1 Corintios 5:7 - Nuevo Testamento Toba Sombrero Negro

⁷ Chane'eja nach'e naq'aeta qomle auajaqayiye ga'me toijec lale'gue jo'ne ja no'en 'me ami 'naĝa't, nach'egaua gaa'me toye's adoecodi', qaedi male ami yoqovite' jo'ne ademiya'a't nale, aueñiya'am jaga'me pan 'me nedochiñe qaya'te lale'gue jo'ne qoye'et nale qonetoneguet ga'me nolo' jo'ne Pascua. Qa'a nach'e ena'am joote qoyalat ñe'me 'naĝanaĝate c'oĝot, qaedi male qo'mi uojotedañi, nach'eñe Cristo.

Nuevo Testamento Toba Sur

⁷ Qaq ÿoqo'oyi qanqachiiuec qome ana toguishi lalecte ana pan mayi ishit da qami' n'aqchi't, yaqto' qami' qoñiÿa'am ca dalaxaic ndaqnguishic mayi sa qaÿauo'o aca lalecte da qai'ot ana pan mayi taÿaigui da qanallic da iviteuga ca naponaxaqui mayi l'enaxat la pascua. Cha'ayi qami' mashi qoñiÿa'am ca dalaxaic ndaqnguishic. Cha'ayi so Cristo mashi sogote da qaÿalauat da qomi' ileualguete, qaq somayi nachiso so 'ico' qagueta llalec mayi qanallic da iviteuga que'eca la pascua.

La'aqtaqa Ñim Lo'onatac 'Enauacna 2013

^7-8 Qaq ỹoqo'oye qaỹa'axañiiñi da qauo'ocheetac naua qarasouaxashe'echilli'. Cha'aye dam ñe'etaxaloxo, 'eeta'am ana mashe qauem maye ỹasheeraxachigui ca ndaqnec 'ayiiña, da iqataqchet 'enauac naqa'en camaye. Da qami' qaỹa'axañiiñi da qauo'ocheetac na qauem, nache qami' dalaxaiqa shiỹaxau', qoñiita'am aca dalaxai nauole maye qaca aca lalecte maye ỹasheeraxachigui da qanallec da iviteuga ye na'a'q le'enaxat Lapascua. De'era dalaxaic qanachaalataxac, 'eeta'am de'era naponaxac. Qaq so qagueta llalec maye qaỹalauat da huaigui de'era naponaxac, nacheso So Cristo maye qaỹalauat co'ollaxa, qaiuaxaneguet so npe'enaxaqui. Qaq qomi' qalaq shenaqta'am aca nauole maye qanallec da huaigui de'era naponaxac, qaq ỹoqo'oye iuen da shenaqta'am aca nauole maye qaca aca lalecte maye ỹasheeraxachigui, damaye naigui da huesota qarataxac qataq no'on. Saishet qome da qomi' qauemaiqa qataq saishet da so'otaxac ca qauem ca qarỹa, cha'aye da nache shenaqtec de'era, nache shenaqta'am aca nauole maye lalecte qanqa'en ana mashe qauem maye ỹasheeraxachigui.

1 Corintios 5:7 Referans Kwoze

Efesios 4:22

Chane'eja ena'te yitaĝa auacoñiyeguet ga'me at'oyaĝaqui toijec jo'ne te'me ami 'naĝa't ca'li, jouaĝat gaa'me namaico jo'ne ja ejoda.

Juan 1:29

Jo'me nolo' laqaya ñe'me Juan yauana joñe'me Jesús queda'me nec'ata qama'le t'aqataĝanema ga'me jiyaĝadipi, enaac: “¡Auec'achiñe jena'me jenjo' Jesús, naqaena jena'me jo'ne «'Naĝanaĝate Lec'oĝot 'me chiyaqa'a ñe'me Dios», jo'ne yapalaĝa't jogaa'me loeco gaa'me aleua laje'pi!

Apocalipsis 5:12

qama'le nete'tape da'me yo'o'n da'me dojo': “¡Joñe'me 'Naĝanaĝate Lec'oĝot jo'ne qoyalat Nach'eñe jo'ne tachigui da'me yataqata qo'nonaĝachigui Jouaĝat da'me 'uo da'me lañoqotaĝanaĝac let'adaic Choqoda'me neuoyaĝac choqoda'me nayatenaĝanaĝac Choqoda'me qaya'te yaqalaatac choqoda'me 'lonaĝac! ¡'Noota qom jalcote da'me qo'nonaĝachigui joñe'me!”

1 Corintios 10:17

Mate mane'e qo'mi qayoĝode', qo'mi ena'am ta'le onolec ga'me qadapat, qa'a onolec ga'me pan 'me jaliguinaq.

Juan 19:14

Nach'ejo jo'me nolo' jo'ne yauaqa'a ga'me Pascua, ca'li male laeñi jo'me nolo', qama'le ñe'me Pilato enapegalo joga'me judiopi: —¡Jenjo' jena'me adejaliaĝanequi!

Marcos 14:12

Jo'me nolo' 'uaechiñe da'me qouenata da'me qo'nonaĝachigui da'me qoyalic jaga'me pan jo'ne qaya'te lale'gue, nale qoyalat ga'me 'naĝanaĝate c'oĝot jo'ne qoyalic ga'me nolo' jo'ne Pascua, qama'le jogaa'me lapaĝaguenataqa ñe'me Jesús yena't joñe'me: —¿Jach'e ga'me jetaque jec'otaĝa qaedi jiyamaĝataqata't ga'me qadiqui'yaĝac?

Juan 1:36

Mane'e ca'li yelotedapegue' ñe'me Jesús da'me talo'te, qama'le Juan enaac: —¡Auec'achiñe: naqaejo jo'me jo'ne 'Naĝanaĝate Lec'oĝot 'me chiyaqa'a joñe'me Dios!

1 Corintios 5:13

Gaa'me jo'ne ja p'etaqadayaqa, ñe'me Dios nach'eñe yemaĝagueta jo' qomle jogaa'me. Qalaĝaja da'me ami, ena'am da'me 'yaĝatetac ga'me nediijec, eet'oi: “'Noota ta'le auamaqayeguet ga'me ja no'en 'me ami uetauelo.”

Mateo 13:33

Nach'e ena'am 'yaĝatema dojo' laloqotenaĝanaĝaiqui: “Da'me lejaliaĝa di'me piyem ena'am ga'me nalequetenaĝanaĝat jana'me pan 'me yacona jaga'me yauo. Yem, qama'le yalequeteneguet ga'me let'adaic lonanec trigo lojoche 'me yovi' veinticinco kilos, da'me qaedi yema yajediye q'aen.”

Romanos 3:25

Cristo naliñi jaga'me letauo' ca'li; nach'eda Dios 'yetem da'me lo'o q'aen da'me qoyapalaĝa't jodaa'me qadoeco. Dojo' napalaqataguec joga'me noecopi, chiyaqayi da'me nepe'e da'me maqachaĝa qoyovidalegue. Naq'aeta da'me jetaque yaloĝon ñe'me Dios da'me qo'mi e'n yataqatelo'te; yapalaĝa't gaa'me qadoeco jo'ne joote jauoqo'oe ca'li.