1 Corintios 3:5 - Nuevo Testamento Toba Sombrero Negro

⁵ ¿Toqoch'e qo'nonaĝachigui ñe'me Apolo? ¿Toqoch'e jayem qo'nonaĝachigui? Ch'e qo'mi lamaĝa's joñe'me Dios, jo'ne qo'mi auachiyoĝochiyayelo da'me male auep'iiya'a ñe'me Dios. Je'etaq ga'me 'nonatac jo'ne qo'mi yanema ñe'me Jaliaĝanec:

Nuevo Testamento Toba Sur

⁵ Cha'ayi ¿négue't aÿim Pablo? qataq ¿négue't ca Apolo? Qomi' chaqdata da qomi' lamaxa'shi ñi Dios, qomi' qauachigoqoichiguilo da huo'o mshi qami' qau'amaqchiñi so qadataxala' Jesús. Ñi 'oonolec da shinaqta i'ot ca l'onataxanaxac mayi ÿachaxaalec ñi qadataxala'.

La'aqtaqa Ñim Lo'onatac 'Enauacna 2013

⁵ Cha'aye ¿negue't aỹem Pablo? Qataq ¿negue't ca Apolo? Qomi' choche qomi' lamaxa'she Ñim Lo'onatac 'Enauacna, qomi' qauachegoqoichiguilo da huo'omshe qami' qaua'amaqchiñi So Qarataxala' Jesús. Ñi 'oonolec da shenaqta ỹo'ot ca lo'onataxanaxac maye ỹachaxaalec So Qarataxala'.

1 Corintios 3:5 Referans Kwoze

2 Corintios 6:4

Yema ga'me jauoqo nale, jaloĝonaq queda'me qo'mi lamaĝa's ñe'me Dios, nataq'aen 'uo da'me qanapogaĝadenaĝac da'me yema ñeualaĝaenaĝaguet. Jalcote 'uo da'me qadachoĝodec nataq'aen jalcote gaa'me qadaqalaico choqodaa'me qadouenaĝanaĝaco. Joote qo'mi qoye'uaĝaneque jaga'me 'uaĝanaĝanaqate.

2 Corintios 6:1

Da'me qo'mi male je'etaq ga'me 'lonatac ñe'me Dios; qo'che' ami ñachoĝodenaqatapecoto qaedi ena'te aualajaĝañiya yema da'me loqopich'i ñe'me Dios jo'ne ami yaloĝonalo.

1 Pedro 4:10

Nataq'aen joote auacoñiyegueta gaa'me leyalaqataĝanaĝaco joñe'me Dios, onolqa'tape da'me ami. Chane'eja 'noota qom a'uonataĝañiya qaedi yataqata alecochiiyalo gaa'me adaqayadi', qa'a yataqata auayachiñe da'me aueloyiye jena'me yodapecache jo'ne lichoĝodenataĝanaĝaco joñe'me Dios.

2 Corintios 3:6

Nayi Dios qo'mi yaqataĝata'ajalo da'me yiyamaĝateta'ajalo qaedi jaqanatetaq ta'le ja'aĝataqatac da'me dalaĝaic yamaĝataĝac jo'ne qo'mi yanema joñe'me. Dojo' dalaĝaic yamaĝataĝac ja chiyaqayilo gaa'me namaĝajoĝonaĝaco, dite ñe'me Lepaqal joñe'me Dios. Qa'a da'me namaĝajoĝonaĝaco yepoleguelegue da'me leleuaĝa ga'me jiyaĝaua loeco lo'o, qalaĝaja ñe'me Lepaqal ñe'me Dios qamqa'me yanegue da'me 'noyaĝac.

2 Corintios 11:23

¿Qo'li Cristo lalemaĝaje'te? Jayem nach'e ena'am, ñapacalo'te jogaa'me, mate mane'e da'me ñenaĝategue da'me dojo' ena'am ta'le jayem chiyoĝojeta't. Da'me 'yonataĝanaĝac napacalo'te jogaa'me, ñapacalo'te jogaa'me da'me nach'e eta't jayem qoyecoñe', ñapacalo'te jogaa'me da'me nach'e eta't jayem qoye'uaĝan, nataq'aen ñapacalo'te jogaa'me da'me nach'e eta't jayem qoyadetapelegue da'me jetaque jayem qoyalat.

2 Corintios 4:7

Ca'li Dios qo'mi yanema da'me onaĝaic 'naqataĝanaĝac, nach'eda neuoyaĝac onaĝaic jo'ne uetaue da'me qat'oyaĝac, jenaqa'am jaga'me taĝaiqui 'me ch'e aleua, qaedi yaloĝon da'me dojo' nañoqotaĝanaĝac jo'ne chiyaqayi ñe'me Dios, qama'le ja naqaqo'mi ta'le mach'e chiyaqayilo queda'me ja qo'mi 'te t'añi'y.

2 Corintios 4:5

Nale japaĝaguenataĝanaq ja mach'e qo'mi ñapaĝaguenaqatapela't. Ja naq'aeta, dite da'me ja'aĝataqatac queda'me Jesucristo mach'e Qadejaliaĝanec, nataq'aen naqaqo'mi ami ñechataqata'ñijopa da'me ami yecochaĝalo, qa'a qolaĝague joñe'me Jesucristo.

2 Corintios 3:3

Cristo nach'eñe yediñe; yem qama'le qo'mi janaĝaye. Da'me onaĝaic liyamaĝac da'me at'oyaĝaqui 'me Cristo ami yanema, nach'eda ami yec'ateneque jogaa'me da'me yauata. Male ja qoyedelegue ga'me qa' dite naa'me qadai'li, uotaĝa jaga'me nedaĝanaqate jo'ne 'uo ga'me li'i, dite ñe'me Lepaqal ñe'me Dios jo'ne nec'aletaye.

1 Corintios 3:10

Dios jayem 'yetem da'me qaedi jaloĝonataĝalegue da'me 'netaguec ga'me emec da'me qo'noĝojeguem, chane'eja je'et jaga'me lamo; qama'le nayi 'uo ga'me jiyaĝaua laqaya jo'ne 'noĝodijeguem gaa'me lael ga'me emec. Qalaĝaja 'noota qom onolqa'tape netela' ga'me mach'e 'yetetac qaedi yataqachiñe 'noota ga'me 'noĝojeguem.

1 Corintios 12:28

Qama'le Dios yanema onolqa'tape ga'me mach'e 'lonataĝanaĝa'j q'ae'n: 'uaeñe uo'oe gaa'me yanema da'me qaedi namaĝa's, laqaya' yanema da'me qaedi aqataĝanaĝayaqa, laqaya' yanema da'me qaedi paĝaguenataĝanaĝayaqa, laqaya' yanema da'me lañoqotaĝanaĝa'j qaedi yaloĝo'n ga'me ja qoyauanapega, laqaya' yanema da'me lañoqotaĝanaĝa'j qaedi yemedegue q'ae'n joga'me leuaĝayaqa, laqaya' qoyayatenaĝaneque da'me qaedi lecochiyalo jogaa'me jo'ne 'uo da'me louenaĝanaĝa'j, laqaya' qoyanema da'me qaedi dauegaqataĝana'ape, uo'oe gaa'me qoyanema da'me qaedi yadenaĝa't da'me 'naqataqa laqaya'.

1 Corintios 9:17

Qom da'me dojo' je'et chiyaqayi da'me mach'e yelnataĝac, chane'eja 'uo ga'me ñejetenaguec; qalaĝaja eja queda'me ja naq'aeta da'me yelnataĝac joca'li, qama'le je'et qa'a Dios jayem 'yelopec.

1 Corintios 3:7

Chane'eja ga'me yaañi da'me dojo' 'naqataĝanaĝac ja p'ajaye, nataq'aen ga'me yepetelegue ja p'ajaye. Dite ñe'me Dios nach'eñe p'ajaye, qa'a ñe'me ye'et qaedi yema nichiquetedajeguem.

Juan 3:27

Juan male 'yategueta jogaa'me: —Qaya'te ta'le 'uo ga'me ua'ajop joga'me jiyaĝaua qom ja Dios ya'uo ga'me yanem.

Lucas 1:2

ga'me eeta da'me jo'ne joote qo'mi yacauaqatenouelo jogaa'me Jesús lamaĝa's, nach'egaua jo'ne yataqachiñe yauachidigui ga'me 'yaĝatetedac nataq'aen queda'me ua'edi male qoyanema da'me 'nelopague'j da'me qaedi dapaĝaguenataĝatec da'me Dios 'laqataĝanaĝac.

Mateo 25:15

Ga'me 'uaeñe yanem cinco nemena jo'ne talentos, ga'me laqaya dojole ga'me yanema nataq'aen laqaya yanem jaga'me onole, onolqa'tape qoyen naloqote'teguet ga'me mach'e nalo'taguet. Yem qama'le dajoyi ga'me qaya'ague.

Colosenses 1:25

Dios jayem 'yetec da'me qaedi jayem lecochoqo't ga'me p'etaqadaiquipi, qama'le jayem 'yelopec da'me adiyamaqai'tem, qaedi ja'aĝatetac da'me mach'e 'laqataĝanaĝac.

Efesios 3:7

Dios yataqata onaĝaic da'me loec da'me yataqata jayem yichoĝoden, qama'le jayem yachetajop joda'me lañoqotaĝanaĝac, qaedi male jaqanatet ta'le ja'aĝa'tape jogaa'me 'laqataqa.

Hechos 18:24

Jaa'me jaajo' noloqo'ote yovita di'me Éfeso ñe'me judío lenaĝat Apolo, jo'ne 'lachaqa' di'me noic let'adaic lenaĝat Alejandría, jo'ne yataqachiñe yayataĝade'teguelo nataq'aen yataqachiñe yayate'n daa'me 'uaediñe nedii's joca'li.

Hechos 19:1

Mane'e ca'li cha'li ue'ta di'me Corinto ñe'me Apolo, Pablo talegue ga'me aleua jo'ne uo'oe gaa'me qajoĝona'a qama'le yovita di'me Éfeso, ua'a da'me yauanalo gaa'me qayoĝode' jo'ne p'etaqadayaqa.

Romanos 15:16

Da'me jo'onataĝaneuo'o ñe'me Cristo Jesús qaedi 'uo da'me liyamaĝa'j ena'uaque jogaa'me jo'ne ja judiopi. Ja'aĝatetac da'me onaĝaic 'naqataĝanaĝac 'me chiyaqayi ñe'me Dios, qaedi ga'me ja judiopi nach'egaua ñe'me Dios Lepaqal ja 'nalo'te q'ae'n qama'le jano't ñe'me Dios, ena'am ga'me najaqajec nale qoyigoue 'me jama ga'me laeta.

1 Corintios 3:22

Uotaĝa jayem, uotaĝa Apolo, uotaĝa Pedro, uotaĝa jena'me aleua, uotaĝa da'me nec'alaĝa, uotaĝa da'me neleuaĝa, uotaĝa ga'me jo'ne 'uo nayi, uotaĝa ga'me jo'ne 'uo qom'te: ena'uaque naa'me naajo' mach'e adoqochidi'.

1 Corintios 16:12

Ñe'me qadaqaya Apolo jalcote ñachoĝodetapecot qaedi equeguelo jogaa'me qadaqaya'olqa da'me ami dejapichiyalo, qalaĝaja nayi cha'li ja yaqanatet ta'le ec; ya'uo da'me dojo' qom 'uo ga'me ledaqa'.

2 Corintios 4:1

Qo'che' ja qadoual, qa'a ñe'me Dios jo'ne choĝodenataĝanaĝaic qo'mi 'yelopeque jenjo' 'nonatac.

2 Corintios 5:18

Yema da'me dojo' chiyoĝoguet ñe'me Dios; joca'li ena'am ta'le qadauteua ñe'me Dios, qalaĝaja nayi Cristo qo'mi yovidaĝateda'a da'me ena'am ta'le ñaigaqatapegue' ñe'me Dios. Nataq'aen qo'mi yanema da'me dojo' qat'onataĝanaĝac qaedi ga'me jiyaĝadipi qoye'n naequetedapegue' joñe'me.

Colosenses 1:23

Qom yataqachiñe ami ejoda da'me a'nañaĝachela't da'me ami t'añidañe q'ae'n joda'me adepi'i, 'noota qom ja auaĝañiyegue da'me adeuataqataĝanaĝaqui jo'ne chiyaqayi da'me onaĝaic 'naqataĝanaĝac ca'li yemta auomachiiya. Nach'eda da'me 'naqataĝanaĝac jo'ne joote qoyapaĝagueneque ena'uaque jogaa'me noyaqa jo'ne neda'ña jena'me aleua, nataq'aen jo'ne ja'aĝatetac da'me jayem nale japaĝaguenataĝan.

1 Timoteo 1:12

Nach'e eta't janem da'me yamaic ñe'me Cristo Jesús mach'e Qadejaliaĝanec jo'ne nach'e eta't ya'uo 'yañaĝac, qa'a jouaĝat queda'me yataqata eja en jayem lamaĝajec, nataq'aen ya'uo di'me en 'yonatac jo'ne onaĝaic,