1 Corintios 4:8 - Nuevo Testamento Toba Sombrero Negro

⁸ Qama'le ¿qo'li ami machidiñe q'ae'n queda'me joote anaviquila't ena'uac? ¿Qo'li male aueñiya'ama gaa'me jaliaĝanaqa jo'ne net'al, mate mane'e qo'mi ja naq'aeta? ¡Chiliajaĝa yataqachiñe eja da'me ami jaliaĝanaqa jo'ne net'al nayi qaedi ami yapajoĝogueta qama'le ena'uac qo'mi 'uo da'me qadejaliaĝa!

Nuevo Testamento Toba Sur

⁸ Qami' 'eeta'am da mashi qami' sallaxanqa, qataq qami' hueto'oto 'enauac nam qauviñiitac. 'Eeta'am da mashi qami' nta'al, qaq qomi' nachi qomi' qauasaqaitreec. ¡'Onaxaico' da ÿataqta 'eesa da qami' nta'al, yaqto' qami' ñiuanaqhua'alo da qomi' nta'al nataq'en!

La'aqtaqa Ñim Lo'onatac 'Enauacna 2013

⁸ Qami' mashe qami' hueto'oto 'enauac nam qanqopichiitaique: mashe qami' sallaxanaqa, qataq mashe qoñiita'am na nta'alpi, qaq 'eeta'am da nache qomi' qauasaqaitre'c. ¡'Onaxaico' da ỹataqta 'eesa da qami' nta'al! ¡Yaqto' qami' qaro'onataxanaxau' da qomi' nta'al!

1 Corintios 4:8 Referans Kwoze

Apocalipsis 5:10

Qama'le aue'n lec'oqo'tepi joñe'me Qanedios jogaa'me, Nataq'aen da'me aue'n letaĝayaĝanaĝanaqa ga'me jiyaĝadipi Da'me dajotedalegue joñe'me Qanedios, Qama'le nejaliaĝatedelegue jena'me aleua.”

Gálatas 6:3

Qom 'uo ga'me nepetapela't p'ajaye, qom ja naq'aeta, qama'le ch'e noqovila't.

2 Corintios 13:9

Qo'che' jaconaĝaguet da'me qadamaic nale qo'mi choĝolaĝayaqa, qom yataqata ami 'uañaĝayaqa. Qama'le jaldata qolaqatalegue da'me qanetamenaĝac qaedi auovidiya'a da'me yataqachiñe ami yataqatelo'te.

1 Corintios 5:6

Ja 'noota qom ami 'yoĝodenaĝayaqa. ¿Qo'li ja auayachiñe nale qoye'et jaga'me pan qama'le qoyen cat'olec ga'me nalequetenaĝanaĝat qalaĝaja yema yajediye q'aen ga'me nonañejec?

1 Corintios 1:5

Qa'a ami joote ademii'teguet joñe'me Cristo, chane'eja Dios jalcote ga'me ami yanema 'me lapaĝaguenataĝanaĝaco nataq'aen adatetonaĝanaĝaqui.

Romanos 12:3

Chiyaqayi da'me lichoĝodenataĝanaĝac ñe'me Dios, 'uo da'me 'ñelopaguec jo'ne jayem qoyamaĝalegue, da'me ami ja'aĝatema da'me 'noota qom qaya'te gamachaqaega mach'e nenatetapela't napacalegue ga'me jo'ne nalo'taguet da'me uenate'ta. 'Noota da'me onolqa'tape ja yaguegue ga'me nelnataĝac da'me nenatetapela't, nalo'taguet q'aen ga'me mach'e Dios en nemeyaĝac 'uaĝayet q'aen da'me lepe'e.

Lucas 6:25

“¡Degueja qomle da'me lachoĝode'j gaa'me jo'ne joote yauata da'me lachaĝayaĝa'j, qa'a male yoqoua't qomle! “¡Degueja qomle da'me lachoĝode'j gaa'me jo'ne lajaĝa'tape nayi, qa'a demalaqataĝata'ajalo nataq'aen noye'tape qomle!

Apocalipsis 3:17

Qa'a da'me aueñetapela't da'me ami neuoyaĝadi, onaĝaic da'me adadiquiyaĝaqui nataq'aen da'me qaya'te ta'le auoviñetaque, qalaĝaja ja anayachela't da'me naqa'ami jo'ne 'uo da'me adachoĝodequi da'me ami jemataqayaqa, ami choĝodayaqolqa, ena'am ta'le ami qana'mi nataq'aen da'me ami jale'taguelo.

Filipenses 2:12

Ami yaqaya'olqa, ca'li maliaĝa ami jouetauelo, yataqata jayem auoqochiiya nale 'uo ga'me ami jamaĝalo'te. Qama'le nayi da'me jayem qaya'a, jetaque nach'e ena'am auauoyi nale ga'me ami jamaĝalo'te. Chane'eja nach'e eta't a'nañaĝachi da'me a'nonaĝachiyegui joñe'me Dios qaedi yataqata ami 'noote', qaya'te auoviñetaque.

Filipenses 1:27

Nach'edata da'me yataqata aviyamaĝachetac da'me anejiyaĝauayaĝaqui, oquitapegue' da'me 'laqatac joñe'me Cristo, uotaĝa da'me yitaĝa ami jec'atalo uotaĝa ja naq'aeta, qa'a jetaque jomachiya queda'me nach'e eta't a'nañaĝachela't, yataqata onolec joda'me auauoyi nataq'aen onolec joda'me adeloiquiaĝaqui, nach'eda da'me ademiyalegue da'me adepi'i jo'ne chiyaqayi da'me 'naqataĝanaĝac jo'ne onaĝaic.

2 Corintios 11:1

Ami ñachoĝodenoto qaedi a'nañaĝachiyeguet da'me cat'olec ñichiyoĝojoĝoc qomle.

1 Corintios 4:18

Uo'oe gaa'me joote 'yoĝodenaĝayaqa da'me ami, qa'a joga'me lelnataĝa'j da'me ja yitaĝa ami jovitalo.

Hechos 26:29

Pablo enaac: —'Noota ta'le paja'a uotaĝa ja paja'a, ñe'me Dios 'yamaqaten da'me ja nach'edata da'me am, dite da'me nach'e ena'ama ena'uaque naa'me naajo' jo'ne jayem naquiaĝatapega nayi, ta'le yovideta da'me jayem aueñiya'am, mate mane'e ja ena'am ta'le anechiyayelo gaa'me coñetaĝanaqa'te.

Mateo 5:1

Mane'e da'me yauana ga'me jiyaĝadipi, Jesús yec'adije'ma ga'me qajoĝonaĝa qama'le ñiyiñe. Jogaa'me lapaĝaguenataqa yec'adeta joñe'me,