1 Corintios 4:2 - Nuevo Testamento Toba Sombrero Negro

² Qa'a ga'me jo'ne yaconeguet da'me 'nelopaguec, 'noota ta'le yaloĝon queda'me eja nalo'taguet da'me yataqachiñe ye'et joga'me.

Nuevo Testamento Toba Sur

² Qaq ÿoqo'oyi cam huo'o ca qaipataxalec iuen da ÿataqta npe'et.

La'aqtaqa Ñim Lo'onatac 'Enauacna 2013

² Qaq cam huo'o ca qaipataxalec no'onataxanaxac camaye iuen da ỹataqta npe'et.

1 Corintios 4:2 Referans Kwoze

Mateo 25:21

Ñe'me lejaliaĝanec enaac: «¡Yataqachiñe 'noota da'me at'onatac nataq'aen am yataqatelegue! Qama'le queda'me a'nañaĝatela't da'me aue'et ga'me jaleca, nayi jalcote ga'me am jepotaneguet. ¡Ayala, anec'ata ñe'me adejaliaĝanec qaedi am ñetonaĝaua!»

Lucas 12:42

Ñe'me Jaliaĝanec 'yateguet: —Jega: ¿jach'e jogamaĝa ga'me namaĝajec da'me yataqata yepaquetelegue ga'me 'lonatac nataq'aen 'uo da'me yayaten, da'me uotaĝa ga'me ladipa yamaĝalegue qaedi yiqui'yaĝa'tape gaa'me ueteda'a ga'me 'lachaqa' nale yovita ga'me laloqo' da'me niqui'yaĝac?

Mateo 25:23

Ñe'me lejaliaĝanec enaac: «¡Yataqachiñe 'noota da'me at'onatac nataq'aen am yataqatelegue! Qama'le queda'me a'nañaĝatela't da'me aue'et ga'me jaleca, nayi jalcote ga'me am jepotaneguet. ¡Ayala, anec'ata ñe'me adejaliaĝanec qaedi am ñetonaĝaua!»

Colosenses 4:17

Nataq'aen a'uaqataĝañiyem qomle ñe'me Arquipo, aueñiyaac: “'Noota qom auepaquetapega ta'le yataqachiñe auomat da'me a'nelopaguec jo'ne am yanem ca'li ñe'me Jaliaĝanec qaedi a'uonataĝaneuo'o joñe'me.”

2 Corintios 2:17

Qo'mi ja naqaeda ta'le jauoqo lajo'vi da'me 'laqataĝanaĝac ñe'me Dios, jo'ne qayoĝode' naq'aeta da'me yauote; ja naq'aeta, dite da'me Dios qo'mi yauanalo queda'me qaya'te jenaq lale'gue da'me ja'aqataĝanaqatac, qa'a nach'eñe ñe'me Dios qo'mi lamaĝa's nataq'aen qa'a yataqachiñe qademe'teguet ñe'me Cristo.

Colosenses 1:7

Dojo' ami yapaĝagueneque ca'li ñe'me qadaqaya Epafras, nach'eñe jo'ne qat'onataĝanaĝaua nataq'aen Cristo nejoĝonec jo'ne yataqatelegue, nach'eñe jo'ne adiyamaqai'tem.

1 Corintios 7:25

Nayi japaĝague'n jogaa'me jamaĝayaqa: dojo' qaya'te lapaĝaguenataĝanaĝac ñe'me Jaliaĝanec ta'le yeloĝonaĝa'teguet joda'me, qalaĝaja ami janema da'me mach'e yelnataĝac, nach'eda lelnataĝac ga'me jo'ne joote yedalegue da'me Dios lichoĝodenataĝanaĝac, qama'le auaqanachichi da'me a'uamaqachiñe.

2 Corintios 4:2

Qaya'te gamachaqaega ta'le janomaĝaguet da'me qadepocoĝo, uotaĝa joĝotaqatapiñi ga'me qat'onatac. Ja jauoqo da'me ta'le joqovinaq ga'me jiyaĝadipi uotaĝa jaeyaĝanaq da'me 'laqataĝanaĝac ñe'me Dios. Ja naq'aeta, dite da'me nach'eñe ñe'me Dios qa'naĝatoqo't queda'me onolec da'me eja ñenaĝataĝaye. Qo'che' ena'uaque qo'mi qop'eteque.

Colosenses 4:7

Ñe'me qadaqayolec Tíquico, yecochaĝaua jo'ne 'uañaĝaic nataq'aen nalo'taguet da'me t'onataĝaneuo'o ñe'me Jaliaĝanec, nach'eñe ami 'yaĝatema qomle ena'uaque daa'me yep'iquenataĝanaĝaco.

1 Corintios 4:17

Qo'che' joote ami jamaĝalo ñe'me Timoteo, jo'ne joqopita, ena'am ga'me yalec 'me equegue ñe'me Jaliaĝanec, nataq'aen jep'etec ñe'me. Nach'eñe ami netouenaĝaneque qomle da'me yadic queda'me jequegue ñe'me Jesucristo, da'me jo'ne nach'e eta't japaĝaguenataĝanec ena'uaque gaa'me nemaĝaiqui' gaa'me jec'atapegalo.

1 Corintios 4:1

Jalcote 'noota da'me qo'mi auenache'talo, qo'mi jo'ne lecochaĝa'u ñe'me Cristo, nataq'aen qo'mi qo'yelopeque da'me qaedi jaloĝonaq da'me 'laqataĝanaĝac ñe'me Dios.

1 Corintios 4:3

Qalaĝaja jayem, ¿qo'li joote jayem yataqatelegue nalemaĝajet? Yataqachiñe eja queda'me ja jen 'te p'ajaye ga'me jo'ne jayem auec'achiñiyec, uotaĝa gamachaqaega jayem yec'atenec. Chayovida'a ja ja'amaqaten da'me mach'e ñec'atela't,