1 Corintios 5:8 - Nuevo Testamento Toba Sombrero Negro

⁸ Chane'eja, da'me qat'oyaĝac ena'am nale qonetotapec ga'me nolo', qalaĝaja 'noota qom ja qolaqatelegue da'me ja no'en jo'ne ja yiyamaĝaden ñe'me Dios, da'me jo'ne ena'am jaga'me pan jo'ne uetaye ga'me nalequetenaĝanaĝat 'me toijec. Nach'edata da'me qolaqatelegue da'me yataqatelegue choqoda'me eja, da'me jo'ne ena'am jaga'me pan jo'ne nedochiñe qaya'te lale'gue.

Nuevo Testamento Toba Sur

⁸ Qaq ÿoqo'oyi da qolaqtague' ñi Dios, no'on da soqolaxague da huosochiguiñi ñiquiaxac qataq da 'eesa lataxac mayi 'eeta'am da qanallic ana pan mayi qaca aca lalecte. Qaq sa ishit da soqolaxague da sa ÿaÿamaxañi qataq ca qauem mayi 'eeta'am ana pan mayi huo'o aca lalecte.

1 Corintios 5:8 Referans Kwoze

Lucas 12:1

Qamaliaĝa ue'tedi, qama'le yema'a't ga'me jiyaĝadipi yataqachiñe jalcote ga'me, qama'le 'uo ga'me pelo'te gaa'me laqaya'. Jesús male dojapegue'to gaa'me lapaĝaguenataqa: “Achiya'aguet ga'me lalequetenaĝanaĝat gaa'me fariseopi, jo'ne nach'eda ch'e nenaĝatedegue da'me yataqatelo'te.

Marcos 8:15

Jesús uaqatalo jogaa'me: —¡Achiya'agueta jo' qomle na'me lalequetenaĝanaĝat gaa'me fariseopi nataq'aen na'me lalequetenaĝanaĝat ñe'me Herodes!

Mateo 16:6

Chane'eja Jesús enaac: —Achiya'aguet jo' ga'me lalequetenaĝanaĝat joga'me fariseopi nataq'aen ga'me saduceopi.

1 Pedro 4:2

qaedi male ja que'teguelo naa'me ch'e lamaico da'me nejiyaĝauayaĝac. Nach'edata da'me male yauotac da'me jo'ne chiyaqayi da'me loequenataĝanaĝac joñe'me Dios, nayi yemeda naa'me noloqo'ote.

Efesios 6:24

'Noota qom joñe'me Dios yataqata yichoĝode'n onolqa'tape naa'me jo'ne yataqata ja yaĝadiñi da'me noqopideta joñe'me Qadejaliaĝanec Jesucristo, nach'e eta't ja pal.

1 Corintios 5:6

Ja 'noota qom ami 'yoĝodenaĝayaqa. ¿Qo'li ja auayachiñe nale qoye'et jaga'me pan qama'le qoyen cat'olec ga'me nalequetenaĝanaĝat qalaĝaja yema yajediye q'aen ga'me nonañejec?

Juan 1:47

Mane'e da'me yauana ñe'me Jesús da'me nec'ata ñe'me Natanael qama'le eetac: —Jenjo' jo'ne naequena yataqachiñe yataqatelegue Israel le'ec, nach'ena jo'ne qaya'te loqovinaĝanaĝac.

Mateo 16:12

Chane'eja male yayate'n queda'me Jesús ja naqaega 'yaĝatema ta'le t'oida'aguet ga'me nalequetenaĝanaĝat 'me en yajediye nale jaga'me pan, dite da'me yelo'teguet joga'me lapaĝaguenataĝanaĝa'j joga'me fariseopi nataq'aen ga'me saduceopi.

2 Corintios 8:8

Ja naqaeda ta'le ami janema ga'me yamaĝajoĝonaĝac. Jaldata da'me jetaque auayachiñe da'me eeta da'me yauote lajaqaje' jogaa'me qadaqaya'olqa jo'ne p'etaqadaiquipi, qaedi ami auaqanachichi ta'le aualoĝoñi da'me adoqopich'ii jo'ne qaya'te lale'gue.

2 Corintios 1:12

'Uo da'me chiyaqayi da'me qani'yoĝodenaĝac, nach'eda da'me qadetadenataĝanaĝac qo'mi 'yaĝatema queda'me yataqachiñe ja 'nalegue da'me qadajoĝoc nataq'aen ja jauoqo 'te lale'gue jo'ne ua'ña jena'me aleua, nataq'aen p'ajaye dojo' jo'ne ami joqote'tagueta. Qo'mi ja ñajenaqa'teguet ta'le qo'mi yaue'j da'me ch'e jiyaĝaua layatenaĝanaĝac, dite da'me jep'iyaqa ñe'me Dios da'me 'uo da'me leyalaqataĝanaĝac.

1 Corintios 5:1

Ami yaqaya'olqa, ena'uac qo'yaĝatetac da'me ami uetauelo joda'me 'nonáĝac 'me ja no'en, queda'me 'uo ga'me ami uetauelo jo'ne 'uoneguet jaga'me mach'e lajoĝoua. Jenjo' 'nonáĝac ja no'en yataqachiñe lama'aja, chayovida'alo gaa'me Roma laje'pi ja yajete'n ta'le qoya'uo da'me dojo'.

1 Corintios 3:3

qa'a maliaĝa oquitapegue'to jodaa'me anejiyaĝauayaĝaqui lamaico. Ami p'aguenataĝanaĝayaqa nataq'aen mach'e ami da'me auapichitapega't, chane'eja nach'eda di'yoq q'aen queda'me maliaĝa oquitapegue'to da'me anejiyaĝauayaĝaco lamaico. ¿Qo'li ja naq'aeta?

2 Corintios 2:17

Qo'mi ja naqaeda ta'le jauoqo lajo'vi da'me 'laqataĝanaĝac ñe'me Dios, jo'ne qayoĝode' naq'aeta da'me yauote; ja naq'aeta, dite da'me Dios qo'mi yauanalo queda'me qaya'te jenaq lale'gue da'me ja'aqataĝanaqatac, qa'a nach'eñe ñe'me Dios qo'mi lamaĝa's nataq'aen qa'a yataqachiñe qademe'teguet ñe'me Cristo.