1 Corintios 3:8 - Nuevo Testamento Toba Sombrero Negro

⁸ Ñe'me jo'ne danaĝan nach'e ena'am ga'me jo'ne depetaĝan, qama'le onolqa'tape yaconeguet ga'me qoyejetenec qomle qonaloqotenaĝateguet ga'me 'lonatac jo'ne ye'et.

Nuevo Testamento Toba Sur

⁸ Ca danaxaatac qataq ca decodaxaatac, caamayi 'eeta'a't, nai'ctaxa da ñi 'oonolec ÿaconguet da lashiichiÿaxac da l'onataxanaxac qom ishiiten ñi Dios.

La'aqtaqa Ñim Lo'onatac 'Enauacna 2013

⁸ Nache 'eeta'a't da la'amaqche'c cam ỹa'axattac da no'on na'axaỹaxac qataq cam dapaxaguenataxan. Ñi 'oonolec caamaye ỹaconeguet ca maiche lashiichiỹaxac ca lo'onataxanaxac.

1 Corintios 3:8 Referans Kwoze

Romanos 2:6

Qama'le onolqa'tape yejetenec ga'me jo'ne mach'e 'yetetac ca'li.

2 Juan 1:8

Chane'eja, 'noota qom achiya'agueta jogaa'me, qaedi ja am 'te yoqovi'n, qaedi ja ne'uela't da'me jo'ne chiyaqayi da'me qat'onataĝanaĝac, dite da'me yataqachiñe auacoñiyeguet ga'me onaĝaic jo'ne anejetenaguequi.

Mateo 16:27

Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

Apocalipsis 22:12

“Eja da'me jayem paja'a 'ñiyelaĝaquena, qama'le ñachetac ga'me nomataĝanaĝac jo'ne janema jogaa'me onolqa'tape gaa'me jiyaĝa'u, ga'me nalo'taita jogaa'me onolqa'tape jo'ne mach'e 'lonataqa.

1 Corintios 15:58

Chane'eja, ami yaqaya'olqa jo'ne jalcote joqopitalo, 'noota qom a'nañaĝachela't, ja ami 'te damichidiñe, nataq'aen nach'e eta't a'vichiye da'me 'lonatac ñe'me Jaliaĝanec, nataq'aen auayachiñe queda'me qom adaloi'ta't da'me a'uonataĝañiuo'o ñe'me Jaliaĝanec qama'le ja yijamaĝajaye.

1 Pedro 5:4

qaedi qom novitequena joñe'me jo'ne p'ajaye 'me 'nouatoqo't ena'uaque joga'me p'etaqadaiquipi, qama'le da'me ami male auacoñiyeguet jaga'me lomataĝanaqate jo'ne nach'e eta't 'uo da'me 'lonaĝa, nach'e eta't ja pal.

Hebreos 6:10

Qa'a ñe'me Dios nach'eñe jo'ne ja 'nalegue, qama'le ja yapalaĝate'ta da'me at'onataqadi' choqoda'me adoqopich'ii jo'ne joote aualoĝoñiya joñe'me, da'me alecochiiyapegalo jogaa'me adayii jo'ne yataqatelo'te adepi'iyaĝa'u, nach'eda da'me jo'ne maliaĝa a'vichetac.

Gálatas 6:4

Qama'le 'noota qom onolqa'tape nayatela't da'me mach'e lajoĝoc: qom 'noota qama'le mach'ega matac qa'a jouaĝa't gaa'me 'lonataqa, nataq'aen ja naloqoteneguet ga'me mach'e lajoĝo'j gaa'me laqaya'.

1 Corintios 3:14

Qa'a yema ga'me jiyaĝaua qom ja yaviyaĝat ga'me 'lonatac, qama'le yaconeguet qomle ga'me lajo'vi.

1 Corintios 3:9

Qa'a jayem nataq'aen Apolo qo'mi necochaĝa'u da'me 'lonataĝanaĝac ñe'me Dios, qama'le da'me ami aueñiya'am ga'me lanaĝanaqa' ñe'me Dios, nach'e ena'am aueñiya'am ga'me emec 'me 'noĝojeguem ñe'me Dios.

Apocalipsis 2:23

Qama'le nach'e ena'am jala't qomle jogaa'me jo'ne ueteda'ajop jañe'me, qaedi yema ga'me Dios lec'oqo'tepi male yayate'n da'me naqayem jo'ne jayaten chayovida'a ga'me p'auo joga'me jiyaĝaua laqaic nataq'aen joga'me lauel. Qama'le da'me ami, onolqa'tape janema ga'me nejetenaguec jo'ne nalo'tagueta jogaa'me 'lonataqa.

1 Corintios 3:7

Chane'eja ga'me yaañi da'me dojo' 'naqataĝanaĝac ja p'ajaye, nataq'aen ga'me yepetelegue ja p'ajaye. Dite ñe'me Dios nach'eñe p'ajaye, qa'a ñe'me ye'et qaedi yema nichiquetedajeguem.

1 Corintios 4:15

Qa'a nayi queda'me oquiyegue ñe'me Cristo male qayoĝode' gaa'me adajoĝola'chidi', qalaĝaja jaldata da'me 'uo ñe'me onolec jo'ne ena'am ta'le adet'ai. Ena'am ta'le naqayem da'me jayem adet'ai, qa'a nach'ayem ca'li ami ja'aĝatema da'me onaĝaic 'naqataĝanaĝac, chane'eja ami auep'iiya'a joñe'me Jesucristo.

1 Corintios 9:7

Qa'a qaya'te nalada't lo'o ta'le mach'ega nejetela't qom yec'ata ga'me nalataĝac, nataq'aen qaya'te naĝanaĝaic ta'le ja yalic ga'me jala joga'me lanec, nataq'aen qaya'te neteloqo'te jaga'me quetaĝapi ta'le ja niyomigui jaga'me lochi' jo'ne chiyaqayi jogaa'me.

Gálatas 6:5

Qa'a onolqa'tape mach'e laviyaĝajet da'me mach'e lajoĝoc qom dajoya'aguet ñe'me Dios.

Lucas 19:19

Nach'e ena'am 'yateguet jenjo': «Am anejaliaĝatelo'te nayi gaa'me cinco noyaqa.»