1 Corintios 4:11 - Nuevo Testamento Toba Sombrero Negro

¹¹ Chayovida'a nayi 'uo da'me qadachoĝodec da'me qaya'te jaliguinaq, 'uo ga'me ua'a qadeliñiquip nataq'aen qaya'te qadoĝot 'me janaĝaiñe nataq'aen qo'mi qoyalate'tape nale, choqoda'me qaya ga'me mach'e yataqachiñe qat'achaqa'.

Nuevo Testamento Toba Sur

¹¹ Nagui ñaq 'eetalec da huo'o ca qanque'etaxanaxac na qadqouaxa, qataq na qadaquip, qataq qaica ca ñapoxoña. Na shiÿaxauapi qomi' iuaxaatalguete, qataq qaica ca ÿoqta qadma'.

La'aqtaqa Ñim Lo'onatac 'Enauacna 2013

¹¹ Nagui ñaq 'eetalec da huo'o da qanque'etaxanaxac na qarqouaxa, qataq na qaraquip, qataq qaica ca ñapoxoña. Na shiỹaxauapi saishet da qomi' iyacna'ape, qataq qaica ca ỹoqta qarma'.

1 Corintios 4:11 Referans Kwoze

Romanos 8:35

¿Jach'e ga'me yaqanatet da'me qo'mi yaĝayaĝa'n qaedi qolaqa'e da'me loqopich'i ñe'me Cristo? ¿Qo'li yaqanatet ga'me qadachoĝodec, uotaĝa gaa'me qadaqalaico, uotaĝa ga'me qanaqanaguec, uotaĝa ga'me qadoqouat, uotaĝa qaya'te qadoĝot 'me janaĝaiñe, uotaĝa qom 'uo ga'me chaqae'ta uotaĝa neleuaĝa 'me qo'mi qoyalateque?

Filipenses 4:12

Yataqata ñaya'ac da'me jouaue da'me qaya'te jauana, nataq'aen ñaya'ac laqaya da'me jouaue da'me qaya'te jouetaque; yemeda naajo' 'noyaĝaco joote jouauelo. Qama'le jayaten joda'me eeta nale 'uo ga'me niqui'yaĝac uotaĝa nale joqouat, chayovida'a da'me jayaten da'me eeta nale yaguegue da'me jauana, uotaĝa nale jayem 'naja.

2 Timoteo 3:11

Nataq'aen auayaten da'me eeta da'me ñe'uaĝanaguec choqoda'me yachoĝodec, ena'ama jogaa'me jayem qo'yeteque ca'li joue'ta di'me noic jo'ne Antioquía, nataq'aen di'me Iconio choqodi'me Listra. ¡Yataqata t'adaic da'me qoyen yachoĝodec! Qalaĝaja yataqachiñe jayem lecochiya ñe'me Jaliaĝanec, yema jayem nec'alaĝate'guejop.

Mateo 8:20

Jesús 'yateguet: —Ga'me uaĝayaĝa uo'oe naa'me lauaco, nataq'aen na'me mayodipi uo'oe naa'me pataque'te. Qalaĝaja mach'e jayem Jiyaĝaua Lec'oĝot qamqa'me ja jauana ga'me joua'a qaedi ja'uo ga'me ñalaĝanaĝat.

2 Corintios 4:8

Qo'che' mate mane'e qayoĝode' gaa'me laqalaico jo'ne jaĝauelo, qalaĝaja ja qadoual. Uo'oe gaa'me mach'e jachetataqatapalo, qalaĝaja ja japalaĝataqa'ta da'me qat'emaqata.

1 Corintios 9:4

Qo'mi jo'ne mach'e lamaĝa's ñe'me Jesús yataqachiñe 'noota ta'le qo'mi auañema ga'me jaliguinaq nataq'aen ga'me ñiyomaĝaye.

Hechos 23:2

Chane'eja Ananías jo'ne nach'eñe p'ajaye lajoĝola' ga'me tamenaĝaiqui lo'olpi, yamaĝalo'te ga'me jo'ne yeviteteda'a ñe'me Pablo qaedi ye'uaĝadoue ga'me nedegaĝat.

Hechos 16:23

Ca'li joote yem da'me jalcote da'me qoye'uaĝa'n, qama'le qoyamaĝadoue jaga'me coñetaĝanaĝaiqui, nataq'aen qouaqatelegue ga'me vitaĝaic qaedi yataqachiñe ja yalajaĝa'ta da'me letelaĝa.

Hechos 14:19

Qanach'e ua'a da'me yovi't ga'me judiopi chiyoqoda'a di'me Antioquía nataq'aen Iconio, jo'ne 'ñemaĝachidiñe ga'me lelnataĝa'j ga'me jiyaĝadipi. Chane'eja qoyijaĝac ga'me qadipi ñe'me Pablo qama'le yepetedapega da'me joote yeleu, qoyauegue'ga ga'me p'aye di'me noic.

2 Corintios 11:20

¡Chayovida'a adaloyeguet ta'le anapogaĝadeñiyegueta gaa'me ami ee'tema ta'le lelataqa, nach'egaua jo'ne ami yoqovi'tape nataq'aen ami ye'ue'tape nataq'aen jogaa'me jo'ne ye'uaĝatapegouelo naa'me adatajoĝocodi'!