1 Corintios 4:6 - Nuevo Testamento Toba Sombrero Negro

⁶ Ami yaqaya'olqa, ami ja'aĝatema da'me dojo' jo'ne jayem 'yaĝatetac choqoñe'me Apolo, qaedi ami yecochiyalo queda'me qo'mi adaloqotenaĝanaĝaqui, da'me ami japaĝaguenaĝaque da'me ena'te anapaquiyalegue ga'me jo'ne joote qoyediñe joca'li, qaedi ja avi'yoĝodiñetac nataq'aen qaedi qaya'te a'uotañetac.

Nuevo Testamento Toba Sur

⁶ Qami' ÿaqaÿa't, de'eda qami' sa'axatema, damayi maichi qadaÿamqai. Saloqnaxaatapigui so Apolo qataq aÿim, yaqto' qami' ishit da qauachigoqoichigui da shinaqta da qauaÿajñi da sa ishit da qanapaquiÿapeguelguete naua ñiyigui'shi n'aqtaqa, yaqto' qaica ca n'amaqchiitacot ca lÿa, qaq ca lÿa i'otan.

La'aqtaqa Ñim Lo'onatac 'Enauacna 2013

⁶ Saloqnaxaatapigui so Apolo qataq aỹem, yaqto' qami' ishet da qauachegoqoichigui da shenaqta da qauaỹaañi da naigui da na'aqtac naxa maye 'eeta': Saishet da qanapacỹapeguelec dam nanettalec ana nere, maye huetalec na la'aqtacpi Ñim Lo'onatac 'Enauacna. Yaqto' qaica ca ipettega da ca lo'onataxanaxanec Ñimaye napacalec da la'amaqchec ca lỹa.

1 Corintios 4:6 Referans Kwoze

2 Corintios 11:4

Qa'a da'me ami nale gamachaqaega ami yovida'alo jo'ne 'yaĝatetac ñe'me Jesús qalaĝaja ja ena'am ga'me joote ami ja'aĝataĝama, qanach'e paja'a 'uo da'me adamaiqui da'me auacoñiyeguet. Ñe'me Dios Lepaqal 'me ja 'nalegue 'me auacoñiyeguet joote ami uetauelo, qalaĝaja auacoñiyeguet nale ga'me nepaqal laqaya jo'ne yaqa'a, nataq'aen 'naqataĝanaĝac laqaya jo'ne ja ena'am ga'me joote auacoñiyeguet.

2 Corintios 12:19

Uotaĝa auepíchitapega da'me ami ñachoĝodenaqatapegouelo qaedi qo'mi avichoĝodeñi, qalaĝaja ja naq'aeta. Qo'mi jouaqa'tot ñe'me Cristo, nataq'aen ñe'me Dios mach'e yayaten yema ga'me jo'ne ja'aĝataqatac. Ami qadaqaya'olqa, yema ga'me jo'ne joote je'etaq, ga'me joote jauoqo da'me ami yecochaĝalo, qaedi nichiquetajeguem da'me yataqachiñe auep'iiya'a ñe'me Cristo.

2 Corintios 12:6

Qa'ejo' da'me mach'e ñiyamaĝadetapela't ja naqaeda da'me nichiyoĝojoĝoc, qa'a ja'aĝatetac da'me eja 'me 'yoyaĝac. Qalaĝaja ja ja'uo da'me dojo' qa'a ja jetaque 'uo ga'me en lelnataĝac da'me ñapacapelegue da'me mach'e 'yoyaĝac uotaĝa da'me yojaĝac,

Colosenses 2:18

Achiya'agueta jogaa'me jo'ne eetojo' nale ga'me 'laqata'j: “Ami adejomiitac queda'me ja anetameñiyoto jogaa'me piyem laje'.” Nach'enaua jo'ne eetapela'ajalo uo'oe da'me lichoĝonaĝaco jo'ne nach'e ena'am ami auaqanachichi ta'le ami ua'ajopa, nataq'aen queda'me ni'yoĝodetedapega nale ga'me yauata, jouaĝat gaa'me ch'e jiyaĝaua lelnataĝaco.

1 Ts 1:5

Qa'a ca'li ami ja'aĝataĝama jena'me jenjo' 'noota, ja nach'edata da'me ch'e jojaqatac, dite da'me nach'e ena'am auec'achiñe joga'me jauoqo, da'me jaloĝonaq da'me lañoqotaĝanaĝac joñe'me Dios, nataq'aen da'me lajoĝonataĝanaĝac joñe'me Dios Lepaqal, nataq'aen da'me t'adaic lichoĝodenataĝanaĝac joñe'me. Qalaĝaja jena'me jenjo' joote auayachiñe ca'li ami jouaqatauelo, qama'le joote auec'achiñe da'me yataqata ami jecochaĝalo.

Romanos 12:3

Chiyaqayi da'me lichoĝodenataĝanaĝac ñe'me Dios, 'uo da'me 'ñelopaguec jo'ne jayem qoyamaĝalegue, da'me ami ja'aĝatema da'me 'noota qom qaya'te gamachaqaega mach'e nenatetapela't napacalegue ga'me jo'ne nalo'taguet da'me uenate'ta. 'Noota da'me onolqa'tape ja yaguegue ga'me nelnataĝac da'me nenatetapela't, nalo'taguet q'aen ga'me mach'e Dios en nemeyaĝac 'uaĝayet q'aen da'me lepe'e.

2 Corintios 10:7

Ami nach'edata da'me auacoñiyeguet ga'me jo'ne auañiya. Qom aueñetapela't yataqachiñe oquiyegue ñe'me Cristo, jetaque ami ja'aĝatema da'me nach'e ena'ama qo'mi.

2 Corintios 4:15

Ena'uac da'me dojo' 'uo qaedi chiyaqayi da'me liyamaĝac joda'me at'oyaĝaqui, qa'a qom qayoĝode' gaa'me yacoteguet da'me loqopich'i ñe'me Dios nataq'aen da'me lichoĝodenataĝanaĝac ñe'me, qama'le uoja'aegaua qayoĝode' yate'm da'me lamai'j ñe'me qomle nataq'aen yatetoteguet da'me 'lonaĝac ñe'me.

1 Corintios 8:1

Nayi ja'ateguet da'me jayem auenachiyec ga'me lapat jo'ne joote qoyanema gaa'me qop'iyapegalo jo'ne ch'e 'nonataqa. Yataqachiñe eja da'me dojo' 'naqatac: “Ena'uaque qo'mi jayatenaq da'me jo'ne yataqata eja.” Qalaĝaja da'me nayatenaĝanaĝac 'yetem ga'me jiyaĝaua da'me ma'te 'yoĝodenaĝaic; joda'me noqopich'i qamqa'me 'yañaqatet joga'me.

1 Corintios 5:6

Ja 'noota qom ami 'yoĝodenaĝayaqa. ¿Qo'li ja auayachiñe nale qoye'et jaga'me pan qama'le qoyen cat'olec ga'me nalequetenaĝanaĝat qalaĝaja yema yajediye q'aen ga'me nonañejec?

1 Corintios 3:19

Qa'a ga'me nayatenaĝanaĝac jo'ne ch'e lelnataĝa'j jena'me jiyaĝadipi, nach'eda Dios enapega mach'e chiyoĝojoĝoc. Qa'a naa'me nedii's naq'aeta da'me 'yaĝatetac, eet'oi: «Dios yedo'oque da'me mach'e layatenaĝanaĝa'j joga'me yatenaĝanaĝaiquipi da'me e'n yedolo'te, Qanach'e polegaĝatot da'me layatenaĝanaĝa'j qama'le 'uaĝadiñe.»

2 Timoteo 2:10

qama'le jalcote qoye'n yachoĝodeco, qaedi gaa'me dalaĝayaqa Dios lec'oqo'tepi male nec'alaĝatedegue nataq'aen yacoteguet ga'me 'noyaĝac jo'ne ja 'naidena'a, nach'ena jenjo' yanegue joñe'me Cristo Jesús.

2 Corintios 10:15

Nataq'aen ja ñi'yoĝodenaqatapiye ga'me 'lonata'j jogaa'me jiyaĝa'u laqaya', dite da'me 'uo da'me qadeuataqataĝanaĝac yataqachiñe jalcote da'me qat'onataĝanaĝac da'me ami jouaqatauelo, 'uo da'me qanaquitetapega da'me jetaque nichiquetaye da'me yataqachiñe auep'iiya'a ñe'me Dios. Naqaega loiquiaqa' jo'ne joote jeloqo'ta da'me qat'onataĝanaĝac.

2 Corintios 10:12

Ja jovita da'me ta'le jeetapega jena'ama jogaa'me jo'ne mach'egaua ni'yoĝodetapela'ajalo. Da'me 'uo ga'me mach'ega naloqotela't, nach'eda chiyoĝojoĝoc.

1 Corintios 13:4

Ga'me 'uo da'me loqopich'i yataqachiñe 'uo da'me napogaĝadenaĝac nataq'aen da'me lichoĝodenataĝanaĝac, ja p'aguenataĝanaĝaic, ja mach'e 'nonaĝatapela't, nataq'aen ja ni'yoĝodenaĝaic.

1 Corintios 9:23

Ena'uaque gaa'me jauo'oe, ja'uo qaedi qoyelagaĝategue da'me qo'yaĝatetac da'me onaĝaic 'naqataĝanaĝac, qa'a jetaque nach'e ena'am ñapeteguet joga'me.

1 Corintios 5:2

¡Ami qama'te ami 'yoĝodenaĝayaqa! Taqamachaĝa ami najaqachiguilo da'me adepocoĝoqui, chayovida'a auamaqayegue ga'me jo'ne ya'uo da'me dojo' 'me ami uetauelo nale ademiya'a't.

1 Corintios 3:21

Qo'che' 'noota qom qaya'te yaconeguet da'me ni'yoĝodenaĝac qom equegue gamachaqaega jiyaĝaua, qa'a ena'uaque gaa'me uo'oe 'me uedalequena mach'e adoĝochi.

1 Corintios 1:31

Chane'eja ena'am da'me 'yaĝa'tape joga'me nedii's: «Ga'me jo'ne jetaque ni'yoĝodela't, 'Noota qom 'nonaĝachigui ñe'me Jaliaĝanec.»

1 Corintios 1:19

Naq'aeta joda'me 'yaĝatetedac gaa'me nedii's, eet'oi: “Dios enaac: «Japalaĝat da'me layatenaĝanaĝac joga'me yatenaĝanaĝaiquipi; Jaja'a, jemaĝaguet ga'me jetaque yauote.»”

1 Corintios 1:12

Qama'le ami 'uo ga'me enaac: “Jayem jequegue ñe'me Pablo”; laqaya enaac: “Jayem jequegue ñe'me Apolo”; laqaya enaac: “Jayem jequegue ñe'me Pedro”; nataq'aen laqaya enaac: “Jayem jequegue ñe'me Cristo.”

Hechos 18:24

Jaa'me jaajo' noloqo'ote yovita di'me Éfeso ñe'me judío lenaĝat Apolo, jo'ne 'lachaqa' di'me noic let'adaic lenaĝat Alejandría, jo'ne yataqachiñe yayataĝade'teguelo nataq'aen yataqachiñe yayate'n daa'me 'uaediñe nedii's joca'li.

Hechos 19:1

Mane'e ca'li cha'li ue'ta di'me Corinto ñe'me Apolo, Pablo talegue ga'me aleua jo'ne uo'oe gaa'me qajoĝona'a qama'le yovita di'me Éfeso, ua'a da'me yauanalo gaa'me qayoĝode' jo'ne p'etaqadayaqa.

2 Corintios 12:20

Jo'oyapega nale jenate'ta qom ami jec'atalo da'me ami jejapichiyalo, qama'te jauana ga'me at'oyaĝaqui jo'ne ja ja'amaqaten, nataq'aen jayem auañiya ga'me 'yoyaĝac jo'ne ja naqaega ta'le jetaque auañiya. Jo'oyapega ta'le ami jejomalo'te da'me aueloquitapega't, uotaĝa aualemataitapega't, 'uo da'me 'yotaĝac, nachinataĝanaĝac, novidaqataĝanaĝac, 'yoĝodenaĝac nataq'aen qaya'te niyamaĝa ami uetauelo.