1 Corintios 4:1 - Nuevo Testamento Toba Sombrero Negro

¹ Jalcote 'noota da'me qo'mi auenache'talo, qo'mi jo'ne lecochaĝa'u ñe'me Cristo, nataq'aen qo'mi qo'yelopeque da'me qaedi jaloĝonaq da'me 'laqataĝanaĝac ñe'me Dios.

Nuevo Testamento Toba Sur

¹ Qaq ÿoqo'oyi qami', da qomi' qautaqÿalo, qalaq qomi' qauamachiÿa'aque da qomi' lta'u so Cristo, qataq qomi' qaipataxalguete da sapaxaguenataxanaxac da lataxac saq cha'a mayi chigoqo'ot ñi Dios.

La'aqtaqa Ñim Lo'onatac 'Enauacna 2013

¹ Qami' iuen da qomi' qauamachiỹa'aque da choche qomi' lo'onataxanaxanaqa So Cristo, qomi' ipataxaleguete da sapaxaguenataxanaxac dam 'eetapeguec Ñim Lo'onatac 'Enauacna maye saqcha'a co'ollaxa.

1 Corintios 4:1 Referans Kwoze

1 Pedro 4:10

Nataq'aen joote auacoñiyegueta gaa'me leyalaqataĝanaĝaco joñe'me Dios, onolqa'tape da'me ami. Chane'eja 'noota qom a'uonataĝañiya qaedi yataqata alecochiiyalo gaa'me adaqayadi', qa'a yataqata auayachiñe da'me aueloyiye jena'me yodapecache jo'ne lichoĝodenataĝanaĝaco joñe'me Dios.

Tito 1:7

Ñe'me jo'ne nepoda'tape gaa'me p'etaqadaiquipi 'noota ta'le qaya'te lejamaĝataĝac, qa'a netela da'me Dios 'lonataĝanaĝac. Nataq'aen 'noota ta'le ja pagaĝalaic da'me damaĝajoĝonaĝac, 'noota ta'le ja lemataqaic, ja yomaĝaic, uotaĝa ta'le ja dodinataĝanac, uotaĝa ena'am ta'le ch'e naquitetapega da'me nejetenaguec.

1 Timoteo 3:9

'Noota qom nach'eda da'me quetede'egue naa'me 'naqataqa jo'ne nach'enaua Dios qo'mi yaloĝonalo ca'li, chayovida'a yataqata en yoqovichiguilo naa'me lai'li.

2 Corintios 4:5

Nale japaĝaguenataĝanaq ja mach'e qo'mi ñapaĝaguenaqatapela't. Ja naq'aeta, dite da'me ja'aĝataqatac queda'me Jesucristo mach'e Qadejaliaĝanec, nataq'aen naqaqo'mi ami ñechataqata'ñijopa da'me ami yecochaĝalo, qa'a qolaĝague joñe'me Jesucristo.

Efesios 6:19

Nach'e ena'am jayem auajelaĝañilegue, qaedi joñe'me Dios jayem yanem da'me 'yañaĝac da'me ja'aĝatetac da'me mach'e 'laqataĝanaĝac jo'ne ja di'yoq ca'li.

Colosenses 2:2

Jeloquitac qaedi 'uo da'me 'lañaĝa'j naa'me adai'lidi' nataq'aen qaedi a'nañaĝachiyec da'me noqopich'i jo'ne ami nalotapega't q'ae'n nataq'aen nejaqachiguilo da'me yataqatelegue netadenataĝanaĝac, qaedi auaqanachichi ta'le auatetoñi joda'me lelnataĝac ñe'me Dios jo'ne ja di'yoq joca'li, jo'ne nach'eñe ñe'me Cristo.

Romanos 16:25

'Noota qom 'ñonaĝataĝaye ñe'me Dios, jo'ne yaqanatet da'me ami t'añidañe q'ae'n. Nach'e naq'aeta da'me onaĝaic 'naqataĝanaĝac jo'ne ami ja'aĝatema nataq'aen da'me napaĝaguenataĝanaĝac jo'ne 'yaĝatetac ñe'me Jesucristo. Dojo' uaĝayet da'me jo'ne Dios yaloĝon, jo'ne ja yaloĝonapiye't, nach'eda qoyoĝochiñe chiyoqo'teguet joca'li maliaĝa qaya jena'me aleua.

Colosenses 4:3

Nach'e ena'am qo'mi auajelaĝañilo'te, qaedi ñe'me Jaliaĝanec 'youatedegue gaa'me qadadico da'me japaĝaguenataĝanaqatapec da'me 'naqataĝanaĝac nataq'aen jechoĝotaqatac da'me 'lonataĝanaĝac ñe'me Cristo, qa'a nach'eda jouaĝat da'me jayem qoyecoñe'.

Efesios 1:9

qama'le qo'mi yaloĝonalo jena'me jenjo' lelnataĝac jo'ne ja di'yoq ca'li yemta 'uo jena'me jenjo' aleua, ga'me jo'ne jetaque ya'uo 'me chiyaqayi da'me qoyalat ñe'me mach'e Liquiyac.

2 Corintios 12:6

Qa'ejo' da'me mach'e ñiyamaĝadetapela't ja naqaeda da'me nichiyoĝojoĝoc, qa'a ja'aĝatetac da'me eja 'me 'yoyaĝac. Qalaĝaja ja ja'uo da'me dojo' qa'a ja jetaque 'uo ga'me en lelnataĝac da'me ñapacapelegue da'me mach'e 'yoyaĝac uotaĝa da'me yojaĝac,

2 Corintios 11:23

¿Qo'li Cristo lalemaĝaje'te? Jayem nach'e ena'am, ñapacalo'te jogaa'me, mate mane'e da'me ñenaĝategue da'me dojo' ena'am ta'le jayem chiyoĝojeta't. Da'me 'yonataĝanaĝac napacalo'te jogaa'me, ñapacalo'te jogaa'me da'me nach'e eta't jayem qoyecoñe', ñapacalo'te jogaa'me da'me nach'e eta't jayem qoye'uaĝan, nataq'aen ñapacalo'te jogaa'me da'me nach'e eta't jayem qoyadetapelegue da'me jetaque jayem qoyalat.

Lucas 12:42

Ñe'me Jaliaĝanec 'yateguet: —Jega: ¿jach'e jogamaĝa ga'me namaĝajec da'me yataqata yepaquetelegue ga'me 'lonatac nataq'aen 'uo da'me yayaten, da'me uotaĝa ga'me ladipa yamaĝalegue qaedi yiqui'yaĝa'tape gaa'me ueteda'a ga'me 'lachaqa' nale yovita ga'me laloqo' da'me niqui'yaĝac?

Mateo 24:45

Yitaĝa ñe'me Jesús enaac: —Jega: ¿jach'e jogamaĝa ga'me namaĝajec da'me yataqata yepaquetelegue ga'me 'lonatac nataq'aen 'uo da'me yayaten, da'me uotaĝa ga'me ladipa yamaĝalegue qaedi yiqui'yaĝa'tape gaa'me ueteda'a ga'me 'lachaqa' nale yovita ga'me laloqo' da'me niqui'yaĝac?

1 Timoteo 3:16

Qaya'te noqoleguetaĝanaĝac da'me jenjo' 'lonataĝanaĝac jena'me jenjo' qadepe'e ladic jo'ne yataqata t'adaic nataq'aen onaĝaic: Cristo naequena ca'li qaedi yadenaĝat da'me qanejiyaĝauayaĝac, qalaĝaja onolec joñe'me da'me qoyen yataqata eja joñe'me Lepaqal, nataq'aen yema joga'me piyem laje' yauata ca'li. Qama'le qo'yaĝatema yema gaa'me jiyaĝadipi, nataq'aen jena'me aleua laje'pi 'yamaqaten da'me dojo', nataq'aen da'me joote qoyavije'ma di'me 'lachaqa' joñe'me Dios.

1 Timoteo 3:6

Nataq'aen ga'me jiyaĝaua jo'ne qoyen laje da'me Dios 'lonatac, 'noota qom ja yemta ya'uo da'me lepe'e, qaedi qaya'te 'uo ga'me 'yoĝodenaĝac nale jena'me jiyaĝadipi, qa'a qom en p'ajaye da'me ni'yoĝodela't, qama'le ja nomeguet da'me ja no'en, qama'le taue ga'me ne'uaĝanaguec, qa'a nach'e ena'am joca'li qoye'uaĝan ñe'me payac Satanás, yajouaĝat da'me mach'e li'yoĝodenataĝanaĝac.

2 Corintios 6:4

Yema ga'me jauoqo nale, jaloĝonaq queda'me qo'mi lamaĝa's ñe'me Dios, nataq'aen 'uo da'me qanapogaĝadenaĝac da'me yema ñeualaĝaenaĝaguet. Jalcote 'uo da'me qadachoĝodec nataq'aen jalcote gaa'me qadaqalaico choqodaa'me qadouenaĝanaĝaco. Joote qo'mi qoye'uaĝaneque jaga'me 'uaĝanaĝanaqate.

1 Corintios 4:13

Mate mane'e qo'mi qoyejoue'tape qalaĝaja jenaĝa onaĝayaqa naa'me qat'aqataqa nale ja'ataĝagueta jogaa'me. Chayovida'a nayi jenaqa'am ga'me qoyeguem nale 'me paĝachigui, ga'me jo'ne aleua laje'pi yajaĝade'ga nale ga'me p'aye.

1 Corintios 3:5

¿Toqoch'e qo'nonaĝachigui ñe'me Apolo? ¿Toqoch'e jayem qo'nonaĝachigui? Ch'e qo'mi lamaĝa's joñe'me Dios, jo'ne qo'mi auachiyoĝochiyayelo da'me male auep'iiya'a ñe'me Dios. Je'etaq ga'me 'nonatac jo'ne qo'mi yanema ñe'me Jaliaĝanec:

1 Corintios 2:7

Da'me nayatenaĝanaĝac jo'ne japaĝaguenataĝanaqatapec nach'eda Dios yaloĝon; ca'li maliaĝa ja ye'et jena'me aleua, ñe'me Dios jetaque ya'uo da'me qo'mi yachiteque joda'me 'lonaĝac joñe'me, qalaĝaja da'me jetaque ya'uo 'me 'yaeñi joca'li ja qoyaloĝon, qoyoĝochi'ñejopa joga'me jiyaĝadipi chayovida'a nayi.

Marcos 4:11

'Yategueta joñe'me: “Ami yaqaya'olqa, eja Dios ami yayatenaĝanaĝaneque da'me dojo', nataq'aen yatetonaĝanaĝaneque ga'me ja di'yoq mañaĝa jo'ne lejaliaĝa. Jogaa'me jo'ne p'adegue ch'e qoyen tauelo gaa'me naloqotenaĝanaĝaiqui' da'me qo'yaĝatema,

Mateo 13:11

Jesús 'yategueta jogaa'me: “Da'me ami qamqa'me Dios ami yatetonaĝaneque ga'me ja di'yoq jo'ne lajoĝoc da'me lejaliaĝa jodi'me piyem; qalaĝaja jogaa'me ja naq'aeta.

Lucas 8:10

Jesús 'yaĝatema jogaa'me: “Ami yaqaya'olqa, Dios ami yayatenaĝanaĝaneque da'me dojo' jo'ne ja di'yoq mañaĝa, jo'ne lejaliaĝa ñe'me Dios. Qalaĝaja, jogaa'me jiyaĝa'u laqaya' ch'e jauo'oe daa'me yaloqotenaĝanaĝaiqui' da'me jojapegue'to nataq'aen da'me ja'aĝatema qaedi: «Mate mane'e yec'ate'n qalaĝaja ja yauata, nataq'aen mate mane'e domachita qalaĝaja ja yayate'n.»

Lucas 1:2

ga'me eeta da'me jo'ne joote qo'mi yacauaqatenouelo jogaa'me Jesús lamaĝa's, nach'egaua jo'ne yataqachiñe yauachidigui ga'me 'yaĝatetedac nataq'aen queda'me ua'edi male qoyanema da'me 'nelopague'j da'me qaedi dapaĝaguenataĝatec da'me Dios 'laqataĝanaĝac.

Romanos 11:25

Ami yaqaya'olqa, jepaquetapega ta'le ami auayachiñe da'me yoequenataĝanaĝac 'me ja yaloĝonapiye't ñe'me Dios; qaedi ja a'naĝachitapela't ami yatenaĝanaĝayaqa; joga'me Israel c'oqo'tepi ja yemeda jogaa'me ta'le ja damite', ch'e lae jogaa'me, qalaĝaja jaldata qom ena'uaque yenoĝodeuo jogaa'me jo'ne ja Israel c'oqo'tepi.

1 Corintios 4:2

Qa'a ga'me jo'ne yaconeguet da'me 'nelopaguec, 'noota ta'le yaloĝon queda'me eja nalo'taguet da'me yataqachiñe ye'et joga'me.