1 Corintios 4:17 - Nuevo Testamento Toba Sombrero Negro

¹⁷ Qo'che' joote ami jamaĝalo ñe'me Timoteo, jo'ne joqopita, ena'am ga'me yalec 'me equegue ñe'me Jaliaĝanec, nataq'aen jep'etec ñe'me. Nach'eñe ami netouenaĝaneque qomle da'me yadic queda'me jequegue ñe'me Jesucristo, da'me jo'ne nach'e eta't japaĝaguenataĝanec ena'uaque gaa'me nemaĝaiqui' gaa'me jec'atapegalo.

Nuevo Testamento Toba Sur

¹⁷ Qaq ÿoqo'oyi mashi qami' samaxalo so Timoteo mayi 'eeta'am da ÿalec, cha'ayi aÿim ÿachigoxotchigui da quetague' so qadataxala'. Somayi qami' iuennataxanaxanque da 'eetec da ÿataxac da shictague' so Cristo dam sapaxagueetapeguec 'enauac ana qad'onaxanaxaquipi mayi neta'alo naua 'ale'u.

La'aqtaqa Ñim Lo'onatac 'Enauacna 2013

¹⁷ Qaq qami' samaxalo so Timoteo maye ỹauotaxat 'eeta'am ca ỹalec, cha'aye somaye ỹataqta ỹalaxaguet So Qarataxala'. Qaq ỹoqo'oye ỹataqta ipe'et somaye. Qaq somaye qome qami' iuennataxanaxaneque nam ỹapaxaguenataxanaxacpi maye na'aqtaguec So Cristo dam sapaxagueetapeguec 'enauac nam hueta'a na 'amqaanataxanaxaicpi.

1 Corintios 4:17 Referans Kwoze

1 Timoteo 1:2

Yamaic am janem, am Timoteo jo'ne yataqata am yalec queda'me aua'uo da'me yepe'e. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanema da'me anichoĝodenataguec choqoda'me anecochaguec nataq'aen da'me at'emaĝac.

1 Corintios 16:10

Qom ami yovitalo ñe'me qadaqaya Timoteo, 'noota qom ja auauoyi loqolanaĝa da'me ami uetauelo ñe'me, queda'me yema'eguet ye'et da'me 'lonatac jo'ne yanem ñe'me Jaliaĝanec ena'am da'me jayem.

1 Corintios 7:17

Qalaĝaja, 'noota ta'le onolqa'tape ja yaĝanegue da'me jalchi'ena 'loyaĝac jo'ne Jaliaĝanec yanem nataq'aen nach'edata 'nañaĝatec ga'me Dios yanem ca'li qoyiyaĝana. Naq'aeta da'me japaĝagueneque ena'uaque joga'me p'etaqadaiquipi.

2 Timoteo 1:2

Yamaic yitaĝa am janem, am Timoteo jo'ne ena'am ta'le am yalec 'me yataqata am joqopita. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanema da'me anichoĝodenataguec choqoda'me anecochaguec nataq'aen da'me at'emaĝac.

1 Corintios 16:1

Nayi ami ja'ategueta da'me auauoyi adajaqajai, qom auachetaĝañi qaedi alecochiiyalo joga'me p'etaqadaiquipi 'me neda'ña di'me Judea: joote auayachiñe ga'me yoqotenaĝanaĝaco jo'ne janema ga'me p'etaqadaiquipi jo'ne ueteda'a di'me aleua 'me Galacia; 'noota ta'le nach'e ena'am ami auauoyi da'me dojo'.

1 Corintios 14:33

qa'a Dios ja 'yamaqaten ta'le ja niyamaĝa ga'me uetaue joga'me yema'a't, dite da'me 'nemaĝac. Naq'aeta ga'me p'etaqadaiquipi jo'ne c'oqo'tepi ñe'me Dios.

Apocalipsis 2:10

Ena'te at'oiya ga'me jo'ne qoyen adachoĝodequi qomle, queda'me nac qomle joñe'me payac da'me yanauelo jaga'me coñetaĝanaĝaiqui jogaa'me qayoĝode' da'me ami, qaedi ena'uac da'me ami qoyapiye'n, qama'le nach'e ena'am da'me qoye'n adachoĝodequi chayovida'a da'me yenoĝodegue gaa'me diez noloqo'ote. Chane'eja 'noota qom nach'e aueñeta't da'me oquitalegue da'me adepi'i jo'ne yataqatelegue chayovida'a qom adeleviyalegue, qama'le da'me jayem male ami janema da'me adec'alaĝaqui jo'ne adomataĝanaĝachi.

1 Corintios 11:2

Ami ñetotapeque qa'a nach'e eta't anetoviñetaque yema gaa'me 'yonataqa nataq'aen 'yamaqatenataĝanaĝaco ca'li, nataq'aen yataqachiñe oqui'teguelo daa'me yapaĝaguenataĝanaĝaco jo'ne ami janema.

1 Corintios 7:25

Nayi japaĝague'n jogaa'me jamaĝayaqa: dojo' qaya'te lapaĝaguenataĝanaĝac ñe'me Jaliaĝanec ta'le yeloĝonaĝa'teguet joda'me, qalaĝaja ami janema da'me mach'e yelnataĝac, nach'eda lelnataĝac ga'me jo'ne joote yedalegue da'me Dios lichoĝodenataĝanaĝac, qama'le auaqanachichi da'me a'uamaqachiñe.

Apocalipsis 2:13

Joote jayaten da'me oñiita'ña di'me na'ña joga'me lejaliaqa' ñe'me Satanás, qalaĝaja da'me ami nach'edata da'me jayem oquitalegue, ja anemachiyapec da'me jayem auep'iiya'a, temaqaedi da'me qoyalat joca'li di'me Antipas, 'yaqataĝanaĝanec jo'ne yataqatelegue, nach'edi jo'ne ua'ña di'me noic jo'ne neta'ña ñe'me Satanás.

2 Timoteo 3:10

Qalaĝaja da'me am, joote auaconegueta yemeda daa'me yapaĝaguenataĝanaĝaco, nataq'aen da'me auadenaĝat da'me 'yoyaĝac nataq'aen ga'me jetaque ja'uo nale, da'me yepi'iyaĝac, da'me ñapogaĝadenaĝac, da'me yoqopich'i nataq'aen da'me qoyen 'yañaĝac qaedi yema jalo'oguet nale.

2 Timoteo 2:2

Nataq'aen jenjo' joote jayem auomachitapega ca'li japaĝague'tape gaa'me jiyaĝadipi, qama'le nayi jetaque nach'ena jenjo' auapaĝagueneque gaa'me qadaqaya' jo'ne yataqata auep'etapegalo, qaedi naajo' naqaenaua qomle yapaĝague'n gaa'me laqaya'.

Colosenses 4:9

Na'me nach'e ena'am lequiaĝaua ñe'me Onésimo, mach'e jauotec nataq'aen qadaqaya jo'ne 'uañaĝaic, jo'ne ami chiyaqauelo ca'li. Jogaa'me ami 'yaĝatema qomle yema ga'me jo'ne 'uo jena'me jenjo'.

Colosenses 1:7

Dojo' ami yapaĝagueneque ca'li ñe'me qadaqaya Epafras, nach'eñe jo'ne qat'onataĝanaĝaua nataq'aen Cristo nejoĝonec jo'ne yataqatelegue, nach'eñe jo'ne adiyamaqai'tem.

Filipenses 2:19

Yataqata jajo'ta joñe'me Qadet'a qaedi ja cop'a jo' qomle da'me ami jamaĝalo joñe'me Timoteo, qaedi ami jayate'n jo' qomle, qama'le yataqata jayem matac jo'.

Efesios 6:21

Nayi ami jamaĝalo na'me Tíquico, jenjo' qadaqaya jo'ne onaĝaicaloec, mach'e Qadejaliaĝanec lalemaĝajet jo'ne yataqatelegue. Jenjo' jo'ne ami yec'atalo male ami 'yaĝatema jo' qomle yema ga'me 'uo, joga'me eeta da'me ñejiyaĝauayaĝac nataq'aen joga'me je'etetac nayi.

1 Corintios 11:16

Qalaĝaja gamachaqaega jetaque deloyet da'me dojo', 'noota ta'le yayaten queda'me qo'mi qaya'te laqaya ga'me jo'ne qat'oyaĝac 'me janaqa'ac, uotaĝa ga'me p'etaqadaiquipi jo'ne yema'a't nale jo'ne 'nonaĝachidegue ñe'me Dios.

1 Corintios 4:15

Qa'a nayi queda'me oquiyegue ñe'me Cristo male qayoĝode' gaa'me adajoĝola'chidi', qalaĝaja jaldata da'me 'uo ñe'me onolec jo'ne ena'am ta'le adet'ai. Ena'am ta'le naqayem da'me jayem adet'ai, qa'a nach'ayem ca'li ami ja'aĝatema da'me onaĝaic 'naqataĝanaĝac, chane'eja ami auep'iiya'a joñe'me Jesucristo.

Mateo 25:23

Ñe'me lejaliaĝanec enaac: «¡Yataqachiñe 'noota da'me at'onatac nataq'aen am yataqatelegue! Qama'le queda'me a'nañaĝatela't da'me aue'et ga'me jaleca, nayi jalcote ga'me am jepotaneguet. ¡Ayala, anec'ata ñe'me adejaliaĝanec qaedi am ñetonaĝaua!»

Mateo 25:21

Ñe'me lejaliaĝanec enaac: «¡Yataqachiñe 'noota da'me at'onatac nataq'aen am yataqatelegue! Qama'le queda'me a'nañaĝatela't da'me aue'et ga'me jaleca, nayi jalcote ga'me am jepotaneguet. ¡Ayala, anec'ata ñe'me adejaliaĝanec qaedi am ñetonaĝaua!»

Mateo 24:45

Yitaĝa ñe'me Jesús enaac: —Jega: ¿jach'e jogamaĝa ga'me namaĝajec da'me yataqata yepaquetelegue ga'me 'lonatac nataq'aen 'uo da'me yayaten, da'me uotaĝa ga'me ladipa yamaĝalegue qaedi yiqui'yaĝa'tape gaa'me ueteda'a ga'me 'lachaqa' nale yovita ga'me laloqo' da'me niqui'yaĝac?

1 Corintios 4:2

Qa'a ga'me jo'ne yaconeguet da'me 'nelopaguec, 'noota ta'le yaloĝon queda'me eja nalo'taguet da'me yataqachiñe ye'et joga'me.

Hechos 16:1

Pablo yovita di'me Derbe nataq'aen Listra, nach'edi ua'a da'me uada'aguet ñe'me p'etaqadaic lenaĝat Timoteo, c'oĝot jañe'me yauo judía nataq'aen let'a ga'me griego,

1 Corintios 4:14

Ami jedenaqatenalo jenjo' yediijec jo'ne ami ja'aĝatema gaa'me uo'oe yataqachiñe qalache, qalaĝaja ja naq'aeta ta'le ami je'etema qaedi ma'te adepocoĝoqui, dite da'me jetaque ami jaqatalo qa'a ena'am ta'le mach'e ami yalaqa.

1 Corintios 11:34

Nataq'aen qom 'uo gamachaqaega jo'ne yataqachiñe yoqouat jo'ne ja yaqanatet ta'le 'uo ga'me yeuatetaque, 'noota qom ua'a ga'me 'lachaqa' da'me 'uo ga'me yalic, qaedi ja ami 'te yedalo'te ga'me ane'uaĝañiyaque qa'a jouaĝat da'me naq'aeta ga'me a'vichiyec ga'me ademaĝaqui. Gaa'me uo'oe laqaya' qamqa'me mach'e je'et qom ami jovida'alo.

2 Corintios 8:18

Jayem nataq'aen Tito 'uo ñe'me mach'e qadaqaya jo'ne jalcote ga'me 'lonatac, da'me 'yaĝatetac da'me onaĝaic 'naqataĝanaĝac: nach'eñe jamaĝajoq. Ena'uaque jogaa'me p'etaqadaiquipi onaĝaic da'me 'nenaguec joñe'me,

Filipenses 2:22

Qalaĝaja da'me ami joote auayachiñe joda'me 'loyaĝac joñe'me Timoteo, yataqata 'noota joñe'me, ena'am ta'le yalec, qama'le yataqata jayem lecochiya ca'li qadalo'ta't da'me ja'aĝataqatac da'me Dios 'laqataĝanaĝac.

1 Timoteo 1:18

Am yalec Timoteo, nayi am janem jenjo' 'yelopaĝac qaedi oquetalo'te jogaa'me 'laqataqa gaa'me qadaqaya' jo'ne am yachedalegue ca'li, qaedi yataqata eja joga'me at'onatac nale aueloiquitapegue' ga'me ja no'en.

Tito 1:5

Qo'che' am jepota'ña ca'li di'me Creta: qaedi aviyamaĝachiñe ga'me jo'ne maliaĝa ja je'etaq, nataq'aen qaedi yemeda gaa'me noyaqa aviyaĝanalo gaa'me 'yaĝaicachidipi jo'ne niquiyaqa qaedi yelolo'te gaa'me p'etaqadaiquipi; ga'me jo'ne joote am japaĝaguenec nach'eda a'uetec qomle.