1 Corintios 3:9 - Nuevo Testamento Toba Sombrero Negro

⁹ Qa'a jayem nataq'aen Apolo qo'mi necochaĝa'u da'me 'lonataĝanaĝac ñe'me Dios, qama'le da'me ami aueñiya'am ga'me lanaĝanaqa' ñe'me Dios, nach'e ena'am aueñiya'am ga'me emec 'me 'noĝojeguem ñe'me Dios.

Nuevo Testamento Toba Sur

⁹ Cha'ayi qomi' n'onataxanaxauapi da l'onataxanaxac ñi Dios. Qaq qami' 'ico' da qoñiÿa'am ca lanaxanqa' ñi Dios. Qami' nataq'en qoñiÿa'am ca noÿic mayi n'oxootapiguishiguem ñi Dios.

La'aqtaqa Ñim Lo'onatac 'Enauacna 2013

⁹ So Apolo qataq aỹem qomi' no'onataxanaxau' da lo'onataxanaxac Ñim Lo'onatac 'Enauacna. Qaq qami' qalaq qoñiỹa'am ca nanqa' na trigo, qaq Ñim Lo'onatac 'Enauacna qalaq nacheñi ñim lalamaxat; nataqa'en qoñiita'am ca nỹec maye maiche lo'oxonec Ñimaye.

1 Corintios 3:9 Referans Kwoze

1 Pedro 2:5

Nataq'aen da'me ami, ena'am ta'le ami qadi jo'ne nec'aletedaye, naqa'ami jo'ne 'lonataqa joñe'me Dios da'me 'noĝojeguem ga'me tamenaĝaiqui jo'ne ja 'nalegue, qaedi ami jo'ne ademii'teguet joñe'me Jesucristo male ami qoye'n letaĝayaĝanaĝanaqa ga'me jiyaĝadipi, da'me auajaqaedeuo joga'me najaqajecpi 'me ja di'yo't, nach'egaua jo'ne yataqata 'yamaqate'n joñe'me Dios.

2 Corintios 6:1

Da'me qo'mi male je'etaq ga'me 'lonatac ñe'me Dios; qo'che' ami ñachoĝodenaqatapecoto qaedi ena'te aualajaĝañiya yema da'me loqopich'i ñe'me Dios jo'ne ami yaloĝonalo.

1 Corintios 3:16

¿Qo'li ja auayachiñe queda'me aueñiya'am ga'me 'lemec ñe'me Dios nataq'aen da'me ami uetauelo ñe'me Lepaqal?

Marcos 16:20

Jogaa'me lapaĝaguenataqa male eque' ca'li qaedi 'yaĝatetedac da'me 'naqataĝanaĝac jo'ne onaĝaic yema joga'me jiyaĝadipi; nataq'aen joñe'me Jaliaĝanec lecochiyalo jogaa'me, nataq'aen yauo'oe jodaa'me nañoqotaĝanaĝaco jo'ne p'ajodaye, jo'ne yotaua'n da'me 'naqataĝanaĝac.

Mateo 9:37

Chane'eja yanema da'me 'laqatac jogaa'me mach'e lapaĝaguenataqa: —Ami yaqaya'olqa, yataqachiñe jalcote da'me qadaqataĝanaĝac, qalaĝaja ja lama'y gaa'me onataĝanaĝayaqa.

1 Corintios 3:6

ena'am ta'le je'uaelegue jaañi da'me dojo' 'naqataĝanaĝac ca'li, ua'edi novi' ñe'me Apolo qama'le yepetelegue jaga'me jala, qalaĝaja nach'eñe ñe'me Dios jo'ne ye'et ca'li da'me anichiquitajeguem.

Colosenses 2:7

'Noota qom gaa'me lepatadi' da'me at'oyaĝaqui yoqoteteda'aguet joñe'me, nataq'aen da'me adepi'i 'noota qom naqaloĝodije'ma joñe'me, naq'aeta da'me ami qoyapaĝagueneque ca'li, qama'le nach'e eta't auañem da'me adamaiqui joñe'me Dios.

Efesios 2:10

Da'me qo'mi mach'e qo'mi 'lonataqa joñe'me Dios, qama'le joqo'taqataguet joñe'me Jesucristo qaedi jauoqo'oe jogaa'me qat'onataqa jo'ne 'noote', nach'egaua jo'ne Dios joote yiyamaĝateta'ajalo qaedi je'etaqa'tape.

1 Corintios 6:19

¿Jeele ja auayachiñe queda'me adapachidiaĝaqui ena'am ta'le naqaega 'lachaqa' jo'ne netaue ñe'me Nepaqal 'me ja 'nalegue, nach'eda jo'ne ami yanema ñe'me Dios? Qama'le da'me ami ja naq'aeta ta'le adoqochidi' naa'me adapa'chidi',

Hechos 4:11

Joñe'me Jesús nach'eñe ena'am ta'le qa' jo'ne a'uotañi ca'li, da'me ami jo'ne onataĝanaĝayaqa, qalaĝaja male qoyen qa' 'me t'añiyapeguet ga'me emec.

3 Juan 1:8

Qo'che' 'noota qom jeloĝogueta jogaa'me da'me qo'mi, qaedi yecochaĝalo da'me dapaĝaguenataĝatec da'me jo'ne chimaqachiñe.

1 Timoteo 3:15

qaedi qom jayem copa'teguet, yataqata joote auayaten ga'me aua'uo nale ouauelo jogaa'me Dios lec'oqo'tepi, jo'ne nach'enaua c'oqo'tepi 'me 'nonaĝachidegue joñe'me Qanedios jo'ne ja pal, nataq'aen naqaenaua jo'ne neteleta nataq'aen de'uotalegue nale jena'me yataqata eja.

2 Corintios 6:16

Qo'mi mach'e 'lemec ñe'me Dios jo'ne nec'aletaye, nataq'aen ta'le Dios qo'mi uetauelo, qama'le ja jenaĝa qadeloĝot ga'me ch'e nequi'i. Qa'a mach'eñe ñe'me Dios enaac: “Jouetauelo jenjo' yalaqapi nataq'aen jequetauelo jogaa'me. Jayem Nedios qama'le yalaqapi qomle jogaa'me.”

Hebreos 3:6

Qalaĝaja ñe'me Cristo qamqa'me mach'e Dios Lec'oĝot jo'ne yataqachiñe yelolegue jena'me noic jo'ne Dios lec'oqo'tepi, qama'le nayi mach'e qo'mi jo'ne jouaqatoue jena'me noic, qom eja da'me 'ñañaĝataĝac da'me qadepe'e choqoda'me qadeuataqataĝanaĝac, nach'eda jo'ne chiyaqayi da'me yataqachiñe qo'mi made'tape.

Mateo 16:18

Qama'le am ja'aĝatem queda'me am Pedro ena'am ta'le am qa' let'adaic, qama'le nach'ena jenjo' qa' jo'ne jachiyoĝotetelegue qomle da'me 'ñoĝojeguem ga'me ñetamenaĝaiqui; nataq'aen yataqachiñe 'uo qomle da'me 'lañaĝac qaedi joda'me lañoqotaĝanaĝac da'me neleuaĝa ja yaqanatet ta'le nomat.

Mateo 15:13

Joñe'me 'yategueta: —Ena'uac ga'me nanapi jo'ne ja naqaeñe ñe'me Taĝadena' ta'le yaañi, chayovida'alo gaa'me patadi qonapodijeguem qomle.