dios jouaĝat da'me ami. Dios yataqata ami noqopitalo nataq'aen nach'eñe da'me ami yiyaĝanalo ca'li, qaedi ja oviyaue joga'me nachoĝodec jo'ne na'ta. Ami yiyaĝanalo ca'li en ami nayelo joñe'me Nepaqal, qaedi male ami qoye'n lalemaĝaje'te joñe'me, nataq'aen da'me auacoñiyeguet da'me 'naqatac jo'ne 'yaĝatetac da'me yataqatelegue.

Hechos 13:39

Qa'a ena'uaque ami jo'ne ja auaqanachichi ta'le auachiyoĝochiyaye da'me namaĝajoĝonaĝac jo'ne chiyoqo'ot ñe'me Moisés da'me qoyapalaĝa't jogaa'me adoecodi', nayi ami yachimaĝachichidiñe queda'me nach'eñe ñe'me Jesús jo'ne chiyaqayi da'me male qoyapalaĝa't daa'me loeco ena'uaque gaa'me jo'ne p'iida'a.

Apocalipsis 1:5

qama'le nach'e ena'am chiyoqo'ot joñe'me Jesucristo, nach'eñe jo'ne choqotaĝanaĝaic 'me yataqatelegue, joñe'me jo'ne 'uaechiñe da'me 'niyelaĝajeguem da'me chiyaqauelo gaa'me napa'lpi, qama'le yataqata nejaliaĝatelo'te yema jogaa'me nejaliaĝanaqa jena'me aleua. Nach'eñe jo'ne jalcote da'me qo'mi noqopitalo, Qama'le qo'mi doĝotaĝaneque gaa'me qadoeco Ca'li naliñi jaga'me letauo' da'me qoyalat.

Gálatas 3:11

Qom nach'edata qodique'teguelo daa'me namaĝajoĝonaĝaco da'me jetaque qoyoqo'cha ñe'me Dios, qama'le qaya'te yaqanatet ta'le qoyen yataqatelegue q'aen, qa'a daa'me nedii's enaac: “Jogaa'me jo'ne Dios yataqatelo'te q'ae'n, nach'egaua gaa'me jo'ne p'iida'a ñe'me, qama'le nach'e eta't nec'aletedaye qomle.”

Apocalipsis 7:14

Qama'le ja'ateguet: “Negue't. Naqa'am jo'ne auayaten, am jaliaĝanec.” Qama'le jayem 'yaĝatem: “Naa'me naajo' jo'ne nach'enaua 'me chiyoqodaue da'me lachoĝode'j let'adaic, nach'enaua jo'ne joote yiyo'y naa'me louo, yataqata yapaga't q'ae'n, yajouaĝat da'me yiyoĝotec jaga'me letauo' joñe'me 'Naĝanaĝate Lec'oĝot.

Gálatas 2:16

qalaĝaja jayatenaq queda'me jaldata ñe'me Dios yataqatelo'te q'ae'n jogaa'me jo'ne p'iida'a ñe'me Jesucristo, nataq'aen qaya'te gamachaqaega yaqanatet ta'le nec'aliyi daa'me namaĝajoĝonaĝaco nach'edi qom te'me que'teguelo. Chayovida'a mach'e qo'mi da'me jep'iyaqa ñe'me Jesucristo qaedi Dios qo'mi yataqatelo'te q'ae'n queda'me 'uo da'me qadepe'e, qa'a ñe'me Dios qaya'te gamachaqaega yataqatelo'te q'ae'n qom nach'edata da'me que'teguelo jodaa'me namaĝajoĝonaĝaco.

1 Corintios 12:2

Auayachiñe queda'me ca'li maliaĝa ja auep'iiya'a ñe'me Cristo, 'uo ga'me nañoqotaĝanaĝac jo'ne nach'ega ami yauequeteda'ague da'me qaedi auep'iiya'alo jogaa'me jo'ne ch'e nequi'il 'me qaya'te 'loyaĝa'j.

Hebreos 2:11

Qa'a joñe'me jo'ne yauecoto joga'me jiyaĝadipi joñe'me Dios, choqogaa'me jiyaĝa'u jo'ne qoyaue'j, 'uo ñe'me onolec jo'ne Let'a' ena'uac, nach'eñe ñe'me Dios. Chane'eja joñe'me Jesús ja nepocoĝolegue da'me dojelo'te jogaa'me jiyaĝa'u, enaac: “Nach'egaua mach'e yaqaya'.”

Gálatas 3:24

Daa'me namaĝajoĝonaĝaco ena'am ga'me qanapaĝaguenoqo't ca'li, jo'ne qo'mi yauequeteda'ague ga'me qadadic qama'le qo'mi yovidaĝateda'a ñe'me Cristo, qaedi Dios male qo'mi yataqatelo'te q'ae'n queda'me jep'iyaqa ñe'me.

Romanos 5:9

Qama'le nayi, Dios joote qo'mi e'n yataqatelo'te q'ae'n chiyaqayi da'me yeleu ca'li ñe'me Cristo, qama'le p'ajaye eja da'me qo'mi qonec'alaĝatedegue ga'me nolo' p'ategue 'me 'uo da'me nec'atenaĝanaĝac jo'ne na'ya q'aen joñe'me.

Romanos 3:24

Qalaĝaja Dios, da'me lichoĝodenataĝanaĝac 'me qaya'te lajo'viyaĝac en qo'mi yataqatelo'te q'ae'n, chiyaqayi da'me nec'alaqataĝanaĝac 'me ya'uo ca'li ñe'me Cristo Jesús.

1 Pedro 3:21

Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.

1 Pedro 1:22

Nayi da'me ami male auoqochiya joda'me 'naqataĝanaĝac jo'ne yataqatelegue qama'le nataq'aen da'me ami yoqovite' qaedi yataqata adoqopichiyalo jogaa'me adaqayadi'. Chane'eja 'noota qom yataqata a'nañaĝachi da'me anoqopichiyapega't onolqa'tape da'me ami.

Gálatas 3:8

Chiyoqo'teguet ga'me jalchi'ena joca'li daa'me 'laqataqa ñe'me Dios 'yaĝatetac da'me nach'e ena'am Dios yataqatelo'te q'ae'n jogaa'me jo'ne ja judiopi, qa'ejo' nach'eda eeta qom p'iida'a ñe'me Jesucristo. Qo'che' Dios yanem ñe'me Abraham jenjo' onaĝaic 'laqataĝanaĝac: “Nach'e am jo'ne am chiyaqayi da'me jichoĝode'n yema jena'me noyaqa.”

Romanos 4:5

Qalaĝaja qom 'uo ga'me p'iya'a ñe'me Dios jo'ne yataqatelegue q'aen ga'me loeco lo'o, qama'le da'me lepe'e yovidalegue da'me Dios yiyamaĝaden qama'le yataqatelegue q'aen, mate mane'e qaya'te 'lonataqa 'me yotaua'n da'me 'uo ga'me niyamaĝadenataguec.

Lucas 18:14

Ami ja'aĝatema queda'me dojo' lo'o da'me qoyejeten di'me Roma joote Dios yachimaĝachiñe da'me 'loyaĝac da'me 'viyelaĝa ga'me 'lachaqa', qalaĝaja ja naq'aeta ñe'me fariseo. Qa'a ga'me jo'ne mach'ega da'me ni'yoĝodela't, nach'ega qamqa'me qaya'te ni'yoĝodenataguec qom'te; nataq'aen ga'me jo'ne ja ni'yoĝodela't, nach'ega jo'ne Dios yi'yoĝoden qom'te.”

Juan 13:10

Qalaĝaja Jesús 'yateguet: —Ga'me jo'ne yemta nachi'l ja youetaque ta'le yitaĝa niyola't, yejamache naa'me lapia'te, qa'a joote yema da'me yoqovita. Qama'le da'me ami joote ami yoqovite', mate mane'e ja ademiya.

Juan 13:8

Qama'le Pedro 'yateguet joñe'me: —¡Ja jetaque ñajeteguet da'me aviyo'y naa'me yapia'te! Jesús 'yateguet: —Qom ja jiyo'y naa'me adapia'te, qama'le ja auaqanatet ta'le jayem ademe'teguet.

Hebreos 10:29

Qama'le nayi, ¿qo'li ja yaguegue ga'me ne'uaĝanague'j qoyen jogaa'me jo'ne 'yota'n ñe'me Dios Lec'oĝot? Qa'a nach'egaua gaa'me jo'ne ja 'yamaqate'n jaga'me letauo' joñe'me, nach'aga jaga'me letauo' jo'ne naliñi qoyen joca'li qaedi en yepaquichigui da'me 'namaqatenataĝanaĝac dalaĝaic, qama'le en qoyapalaĝa't gaa'me qadoeco. Nach'e ena'am jogaa'me ye'uetedac ñe'me Dios Lepaqal jo'ne qo'mi yichoĝode'tape.

1 Juan 2:12

Ami yalaqapi, ami janema jenjo' 'yaqatac qa'a joote qoyapalaĝa't jodaa'me adoecodi', chiyoqotelegue da'me auacoñiyeguet joñe'me Jesús.

Mateo 20:4

Qama'le dojapegue'to, enaac: «Nach'e ena'am ami auecaechiya di'me yanaĝanaqa' qaedi a'uonataĝañi, qama'le ami jejeteneque ga'me mach'e adajo'vii.» Jogaa'me eque' ca'li.