1 Corintios 5:13 - Nuevo Testamento Toba Sombrero Negro

¹³ Gaa'me jo'ne ja p'etaqadayaqa, ñe'me Dios nach'eñe yemaĝagueta jo' qomle jogaa'me. Qalaĝaja da'me ami, ena'am da'me 'yaĝatetac ga'me nediijec, eet'oi: “'Noota ta'le auamaqayeguet ga'me ja no'en 'me ami uetauelo.”

1 Corintios 5:13 Referans Kwoze

Mateo 18:17

Qom nach'edi ja naquiaĝanalo gaa'me, qama'le a'uaqataĝanema joga'me nepi'iyaĝa'upi; qama'le qom nach'edi ja naquiaĝanalo joga'me nepi'iyaĝa'upi, chane'eja aualoqochichigui ga'me jo'ne ja p'iida'a ñe'me Dios uotaĝa ga'me lo'o da'me nejetenaguec di'me Roma.

1 Corintios 5:5

qaedi qoyepataĝateguet ñe'me Satanás ga'me jiyaĝaua. Chane'eja qom qonolaĝachiñe ga'me lapat qama'le ga'me lepaqal qamqa'me nec'alegue qom 'niyelaq ñe'me Jaliaĝanec.

2 Pedro 2:9

Qama'le joñe'me Jaliaĝanec yaqanatet da'me nec'alaĝate'guejopa ga'me napiyenague'j jogaa'me jo'ne yataqachiñe nemetot joñe'me, nataq'aen da'me taya'a q'ae'n da'me ne'uaĝanague'j ga'me loeco lo'olpi chayovida'a qom yovita ga'me nolo' p'ategue qom qoya'uo da'me nec'atenaĝanaĝac.

1 Corintios 5:7

Chane'eja nach'e naq'aeta qomle auajaqayiye ga'me toijec lale'gue jo'ne ja no'en 'me ami 'naĝa't, nach'egaua gaa'me toye's adoecodi', qaedi male ami yoqovite' jo'ne ademiya'a't nale, aueñiya'am jaga'me pan 'me nedochiñe qaya'te lale'gue jo'ne qoye'et nale qonetoneguet ga'me nolo' jo'ne Pascua. Qa'a nach'e ena'am joote qoyalat ñe'me 'naĝanaĝate c'oĝot, qaedi male qo'mi uojotedañi, nach'eñe Cristo.

1 Corintios 5:1

Ami yaqaya'olqa, ena'uac qo'yaĝatetac da'me ami uetauelo joda'me 'nonáĝac 'me ja no'en, queda'me 'uo ga'me ami uetauelo jo'ne 'uoneguet jaga'me mach'e lajoĝoua. Jenjo' 'nonáĝac ja no'en yataqachiñe lama'aja, chayovida'alo gaa'me Roma laje'pi ja yajete'n ta'le qoya'uo da'me dojo'.

Romanos 2:16

Ga'me nolo' p'ategue qom Dios ya'uo da'me lec'atenaĝanaĝac da'me nemitaque ga'me lelnataĝacopi 'me ja di'yo't ga'me jiyaĝadipi chiyaqayi q'aen ñe'me Cristo Jesús nach'e naq'aeta da'me onaĝaic 'naqataĝac 'me ja'aĝatetac.

Hebreos 13:4

Nach'e ena'am da'me ademiya'a da'me aviyamaĝachetac da'me adouayaĝaqui, nataq'aen jogaa'me nooua' youen da'me nach'e eta't da'me niyamaĝatela'ajalo da'me mach'e 'lonáĝa'j, qa'a ñe'me Dios ya'uo qomle ga'me ne'uaĝanague'j jogaa'me quejeguetaĝayaqa choqogaa'me jo'ne leua'u gaa'me ja loua'.

Hechos 17:31

Qa'a Dios 'uo qomle ga'me nolo' jo'ne yelotelegue da'me ya'uo da'me chimaqachiñe nemitaguec yema jena'me aleua, yachiyoĝotetelegue ñe'me onolec jiyaĝaua jo'ne 'yatetelegue joñe'me; nach'eñe yaloĝonalo ena'uaque jogaa'me da'me 'niyelaĝachijeguem yachiyoĝotauelo joga'me napa'lpi.”

1 Corintios 5:2

¡Ami qama'te ami 'yoĝodenaĝayaqa! Taqamachaĝa ami najaqachiguilo da'me adepocoĝoqui, chayovida'a auamaqayegue ga'me jo'ne ya'uo da'me dojo' 'me ami uetauelo nale ademiya'a't.