1 Corintios 5:11 - Nuevo Testamento Toba Sombrero Negro

¹¹ Ja naq'aeta. Da'me jetaque ami ja'aĝatema ta'le ja ademii'teguet gamachaqaega qom mach'ega eetapela't adepi'iyaĝauai, qalaĝaja naqaega ga'me jo'ne 'yetetac da'me nequejeguetaĝa, uotaĝa pitaĝanaqataqaic, uotaĝa p'iya'alo ga'me ch'e 'nonataqa, uotaĝa aĝanataĝanaĝaic, uotaĝa lotaĝaic, uotaĝa cachaĝaic. Ena'te ademiya'egueta jogaa'me nataq'aen ena'te auajeñe'tema ta'le naqaegaua aneuanaĝa'udi' da'me aueque'eyi.

Nuevo Testamento Toba Sur

¹¹ Da shiitega 'eeta': sa ishit da qaualliquiitapeeguet da huo'o ca 'eetega da qad'amqajnataxanaxauai, qalaq quetaigui da lquishiguetaxac, huo'otaq mataxalaic, huo'otaq natameetacot na nqolacpi, huo'otaq n'aqtaqa l'o', huo'otaq taxaic, huo'otaq cachaxaic. Qataq ivida'a da sa ishit da chochi qadqui'axauai ca nachi 'eeta'ac de'eda.

La'aqtaqa Ñim Lo'onatac 'Enauacna 2013

¹¹ Da sheetega 'eeta': saishet da qauauo'oi qanauochaxauai ca 'eetega da qara'amqaanataxanaxauai qalaxaye ỹo'ottac de'era. Ca shiỹaxaua maye lataxac de'era, camaye saishet da qanso'oñiita'ai' da qarquia'axauai.

1 Corintios 5:11 Referans Kwoze

Romanos 16:17

Ami ñachoĝodenoto, ami yaqaya'olqa, qaedi aueloi'tegueta jogaa'me jo'ne chiyaqayilo da'me nelagaĝac choqogaa'me naqalaico nataq'aen nauteta da'me napaĝaguenataĝanaĝac jo'ne ami auacoñiyeguet ca'li. 'Noota qom oquiya'ae jogaa'me,

2 Ts 3:14

Qom 'uo ga'me ami uetauelo jo'ne ja yoqo'cha ga'me qadapaĝaguenataĝanaĝac 'me uaye janjo' qadediije, qama'le aueloi'ta joga'me nataq'aen ena'te anichiquii'uo, qaedi yataqata nepocoq.

2 Ts 3:6

Ami yaqaya'olqa, yitaĝa ami jaqataĝalo, qa'a qo'mi lamaĝa's joñe'me Qadejaliaĝanec Jesucristo, 'noota qom auelodiye'ye gamachaqaega ga'me adaqayai jo'ne ja t'onataĝan, nataq'aen ga'me jo'ne ja que'tegue da'me qadapaĝaguenataĝanaĝac jo'ne ami janemaĝama ca'li.

Mateo 18:17

Qom nach'edi ja naquiaĝanalo gaa'me, qama'le a'uaqataĝanema joga'me nepi'iyaĝa'upi; qama'le qom nach'edi ja naquiaĝanalo joga'me nepi'iyaĝa'upi, chane'eja aualoqochichigui ga'me jo'ne ja p'iida'a ñe'me Dios uotaĝa ga'me lo'o da'me nejetenaguec di'me Roma.

1 Corintios 5:13

Gaa'me jo'ne ja p'etaqadayaqa, ñe'me Dios nach'eñe yemaĝagueta jo' qomle jogaa'me. Qalaĝaja da'me ami, ena'am da'me 'yaĝatetac ga'me nediijec, eet'oi: “'Noota ta'le auamaqayeguet ga'me ja no'en 'me ami uetauelo.”

2 Juan 1:10

Qom 'uo gamachaqaega ami dejapichiyalo jo'ne ja dapaĝaguenataĝanec da'me dojo' Cristo lapaĝaguenataĝanaĝac, ena'te aueñi taue ga'me at'emequi uotaĝa ta'le auep'iyeñi;

Apocalipsis 22:15

Qalaĝaja joga'me p'aye nach'ega jo'ne ueteda'a jogaa'me jo'ne jomayaqa, nach'egaua jo'ne yeda'n gaa'me laqaya', choqogaa'me jo'ne 'yetetedac da'me nequejeguetaĝa, qama'le nach'e ena'ama jogaa'me lataĝanaĝayaqa nataq'aen jogaa'me p'iya'alo jogaa'me ch'e nequi'il nataq'aen jogaa'me noqopideta da'me napaĝagueteguet da'me noqovinaĝanaĝac.

Apocalipsis 21:8

Qalaĝaja jogaa'me jo'ne qolanaqaiquipi choqoga'me qoleguetaĝanaĝaiquipi, nataq'aen gaa'me jo'ne qodaqaequeda'a, choqoga'me lataĝanaĝaiquipi nach'e ena'am da'me quejeguetaĝaiquipi nataq'aen gaa'me jo'ne yeda'n gaa'me laqaya', choqogaa'me jo'ne netametot nale ga'me nequi'i, choqoga'me ena'uac joga'me pecaiquipi, yema jogaa'me yovidedeta qomle da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

1 Timoteo 3:3

'Noota qom ja lataĝa lae't, uotaĝa ta'le ja dodinataĝanac, dite da'me yataqata qopitaĝanaqataqaic, napogaĝadeneguet ga'me ja no'en, nataq'aen ja en 'te p'ajaye jaga'me laicaua.

Mateo 23:25

“¡Degueja da'me adachoĝodequi qomle ami judiopi napaĝaguenoqo'tpi nataq'aen fariseopi! Ami jo'ne ja ami 'te ejoda, jo'ne ch'e aviyoyii ga'me p'aye jaga'me yomaĝaiqui nataq'aen ga'me coqui, qalaĝaja ¡naa'me lai'li najaqachiguilo da'me necachaĝac nataq'aen da'me nepitaqataĝanaĝac!

Apocalipsis 2:20

Qalaĝaja 'uo da'me jo'ne ja ami 'te ja'amaqateneque: queda'me a'namaqatenaguet jañe'me yauo jo'ne Jezabel, jañe'me jo'ne eetapela't jada'me Dios 'laqataĝanaĝana, qalaĝaja ch'e qovinaĝanaĝai. Nach'añe jo'ne yoqovi'n jogaa'me mach'e yalemaĝaje'te, da'me yapaĝagueneque qaedi e'n tadoue da'me nequejeguetaĝa nataq'aen da'me jetaque e'n yali'j ga'me niqui'yaĝat jo'ne lajaqaje'j 'me qoyanoto jogaa'me qop'iyapegalo jo'ne ja ejoda.

Efesios 5:5

Da'me ami yataqata auayachiñe queda'me uo'oe gaa'me jo'ne ja yaqanate't ta'le tadoue da'me lejaliaĝa joñe'me Cristo choqoñe'me Dios; nach'egaua jo'ne quejeguetaĝayaqa nataq'aen gaa'me yadenaĝa't ga'me paĝachigui nataq'aen gaa'me pitaĝanaqataqayaqa (jo'ne ena'am ta'le e'n nedios da'me jo'ne yepiteda'a.)

Lucas 21:34

“Achiya'aguet: ena'te ademiya'alo gaa'me namanaĝanaĝaco uotaĝa ta'le ami taĝayaqa uotaĝa ta'le diyachitapiyelo naa'me adai'lidi' queda'me cha'li 'uo da'me at'oyaĝaqui nayi, qaedi ga'me nolo' qomle ja ami 'te yepelaĝa't da'me ami ualo'te

1 Corintios 6:10

uotaĝa gaa'me dalataĝa'n nale decachi'y, uotaĝa gaa'me pitaĝanaqataqayaqa, uotaĝa gaa'me taĝayaqa nale, uotaĝa gaa'me 'uenaĝanaĝayaqa, uotaĝa gaa'me cachaĝayaqa. Qaya'te onolec naa'me naajo' yaqanate't ta'le taue joda'me lejaliaĝa ñe'me Dios.

Colosenses 3:5

Chane'eja 'noota qom aueñe'tem ta'le yeleu da'me anejiyaĝauayaĝaqui 'me toijec; 'noota qom qaya'te taue da'me lequejeguetaĝa, uotaĝa ta'le ye't ga'me paĝachiguilo, uotaĝa ta'le quetapegue'to gaa'me jo'ne yachoĝode'n nale nataq'aen ga'me ja 'noe'n lamaico, uotaĝa ta'le jetaque yauec da'me lamaic joda'me neuoyaĝac, qa'a dojo' ena'am da'me qonetameno't ga'me nequi'i.

1 Corintios 8:11

Chane'eja jouaĝat da'me adayatenaĝanaĝac, ga'me adaqaya jo'ne qaya'te 'lañaĝac da'me latetonaĝanaĝac male yejomac, jo'ne nach'e ena'am Cristo nemeguet ca'li yeleu.

1 Corintios 6:6

¡Ja jaldata da'me mach'egaua nepi'iyaĝa'u da'me deloiquitapega't, dite nach'e ena'am yeda'alo da'me necotaĝa'j joga'me jiyaĝadipi nec'atenoqo't jo'ne ja p'etaqadayaqa!

Romanos 13:13

'Noota qom onaĝaic nataq'aen yoqovita ga'me jauoqo queda'me jouaqaue ga'me yoqochiñe, ena'te auec'achiya ga'me neualaĝayaĝac jo'ne ja yataĝalegue, chayovida'a da'me ena'te ami taĝayaqa nataq'aen da'me ja no'en qom 'uo joga'me jetaque yejam, laqaya da'me 'noota ta'le qaya'te qadamanaĝa jo'ne ja no'en.

Apocalipsis 2:14

Qalaĝaja uo'oe daa'me jo'ne ja ami 'te ja'amaqateneque: queda'me uo'oe jogaa'me ami uetauelo jo'ne ja jetaque yaĝadiñi da'me lapaĝaguenataĝanaĝac jodi'me Balaam, naqaedi jo'ne yapaĝaguen joca'li ñe'me Balac qaedi yejomaĝana'ape jogaa'me Israel lec'oqo'tepi, da'me jetaque en yali'j ga'me niqui'yaĝat jo'ne lajaqaje'j 'me qoyanoto jogaa'me qop'iyapegalo jo'ne ja ejoda, qama'le nach'e ena'am da'me en tadoue da'me nequejeguetaĝa.

1 Timoteo 6:5

nataq'aen 'uo ga'me neloiquiaĝac jo'ne qaya'te loiquiaqa', qa'a male uo'oe gaa'me jiyaĝa'u jo'ne yaledeuo, eetedapega 'uo ga'me layatenaĝanaĝa'j, jiyaĝa'u jo'ne yataqata ja yateto'n da'me eja, nataq'aen naajo' eetedapega 'uo ga'me lepe'e', qalaĝaja nach'egaua ch'e yachiyoĝotedayi da'me leuoyaĝac jena'me 'noota ladic.

Efesios 5:18

Ena'te ami taĝayaqa, qa'a gaa'me jo'ne jalcote da'me niyo'm male ja yayate'n joga'me yauote, dite da'me nach'e eta't anajeñe'teguet joñe'me Dios Lepaqal qaedi ami najaqachiguilo chayovida'a da'me ami yaloĝonalo yema joga'me auauoyi nale.

Gálatas 2:12

Qa'a ca'li maliaĝa ja yovi't gaa'me judiopi jo'ne lamaĝa's ñe'me Santiago, Pedro neuanaĝa'u gaa'me p'etaqadaiquipi jo'ne ja judiopi; qalaĝaja ca'li yovi't jogaa'me male yaĝañi da'me ya'uo da'me dojo', qa'a t'oiyapegalo jogaa'me.

1 Corintios 11:21

qa'a onolqa'tape yachitac ga'me mach'e jaloq qaedi yalic nale dajoya'agueta jogaa'me laqaya'olqa, qama'te uo'oe gaa'me maliaĝa yoqoua't, laqaya' qamqa'me chayovida'a taĝayaqa nale.

1 Corintios 10:14

Chane'eja, ami yaqaya'olqa, ¡nayi auajoyegue, oquiya'ae da'me anetameñiyoto gaa'me nequi'il!

1 Corintios 7:15

Qalaĝaja qom ñe'me jo'ne ja p'etaqadaic jetaque yeguem qaedi ca'e jaga'me loua jo'ne p'etaqadai, 'noota da'me ec. Qom naq'aeta qama'le jaga'me p'etaqadai male ja qopacapegue' qaedi ue'tajop ga'me jo'ne qaya'te lepe'e. Nach'e naq'aeta qom jaga'me jo'ne ja p'etaqadai jetaque ca'e ga'me loua jo'ne p'etaqadaic, 'noota da'me ec, qa'a Dios ami yiyaĝanalo qaedi 'uo da'me at'emaĝaqui.

1 Corintios 7:12

Nataq'aen ami ja'aĝatema dojo' jo'ne ja 'laqatac ñe'me Jaliaĝanec ca'li: qom 'uo ga'me adaqayai jo'ne p'etaqadaic 'uo jaga'me loua jo'ne ja p'etaqadai, qalaĝaja jaga'me jetaque que'tot da'me ue'tajop joñe'me, qama'le 'noota qom ja yaĝañi uotaĝa ta'le jetaque yeguem jaga'me.

Hechos 9:17

Chane'eja Ananías yec'ata ga'me 'nachaqa' jo'ne ue'ta ñe'me Saulo. Mane'e da'me yenoĝoneuo, qama'le yachalo'te loua' joñe'me nataq'aen enaac: —Am yaqaya Saulo, ñe'me Jaliaĝanec Jesús, ñe'me jo'ne am naloĝoneguet jena'me adadic jo'ne auanaquetapegue' jayem namaĝaquena qaedi yitaĝa auanac nataq'aen am najaqachigui ñe'me Dios Lepaqal jo'ne ja 'nalegue.

Lucas 18:11

Joñe'me fariseo nechachiñe, eetojo' da'me netamenaĝac: «Am janem da'me yamaic, am Ñedios, queda'me ja jena'ama gaa'me jiyaĝa'u laqaya' jo'ne cachaĝayaqa, ja chimadichidiñe gaa'me 'lonataqa, nataq'aen quejeguetaĝayaqa, uotaĝa ta'le jena'am dojo' lo'o da'me qoyejeten ga'me Roma.

Hechos 1:15

'Uo ga'me ua'a ca'li yenoĝodegue gaa'me noloqo'ote, Pedro ñijeguem ca'li uañe laeñi jogaa'me laqaya'olqa jo'ne yema'a't, nach'egaua nalo'taguet ciento veinte ga'me jiyaĝadipi, qama'le enaac:

1 Corintios 6:9

¿Qo'li ja auayachiñe joona gaa'me ja 'noe'n ja yaqanate't ta'le tadoue da'me lejaliaĝa joñe'me Dios? ¡'Noota qom yataqachiñe auayachiñe da'me dojo'! Uotaĝa gaa'me jo'ne 'yetedac da'me nequejeguetaĝa, uotaĝa gaa'me jo'ne p'iya'alo ga'me ch'e nequi'il, uotaĝa gaa'me jo'ne ja neteleta da'me yataqatelegue 'lonáĝa'j, uotaĝa gaa'me le'mi jo'ne yadenaĝa't da'me yauo 'loyaĝac qama'le nemedoue da'me nequejeguetaĝa,