1 Corintios 5:1 - Nuevo Testamento Toba Sombrero Negro

¹ Ami yaqaya'olqa, ena'uac qo'yaĝatetac da'me ami uetauelo joda'me 'nonáĝac 'me ja no'en, queda'me 'uo ga'me ami uetauelo jo'ne 'uoneguet jaga'me mach'e lajoĝoua. Jenjo' 'nonáĝac ja no'en yataqachiñe lama'aja, chayovida'alo gaa'me Roma laje'pi ja yajete'n ta'le qoya'uo da'me dojo'.

Nuevo Testamento Toba Sur

¹ Mashi sogote da qaÿaÿajna'a't da huo'o ñi 'oonolec da qoñiita qami' netanguilo mayi huadoota'aguet añi l'aale late'e. De'eda nadonaxac, damayi ÿataqta sa qaishitapec. Ivida'a na saxanaxa da ÿauatton ñi Dios ÿataqta sa ishitapec de'eda.

La'aqtaqa Ñim Lo'onatac 'Enauacna 2013

¹ Mashe sogote da qaỹaỹaana'a't da huo'o ñi 'oonolec da qoñiita huetapeeguet añi la'aale late'e da 'eeta'am naqa'en aca lhua. ¡Qaq de'era ỹataqta qauem! ¡Ivira'a nam saxanaxa da da'amqaanataxan saishet da ishet da ỹo'ot de'era!

1 Corintios 5:1 Referans Kwoze

Apocalipsis 21:8

Qalaĝaja jogaa'me jo'ne qolanaqaiquipi choqoga'me qoleguetaĝanaĝaiquipi, nataq'aen gaa'me jo'ne qodaqaequeda'a, choqoga'me lataĝanaĝaiquipi nach'e ena'am da'me quejeguetaĝaiquipi nataq'aen gaa'me jo'ne yeda'n gaa'me laqaya', choqogaa'me jo'ne netametot nale ga'me nequi'i, choqoga'me ena'uac joga'me pecaiquipi, yema jogaa'me yovidedeta qomle da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

Apocalipsis 2:21

Te'me jeuate'ta ta'le 'niyeloqot joñe'me Dios, qalaĝaja jañe'me ja jetaque yaĝañi da'me lequejeguetaĝa.

Colosenses 3:5

Chane'eja 'noota qom aueñe'tem ta'le yeleu da'me anejiyaĝauayaĝaqui 'me toijec; 'noota qom qaya'te taue da'me lequejeguetaĝa, uotaĝa ta'le ye't ga'me paĝachiguilo, uotaĝa ta'le quetapegue'to gaa'me jo'ne yachoĝode'n nale nataq'aen ga'me ja 'noe'n lamaico, uotaĝa ta'le jetaque yauec da'me lamaic joda'me neuoyaĝac, qa'a dojo' ena'am da'me qonetameno't ga'me nequi'i.

Efesios 5:3

Da'me ami, joote ami Dios lec'oqo'tepi, chane'eja 'noota ta'le ja ami 'te chimaqapegouelo ta'le 'uo ga'me nequejeguetaĝa, uotaĝa ta'le ami paĝachiguilo q'ae'n, uotaĝa ta'le yaguegue ga'me auepichítapega.

Gálatas 5:19

Qaya'te laqalaic nale qoyec'ate'n gaa'me quetapegue'to daa'me lapa'che lamaico; ja yataĝalegue da'me 'lonáĝac, 'uo ga'me lequejeguetaĝa, nataq'aen yauapiye gaa'me paĝachiguilo ja 'noe'n namanaĝanaĝaco.

1 Ts 4:7

Qa'a auayachiñe joñe'me Qadet'a qo'mi yiyaĝanalo qaedi yataqata ja 'nalegue da'me qat'oyaĝac. Chane'eja ena'te oquiyegue joga'me yataqata ja no'en.

2 Corintios 12:21

Nach'e ena'am jo'oyapega nale jenate'ta, qom ami jejapichiyalo, ñe'me Ñedios janomeguet q'aen da'me yepocoĝo jouaĝat ami jo'ne chayovida'a ñoyen, qa'a jouaĝat gaa'me qayoĝode' ami jo'ne ja yaĝadiñi gaa'me loeco jo'ne 'ye'tape nataq'aen da'me yauote ga'me ja no'en choqoda'me quetedalegue da'me nequejeguetaĝa nataq'aen gaa'me namanaĝanaĝaco 'me napaĝaguenalo.

1 Corintios 6:18

Qo'che' ami ja'aĝatema queda'me ¡'noota qom auajoye'guem da'me nequejeguetaĝa! Gamachaqaega qadoec laqaya jo'ne jauoqo nale ja 'naĝat da'me qadapachidiyaĝac. Qalaĝaja ga'me jo'ne taue da'me nequejeguetaĝa 'uo da'me loec jo'ne 'naĝat da'me mach'e lapachidiaĝac.

1 Corintios 6:13

Nataq'aen aueñiyapega chimaqachiñe ga'me adoequi nale aueñiyapega't: “Ga'me jaliguinaq qoya'uo qaedi taue jana'me qadeta'am, nataq'aen jana'me qadeta'am qoya'uo qaedi jenaĝa taue ga'me jaliguinaq.” Jaja'a, yataqachiñe eja da'me dojo', qalaĝaja Dios yapalaĝa't qomle jana'me qadeta'am nataq'aen ga'me jaliguinaq. Qama'le nach'e ena'am na'me qadapat: 'noota ta'le ja jenaĝa taue da'me nequejeguetaĝa, dite da'me qolaĝague ñe'me Jaliaĝanec, qa'a nach'eñe ñe'me jo'ne qo'mi yanema ga'me jouenaqataque.

1 Corintios 6:9

¿Qo'li ja auayachiñe joona gaa'me ja 'noe'n ja yaqanate't ta'le tadoue da'me lejaliaĝa joñe'me Dios? ¡'Noota qom yataqachiñe auayachiñe da'me dojo'! Uotaĝa gaa'me jo'ne 'yetedac da'me nequejeguetaĝa, uotaĝa gaa'me jo'ne p'iya'alo ga'me ch'e nequi'il, uotaĝa gaa'me jo'ne ja neteleta da'me yataqatelegue 'lonáĝa'j, uotaĝa gaa'me le'mi jo'ne yadenaĝa't da'me yauo 'loyaĝac qama'le nemedoue da'me nequejeguetaĝa,

1 Corintios 5:11

Ja naq'aeta. Da'me jetaque ami ja'aĝatema ta'le ja ademii'teguet gamachaqaega qom mach'ega eetapela't adepi'iyaĝauai, qalaĝaja naqaega ga'me jo'ne 'yetetac da'me nequejeguetaĝa, uotaĝa pitaĝanaqataqaic, uotaĝa p'iya'alo ga'me ch'e 'nonataqa, uotaĝa aĝanataĝanaĝaic, uotaĝa lotaĝaic, uotaĝa cachaĝaic. Ena'te ademiya'egueta jogaa'me nataq'aen ena'te auajeñe'tema ta'le naqaegaua aneuanaĝa'udi' da'me aueque'eyi.

Hechos 15:29

ena'te yitaĝa aualiqui ga'me lapat ga'me jiyac jo'ne qoyanegue nataq'aen qoyigoue da'me qoyanot ga'me qop'iyapegalo, 'noota qom ena'te aualiqui ga'me jiyac jo'ne ch'e qoyechiyoqot, ena'te aualiqui jaga'me tauo' nataq'aen achiya'agueta gaa'me 'nonáĝaco jo'ne ja qoyajete'. Qom nataq'aeta aviyamaĝachi' naa'me naajo', nach'eda chimaqachiñe ga'me at'onataqui. Qadet'a ami ue'tajopa.”

Hechos 15:20

Jaldata da'me jedenaqatenaĝalo jaga'me qadediije qaedi queda'e yema ga'me jo'ne t'aĝanataĝa'n nale jouaĝat ga'me qop'iyapegalo, 'noota ta'le t'oida'aguet ga'me nonáĝaco jo'ne ja qoyajeta nataq'aen 'noota ta'le ja yali'j ga'me lapat ga'me jiyac jo'ne ouaĝaic uotaĝa jaga'me tauo'.

2 Corintios 7:12

Da'me jayem ca'li ami jedenaqatenalo jaga'me yediije, ja naqaeda ta'le jenate'ta ga'me jiyaĝaua jo'ne t'aĝanataĝan ami 'naĝa't, nataq'aen uotaĝa ga'me 'naĝat, dite yataqachiñe 'noota ta'le naqaeñe ñe'me Dios yauana queda'me eja jalcote qo'mi auenache'talo.

1 Corintios 1:11

Qa'a quelqaya gaa'me jo'ne neteda'ña di'me 'lachaqa' ñe'me Cloe jayem t'aqataĝatem da'me ami 'yaĝa'tape, ami yaqaya'olqa, jo'ne mach'e ami da'me 'uo da'me anecotaĝaqui.

2 Corintios 2:5

Da'me dojo' 'uo ja jetaque yaguegue q'aen, qalaĝaja ga'me jiyaĝaua jo'ne chiyaqayi da'me jayem totelegue nach'edi yovideta da'me nach'e ena'am ami totelo'te ena'uaque ami.