1 Corintios 4:9 - Nuevo Testamento Toba Sombrero Negro

⁹ Qa'a ñe'me Dios qo'mi yeloĝonaĝateda'a ga'me p'ategue, qo'mi jo'ne lamaĝa's ñe'me Cristo, qalaĝaja ena'am ta'le qo'mi qoyepolegueta da'me neleuaĝa, qaedi ena'uaque qo'mi qoyec'ate'n, jogaa'me piyem laje' nataq'aen joga'me jiyaĝadipi 'me aleua laje'pi.

Nuevo Testamento Toba Sur

⁹ Cha'ayi yi'oqta da ñi Dios ipa'axaatreec qomi' mayi qomi' Jesús lamaxa'shi da saqca ca qad'amaqchic. Shinaqta'am ca shiÿaxaua mayi taÿa'a da qaÿalauat souaxat da lasouaxashit. Sovidaqta'aguet da qomi' i'aalaque da qomi' imete'n 'enauac na chigaqshiguem Dios lamaxashicpi qataq 'enauac na shiÿaxauapi.

La'aqtaqa Ñim Lo'onatac 'Enauacna 2013

⁹ Qalaxaye qomi' maye qomi' namaxa'she, Ñim Lo'onatac 'Enauacna 'eeta'am da qomi' ipa'axaatre'c. Shenaqta'am ca ncoñeteguishec maye taỹa'a da qaỹalauat, souaxat ca lasouaxashet. Seviraqta'aguet da qomi' imeteeta'ape na shiỹaxauapi qataq 'enauac na chegaqasheguem lamaxashecpi Ñim Lo'onatac 'Enauacna.

1 Corintios 4:9 Referans Kwoze

Hebreos 10:33

Qa'a da'me ami uo'oe gaa'me jo'ne ami qoye'ue'tape joca'li da'me auajoyi'toto ga'me jiyaĝadipi jo'ne jalcote nataq'aen da'me ami qonouelatapegalo, qama'le gaa'me adaqayadi' yataqata ami uaĝayeta, da'me nach'e ena'am qoyen da'me lachoĝode'j.

Romanos 8:36

Nach'e naq'aeta ga'me 'yaĝatetedac naa'me nedii's, eet'oi: “Nach'e eta't qo'mi dajo'toto da'me qadeleuaĝa, qa'a jouaĝat am. Qo'mi qo'yeteque da'me ena'am jaga'me 'naĝanaĝate nale qoyauega ga'me nalataqa'.”

Hebreos 1:14

Qa'a ena'uaque jogaa'me piyem laje' nach'egaua jo'ne nepaqa'li 'me t'onataĝadeuo'o joñe'me Dios, qa'a joñe'me nach'eñe jo'ne yamaĝalo'te da'me lecochiyalo joga'me jiyaĝadipi jo'ne qonec'alaĝatedegue.

Hebreos 11:36

Gaa'me jiyaĝa'u laqaya' 'uo da'me qoyen lachoĝode'j da'me qoye'ue'tape, nataq'aen da'me qoye'uaĝa'n, chayovida'a da'me qoyecoñe't da'me qoyanetedaue jaga'me coñetaĝanaĝaiqui.

1 Ts 3:3

nataq'aen qaedi male ami yataqata qaya'te yoqovi'n, jena'me jenjo' 'uo nayi naa'me naajo' noloqo'ote, qa'a joote ami yataqata auayachiñe queda'me male qo'mi yedalo'te jo' qomle naa'me naajo' qadachoĝodeco.

2 Corintios 6:9

Mate mane'e yataqachiñe qo'mi qoyateto'n, qalaĝaja qo'mi qo'yeteque da'me ena'am ta'le qo'mi yaqa'alo. Nach'e eta't qo'mi dajo'toto da'me qadeleuaĝa, qalaĝaja maliaĝa qadec'aletaye. Qo'mi qoye'uaĝa'n, qalaĝaja ja qo'mi 'te qoyala't.

Hechos 19:31

Nach'e ena'am gaa'me jaliaĝanaqa di'me Asia uo'oe gaa'me natetonaĝa'u ñe'me Pablo jo'ne yamaĝata ga'me 'laqata'j qaedi 'noota ta'le ja yalequeten joga'me.

Hechos 19:29

Chane'eja 'uo ca'li ga'me ja niyamaĝa yema ga'me noic. Qama'le qoyauaĝalegue ñe'me Gayo choqoñe'me Aristarco, dojolqa jiyaĝa'u jo'ne chiyoqoda'ña di'me Macedonia 'me naequetedapegue' ñe'me Pablo, nach'e ena'am qoyaueque'tape ga'me chayovida'a gaa'me neualaĝayaqa'.

1 Corintios 15:19

Nataq'aen da'me qadeuataqataĝanaĝac queda'me Cristo qo'mi nec'alaĝatedegue, ta'le nach'edata da'me yelo'teguet da'me dojo' qat'oyaĝac jo'ne di'yoq nayi, qama'le yataqata yaguegue da'me qadachoĝodec, ja jenaqa'ama yema ga'me jiyaĝadipi.

2 Corintios 11:23

¿Qo'li Cristo lalemaĝaje'te? Jayem nach'e ena'am, ñapacalo'te jogaa'me, mate mane'e da'me ñenaĝategue da'me dojo' ena'am ta'le jayem chiyoĝojeta't. Da'me 'yonataĝanaĝac napacalo'te jogaa'me, ñapacalo'te jogaa'me da'me nach'e eta't jayem qoyecoñe', ñapacalo'te jogaa'me da'me nach'e eta't jayem qoye'uaĝan, nataq'aen ñapacalo'te jogaa'me da'me nach'e eta't jayem qoyadetapelegue da'me jetaque jayem qoyalat.