1 Corintios 4:19 - Nuevo Testamento Toba Sombrero Negro

¹⁹ Qalaĝaja ja cop'a da'me ami jec'atalo, qom ñe'me Jaliaĝanec jayem yaje'tem, qama'le ja ñaquiaĝanalo gaa'me 'laqataqa jogaa'me 'yoĝodenaĝayaqa dite da'me jauana qom eja 'uo da'me 'lañaĝa'j jogaa'me.

Nuevo Testamento Toba Sur

¹⁹ Qalaxayi saqaÿaloq da qami' ñauaneto, qom aÿim ÿanem ca ÿiquiaxac so qadataxala'. Hua'a, qanachi ishit da saÿaten chaq 'eetec da l'añaxac que'eca ñi'oxonnaxaicpi, yaqto' sa ishit da chaqdata da l'aqtac mayi qai'axattac.

La'aqtaqa Ñim Lo'onatac 'Enauacna 2013

¹⁹ Qalaxaye Ñim Lo'onatac 'Enauacna qom aỹem ỹami' da saqaỹaloq da qami' ñamaqtegalo. Huaña, nache ishet da saỹaten chaq 'eetec ca la'añaxac que'eca na'amaqteetai' naxa, cha'aye camayepi saishet da nda'a't da detaqtac maye nataqa'en ỹo'ottac nam 'eetega.

1 Corintios 4:19 Referans Kwoze

Hechos 18:21

dite da'me yep'iye'tape jogaa'me, qama'le enaac: Qom naq'aeta da'me lelnataĝac ñe'me Dios, qama'le yitaĝa 'ñiyelaq qaedi ami jejapichiyalo. Yem qama'le Pablo nañgui jaga'me licota da'me dajoyi di'me Éfeso.

Hechos 19:21

Mane'e da'me ena'uaque yenoĝodegue naa'me naajo' uo'oe, Pablo lelnataĝac da'me dejapichiya di'me Macedonia nataq'aen Acaya, qama'le queta da'me leuoĝoc chayovida'a Jerusalén. Uoja'eda nenaĝategue queda'me qom yem da'me yec'ata di'me Jerusalén nach'e ena'am dajoyi di'me Roma.

Hebreos 6:3

Chane'eja nach'eda da'me jauoqo: nach'e eta't da'me ñichiyaqatajeguem, qom Dios qo'mi yaje'tema.

2 Corintios 1:23

Qalaĝaja qom maliaĝa ja jec'ata di'me Corinto, jo'ne te'me naq'aeta da'me yelnataĝac, jee'tem da'me 'naĝatoqo't ñe'me Dios, nach'edata da'me 'uo da'me ami jetela'ate da'me ja ami 'te jec'atalo.

1 Corintios 11:34

Nataq'aen qom 'uo gamachaqaega jo'ne yataqachiñe yoqouat jo'ne ja yaqanatet ta'le 'uo ga'me yeuatetaque, 'noota qom ua'a ga'me 'lachaqa' da'me 'uo ga'me yalic, qaedi ja ami 'te yedalo'te ga'me ane'uaĝañiyaque qa'a jouaĝat da'me naq'aeta ga'me a'vichiyec ga'me ademaĝaqui. Gaa'me uo'oe laqaya' qamqa'me mach'e je'et qom ami jovida'alo.

1 Corintios 4:18

Uo'oe gaa'me joote 'yoĝodenaĝayaqa da'me ami, qa'a joga'me lelnataĝa'j da'me ja yitaĝa ami jovitalo.

1 Corintios 2:6

Qalaĝaja 'uo da'me nayatenaĝanaĝac jo'ne japaĝaguenaĝaque gaa'me jo'ne t'añi da'me lepe'e', mate mane'e ja layatenaĝanaĝac jena'me aleua, ja layatenaĝanaĝa'j gaa'me jo'ne nejaliaĝatedelegue jena'me aleua, nach'egaua ja cop'a da'me qoyapalaĝa't qomle.

Romanos 15:32

qaedi qom naq'aeta da'me loequenataĝanaĝac, qama'le qom jovida'aquena 'uo da'me yamaic da'me ami jovitalo nataq'aen 'ñomategue da'me ami jejapichiyalo.

Santiago 4:15

Dite da'me anenaĝachiyegue naq'aeta: “Qom ñe'me Jaliaĝanec 'yamaqaten da'me cha'li qadec'aletaye, qama'le jaqanatetaq ta'le jauoqo da'me dojo', choqoga'me jetaque jauoqo laqaya.”

1 Corintios 16:5

Da'me yeuoĝoc jetaque jalegue di'me aleua Macedonia; qama'le qom yeuotalegue di'me Macedonia qama'le jovita na'me Corinto,

1 Corintios 14:5

Mate mane'e jayem chiliajaĝa ena'uaque ami auadenaĝachi' gaa'me 'naqataqa laqaya', qalaĝaja jepaquetapega ta'le a'uaĝachetac da'me 'laqataĝanaĝac ñe'me Dios. Ga'me jo'ne 'yaĝatetac da'me 'laqataĝanaĝac ñe'me Dios, nach'ega p'ajaye; ga'me jo'ne yadenaĝa't naa'me 'naqataqa laqaya' ja p'ajaye, lama'aja qom qaya'te yaqanatet ta'le yechoĝo't ga'me yelo'tegueta naa'me 'naqataqa laqaya' 'me yadenaĝa't qaedi chiyaqayi ta'le p'etaqadaiquipi nichiquetedajeguem.

Hechos 20:2

Dejapichiyalo ena'uaque gaa'me 'nachaqa'te nataq'aen gaa'me 'laqataqa 'yañaqate'tape jogaa'me qadaqaya'olqa; ua'edi yovida'a di'me Grecia.

1 Corintios 4:6

Ami yaqaya'olqa, ami ja'aĝatema da'me dojo' jo'ne jayem 'yaĝatetac choqoñe'me Apolo, qaedi ami yecochiyalo queda'me qo'mi adaloqotenaĝanaĝaqui, da'me ami japaĝaguenaĝaque da'me ena'te anapaquiyalegue ga'me jo'ne joote qoyediñe joca'li, qaedi ja avi'yoĝodiñetac nataq'aen qaedi qaya'te a'uotañetac.

1 Corintios 16:7

Qa'a nayi ja jetaque ch'e ami jec'atenaĝanalo da'me ami jayoĝolo'te, dite da'me 'uo da'me yeuataqataĝanaĝac qaedi cada'ac copa'ta da'me ami jouetauelo, qom naq'aeta da'me jayem yanem ñe'me Jaliaĝanec.

2 Corintios 10:9

Ja naqaeda ta'le jetaque ami joqochoqoteteque nale ami jamaĝalo naa'me yediijel.